មជ្ឈមណ្ឌលបណ្តុះបណ្តាលវិជ្ជាជីវៈមេធាវី Lawyer Training Center

សេចក្តីជូនដំណឹង

នៅព្រឹកថ្ងៃសុក្រ ៧រោច ខែពិសាខ ឆ្នាំមមី អដ្ឋស័ក ព.ស ២៥៧០ ត្រូវនឹងថ្ងៃទី៨ ខែឧសភា ឆ្នាំ២០២៦ លោកមេធាវី ប៉ា ងួនគា នាយកមជ្ឈមណ្ឌលបណ្តុះបណ្តាលវិជ្ជាជីវៈមេធាវី បានដឹកនាំកិច្ចប្រជុំដើម្បីធ្វើបច្ចុប្បន្នភាពនៃដំណើរបោះជំរំសិក្សានិងផ្សព្វផ្សាយច្បាប់របស់សិស្សមេធាវីជំនាន់ទី២០នៅខេត្តសៀមរាប។

សកម្មភាពហាត់សមរបស់សិស្សមេធាវីជំនាន់ទី២០ នៅព្រឹកថ្ងៃពុធ ៥រោច ខែពិសាខ ឆ្នាំមមី អដ្ឋស័ក ព.ស ២៥៧០ ត្រូវនឹងថ្ងៃទី៦ ខែឧសភា ឆ្នាំ២០២៦ ធ្វើបទបង្ហាញសម្រាប់កម្មវិធីបោះជំរំ និងផ្សព្វផ្សាយច្បាប់របស់សិស្សមេធាវីជំនាន់ទី២០ ដែលគ្រោងធ្វើនៅខេត្តសៀមរាបនាពេលខាងមុខ ។

សកម្មភាពបណ្តុះបណ្តាលវគ្គសុក្រឹតការវគ្គទី១៨ នៅរសៀលថ្ងៃសៅរ៍ ១ រោច ខែពិសាខ ឆ្នាំមមី អដ្ឋស័ក​ ព.ស ២៥៧០ ត្រូវនឹងថ្ងៃទី២ ខែឧសភា ឆ្នាំ២០២៦ លើមុខវិជ្ជា "ការអភិវឌ្ឍន៍ខ្លួនឯង" ឧទ្ទេសនាមដោយលោកគ្រូ ទេស ចំរើន។

សកម្មភាពបណ្តុះបណ្តាលសិស្សមេធាវី ជំនាន់ទី ២០ នៅថ្ងៃព្រហស្បតិ៍ ១៤កើត ខែពិសាខ ឆ្នាំមមី អដ្ឋស័ក ព.ស ២៥៦៩ ត្រូវនឹងថ្ងៃទី៣០ ខែមេសា ឆ្នាំ២០២៦ ស្តីពី”តួនាទីមេធាវីក្នុងសំណុំរឿងអនុវត្តដោយបង្ខំចំពោះអចលនវត្ថុ” ធ្វើបាឋកថាដោយ លោកមេធាវី ស៊ុន លៀងហេង ។

នាថ្ងៃព្រហស្បតិ៍ ១៤កើត ខែពិសាខ ឆ្នាំមមី អដ្ឋស័ក ព.ស២៥៦៩ ត្រូវនឹងថ្ងៃទី៣០ ខែមេសា ឆ្នាំ២០២៦ លោកមេធាវី ប៉ា ងួនគា នាយកមជ្ឈមណ្ឌលបណ្តុះបណ្តាលវិជ្ជាជីវៈមេធាវី បានដឹកនាំកិច្ចប្រជុំពិភាក្សាអំពីការត្រៀមរៀបចំកម្មវិធីបោះជំរំផ្សព្វផ្សាយច្បាប់ របស់សិស្សមេធាវីជំនាន់ទី២០ និងរបៀបវារៈផ្សេងៗទៀត។

សកម្មភាពបណ្តុះបណ្តាលវគ្គសុក្រឹតការវគ្គទី១៨ នៅរសៀលថ្ងៃសៅរ៍ ៩កើត ខែពិសាខ ឆ្នាំមមី អដ្ឋស័ក​ ព.ស ២៥៦៩ត្រូវនឹងថ្ងៃទី២៥ ខែមេសា ឆ្នាំ២០២៦ លើមុខវិជ្ជា "ការអនុវត្តជាក់ស្តែងក្នុងរឿងក្តីព្រហ្មទណ្ឌ និងរដ្ឋប្បវេណី" ឧទ្ទេសនាមដោយលោកមេធាវី សួស សាមឿន។

