កម្មវិធីអភិវឌ្ឍន៍ជំនាញឌីជីថល

17/10/2024

សេចក្តីជូនដំណឹង ស្តីពី ការផ្តល់ថវិកាសិក្សាដោយមិនគិតការប្រាក់ សម្រាប់សិក្សាថ្នាក់បរិញ្ញាបត្រ ជំនាញបច្ចេកវិទ្យាឌីជីថល តាមរយៈ “កម្មវិធីអភិវឌ្ឍន៍ជំនាញឌីជីថល”
—-
ក្រសួងប្រៃសណីយ៍និងទូរគមនាគមន៍ (ក.ប.ទ.) សូមជម្រាបជូនដំណឹងដល់សិស្សនិស្សិត និងសាធារណជនទាំងអស់ មេត្តាជ្រាបថា ដើម្បីគាំទ្រដល់ដំណើរការអភិវឌ្ឍមូលធនមនុស្សឌីជីថលឆ្លើយតបទៅនឹងតម្រូវការនៃការអភិវឌ្ឍសេដ្ឋកិច្ច សង្គម និងរដ្ឋាភិបាលឌីជីថល ក.ប.ទ. បានបង្កើត កម្មវិធីអភិវឌ្ឍន៍ជំនាញឌីជីថល (ក.អ.ជ.ឌ.) ដែលមានឈ្មោះជាភាសាអង់គ្លេសថា Digital Skill Development Program (DSDP) ដែលជាកម្មវិធីជំនួយហិរញ្ញវត្ថុ មិនមែនជាអាហារូបករណ៍ និងមានរហូតដល់ ៣ ០០០ កន្លែង ក្នុងគោលបំណងផ្តល់ថវិកាសិក្សាដោយមិនគិតការប្រាក់ (Financial Aid without Interest).

កាលបរិច្ឆេទ និងការទទួលពាក្យ

- បេក្ខជនត្រូវបំពេញពាក្យស្នើសុំអនឡាញតាមរយៈ www.dsdp.gov.kh/registration

‐ កាលបរិច្ឆេទទទួលពាក្យគិតចាប់ពី ថ្ងៃទី១ ខែវិច្ឆិកា ឆ្នាំ២០២៤ រហូតដល់ ថ្ងៃទី១៥ ខែធ្នូ ឆ្នាំ២០២៤

‐ សម្រាប់ព័ត៌មានបន្ថែម សូមទាក់ទងទូរសព្ទលេខ ១២៣ ឬអ៊ីម៉ែល [email protected]។


*****
✅ ដើម្បីទទួលបានឱកាសល្អៗ និងព័ត៌មានថ្មីៗអំពីបច្ចេកវិទ្យាឌីជីថល សូមចូលក្នុងឆានែលតេឡេក្រាមរបស់ក្រសួងតាមរយៈតំណភ្ជាប់ https://go.gov.kh/mptc/tg

បណ្តាញសង្គមរបស់ក្រសួង 🌐Website 🌐Telegram 🌐Facebook 🌐YouTube 🌐X 🌐Instagram 🌐LinkedIn 🌐Tiktok

📲 ទាញយក MPTC Speed Test: iOS | Android

09/08/2024

សូមស្តាប់ការបកស្រាយរបស់ លោកជំទាវរដ្ឋមន្ត្រីក្រសួងពាណិជកម្ម ពាក់ព័ន្ធ កិច្ចសហប្រតិបត្តិការតំបន់ត្រីកោណអភិវឌ្ឍន៍ កម្ពុជា-ឡាវ-វៀតណាម (CLV-DTA)

12/03/2024

លោកជំទាវ ហ៊ាន ប៉ូលីណេ អនុលេខាធិការ និងជាប្រធានក្រុមការងារទទួលបន្ទុកសាងសង់និងដាក់ឱ្យដំណើរការមជ្ឈមណ្ឌលបច្ចេកវិទ្យាសហគមន៍ និងប្រធានលេខាធិការដ្ឋាននៃកម្មវិធីអភិវឌ្ឍន៍ជំនាញឌីជីថល បានចូលរួមជាវាគ្មិន ក្នុងវេទិការដ្ឋាភិបាលឌីជីថលឆ្នាំ២០២៤ ស្តីពីមុខងារ វឌ្ឍនភាព និងសារសំខាន់នៃមជ្ឈមណ្ឌលបច្ចេកវិទ្យាសហគមន៍ និងកម្មវិធីអភិវឌ្ឍន៍ជំនាញឌីជីថល។

#ការងារអភិវឌ្ឍន៍មូលធនមនុស្សឌីជីថល #រដ្ឋាភិបាលឌីជីថល #បរិវត្តកម្មឌីជីថល #សេវាសាធារណៈឌីជីថល #បច្ចេកវិទ្យា #យុទ្ធសាស្ត្របញ្ចកោណ

