CE SAIN Cambodia

[ចូលរួមអបអរសាទរលើការចូលរួមបោះពុម្ពអត្ថបទស្រាវជ្រាវ]

សូមអបអរសាទរដល់ក្រុមការងារពីមហាវិទ្យាល័យអប់រំ និងសារគមនាគមន៍កសិកម្ម ដែលមាន លោកបណ្ឌិត ហុក លីដា ព្រឹទ្ធបុរសមហាវិទ្យាល័យ រួមជាមួយដៃគូអនុវត្តគម្រោងស្រាវជ្រាវពីស្ថាប័នផ្សេងទៀត ដែលទទួលបានជោគជ័យក្នុងការបោះពុម្ពអត្ថបទស្រាវជ្រាវ ដែលមានចំណងជើង Impacts of long-term cassava-based conservation agriculture systems on soil greenhouse gas emissions in Cambodia នៅក្នុងទស្សនាវដ្តីស្រាវជ្រាវ Agriculture, Ecosystems and Environment។

សូមចូលទៅកាន់តំណភ្ជាប់នេះដើម្បីទាញយកអត្ថបទស្រាវជ្រាវ៖
https://doi.org/10.1016/j.agee.2026.110363
--------
ទំនាក់ទំនងមហាវិទ្យាល័យ៖
លេខទូរស័ព្ទ៖ ០១២ ៧៨៧ ៦៨៨ | ០៩៨ ៧៨៧ ៦៨៨
សារអេឡិចត្រូនិច៖ [email protected]
តេឡេក្រាម៖ ០១២ ៧៨៧ ៦៨៨
បណ្តាញក្រុមតេឡេក្រាម៖ https://t.me/rua_aec
ហ្វេសប៊ុក៖ https://facebook.com/rua.aec

សេចក្ដី​ជូនដំណឹង​ស្ដីពី​ការ​ជ្រើសរើស​និស្សិត​អាហារូបករណ៍​ថ្នាក់​បណ្ឌិត

[ការចុះអនុសារណៈនៃកិច្ចព្រមព្រៀងរវាងមហាវិទ្យាល័យអប់រំ និងសារគមនាគមន៍កសិកម្ម និងសហគមន៍កសិកម្មទំនើបបន្លែផ្ទះសំណាញ់ត្រាំកក់ដើម្បីចាប់ផ្តើមសហការអនុវត្តសកម្មភាពគម្រោង]

កាលពីថ្ងៃទី២ ខែកុម្ភៈ ឆ្នាំ២០២៦ លោកបណ្ឌិត ហុក លីដា ព្រឹទ្ធបុរសមហាវិទ្យាល័យអប់រំ និងសារគមនាគមន៍កសិកម្ម នៃសាកលវិទ្យាល័យភូមិន្ទកសិកម្ម និងលោក អ៊ុន អឿន ប្រធានក្រុមប្រឹក្សាភិបាលសហគមន៍កសិកម្មទំនើបបន្លែផ្ទះសំណាញ់ត្រំកក់ ស្ថិតនៅខេត្តតាកែវ បានចុះអនុសារណៈនៃកិច្ចព្រមព្រៀងក្នុងការអនុវត្តគម្រោង “ការកសាងសមត្ថភាព និងការធ្វើតេស្តសាកល្បងការអនុវត្តកសិកម្មវៃឆ្លាតដើម្បីបង្កើនផលិតកម្មដំណាំកសិករខ្នាតតូច” ដោយទទួលបានការគាំទ្រហិរញ្ញវត្ថុពី Mekong-Republic of Korean Cooperation Fund (MKCF) ដែលសម្របសម្រួលដោយ Mekong Institute។ កិច្ចសហការអនុវត្តគម្រោងនេះមានគោលបំណង (១) បង្កើនសមត្ថភាពរបស់សមាជិកសហគមន៍ និងភាគីពាក់ព័ន្ធក្នុងការគ្រប់គ្រងថ្នាលបណ្តុះកូនដំណាំ និងការអនុវត្តបច្ចេកទេសវៃឆ្លាត (២) ធ្វើតេស្តសាកល្បង និងវាយតម្លៃការអនុវត្តបច្ចេកទេសវៃឆ្លាតនៅក្នុងលក្ខខណ្ឌរោងថ្នាលបណ្តុះកូនដំណាំ និង (៣)កត់ត្រាពីបទពិសោធន៍ដែលទទួលបានសម្រាប់ការចែករំលែកបច្ចេកទេសនាពេលអនាគត។ កិច្ចសហការនេះនឹងរួមចំណែកដល់យន្តការផ្ទេរចំណេះដឹងទាក់ទងនឹងការអនុវត្តកសិកម្មវៃឆ្លាតក្នុងការគ្រប់គ្រងថ្នាលបណ្តុះកូនដំណាំទៅកាន់សហគមន៍កសិកម្ម និងភាគីពាក់ព័ន្ធផ្សេងទៀត។
--------
ទំនាក់ទំនងមហាវិទ្យាល័យ៖
លេខទូរស័ព្ទ៖ ០១២ ៧៨៧ ៦៨៨ | ០៩៨ ៧៨៧ ៦៨៨
សារអេឡិចត្រូនិច៖ [email protected]
តេឡេក្រាម៖ ០១២ ៧៨៧ ៦៨៨
បណ្តាញក្រុមតេឡេក្រាម៖ https://t.me/rua_aec
ហ្វេសប៊ុក៖ https://facebook.com/rua.aec