សកម្មភាពបណ្តុះបណ្តាលវគ្គសុក្រឹតការវគ្គទី១៨ នៅព្រឹកថ្ងៃសៅរ៍ ៩កើត ខែពិសាខ ឆ្នាំមមី អដ្ឋស័ក​ ព.ស ២៥៦៩ត្រូវនឹងថ្ងៃទី២៥ ខែមេសា ឆ្នាំ២០២៦ លើមុខវិជ្ជា "ការអនុវត្តដោយបង្ខំ" ឧទ្ទេសនាមដោយឯកឧត្តម សេង នាង។

សកម្មភាពបណ្តុះបណ្តាលវគ្គសុក្រឹតការវគ្គទី១៨ នៅរសៀលថ្ងៃសុក្រ ១៥ កើត ខែពិសាខ ឆ្នាំមមី អដ្ឋស័ក​ ព.ស ២៥៦៩ត្រូវនឹងថ្ងៃទី២៥ ខែមេសា ឆ្នាំ២០២៦ លើមុខវិជ្ជា "ការសម្ភាសន៍កូនក្តី ក្នុងរឿងក្តីព្រហ្មទណ្ឌ និងរដ្ឋប្បវេណី" ឧទ្ទេសនាមដោយលោកមេធាវី រស់ មុនិន្ទៈ។

នាថ្ងៃសុក្រ ៨កើត ខែពិសាខ ឆ្នាំមមី អដ្ឋស័ក ព.ស.២៥៦៩ ត្រូវនឹងថ្ងៃទី២៤ ខែមេសា ឆ្នាំ២០២៦ លោកមេធាវី សាំង វណ្ណៈ ប្រធានគណៈមេធាវីនៃព្រះរាជាណាចក្រកម្ពុជា បានអញ្ជើញជាអធិបតីភាព ក្នុងពិធីបើកវគ្គបណ្តុះបណ្តាលសុក្រឹតការវិជ្ជាជីវៈមេធាវីវគ្គទី១៨ ។ ពិធីនេះប្រព្រឹត្តទៅនៅទីស្នាក់ការគណៈមេធាវី ដែលមានការអញ្ជើញចូលពី សមាជិកក្រុមប្រឹក្សាគណៈមេធាវី ទីប្រឹក្សាប្រធានគណៈមេធាវី ថ្នាក់ដឹកនាំនៃអគ្គលេខាធិការដ្ឋានគណៈមេធាវី នាយកនិងថ្នាក់ដឹកនាំនៃមជ្ឈមណ្ឌលបណ្តុះបណ្តាលវិជ្ជាជីវៈមេធាវី និងសិក្ខាកាមនៃវគ្គបណ្តុះបណ្តាលសុក្រឹតការវិជ្ជាជីវៈមេធាវីវគ្គទី១៨ ។

ជាកិច្ចចាប់ផ្ដើម លោកមេធាវី ប៉ា ងួនគា នាយកមជ្ឈមណ្ឌលបណ្តុះបណ្តាលវិជ្ជាជីវៈមេធាវី បានជម្រាបជូនដល់គណៈអធិបតី និងអង្គពិធីទាំងមូលអំពីកម្មវិធីសិក្សា ដែលសិក្ខាកាមត្រូវទទួលការបណ្តុះបណ្តាលនៅក្នុងវគ្គនេះ មានសរុបចំនួន ១៨០ម៉ោង លើមុខវិជ្ជាពាក់ព័ន្ធចំនួន១១ ។

នាថ្ងៃអង្គារ ៥កើត ខែពិសាខ ឆ្នាំមមី អដ្ឋស័ក ព.ស២៥៦៩ ត្រូវនឹងថ្ងៃទី២១ ខែមេសា ឆ្នាំ២០២៦ លោកមេធាវី ប៉ា ងួនគា នាយកមជ្ឈមណ្ឌលបណ្តុះបណ្តាលវិជ្ជាជីវៈមេធាវី បានដឹកនាំកិច្ចប្រជុំពិភាក្សាលើកម្មវិធី និងមុខវិជ្ជាសម្រាប់ការបណ្តុះបណ្តាលសុក្រឹតការវិជ្ជាជីវ:មេធាវីវគ្គទី១៨។