#ក្រសួងប្រៃសណីយ៍និងទូរគមនាកមន៍

11/03/2024

សម្តេចធិបតី ហ៊ុន ម៉ាណែត អញ្ជើញជាអធិបតីក្នុងពិធីបើក វេទិការដ្ឋាភិបាលឌីជីថល និងពិព័រណ៍រដ្ឋាភិបាលឌីជីថល និងបច្ចេកវិទ្យាឌីជីថលកម្ពុជា-អន្តរជាតិ លើកទី ១

ភ្នំពេញ៖ នាព្រឹកថ្ងៃទី១១ ខែមីនា ឆ្នាំ ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានអញ្ជើញជាអធិបតីក្នុងពិធីបើក វេទិការដ្ឋាភិបាលឌីជីថល និង ពិព័រណ៍រដ្ឋាភិបាលឌីជីថល និង បច្ចេកវិទ្យាឌីជីថលកម្ពុជា-អន្តរជាតិ លើកទី ១ នៅមជ្ឈមណ្ឌលសន្និបាត និងពិព័រណ៍កោះពេជ្រ។ នៅក្នុងកម្មវិធីនេះផងដែរ សម្តេចធិបតីនាយករដ្ឋមន្ត្រី អញ្ជើញទស្សនាពិព័រណ៍រដ្ឋាភិបាលឌីជីថល និងបច្ចេកវិទ្យាឌីជីថលកម្ពុជា-អន្តរជាតិ ដោយក្នុងពិព័រណ៍នោះមានរួមមាន ស្តង់របស់មជ្ឈមណ្ឌលបច្ចេកវិទ្យាសហគមន៍ កម្មវិធីអភិវឌ្ឍន៍ជំនាញឌីជីថល និងកម្មវិធីបណ្តុះបណ្តាលផ្សេងទៀតរបស់ក្រសួងប្រៃសណីយ៍និងទូរគមនាគមន៍។ តាមរយៈទស្សនាកិច្ចនេះ ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍និងទូរគមនាគមន៍ បានទទួលបដិសណ្ឋារកិច្ច សម្តេចមហាបវរធិបតី ប្រកបដោយការស្វាគមន៍ និងគារវកិច្ចខ្ពង់ខ្ពស់។ ទន្ទឹមនេះ សម្តេចធិបតី បានចំណាយពេលវេលា ពិនិត្យស្វែងយល់បន្ថែម និងស្តាប់បទបង្ហាញដោយសង្ខេបអំពីមុខងារនិងគុណប្រយោជន៍ នៃមជ្ឈមណ្ឌលបច្ចេកវិទ្យាសហគមន៍ និងកម្មវិធីបណ្តុះបណ្តាល ដែលក្រសួងបាននឹងកំពុងអនុវត្ត ដែលវិធីសាស្ត្រមួយផ្នែកសម្រាប់បង្កើនសមត្ថភាពចាប់យកនិងប្រើប្រាស់បច្ចេកវិទ្យាឌីជីថលរបស់មន្ត្រី និងប្រជាពលរដ្ឋក្នុងសហគមន៍ ព្រមទាំងកាត់បន្ថយគម្លាតឌីជីថល។

14/12/2023

09/12/2023

សេចក្តីជូនដំណឹង ស្តីពី ការផ្តល់ថវិកាសិក្សាដោយមិនគិតការប្រាក់ សម្រាប់សិក្សាថ្នាក់បរិញ្ញាបត្រជំនាញបច្ចេកវិទ្យាឌីជីថលតាមរយៈ “កម្មវិធីអភិវឌ្ឍន៍ជំនាញឌីជីថល”
——
ក្រសួងប្រៃសណីយ៍និងទូរគមនាគមន៍ សូមជម្រាបជូនដំណឹងដល់សិស្ស និងសាធារណជនទាំងអស់ មេត្តាជ្រាបថា ក្នុងគោលដៅគាំទ្រដល់ដំណើរការអភិវឌ្ឍមូលធនមនុស្សឌីជីថល ឆ្លើយតបទៅនឹងតម្រូវការនៃការអភិវឌ្ឍសេដ្ឋកិច្ចនិងសង្គមឌីជីថល និងរដ្ឋាភិបាលឌីជីថល ក្រសួងបានបង្កើត កម្មវិធីអភិវឌ្ឍន៍ជំនាញឌីជីថល (ក.អ.ជ.ឌ.) ដែលមានឈ្មោះជាភាសាអង់គ្លេសថា Digital Skill Development Program (DSDP) ក្នុងគោលបំណងផ្តល់ថវិកាសិក្សាដោយមិនគិតការប្រាក់…

