Health Promotion - NCHP News

សុខភាពផ្លូវចិត្ដរឹងមាំ សុខភាពផ្លូវកាយក៏ប្រសើរដែរ🥰

គន្លឹះរក្សាសុខភាពផ្លូវចិត្ត
--------------------------
សុខភាពផ្លូវកាយសំខាន់ សុខភាពផ្លូវចិត្ដរឹតតែសំខាន់
សូមបងប្អូន យាយតា អ៊ំ ពូមីង រក្សាសុខភាពផ្លូវឱ្យល្អបានដោយគ្រាន់តែ
☑️ហាត់ប្រាណជាប្រចាំ
☑️ដើរកំសាន្ដជាមួយក្រុមគ្រួសារ និងមិត្ដភក្ដិ
☑️ទទួលទានអាហារសុខភាព
☑️សម្រាកឱ្យបាន៨ម៉ោងរៀងរាល់ថ្ងៃ
☑️និយាយនូវអារម្មណ៌របស់អ្នកជាមួយអ្នកទុកចិត្ដ
☑️ស្វែងរកជំនួយពីអ្នកជំនាញប្រសិនបើត្រូវការ
https://www.youtube.com/
#ក្រសួងសុខាភិបាលនៃព្រះរាជាណាចក្រកម្ពុជា
#មជ្ឈមណ្ឌលជាតិលើកកម្ពស់សុខភាព

សិក្ខាសាលាស្តីពី ការចែករំលែកបទពិសោធន៍ ក្នុងការអនុវត្តកម្មវិធីឃុំ សង្កាត់ សម្រាប់ស្ត្រី និងកុមារ និងមូលនិធិសមធម៌សុខាភិបាល នៅថ្នាក់ក្រោមជាតិ
-----------------------------------------------------------------

កាលពីថ្ងៃទី ២៩ ដល់ ថ្ងៃទី ៣០ ខែមេសា ឆ្នាំ២០២៦ នៅសណ្ឋាគារភ្នំប្រុស ខេត្តកំពង់ចាម មជ្ឈមណ្ឌលជាតិលើកកម្ពស់សុខភាព ដែលគាំទ្រថវិកាដោយគម្រោងអាហារូបត្ថម្ភនៅកម្ពុជា (CNP) បានរៀបចំសិក្ខាសាលាស្តីពី ការចែករំលែកបទពិសោធន៍ ក្នុងការអនុវត្តកម្មវិធីឃុំ សង្កាត់ សម្រាប់ស្ត្រី និងកុមារ និងមូលនិធិសមធម៌សុខាភិបាល នៅថ្នាក់ក្រោមជាតិ និងអញ្ជើញជាអធិបតីក្នុងសិក្ខាសាលា ដោយលោកជំទាវវេជ្ជបណ្ឌិត ប្រាក់ សោភ័ណនារី រដ្ឋលេខាធិការក្រសួងសុខាភិបាល និងជានាយកគម្រោងអាហារូបត្ថម្ភនៅកម្ពុជា លោកស្រី Chiho Suzuki តំណាងធនាគាពិភពលោក និងដៃគូអភិវឌ្ឍន៍ និងលោកស្រីបណ្ឌិត ឈា ឆដាភា ប្រធានមជ្ឈមណ្ឌលជាតិលើកកម្ពស់សុខភាព។ សិក្ខាសាលានេះ មានគោលបំណងសំខាន់ៗ ដូចខាងក្រោម៖
១.ការផ្លាស់ប្តូរបទពិសោធន៍ បើកឱកាសឱ្យថ្នាក់ដឹកនាំ និងមន្ត្រីអនុវត្តផ្ទាល់នៅតាមបណ្តាខេត្ត-ក្រុង បានចែករំលែកនូវចំណុចខ្លាំង និងមេរៀន ដែលទទួលបានពីការអនុវត្តជាក់ស្តែង
២.ការកំណត់បញ្ហាប្រឈម ពិភាក្សាលើចំណុចខ្វះខាត និងឧបសគ្គនានា ដើម្បីស្វែងរកដំណោះស្រាយរួមគ្នា
៣.ការពង្រឹងកិច្ចសហការ បន្តពង្រឹងចំណងសាមគ្គីភាព រវាងក្រសួងសុខាភិបាល រដ្ឋបាលថ្នាក់ក្រោមជាតិ និងអង្គការដៃគូ ដើម្បីធានានិរន្តរភាពនៃកម្មវិធី។

សិក្ខាសាលានេះមានការអញ្ជើញចូលរួមពី តំណាងធនាគារពិភពលោក និងដៃគូអភិវឌ្ឍន៍ តំណាងលេខាធិការដ្ឋាន គ.ជ.អ.ប លោកជំទាវអភិបាលរង នៃគណៈអភិបាលខេត្ត ឯកឧត្តមប្រធាន និងអនុប្រធានមន្ទីរសុខាភិបាល នៃរដ្ឋបាលខេត្ត និងលោក លោកស្រី ប្រធានការិយាល័យស្រុកប្រតិបត្តិទាំង២៣ ថ្នាក់ដឹកនាំ និងមន្ត្រីមជ្ឈមណ្ឌលជាតិលើកកម្ពស់សុខភាព ជាអ្នកសម្របសម្រួលបច្ចេកទេស និងទីប្រឹក្សាសម្របសម្រួលខេត្ត សរុបចំនួន ១៣៧នាក់។

អនុមោទនា ថ្ងៃបុណ្យវិសាខបូជា
សូមជូនពរបងប្អូនទាំងអស់គ្នា ព្រមទាំងពុទ្ធបរិស័ទទូទាំងប្រទេស ជួបតែសេចក្តីសុខចម្រើន និងពុទ្ធពរ៥ប្រការគឺ អាយុ វណ្ណៈ សុខៈ ពលៈ និងបដិភាណ កុំបីឃ្លៀងឃ្លាតឡើយ៕

ប្រើបណ្ណមូលនិធិសមធម៌​សុខាភិបាល រាល់ពេលទៅទទួលសេវាសុខាភិបាល គឺងាយស្រួល!
--------------------------------------
មកស្វែងយល់ពីរបៀបប្រើប្រាស់បណ្ណមូលនិធិសមធម៌​សុខាភិបាល!
ដើម្បីប្រើបណ្ណមូលនិធិសមធម៌​សុខាភិបាលបាន អ្នកគ្រាន់តែភ្ជាប់បណ្ណតាមខ្លួនអ្នកទៅមន្ទីរពេទ្យ ឬមណ្ឌលសុខភាព និងប្រាប់លេខបណ្ណទៅកាន់ក្រុមគ្រូពេទ្យដែលនៅទីនោះ អ្នកនឹងត្រូវបានការជួយណែនាំគ្រប់ជំហាន និងទទួលបានសេវាសុខាភិបាលភ្លាមៗ ពីសំណាក់ក្រុមគ្រូពេទ្យ ដោយភាពកក់ក្តៅ និងការយកចិត្តទុកដាក់យ៉ាងម៉ត់ចត់។
សូមប្រើបណ្ណមូលនិធិសមធម៌សុខាភិបាលទាំងអស់គ្នា រាល់ពេលទៅមន្ទីរពេទ្យ ឬមណ្ឌលសុខភាព!
#ក្រសួងសុខាភិបាលនៃព្រះរាជណាចក្រកម្ពុជា
#មជ្ឈមណ្ឌលជាតិលើកកំពស់សុខភាព
#មូលនិធិសមធម៌សុខាភិបាល_ផ្តល់ភាពកក់ក្តៅ