University of Health Sciences

សេចក្តីជូនដំណឹង ស្តីពីការអញ្ជើញចូលរួមដេញថ្លៃការផលិត និងបោះពុម្ព ឆ្នាំ២០២៦

គ្រូដឹកនាំ និងនិស្សិតសាកលវិទ្យាល័យវិទ្យាសាស្រ្តសុខាភិបាល សមាជិក ក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុនម៉ានី ប្រចាំសាកលវិទ្យាល័យវិទ្យាសាស្រ្តសុខាភិបាលបានចូលរួមពិនិត្យសុខភាព ដោយមិនគិតកម្រៃជូនបងប្អូនប្រជាពលរដ្ឋ នៅស្រុកភ្នំស្រួច ខេត្តកំពង់ស្ពឺ ។
———————-
ថ្ងៃអាទិត្យ ៧រោច ខែជេស្ឋ ឆ្នាំមមី អដ្ឋស័ក ពុទ្ធសករាជ២៥៧០ ត្រូវនឹងថ្ងៃទី៧ ខែមិថុនាឆ្នាំ២០២៦ គ្រូដឹកនាំ និងនិស្សិតសាកលវិទ្យាល័យវិទ្យាសាស្រ្តសុខាភិបាល សមាជិក ក្រុមការងារគ្រូពេទ្យស្ម័គ្រចិត្តឯកឧត្តម ហ៊ុនម៉ានី ប្រចាំសាកលវិទ្យាល័យវិទ្យាសាស្រ្តសុខាភិបាលសរុបចំនួន ២៨៨នាក់ ដឹកនាំដោយលោកវេជ្ជបណ្ឌិត ឡេង វេងសែ សាកលវិទ្យាធិការរង តំណាងឯកឧត្តមសាស្រ្តាចារ្យ សាផុន វឌ្ឍនៈ ទីប្រឹក្សាក្រសួងសុខាភិបាល និងជាសាកលវិទ្យាធិការនៃសាកលវិទ្យាល័យវិទ្យាសាស្រ្តសុខាភិបាល បានចូលរួមជាមួយក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី ថ្នាក់កណ្តាល ថ្នាក់ខេត្តកំពង់ស្ពឺ និង មកពីខេត្តផ្សេងទៀតសរុបចំនួន៨៣៧នាក់ ក្នុងការផ្តល់ការអប់រំសុខភាព វគ្គសង្គ្រោះបឋម និងពិនិត្យសុខភាពដោយមិនគិតកម្រៃ ជូនបងប្អូនប្រជាពលរដ្ឋនៅស្រុកភ្នំស្រួចខេត្តកំពង់ស្ពឺ នៅវិទ្យាល័យហ៊ុន សែនភ្នំស្រួចឃុំតាំងស្បាស្រុកភ្នំស្រួចខេត្តកំពង់ស្ពឺ។

កម្មវិធីនេះបានប្រព្រឹត្តទៅក្រោមអធិបតីភាពឯកឧត្តម សួស គង់ ប្រធានក្រុមការងាររាជរដ្ឋាភិបាល ចុះជួយស្រុកភ្នំស្រួច ខេត្តកំពង់ស្ពឺ តំណាងឯកឧត្តម បណ្ឌិត ជាម ច័ន្ទសោភ័ណ អភិបាលខេត្តកំពង់ស្ពឺ ។

ក្នុងកម្មវិធីខាងលើនេះ ក្រុមការងារគ្រូពេទ្យស្ម័គ្រចិត្តឯកឧត្តម ហ៊ុនម៉ានីបាន ផ្តល់សេវា ប្រកបដោយការទទួលខុសត្រូវ និងក្រមសីលធម៌វិជ្ជាជីវៈជូនបងប្អូនប្រជាពលរដ្ឋ ចំនួន១៥៦៦៩ នាក់ (ស្រ្តីចំនួន១០៧១៨នាក់) ប្រកបដោយទឹកចិត្តសប្បុរសធម៌។

និស្សិតសាកលវិទ្យាល័យវិទ្យាសាស្រ្តសុខាភិបាល​បានចូលរួមពិធីបើកការប្រកួតបាល់ទាត់ពានរង្វាន់ Soccer league​ឆ្នាំ២០២៦