[ការជួបពិភាក្សា និងការរាយការណ៍ពីវឌ្ឍនភាពនៃការរៀបចំផែនការអនុវត្តសកម្មភាពគម្រោងរវាងសាកលវិទ្យាល័យភូមិន្ទកសិកម្ម និងទីភ្នាក់ងារ KOICA]

កាលពីថ្ងៃទី៦ ខែកុម្ភៈ ឆ្នាំ២០២៦ ឯកឧត្តមសាស្រ្តាចារ្យបណ្ឌិត ង៉ោ ប៊ុនថាន សាកលវិទ្យាធិការនៃសាកលវិទ្យាល័យភូមិន្ទកសិកម្ម និងលោក Heungsu Lee នាយករងនៃទីភ្នាក់ងារសហប្រតិបត្តិការអន្តរជាតិ (KOICA) ប្រចាំកម្ពុជា បានជួបពិភាក្សាគ្នានៅមហាវិទ្យាល័យអប់រំ និងសារគមនាគមន៍កសិកម្ម ដើម្បីអនុញ្ញាតឱ្យក្រុមអ្នកជំនាញជនជាតិកូរ៉េ និងក្រុមការងារមហាវិទ្យាល័យបានរាយការណ៍ពីវឌ្ឍនភាពនៃការរៀបចំផែនការអនុវត្តសកម្មភាពលម្អិតនៃគម្រោង “ការកសាងទំនាក់ទំនងចម្រុះរវាងការស្រាវជ្រាវ អប់រំ និងផ្សព្វផ្សាយកសិកម្មដែលបន្ស៊ាំទៅនឹងបម្រែបម្រួលអាកាសធាតុនៅប្រទេសកម្ពុជា” ដែលគាំទ្រហិរញ្ញវត្ថុដោយទីភ្នាក់ងារ KOICA សម្រាប់រយៈពេល ០៥ឆ្នាំ។ គម្រោងនេះមានគោលបំណង (១) ពង្រឹងសមត្ថភាពប្រព័ន្ធផ្សព្វផ្សាយកសិកម្ម (វិស័យសាធារណៈ និងវិស័យឯកជន) និង (២) ធ្វើឱ្យប្រសើរឡើងនូវសមត្ថភាពអប់រំ និងស្រាវជ្រាវទាក់ទងនឹងសេវាផ្សព្វផ្សាយកសិកម្ម នៅសាកលវិទ្យាល័យភូមិន្ទកសិកម្ម។ ក្រុមការងារអនុវត្តគម្រោងនឹងបន្តពិភាក្សា និងរៀបចំផែនការសកម្មភាពលម្អិតបន្ថែមទៀត។
--------
ទំនាក់ទំនងមហាវិទ្យាល័យ៖
លេខទូរស័ព្ទ៖ ០១២ ៧៨៧ ៦៨៨ | ០៩៨ ៧៨៧ ៦៨៨
សារអេឡិចត្រូនិច៖ [email protected]
តេឡេក្រាម៖ ០១២ ៧៨៧ ៦៨៨
បណ្តាញក្រុមតេឡេក្រាម៖ https://t.me/rua_aec
ហ្វេសប៊ុក៖ https://facebook.com/rua.aec

