សំអាត ជឹមកេណឌី

អបអរសាទរខួបអនុស្សាវរីយ៍លើកទី៦៩ នៃពិធីបុណ្យឯករាជ្យជាតិ។

សុជីវធម៌សំខាន់ៗក្នុងការទទួលទានអាហារនៅភោជនីយដ្ឋានដែលត្រូវយល់ដឹង

មិនថាទៅទីកន្លែងណាក៏ដោយ ការប្រកាន់ខ្ជាប់សុជីវធម៌សម្រាប់ទីកន្លែងនោះ គឺជារឿងដែលបុគ្គលគ្រប់រូបត្រូវជ្រាបច្បាស់និងអនុវត្តឲ្យបានត្រឹមត្រូវដើម្បីឲ្យការបញ្ចេញសកម្មភាពប្រស្រ័យទាក់ទងគ្នាមានភាពថ្លៃថ្នូរ មិនប៉ះពាល់ដល់សុខុមាលភាព និងកិត្តិយសខ្លួនឯងផ្ទាល់ និងអ្នកដទៃ។ ចំពោះការទៅទទួលទានអាហារនៅភោជនីយដ្ឋានវិញ ក៏មានសុជីវធម៌សំខាន់ៗជាច្រើនដែរ។ ហេតុនេះហើយអត្ថបទនេះនឹងបង្ហាញជូនពីសុជីវធម៌សំខាន់ៗក្នុងការទទួលទានអាហារនៅភោជនីយដ្ឋានដែលអ្នកត្រូវយល់ដឹង និងអនុវត្ត។

+ ត្រូវ​គិត​អំពី​ការ​ស្លៀក​ពាក់​
ត្រូវប្រាកដថាអ្នកស្លៀកពាក់សមស្របតាមកាល:ទេស: និងកម្មវិធី។ ប្រសិនបើអ្នកទៅភោជនីយដ្ឋានដែលមានលំដាប់ជាន់ខ្ពស់ មិនមែនជាអាហារដ្ឋានធម្មតា សូមរំលងការស្លៀកពាក់បែបខោខូវប៊យ និងស្បែកជើងផ្ទាត់ ហើយស្លៀកពាក់អ្វីដែលមើលទៅមានភាពប្រណីតផ្លូវការបន្តិច។ ប្រសិនបើ​អ្នក​មិន​ច្បាស់​ថា​អ្វី​ជា​ការ​ស្លៀកពាក់​ត្រឹមត្រូវ សូមពិភាក្សាជាមួយអ្នកដែលត្រូវញ៉ាំអាហារជាមួយ។

+ អង្គុយឲ្យបានសមរម្យ
នៅផ្ទះអ្នកប្រហែលជាអាចអង្គុយតាមរបៀបដែលអ្នកគិតថាស្រួលខ្លួន។ ប៉ុន្តែនៅភោជនីយដ្ឋាន វិញតាមរបៀបរបបសុជីវធម៌ អ្នកគួរតែអង្គុយឲ្យត្រង់ខ្លួន ប៉ុន្តែមិនមើលទៅរឹងខ្លួនពេក។ ក្រៅពីនេះសូមអ្នកអង្គុយលើកៅអីទាំងមូលឲ្យចំកណ្ដាល មិនវៀចខ្លួន ហើយដាក់ជើងទាំងសងខាងនៅលើកម្រាល ហើយមិនអង្គុយកោងខ្លួន។ ដៃរបស់អ្នកទាំងគូ គួរតែនៅជិតខ្លួនរបស់អ្នក ហើយហាមឆ្ការដៃពាសពេញតុ។ អ្នកអាចដាក់ដៃរបស់អ្នកនៅលើតុ ប៉ុន្តែត្រឹមប្រវែងកដៃប៉ុណ្ណោះ។

