University of Health Sciences

ឯកឧត្តមសាស្រ្តាចារ្យ សាផុន វឌ្ឍនៈ ដឹកនាំកិច្ចប្រជុំនៃសាកលវិទ្យាល័យវិទ្យាសាស្រ្តសុខាភិបាល ប្រចាំខែកក្កដា ឆ្នាំ២០២៦
......
ទីតាំងទី១ ស.វ.ស.៖ ថ្ងៃទី ៧ ខែសីហា ឆ្នាំ២០២៦, ឯកឧត្តមសាស្រ្តាចារ្យ សាផុន វឌ្ឍនៈ ទីប្រឹក្សាក្រសួងសុខាភិបាល និងជាសាកលវិទ្យាធិការនៃសាកលវិទ្យាល័យវិទ្យាសាស្រ្តសុខាភិបាល (ស.វ.ស.) បានដឹកនាំកិច្ចប្រជុំប្រចាំខែកក្កដា ឆ្នាំ២០២៦ នៃសាកលវិទ្យាល័យវិទ្យាសាស្រ្តសុខាភិបាល ដោយមានការចូលរួមដោយផ្ទាល់ពីសំណាក់ឯកឧត្តមសាស្រ្តាចារ្យ លោក លោកស្រីសាស្រ្តាចារ្យជាសាកលវិទ្យាធិការរង ព្រឹទ្ធបុរស ព្រឹទ្ធបុរសរងនាយករង និងថ្នាក់ដឹកនាំក្រោមឱវាទនៅតាមការិយាល័យ និងអង្គភាពចំណុះមហាវិទ្យាល័យ មន្ទីរពេទ្យ មជ្ឈមណ្ឌល និងអង្គភាពកិច្ចការទូទៅ នៃសាកលវិទ្យាល័យវិទ្យាសាស្រ្តសុខាភិបាល ចំនួន ៤៦ នាក់។

ឯកឧត្តមសាស្រ្តាចារ្យសាកលវិទ្យាធិការ បានផ្សព្វផ្សាយអនុសាសន៍ណែនាំរបស់ឯកឧត្តមសាស្រ្តាចារ្យ ឈាង រ៉ា រដ្ឋមន្រ្តីក្រសួងសុខាភិបាល និងបានណែនាំឱ្យពង្រឹងការងាររដ្ឋបាល នៅស.វ.ស. ឱ្យមានប្រសិទ្ធភាព និងបានណែនាំឱ្យមន្រ្តីរាជការ បុគ្គលិកទាំងអស់ ត្រូវអនុវត្តការងារ ដោយយកចិត្តទុកដាក់ខ្ពស់ និងអនុវត្តការងារដោយការទទួលខុសត្រូវ ប្រកបដោយនវានុវត្តន៍។

នាឱកាសនេះ មហាវិទ្យាល័យ អង្គភាព និងការិយាល័យនីមួយៗ បានរាយការណ៍អំពីដំណើរការ ភាពប្រឈម និងដំណោះស្រាយ នៅក្នុងដំណើរការអនុវត្តការងារតាមរចនាសម្ព័ន្ធថ្មី របស់ស.វ.ស.៕

សេចក្តីជូនដំណឹង ស្តីពី ការទទួលឯកសារ CONVENTION D'ACCUEIL ដើម្បីស្នើសុំចុះហត្ថលេខា និងស្នើសុំលិខិតអនុញ្ញាតកម្មសិក្សា វគ្គ DFMS/DFMSA សម្រាប់ឆ្នាំសិក្សា ២០២៦-២០២៧

សាកលវិទ្យាល័យវិទ្យាសាស្រ្តសុខាភិបាល​បានចូលរួម​ក្នុង​កម្មវិធី The 3rd IUHW International Symposium ស្តីពីការបណ្តុះបណ្តាលវិស័យ​សុខាភិបាលនៅសាកលវិទ្យាល័យ​ International University of Health and Welfare ប្រទេសជប៉ុន​

