16/11/2025
សន្និសីទគ្រូបង្រៀនថ្នាក់ជាតិឆ្នាំ២០២៥
ក្រោមប្រធានបទ "គ្រូបង្រៀនជាបេះដូងនៃកំណែទម្រង់វិស័យអប់រំ៖
ការស្រាវជ្រាវ គោលនយោបាយ និងកាបើ្រប្រាស់ បច្ចេកវិទ្យាទំនើប និងបញ្ញាសិប្បនិម្មិតប្រកបដោយក្រមសីលធម៌" ចាប់ពីថ្ងៃទី១៧-១៨ ខែវិច្ឆិកា ឆ្នាំ២០២៥
ក្រសួងអប់រំ យុវជន និងកីឡា សហការជាមួយអង្គការយូណេស្កូ តាមរយៈកម្មវិធីពង្រឹងការអប់រំគ្រូបង្រៀននៅកម្ពុជា (GPE5/STEPCam Phase II) ដែលផ្តល់ហិរញ្ញប្បទានដោយភាពជាដៃគូសកលសម្រាប់ការអប់រំ (GPE) នឹងរៀបចំ សន្និសីទគ្រូបង្រៀនថ្នាក់ជាតិរយៈពេលពីរថ្ងៃ ចាប់ពីថ្ងៃទីថ្ងៃទី១៧-១៨ ខែវិច្ឆិកា ឆ្នាំ២០២៥ នៅសណ្ឋាគារកាំបូឌីយ៉ាណា (Cambodiana Hotel) រាជធានីភ្នំពេញ ឬចូលរួមអនឡាញតាមរយៈគេហទំព័រ Facebook ផ្លូវការក្រសួងអប់រំ យុវជន និងកីឡា MoEYS Cambodia
ប្រធានបទសំខាន់ៗនៃកម្មវិធី៖
១-ការអនុវត្តប្រកបដោយការច្នៃប្រឌិត
២-ការអភិវឌ្ឍវិជ្ជាជីវៈគ្រូបង្រៀន
៣-ការអប់រំឌីជីថល
៤-គោលនយោបាយ និងការអនុវត្ត
៥-ស្ថានភាពនិងវិជ្ជាជីវៈគ្រូបង្រៀន
៦-ការប្រើប្រាស់បញ្ញាសិប្បនិមិត្ត និងបច្ចេកវិទ្យា ប្រកបដោយក្រមសីលធម៌
៧-ការសិក្សាបែបចម្រុះ
៨-ការបង្កើនលទ្ធភាពទទួលបានការអប់រំប្រកបដោយបរិយាបន្ន និងសមធម៌បន្ថែមទៀត
៩-ការអភិវឌ្ឍ និងការអប់រំប្រកបដោយចីរភាព
១០-ការចូលរួមរបស់សហគមន៍ និងមាតាបិតា
១១-ភាពជាអ្នកដឹកនាំ និងអភិបាលកិច្ចក្នុងការអប់រំ
១២-និរន្តរភាពហិរញ្ញវត្ថុ និងការបែងចែកធនធាន
១៣-ការសិក្សាពេញមួយជីវិត និងការអភិវឌ្ឍបំណិន។
គោលបំណង៖
-លើកកម្ពស់ឧត្តមានុវត្តន៍៖ ចែករំលែក និងពិភាក្សាអំពីឧត្តមានុវត្តន៍នៃយុទ្ធសាស្រ្ត និងវិធីសាស្រ្តបង្រៀន ដែលមានប្រសិទ្ធភាពក្នុងការលើកកម្ពស់ការសិក្សារបស់សិស្ស
-ផ្សារភ្ជាប់ការស្រាវជ្រាវទៅនឹងការអនុវត្ត៖ ផ្សារភ្ជាប់ការស្រាវជ្រាវអប់រំ និងការអនុវត្តក្នុងថ្នាក់តាមរយៈការធ្វើ បទបង្ហាញអំពីការសិក្សាថ្មីៗ និងផលជះជាក់ស្តែង