សូមចុចអាន

📄បេក្ខជនត្រូវបំពេញពាក្យស្នើសុំអនឡាញតាមរយៈគេហទំព័រ www.dsdp.gov.kh/registration
📞សម្រាប់ព័ត៌មានបន្ថែម សូមទាក់ទងទូរសព្ទលេខ ០៩៨ ៩៤៣ ៧៧៧ / ០៩៩ ៣៦៩ ៨៨៩ ឬអ៊ីម៉ែល [email protected]
📅ចាប់ផ្តេីមទទួលពាក្យពីថ្ងៃជូនដំណឹងនេះ រហូតដល់ថ្ងៃទី១២ ខែមករា ឆ្នាំ២០២៤។

*****
✅ ដើម្បីទទួលបានឱកាសល្អៗ និងព័ត៌មានថ្មីៗអំពីបច្ចេកវិទ្យាឌីជីថល សូមចូលក្នុងឆានែលតេឡេក្រាមរបស់ក្រសួងតាមរយៈតំណភ្ជាប់ https://t.me/mptcgovkh

បណ្តាញសង្គមរបស់ក្រសួង 🌐Website 🌐Telegram 🌐Facebook 🌐YouTube 🌐Twitter 🌐Instagram 🌐LinkedIn 🌐Tiktok

📲 ទាញយក MPTC Speed Test: iOS | Android

04/12/2023

សូមស្វាគមន៍មកកាន់បណ្ដាញទំនាក់ទំនងសង្គមផ្លូវការរបស់កម្មវិធីអភិវឌ្ឍន៍ជំនាញឌីជីថល (ក.អ.ជ.ឌ.) សូមស្កេន QR Code ឬ ចូលទៅកាន់ដំណរភ្ជាប់ខាងក្រោម ដើម្បីទទួលបានព័ត៌មាន
---
Welcome to Digital Skill Development Program (DSDP) official social media! Please scan QR Codes or click links for news:

Website : https://dsdp.gov.kh
Facebook : https://www.facebook.com/dsdp.gov.kh
Telegram : https://t.me/dsdpkh
Instagram : https://Instagram.com/dsdp.gov.kh

26/11/2023

កម្មវិធីអភិវឌ្ឍន៍ជំនាញឌីជីថលពិតជាផ្នែកមួយដ៏សំខាន់របស់ក្រសួងប្រៃសណីយ៍និងទូរគមនាគមន៍ និងរបស់រាជរដ្ឋាភិបាលផងដែរ ដែលរួមចំនែកក្នុងការអភិវឌ្ឍមូលធនមនុស្សឌីជីថល។

=> ស្របតាមចលនាការណ៍នៃការធ្វើបរវិត្តកម្មឌីជីថល នៅក្នុងតំបន់និងសកល, ការបង្កើនល្បឿនឌីជីថលភាវូបនីយកម្ម និងការអភិវឌ្ឍបច្ចេកវិទ្យាព័ត៌មាន និងទូរគមនាគមន៍ និងស្វ័យប្រវត្តិកម្ម នឹងបង្ហាញនូវតួនាទីកាន់តែសំខាន់នៃបច្ចេកវិទ្យាឌីជីថល ក្នុងសកម្មភាពសេដ្ឋកិច្ច, ធុរកិច្ច និងអភិបាលកិច្ច។ ក្នុង២ ទសវត្សចុងក្រោយ, បច្ចេកវិទ្យាឌីជីថល បានក្លាយជាផ្នែកសំខាន់នៃសកម្មភាព សេដ្ឋកិច្ចនិងសង្គម ព្រមទាំងបានផ្តល់នូវកាលានុវត្តភាពថ្មីជាច្រើន។ ក្នុងបរិការណ៍នៃការរីករាលដល់ជំងឺកូវីដ-១៩ បច្ចេកវិទ្យាឌីជីថល ត្រូវបានមើលឃើញថា មានសម្ទុះខ្លាំងទ្វេដង ក្នុងការជំរុញ និងការសម្រួលដល់សម្មភាពសេដ្ឋកិច្ច និងធុរកិច្ច និងដល់ប្រជាជនទូទៅ។ ជានិន្នាការទៅមុខ ប្រទេសនានាផ្តោតអាទិភាពជាចម្បង លើវិស័យពាក់ព័ន្ធសំខាន់ៗតាមរយៈ ការជំរុញធ្វើឌីជីថលភាវូបនីយកម្ម និងបរិវត្តកម្មឌីជីថល ដោយផ្តល់អាទិភាពលើការកសាងរដ្ឋាភិបាល សេដ្ឋកិច្ច និងសង្គមឌីជីថល ដើម្បីបង្កើតផលិតភាព និងកសាងភាពធន់នៃការអភិវឌ្ឍសង្គម-សេដ្ឋកិច្ច។ ដូចនេះ ដើម្បីចូលរួមក្នុងការកសាងមូលធានមនុស្សឌីជីថល ក្រសួងប្រៃសណីយ៍និងទូរគមនាគមន៍ (ក.ប.ទ) បានបង្កើតកម្មវិធីមួយដែលមានឈ្មោះថា កម្មវិធីអភិវឌ្ឍន៍ជំនាញឌីជីថល (ក.អ.ជ.ឌ) ដែលសរសេរជាភាសាអង់គ្លេស "Digital Skill Development Program" (DSDP) ដើម្បីគាំទ្រដល់ដំណើរការអភិវឌ្ឍមូលធនមនុស្សឌីជីថល តាមរយៈការផ្តល់ថវិកាសិក្សាដោយមិនគិតការប្រាក់ ការប្រឹក្សាយោបល់ដល់និស្សិត ការសម្របសម្រួល ការស្នាក់នៅរបស់និស្សិត ការសហការជាមួយគ្រឹះស្ថានសិក្សានិងស្ថានប័នពាក់ព័ន្ធ និង/ឬ ការអភិវឌ្ឍនិងប្រើប្រាស់បច្ចេកវិទ្យាឌីជីថលសម្រាប់បម្រើដល់ការអប់រំ។