—————-

ចាប់ពីថ្ងៃចន្ទ ៥រោច ដល់ថ្ងៃអង្គារ​ ៦រោច ខែទុតិយាសាឍ ឆ្នាំមមី អដ្ឋស័ក ព.ស២៥៧០ ត្រូវនឹងថ្ងៃទី៣ ដល់ថ្ងៃទី៤ ខែសីហា​ ឆ្នាំ២០២៦ ដោយមានការអនុញ្ញា​តដ៏ខ្ពស់ខ្ពស់​ពីឯកឧត្តម​សាស្រ្តាចារ្យ ឈាង រ៉ា រដ្ឋមន្រ្តីក្រសួងសុខាភិបាល ថ្នាក់ដឹកនាំសាកលវិទ្យាល័យវិទ្យាសាស្រ្តសុខាភិបាល​ដឹកនាំដោយឯកឧត្តម​សាស្រ្តាចារ្យ សាផុន វឌ្ឍនៈ ទីប្រឹក្សាក្រសួងសុខាភិបាល និង​ជាសាកលវិទ្យាធិការនៃសាកលវិទ្យាល័យវិទ្យាសាស្រ្តសុខាភិបាល​បានចូលរួម​ក្នុងកម្មវិធីThe 3rd IUHW International Symposium ស្តីពីការបណ្តុះបណ្តាល​វិស័យសុខាភិបាលនៅសាកលវិទ្យាល័យ​ International University of Health and Welfare ប្រទេសជប៉ុន​។

ក្នុងកម្មវិធីលើកទី៣នេះ មានថ្នាក់ដឹកនាំ និងអ្នកជំនាញដែលពាក់ព័ន្ធនឹងការបណ្តុះបណ្តាល​វិស័យសុខាភិបាល និងប្រព័ន្ធសុខាភិបាល​សរុបចំនួន​៥២ នាក់ ដែលអញ្ជើញពីប្រទេស​ចំនួន​១២ ប្រទេស​បានចូលរួមជាមួយថ្នាក់ដឹកនាំ និង​អ្នកជំនាញនៃសាកលវិទ្យាល័យInternational University of Health and Welfare ប្រទេសជប៉ុន។ ក្រៅពីដំណើរទស្សនកិច្ចផ្ទាល់នៅមជ្ឈមណ្ឌលបង្ហាញត្រាប់ មន្តីរពេទ្យ និងមជ្ឈមណ្ឌលនានានៃសាកលវិទ្យាល័យIUHW កិច្ចប្រជុំ និង​ការពិភាក្សាតុមូល​បានសង្កត់ធ្ងន់​លើប្រធានបទជាច្រើន​ដូចជា៖ ប្រព័ន្ធបណ្តុះបណ្តាល​ថ្នាក់ក្រោយបរិញ្ញាបត្រ​ក្នុងវិស័យសុខាភិបាល​នៃប្រទេសចូលរួមនិងជប៉ុន ការពិភាក្សាតុមូលពាក់ព័ន្ធនឹង​អនាគតនៃប្រព័ន្ធបណ្តុះបណ្តាល​ក្រោយបរិញ្ញាបត្រក្នុងវិស័យសុខាភិបាលដើម្បីទទួលបាន​មូលធនមនុស្សស្របនឹងតម្រូវការអនាគត បទពិសោធន៍ និង​ការឆ្លុះបញ្ចាំងពាក់ព័ន្ធ​នឹងការគ្របដណ្តប់សុខភាពជាសាកលនៃប្រទេសជប៉ុន គោលនយោបាយបណ្តុះបណ្តាល​វិស័យសុខាភិបាលប្រទេសជប៉ុន នវានុវត្តន៍វេជ្ជសាស្រ្ត និង​ការគ្របដណ្តប់សុខភាពជាសាកលសម្រាប់​វិស័យឱសថសាស្រ្តដើម្បីលើកកម្ពស់​ការទទួលយកបានឱសថកាន់តែប្រសើរ ការពិភាក្សាតុមូលស្តីពីប្រព័ន្ធ​សុខាភិបាល​នៃប្រទេសនីមួយៗដើម្បីឆ្ពោះទៅរក​ការគ្របដណ្តប់សុខភាពជាសាកល។ ក្រៅពីការចែករំលែកបទពិសោធន៍ល្អដែលពាក់ព័ន្ធនឹងប្រធានបទ ថ្នាក់ដឹកនាំ និងអ្នកជំនាញដែលអញ្ជើញពីប្រទេសទាំង១៣ បានចូលរួមពង្រឹង​កិច្ចសហប្រតិបត្តិនានាដើម្បីជាប្រយោជន៍ទៅវិញទៅមកផងដែរ។

