នាយកដ្ឋានផែនការ - DoP

កិច្ចប្រជុំពិភាក្សា ស្តីពីការសម្របសម្រួលហិរញ្ញប្បទានសហប្រតិបត្តិការ របស់នាយកដ្ឋានផែនការ

រាជធានីភ្នំពេញ៖ នៅព្រឹកថ្ងៃទី២៧ ខែឧសភា ឆ្នាំ២០២៦ ត្រូវនឹងថ្ងៃពុធ ១១កើត ខែជេស្ឋ ឆ្នាំមមី អដ្ឋស័ក ព.ស ២៥៧០ ឯកឧត្តមបណ្ឌិត លីម សុធា អគ្គនាយក នៃអគ្គនាយកដ្ឋានគោលនយោបាយនិងផែនការ ក្រសួងអប់រំ យុវជន និងកីឡា ដឹកនាំកិច្ចប្រជុំពិភាក្សា ស្តីពីការសម្របសម្រួលហិរញ្ញប្បទានសហប្រតិបត្តិការ របស់នាយកដ្ឋានផែនការ និងពិនិត្យមើលការងារសម្រាប់អនុវត្តបន្ដ រយៈពេល៣ថ្ងៃចាប់ពីថ្ងៃទី២៧ ដល់ថ្ងៃទី២៩ ខែឧសភា​ ឆ្នាំ២០២៦ ដែលមានសមាសភាពចូលរួមពីលោកអនុប្រធាននាយកដ្ឋាន ប្រធាន អនុប្រធានការិយាល័យ និងមន្ដ្រីជំនាញសរុប ៨នាក់ ។
កិច្ចប្រជុំនេះ បានពិភាក្សាលើប្រធានបទ៖
១)​ការរៀបចំឯកសារកម្មវិធីវិនិយោគសាធារណៈ (PIP)
២) ពិនិត្យផែនការអនុវត្តការគម្រោងប្រែប្រួលអាកាសធាតុ
៣) ការបន្ស៉ីទិន្នន័យហិរញ្ញប្បទានពីប្រព័ន្ធ​ AMIS សម្រាប់ធាតុចូលក្នុង BSP, AOP
៤) ការគ្រោងថវិកាសម្រាប់សូចនាករសហភាពអឺរ៉ុប
៥) ការរៀបចំប្រជុំបីសប្ដាហ៍ក្រោយ
- ប្រជុំគណៈកម្មការដឹកនាំ CDPF-SC នៅថ្ងៃទី០២ ខែមិថុនា ឆ្នាំ២០២៦
- ប្រជុំគម្រោង GPE-STEPCam នៅថ្ងៃទី០៤ ខែមិថុនា ឆ្នាំ២០២៦
- ប្រជុំគណៈកម្មការដឹកនាំកម្មវិធីថវិកាគាំទ្រ របស់សហភាពអឺរ៉ុប នៅថ្ងៃទី០៥ ខែមិថុនា ឆ្នាំ២០២៦

ក្រុមការងារនាយកដ្ឋានផែនការនៃក្រសួងអប់រំ យុវជន និងកីឡា បានចុះជួយសាលារៀនកិច្ចព្រមព្រៀងសម្ព័ន្ធមេត្រីភាព នៅ សាលាបឋមសិក្សាតេជោ ហ៊ុនសែន ព្រហ្មវិហារធម៌ (ខេត្តព្រះវិហារ) ដើម្បី៖
🎁 ប្រគល់សម្ភារឧបត្ថម្ភ ជូនដល់សាលារៀន។
📊 បំប៉នបច្ចេកទេស «ការធ្វើផែនការយុទ្ធសាស្ត្រអភិវឌ្ឍន៍សាលារៀនរយៈពេល ៥ ឆ្នាំ» ដើម្បីឆ្លើយតបនឹងស្តង់ដារសាលារៀនគំរូ។
វគ្គបំប៉ននេះប្រព្រឹត្តទៅចាប់ពីថ្ងៃទី២០ ដល់ថ្ងៃទី២២ ខែឧសភា ឆ្នាំ២០២៦ ដោយមានការចូលរួមយ៉ាងសកម្មពី លោកនាយក និងលោកគ្រូ​ អ្នកគ្រូ មកពី៖ សាលាបឋមសិក្សាតេជោទឹកខៀវ សាលាបឋមសិក្សាតេជោ ហ៊ុនសែន ព្រហ្មវិហារធម៌ សាលាបឋមសិក្សាប៊ុនរ៉ានី ស្ទឹងខៀវ និងសាលាកម្រងស្រអែម។

នារសៀល ថ្ងៃទី ៦ ខែឧសភា ឆ្នាំ ២០២៦ ឯកឧត្តមបណ្ឌិត លីម សុធា បានដឹកនាំក្រុមការងារនាយកដ្ឋានផែនការ ក្នុងការប្រជុំពិភាក្សាតាមប្រព័ន្ធអនឡាញជាមួយក្រុមការងារ IIEP ដើម្បីពិនិត្យលើការងារបច្ចេកទេស រៀបចំរបាយការណ៍ត្រួតពិនិត្យឡើងវិញពាក់កណ្តាលអាណត្តិ នៃផែនការយុទ្ធសាស្ត្រវិស័យអប់រំ

សារជូនពរឯកឧត្តម ពុត សាមិត្ត អនុរដ្ឋលេខាធិការ នៃក្រសួងអប់រំ យុវជន និងកីឡា

សារជូនពរឯកឧត្តមបណ្ឌិត អ៊ុង បូរាត រដ្ឋលេខាធិការ និងជានាយកខុទ្ទកាល័យ នៃក្រសួងអប់រំ យុវជន និងកីឡា

សារជូនពរ ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា

លិខិតជូនពរថ្នាក់ដឹកនាំនៃនាយកដ្ឋានផែនការ