———————

ថ្ងៃសៅរ៍ ៦រោច ខែជេស្ឋ ឆ្នាំមមី អដ្ឋស័ក ព.ស២៥៧០ ត្រូវនឹងថ្ងៃទី៦ ខែមិថុនា ឆ្នាំ២០២៦ និស្សិត​សាកលវិទ្យាល័យវិទ្យាសាស្រ្តសុខាភិបាល​ជាសមាជិកក្រុមការងារយុវជនសសយកសរុបចំនួន​៤០ នាក់ (ស្រ្តីចំនួន​២៤ នាក់) បានចូលរួមប្រកបដោយក្តីសប្បាយរីករាយក្នុងពិធីបើកការប្រកួតបាល់ទាត់ពានរង្វាន់ Soccer league លើកទី៩ ឆ្នាំ២០២៦ នៅពហុកីឡដ្ឋានវិសាខា។ កម្មវិធីនេះបាន​ប្រព្រឹត្តទៅរបស់ឯកឧត្តម​ ហ៊ុន ម៉ានី ឧបនាយករដ្ឋមន្រ្តី រដ្ខមន្រ្តីក្រសួងមុខងារសាធារណៈ និងជាប្រធាន​សសយក។

សេចក្តីជូនដំណឹង ស្តីពីការចុះឈ្មោះសុំចូលរៀន សម្រាប់ឆ្នាំសិក្សា ២០២៥-២០២៦ របស់និស្សិតសាកលវិទ្យាល័យវិទ្យាសាស្ត្រសុខាភិបាល

ពិធីការពារនិក្ខេបបទថ្នាក់បរិញ្ញាបត្រជាន់ខ្ពស់ ផ្នែកវេជ្ជជីវសាស្ត្រ ជំនាន់ទី១
--
មហាវិទ្យាល័យឱសថសាស្ត្រ៖ ថ្ងៃទី៤ ខែមិថុនា ឆ្នាំ២០២៦ មហាវិទ្យាល័យឱសថសាស្ត្រ នៃសាកលវិទ្យាល័យវិទ្យាសាស្ត្រសុខាភិបាល មានការប្រជុំគណៈមេប្រយោគក្រោមអធិបតីភាព ឯកឧត្តមសាស្ត្រាចារ្យ ឈាង សេនា ជាប្រធាន ដើម្បីធ្វើពិធីការពារនិក្ខេបបទជាសាធារណៈរបស់និស្សិត ពេជ្រ ចរណៃ ដែលបានបញ្ចប់ការសិក្សាថ្នាក់បរិញ្ញាបត្រជាន់ខ្ពស់ ផ្នែកវេជ្ជជីវសាស្ត្រ ជំនាន់ទី១ ក្នុងឆ្នាំសិក្សា ២០១៦-២០១៨។

និស្សិត ពេជ្រ ចរណៃ បានការពារនិក្ខេបបទក្រោមចំណងជើង៖ « Prevalence of pathogens isolated from symptomatic urinary tract infection patients with urine culture growth and their antimicrobial resistance at the National Pediatric Hospital from 2021 to 2022 » ដោយជោគជ័យ នាថ្ងៃទី៤ ខែមិថុនា ឆ្នាំ២០២៦។

និស្សិត ពេជ្រ ចរណៃ បានធ្វើបទបង្ហាញនៅចំពោះមុខគណៈកម្មការ និងសាធារណជន នូវសេចក្តីសង្ខេបនៃនិក្ខេបបទរបស់ខ្លួន ព្រមទាំងបានឆ្លើយតបទៅនឹងសំណួរជាច្រើនពីសំណាក់គណៈមេប្រយោគ ដែលសុំឱ្យបកស្រាយបំភ្លឺជាក់លាក់ប្រកបដោយក្រមសីលធម៌វិជ្ជាជីវៈសុខាភិបាល។

ក្រោយការពិភាក្សារួចមក គណៈមេប្រយោគបានកោតសរសើរ និងវាយតម្លៃខ្ពស់ចំពោះបេក្ខជនលើការខិតខំស្រាវជ្រាវចងក្រងនិក្ខេបបទនេះឡើង ដោយទទួលបាននិទ្ទេសកិត្តិយសដ៏ខ្ពង់ខ្ពស់។ មុននឹងបញ្ចប់ ឯកឧត្តមប្រធានបានជំរុញឱ្យនិស្សិតបន្តការកែសម្រួលតាមអនុសាសន៍របស់គណៈមេប្រយោគវាយតម្លៃ ដើម្បីបន្តកែលម្អទម្រង់ និងចុះលេខនិក្ខេបបទឱ្យបានត្រឹមត្រូវតាមគោលការណ៍ណែនាំរបស់សាកលវិទ្យាល័យវិទ្យាសាស្ត្រសុខាភិបាល ដើម្បីបោះពុម្ពសៀវភៅនិក្ខេបបទនេះផ្សាយជាសាធារណៈ និងតម្កល់នៅតាមបណ្ណាល័យនានា៕