ឆ្លៀតឱកាសក្នុង​កិច្ចប្រជុំនេះ ឯកឧត្តម​សាស្រ្តាចារ្យសាកលវិទ្យាធិការ និងប្រតិភូបានជួបប្រជុំជាមួយនិស្សិត​កម្ពុជា​មកពីសាកលវិទ្យាល័យវិទ្យាសាស្រ្តសុខាភិបាល​ដែលបានទទួលអាហារូបករណ៍កំពុងសិក្សា​ថ្នាក់​វេជ្ជបណ្ឌិតទូទៅនៅសាកលវិទ្យាល័យInternational University of Health and Welfare ប្រទេសជប៉ុនដើម្បីស្វែងយល់អំពីបច្ចុប្បន្នភាពនានា​ដែលពាក់ព័ន្ធនឹង​ការសិក្សា ព្រមទាំង​អនាគតនៃការងារបណ្តុះបណ្តាល​ និង​មន្ទីរពេទ្យសាកលវិទ្យាល័យស.វ.សផងដែរ។

សូមជម្រាបជូនថា មកដល់ពេលនេះ មាននិស្សិតស.វ.ស​កម្ពុជាដែលបានទទួលអាហារូបករណ៍ពីសាកលវិទ្យាល័យ IUHW មកសិក្សាថ្នាក់វេជ្ជបណ្ឌិតទូទៅនៅប្រទេសជប៉ុនសរុបចំនួន​២០ នាក់។ ក្នុងចំណោម​និស្សិត​២០នាក់នេះ មកដល់ពេលនេះនិស្សិតស.វ.សចំនួន​​៣ នាក់បានបញ្ចប់​ការសិក្សាដោយជោគជ័យ និងបានប្រឡងជាប់បានទទួល​Medical License ពីប្រទសជប៉ុនផងដែរ។ សាកលវិទ្យាល័យវិទ្យាសាស្រ្តសុខភិបាល​សូមថ្លែងអំណរគុណចំពោះសាកលវិទ្យាល័យ IUHW ដែលមាន​​លោកសាស្រ្តាចារ្យ Kuninori TAKAGI ជានាយកសាកលវិទ្យាល័យ IUHW និងលោកសាស្រ្តាចារ្យ Yasuhiro SUZUKI ជាប្រធានសាកលវិទ្យាល័យ IUHW ដែលតែងតែគាំទ្រ​ និងលើកកម្ពស់កិច្ចសហប្រតិការណ៍កាន់តែជិតស្និទ្ធជាមួយសាកលវិទ្យាល័យវិទ្យាសាស្រ្តសុខាភិបាល។

ស.ប.ថ.វ៖ លទ្ធផលប្រឡងថ្នាក់និស្សិតបរិញ្ញាបត្ររងឆ្មប ឆ្នាំទី២ ជំនាន់ទី១៦ ឆ្នាំសិក្សា ២០២៤-២០២៥

ឯកឧត្តមសាស្រ្តាចារ្យ ឈាង រ៉ា រដ្ឋមន្រ្តីក្រសួងសុខាភិបាល និងថ្នាក់ដឹកនាំ មន្រ្តីរាជការ បុគ្គលិកសុខាភិបាល ផ្ញើសារលិខិតគោរពជូនពរ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាប្រធានក្រុមឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា ក្នុងឱកាសនៃពិធីចម្រេីនជន្មាយុគម្រប់​ ៧៤ឆ្នាំ​ ឈានចូល​ ៧៥ឆ្នាំ