-ការអប់រំឌីជីថល៖ បង្ហាញការរួមបញ្ចូលឧបករណ៍ និងធនធានឌីជីថលទៅក្នុងការបង្រៀននិងរៀន ដើម្បីបង្កើន ការចូលរួម និងលើកកម្ពស់លទ្ធផលសិក្សារបស់សិស្ស
-គំនិតផ្តួចផ្តើមសហការរួមគ្នា៖ ផ្តល់នូវវេទិកាសម្រាប់ការចែករំលែកលទ្ធផលស្រាវជ្រាវរួមគ្នា ដំណើរការរៀបចំ គោលនយោបាយ ទស្សនវិស័យសាលារៀន និងការបង្រៀនក្នុងការកែទម្រង់សាលារៀន
-ស្ថានភាពនិងវិជ្ជាជីវៈគ្រូបង្រៀន៖ បញ្ជាក់ និងស្វែងរកយុទ្ធសាស្ត្រកែលម្អគុណវុឌ្ឍិរបស់គ្រូបង្រៀន ការគាំទ្រជាប្រព័ន្ធពេញមួយអាជីព ការពង្រាយគ្រូបង្រៀន និងលក្ខខណ្ឌការងារដូចដែលបានស្នើនៅក្នុងរបាយការណ៍ គ្រូបង្រៀនសកលរបស់អង្គការយូណេស្កូ។
-លើកកម្ពស់ឧត្តមានុវត្តន៍៖ ចែករំលែក និងពិភាក្សាអំពីឧត្តមានុវត្តន៍នៃយុទ្ធសាស្រ្ត និងវិធីសាស្រ្តបង្រៀន ដែលមានប្រសិទ្ធភាពក្នុងការលើកកម្ពស់ការសិក្សារបស់សិស្ស
-ផ្សារភ្ជាប់ការស្រាវជ្រាវទៅនឹងការអនុវត្ត៖ ផ្សារភ្ជាប់ការស្រាវជ្រាវអប់រំ និងការអនុវត្តក្នុងថ្នាក់តាមរយៈការធ្វើ បទបង្ហាញអំពីការសិក្សាថ្មីៗ និងផលជះជាក់ស្តែង
-ការអប់រំឌីជីថល៖ បង្ហាញការរួមបញ្ចូលឧបករណ៍ និងធនធានឌីជីថលទៅក្នុងការបង្រៀននិងរៀន ដើម្បីបង្កើន ការចូលរួម និងលើកកម្ពស់លទ្ធផលសិក្សារបស់សិស្ស
-គំនិតផ្តួចផ្តើមសហការរួមគ្នា៖ ផ្តល់នូវវេទិកាសម្រាប់ការចែករំលែកលទ្ធផលស្រាវជ្រាវរួមគ្នា ដំណើរការរៀបចំ គោលនយោបាយ ទស្សនវិស័យសាលារៀន និងការបង្រៀនក្នុងការកែទម្រង់សាលារៀន
-ស្ថានភាពនិងវិជ្ជាជីវៈគ្រូបង្រៀន៖ បញ្ជាក់ និងស្វែងរកយុទ្ធសាស្ត្រកែលម្អគុណវុឌ្ឍិរបស់គ្រូបង្រៀន ការគាំទ្រជាប្រព័ន្ធពេញមួយអាជីព ការពង្រាយគ្រូបង្រៀន និងលក្ខខណ្ឌការងារដូចដែលបានស្នើនៅក្នុងរបាយការណ៍ គ្រូបង្រៀនសកលរបស់អង្គការយូណេស្កូ។
អ្នកចូលរួម៖
•អ្នកចូលរួមចំនួន ២០០នាក់ នឹងចូលរួមដោយផ្ទាល់ និងអ្នកចូលរួមចំនួន ៣០០-៥០០នាក់ ផ្សេងទៀតនឹងចូលរួមតាមប្រព័ន្ធអនឡាញ។