សាកលវិទ្យាល័យវិទ្យាសាស្ត្រសុខាភិបាល និងសាកលវិទ្យាល័យ Aix-Marseille ប្រទេសបារាំងបន្តពង្រឹងកិច្ចសហប្រតិបត្តិការលើការបណ្តុះបណ្តាល និងការស្រាវជ្រាវ
-------
ទីក្រុងម៉ាកសីយ៍៖ ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល,លោកសាស្រ្តាចារ្យជំនួយ បូរី សុថ្ថាវីរៈ ព្រឹទ្ធបុរសស្តីទីមហាវិទ្យាល័យឱសថសាស្រ្ត នៃសាកលវិទ្យាល័យវិទ្យាសាស្ត្រសុខាភិបាល ធ្វើទស្សនកិច្ចនៅមហាវិទ្យាល័យឱសថសាស្ត្រ នៃសាកលវិទ្យាល័យ Aix-Marseille និងបានជួបពិភាក្សាការងារជាមួយលោកសាស្ត្រាចារ្យ Jean-Paul Borg ព្រឹទ្ធបុរស មហាវិទ្យាល័យឱសថសាស្ត្រ ព្រមទាំងថ្នាក់ដឹកនាំនៃមហាវិទ្យាល័យឱសថសាស្ត្រ នៃសាកលវិទ្យាល័យ Aix-Marseille នាទីក្រុង Marseille ប្រទេសបារាំង។

កិច្ចពិភាក្សានេះបានផ្តោតលើការបន្តពង្រឹង និងពង្រីកកិច្ចសហប្រតិបត្តិការរវាងស្ថាប័នទាំងពីរ ជាពិសេសការបន្តអនុវត្តកម្មវិធីបណ្តុះបណ្តាលថ្នាក់បរិញ្ញាបត្រជាន់ខ្ពស់ផ្នែកស្បែក និងគ្រឿងសម្អាង (Dermo-Cosmétologie) នៅសាកលវិទ្យាល័យវិទ្យាសាស្ត្រសុខាភិបាល ការអនុវត្តគម្រោង Erasmus ការពិនិត្យលទ្ធភាពក្នុងការផ្លាស់ប្តូរនិស្សិត និងបុគ្គលិកសិក្សា ការអភិវឌ្ឍមន្ទីរពិសោធន៍បច្ចេកវិទ្យាឱសថ និងមន្ទីរពិសោធន៍រូបធាតុឱសថ ព្រមទាំងការសិក្សាលទ្ធភាពក្នុងការបង្កើត និងពង្រឹងសកម្មភាពស្រាវជ្រាវរួមគ្នា។

កិច្ចសហប្រតិបត្តិការនេះនឹងចូលរួមចំណែកក្នុងការលើកកម្ពស់សមត្ថភាពស្រាវជ្រាវ និងការបណ្តុះបណ្តាលធនធានមនុស្ស តាមរយៈការពង្រឹងសកម្មភាពស្រាវជ្រាវរួមគ្នា ដើម្បីឆ្ពោះទៅរកការដឹកនាំនិស្សិតក្នុងការធ្វើស្រាវជ្រាវ និងចងក្រងនិក្ខេបបទថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត រវាងសាកលវិទ្យាល័យវិទ្យាសាស្ត្រសុខាភិបាល និងសាកលវិទ្យាល័យ Aix-Marseille នៃសាធារណរដ្ឋបារាំង៕

មហាវិទ្យាល័យវេជ្ជសាស្រ្ត៖ សេចក្តីជូនដំណឹង ស្តីពី ការប្រកួតប្រជែងជំនាញគ្លីនិក ថ្នាក់បរិញ្ញាបត្រវិទ្យាសាស្ត្រវេជ្ជសាស្ត្រ ឆ្នាំទី៣ ឆ្នាំសិក្សា ២០២៥-២០២៦