+ កុំទុករបស់ប្រើប្រាស់ផ្សេងៗនៅលើតុ
ករណីនេះគឺកើតឡើងញឹកញាប់មែនទែន ទោះជាយ៉ាងណាក៏ដោយអ្នកគួរយកទូរស័ព្ទ កូនសោ និងរបស់របរផ្សេងទៀតចេញពីលើតុ។ ពេលកំពុងទទួលទានសូម​កុំ​យក​ទូរសព្ទ​ចេញមកផ្ញើសារឬឆាត ព្រោះវាអាចជាសារបង្ហាញទៅអ្នករួមតុជាមួយអ្នកថា អ្នកយកចិត្តទុកដាក់ជាមួយទូរស័ព្ទជាងពួកគេ។ ការលើកទូរស័ព្ទ ផ្ញើសារឆ្លើយតប ឬអ៊ីមែលសូមរង់ចាំរហូតដល់ការទទួលទានអាហារចប់ ប៉ុន្តែប្រសិនបើវាជារឿងបន្ទាន់ សូមធ្វើការអភ័យទោសមុននឹងដកទូរស័ព្ទរបស់អ្នកយកមកប្រើប្រាស់។

+ ដាក់កន្សែងនៅលើភ្លៅ
អ្នកអាចដាក់កន្សែងនៅលើភ្លៅភ្លាមៗនៅពេលអ្នកអង្គុយចុះ។ ទោះយ៉ាងណាក៏ដោយ ប្រសិនបើមានអ្នកបបួលអ្នកទៅញ៉ាំអាហារ ជាពិសេស ប្រសិនបើវាជាលក្ខណ:បែបពិភាក្សាមុខជំនួញ សូមរង់ចាំរហូតដល់អ្នកបបួលដាក់កន្សែងនៅលើភ្លៅរបស់គេជាមុនសិន។ ប្រសិនបើអ្នកត្រូវទៅ បន្ទប់ទឹក សូមដាក់កន្សែងទុកនៅលើកៅអីសិន។ ហើយនៅពេលទទួលទានអាហាររួចរាល់នោះ អ្នកអាចដាក់កន្សែងលើតុបាន។

+ រង់ចាំ​អ្នក​រួមតុបានអាហារទាំងអស់គ្នា​​
ប្រសិនបើអាច សូមអ្នករង់ចាំអ្នករួមតុជាមួយគ្នាទទួលបានអាហាររៀងៗខ្លួនសិន ចាំទទួលទានទៅដំណាលគ្នា។ កាលធ្វើបែបនេះ អាចធ្វើឲ្យរួមតុអ្នកមិនចាំបាច់អង្គុយមើលអ្នកទទួលទាន ដោយភាពអន្ទះសារ ហើយអ្នកក៏មិនចាំបាច់អង្គុយរង់ចាំរហូតដល់ពួកគេទទួលទានចប់ដែរ។ ប៉ុន្តែបើ កាល:ទេស:ដែលអ្នកត្រូវដូរអាហារដែលលើកមកខុស ឬជាប់និយាយទូរស័ព្ទកិច្ចការបន្ទាន់ អ្នកអាចប្រាប់ឲ្យអ្នករួមតុទទួលទានមុនក៏បាន។

+ កុំស្រែកហៅទៅអ្នករត់តុ
ជំនួសពីការស្រែកហៅអ្នករត់តុ សូមព្យាយាមប្រែក្រសែភ្នែកជាមួយពួកគេ ដើម្បីជាសញ្ញាថាអ្នកត្រូវការអ្វីមួយ។ ប្រសិនបើអ្នករត់តុនៅតែមិនអាចទទួលបានសញ្ញាហៅរបស់អ្នក សូមលើកដៃទៅកាន់ទិសដៅដែលពួកគេកំពុងនៅ។ ក្រៅពីនេះអ្នកត្រូវបង្ហាញអាកប្បកិរិយាសមរម្យទៅកាន់ពួកគេ ដោយមិនត្រូវចាត់ទុកពួកគេជាអ្នកបម្រើរបស់អ្នក។

+ កុម៉្មង់អាហារក្នុងបរិមាណប្រហាក់ប្រហែលគ្នា
សូមកុំកុម៉្មង់អាហារច្រើនមុខពេក ហើយត្រូវនិយាយគ្នាជាមួយអ្នករួមតុថាតើត្រូវហៅអាហារចំនួនប៉ុន្មាន ដើម្បីជៀសវាងការហៅអាហារច្រើនហួស ធ្វើឲ្យអ្នកផ្សេងត្រូវរង់ចាំអ្នកទទួលទានទម្រាំតែអស់។