26/11/2023

សូមរីករាយទស្សនាកម្សាន្តក្បួនប្រទីបព្រះបរមរាជវាំង ក្រសួង ស្ថាប័ននានា នៅលើផ្ទៃទឹកទន្លេបួនមុន ការបាញ់កាំជ្រួច និងទិដ្ឋភាពពេលរាត្រី​ អបអរសាទរព្រះរាជពិធីបុណ្យអុំទូក បណ្តែតប្រទីប សំពះព្រះខែ និងអកអំបុក នៅខាមុខព្រះបរមរាជវាំង។

រាជធានីភ្នំពេញ រាត្រីថ្ងៃអាទិត្យ ទី២៦ វិច្ឆិកា ២០២៣

🌐 Hun Manet
🌐 Samdech Thipadei Hun Manet, Prime Minister of Cambodia
🌐 Instagram
🌐 X(Twitter)
🌐 YouTube
🌐 Tiktok

#ហ៊ុនម៉ាណែត
#កម្ពុជា

23/11/2023

សូមចូលរួមអបអរសាទរជាមួយក្មួយៗទាំងអស់ ដែលទទួលបានលទ្ធផលល្អប្រសើរ ក្នុងការប្រឡងសញ្ញាបត្រមធ្យមសិក្សាទុយិភូមិ ឆ្នាំ២០២៣ នេះ ។ ជាមួយគ្នានេះ សម្រាប់ក្មួយៗ ដែលទទួលបានលទ្ធផលមិនគាប់ប្រសើរ សូមកុំបាក់ទឹកចិត្ត ហើយត្រូវខិតខំប្រឹងប្រែងរៀនសូត្របន្ថែមទៀត ដើម្បីប្រែក្លាយលទ្ធផលឱ្យបានគាប់ប្រសើរក្នុងការប្រឡងឆ្នាំក្រោយ ឬអាចចាប់យកឱកាសក្នុងការសិក្សាជំនាញវិជ្ជាជីវៈ ឬកម្រិតនៃការសិក្សាបន្ទាប់ ដើម្បីបន្តអភិវឌ្ឍចំណេះដឹង និងជំនាញ សម្រាប់ចាប់យកអាជីពច្បាស់លាស់ ដើម្បីកសាងអនាគតដ៏ភ្លឺស្វាង ។

យោងតាមការប្រកាសរបស់ក្រសួងអប់រំ យុវជន និងកីឡា បានបង្ហាញថា លទ្ធផលនៃការប្រឡងមធ្យមសិក្សាទុតិយភូមិ (បាក់ឌុប) ឆ្នាំ២០២៣ តាមនិទ្ទេសនីមួយៗ មានដូចជា៖ សិស្សទទួលបាននិទ្ទេស A ចំនួន ១.៦៧៣ នាក់, និទ្ទេស B ចំនួន ៦.៩៦៤ នាក់, និទ្ទេស C ចំនួន ១៨.៣០៨ នាក់, និទ្ទេស D ចំនួន ៣៤.២៤៦ នាក់ និងនិទ្ទេស E ចំនួន ៣៧.២៦៩ នាក់ ៕

Samdech Thipadei Hun Manet, Prime Minister of Cambodia

#ហ៊ុនម៉ាណែត
#កម្ពុជា

#កអជឌ