[កិច្ចប្រជុំជាមួយក្រុមការងារទីភ្នាក់ងារ KOICA និងអ្នកជំនាញកូរ៉េដើម្បីពិភាក្សាពីផែនការចុះស្ទង់មតិដំណាក់កាលចាប់ផ្តើមគម្រោង]

ក្រុមការងារមហាវិទ្យាល័យអប់រំ និងសារគមនាគមន៍កសិកម្ម នៃសាកលវិទ្យាល័យភូមិន្ទកសិកម្ម បានជួបជាមួយក្រុមការងារទីភ្នាក់ងារ KOICA និងអ្នកជំនាញកូរ៉េដែលត្រូវបានជ្រើសរើសសម្រាប់សហការជាមួយមហាវិទ្យាល័យអនុវត្តគម្រោង “ការកសាងទំនាក់ទំនងចម្រុះរវាងការស្រាវជ្រាវ អប់រំ និងផ្សព្វផ្សាយកសិកម្មដែលបន្ស៊ាំទៅនឹងបម្រែបម្រួលអាកាសធាតុនៅប្រទេសកម្ពុជា” ដើម្បីពិភាក្សាពីការរៀបចំផែនការចុះស្ទង់មតិដំណាក់កាលចាប់ផ្តើមគម្រោងរបស់ក្រុមអ្នកជំនាញកូរ៉េជាមួយភាគីពាក់ព័ន្ធក្នុងអំឡុងខែកុម្ភៈ ឆ្នាំ២០២៦ នេះ។ ទីភ្នាក់ងារ KOICA បានផ្តល់ការគាំទ្រហិរញ្ញវត្ថុអនុវត្តសកម្មភាពគម្រោងរយៈពេល ០៥ ឆ្នាំ ដោយមានគោលបំណង (១) ពង្រឹងសមត្ថភាពប្រព័ន្ធផ្សព្វផ្សាយកសិកម្ម (វិស័យសាធារណៈ និងវិស័យឯកជន) និង (២) ធ្វើឱ្យប្រសើរឡើងនូវសមត្ថភាពអប់រំ និងស្រាវជ្រាវទាក់ទងនឹងសេវាផ្សព្វផ្សាយកសិកម្ម នៅសាកលវិទ្យាល័យភូមិន្ទកសិកម្ម។ កិច្ចព្រមព្រៀងលើការគាំទ្រហិរញ្ញវត្ថុដល់គម្រោងនេះត្រូវបានចុះហត្ថលេខារវាង ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ និងលោកស្រី Choi Moonjung នាយិកាទីភ្នាក់ងារ KOICA ប្រចាំប្រទេសកម្ពុជា កាលពីខែមេសា ឆ្នាំ២០២៥ កន្លងមក។
--------
ទំនាក់ទំនងមហាវិទ្យាល័យ៖
លេខទូរស័ព្ទ៖ ០១២ ៧៨៧ ៦៨៨ | ០៩៨ ៧៨៧ ៦៨៨
សារអេឡិចត្រូនិច៖ [email protected]
តេឡេក្រាម៖ ០១២ ៧៨៧ ៦៨៨
បណ្តាញក្រុមតេឡេក្រាម៖ https://t.me/rua_aec
ហ្វេសប៊ុក៖ https://facebook.com/rua.aec

Best wishes for a successful and fulfilling academic journey in the Master’s Degree Program in Development Communication at University of the Philippines Los Baños(UPLB), Philippines. Congratulations again on being awarded our RUA–SEARCA Joint Graduate Scholarship, a key human resource development mechanism of RUA Faculty of Agricultural Education and Communications at Royal University of Agriculture. I’m confident that this opportunity will be incredibly rewarding and very much look forward to working with them again after their graduation.