+ អ្វីដែលអ្នកគួរធ្វើពេលកំពុងទទួលទានអាហារក្នុងពេលដែលអ្នកកំពុងទទួលទានអាហារអ្នក៖

* ត្រូវទំពារអាហារថ្នមៗហើយបិទមាត់អ្នកឲ្យជិតទំពារអាហាររួចរាល់
* ចាំទទួលទានទឹក ឬភេសជ្ជ:
* កាន់សម្ភារ:សម្រាប់ញ៉ាំឲ្យត្រឹមត្រូវ
* កុំដួសម្ហូបពេញចានពេក
* មិនត្រូវឈោងចាប់អាហារ តែត្រូវឲ្យអ្នកផ្សេងជួយហុចឲ្យ
* ជៀសវាងការទទួលទានបណ្ដើរ សន្ទនាបណ្ដើរ…។

+ ប្រាប់ពីរបៀបនិងអ្នកដែលត្រូវចេញលុយទុកជាមុន
ប្រសិនបើអ្នករៀបចំពិធីជប់លៀងអាហារ ឬចង់បង់ប្រាក់សម្រាប់អាហាររបស់អ្នកគ្រប់គ្នា សូមប្រាប់ទៅអ្នកមកជាមួយជាមុន។ បន្ទាប់មកប្រាប់ទៅបុគ្គលិកហាងជាមុនដើម្បីឲ្យគេយកវិក្កយប័ត្រមកឲ្យអ្នកដោយផ្ទាល់តែម្ដង។ ប៉ុន្តែបើសិនជាអ្នកទទួលទានអាហារជារបៀបចេញលុយស្មើគ្នា សូមអ្នកនិយាយទៅកាន់អ្នករួមតុជាមុន ដើម្បីឲ្យពួកគេអាចកុម៉្មង់អាហារ ដែលពួកគេចូលចិត្ត និងស្របតាមលទ្ធភាព។

+ ឲ្យប្រាក់ធីបសមរម្យ
បើអ្នកចង់ឲ្យប្រាក់ធីបនៅក្នុងភោជនីយដ្ឋាន សូមកុំឲ្យប្រាក់ធីបតិចខ្លាំងពេក។ អាស្រ័យលើផែនការរបស់ភោជនីយដ្ឋាន អ្នករត់តុខ្លះ ទទួលបានប្រាក់ខែតិចតួច ដោយសារគេរំពឹងលើប្រាក់ធីបបន្ថែមសម្រាប់ទ្រទ្រង់ជីវភាព។ ជាការល្អសូមអ្នកផ្ដល់ធីបពី10ទៅ20ភាគរយនៃថ្លៃម្ហូបអាហារសម្រាប់ការបម្រើសេវាកម្មប្រកបដោយភាពពេញចិត្ត។

+ ចាកចេញក្រោយពីរយៈពេល 15 នាទី
បើ​អ្នក​មិន​ចង់​ឱ្យ​ភាព​សប្បាយ​រីក​រាយ​ចប់​លឿន សូមបន្ត​ទៅ​​កន្លែង​ផ្សេងៗទៀតដូចជា ស្កាយបារ ជាដើម ព្រោះភោជនីយដ្ឋានពិតជាត្រូវការតុសម្រាប់ភ្ញៀវផ្សេងទៀត ជាពិសេសចំពោះភោជនីយដ្ឋានដែលពេញនិយម។ភោជនីយដ្ឋានគឺជាអាជីវកម្មមួយ ហើយការអង្គុយលេងបន្ទាប់ពីញ៉ាំអាហាររួចយូរពេក អាចរារាំងឲ្យអតិថិជនផ្សេងទៀតទទួលបានកន្លែងសម្រាប់ទទួលទាន។ ដូចនេះជាសុជីវធម៌ដ៏ប្រសើរ សូមចាកចេញយ៉ាងយូរបំផុត15នាទី បន្ទាប់ពីទទួលទានអាហាររួច។

🚹 :រៀបការជាមួយបងទៅ
🚺 :តើបងមានផ្ទះអត់?
🚹:បងជួលគេនៅ...
🚺:មានឡានអត់?
🚹:មានតែម៉ូតូ...
🚺:ប្រាក់ខែមួយខែប៉ុន្មាន?
🚹:200$ ក្នុងមួយខែ
🚺:ហាសហា...តើបងមានអ្វីល្អដែលខ្ញុំត្រូវរៀបការជាមួយនោះ
🚹:តែបងស្រលលាញ់អូន
🚺:ស្រលាញ់! ហូបជំនួសបាយបានអត់?

🏃បុរសម្នាក់នោះ មុខឡើងក្រហមហើយដើរចេញទៅ...

⏰ 3 ឆ្នាំក្រោយមក...

🚹:ខ្ញុំ...នឹងរៀបការជាមួយនាង
🚺.មានផ្ទះអត់?
🚹 :មានវិឡា
🚺.មានឡានអត់?
🚹 :មាន Land Rover
🚺.ប្រាក់ខែមួយខែប៉ុន្មាន?
🚹:ខ្ញុំជាអ្នកឲ្យប្រាក់ខែគេ
🚺.ចឹង..ក៏បាន ខ្ញុំការជាមួយបង

👰💒 នាងក៏រៀបការជាមួយគេ
តែនាងភ្លេចគិតថាលើកនេះគេអត់បានប្រាប់ថាស្រលាញ់នាងទេ

⏰ 10 ឆ្នាំក្រោយមក
🚹:យើងលែងគ្នាទៅ
🚺.ហេតុអីទៅ?
🚹:ខ្ញុំមានស្រីថ្មីហើយ គេទាំងល្អហើយស្អាត...នាងមិនបានបិុនគេនោះទេ
🚺.តែខ្ញុំជាភរិយាអ្នក
🚹:ទេ...នាងគឺជាស្រីដែលខ្ញុំទិញបានដោយផ្ទះ🏠 លុយ💰 និងឡាន🚗
🚺.ក្រែងអ្នកស្រលាញ់ខ្ញុំហ្អី? ខ្ញុំចាំបានថាអ្នកធ្លាប់និយាយណា៎
🚹:តែលើកនោះនាងអត់យល់ព្រម ពេលដែលនាងព្រម ខ្ញុំអត់បាននិយាយទេ
ចឹងយើងលែងគ្នាទៅ!

👫 ជីវិត-ស្នេហា ដែលសាមញ្ញ ប្រសេីរជាងអ្វីទាំងអស់ ចូរថែរក្សាមនុស្សដែលអ្នកស្រលាញ់ហើយគេស្រឡាញ់អ្នកឲ្យបានល្អ សង្គមមុខលុយ💵 សង្គមវត្ថុនិយម ចុងក្រោយនឹងពេញទៅដោយភាពចាកចេញ ដ៏ជូរចត់ និងឈឺចាប់!

👉តើមានមនុស្សប៉ុន្មាននាក់ដែលដឹងហើយយល់នោះ?

តើអ្នកចង់ក្លាយទៅជាបុគ្គលិកបែបណានៅក្នុងអង្គភាពរបស់អ្នក?

វិធីសាស្ត្រទាំង ៥ដើម្បីក្លាយខ្លួនជាអ្នកមាន នៅក្នុងប្រទេសកម្ពុជា - BizKhmer វិធីសាស្ត្រទាំង ៥ដើម្បីក្លាយខ្លួនជាអ្នកមាន នៅក្នុងប្រទេសកម្ពុជា Khmer news, Cambodia news, Business news cambodia, Business in cambodia, Entrepreneur news, More like this, Entrep...

មានប្អូនប្រុសម្នាក់បានសុំអោយខ្ញុំជួយស្វែងរកម៉ូតូដែលបានបាត់នៅម្ដុំសង្កាត់ទឹកថ្លា ប្រសិនបើបងប្អូនបានឃើញ ជួយcallមកតាមលេខទូរស័ព្ទចំនួនបីខ្សែរនេះផង 010 241 198 / 099 459 995 / 097 551 6606
ខ្ញុំបាទសូមអរគុណទុកជាមុន🙏