Khmer Buddhism

ភាពស្ងៀមស្ងាត់ បង្កើតនូវឋាមពលដ៏មហិមា!

#អនន្តានិចក្រវាឡានិ
ក្នុងចក្រវាឡទាំងឡាយរាប់ប្រមាណមិនបាន
មានតែចក្រវាឡនេះប៉ុណ្ណោះដែលមានព្រះពុទ្ធត្រាស់ដឹង។
រីឯព្រះពុទ្ធឡាយ ក៏មិនងាយកើតឡើងនៅក្នុងលោក ហើយក៏មិនមែនកើតឡើងដោយចៃដន្យ មានហេតុមានបច្ច័យគ្រប់គ្រាន់ទើបកើតឡើងបាន។

សត្វលោកដែលមាននិស្ស័យល្អសាងក្នុងកាលមុន( បុព្វជាតិ ) ទើបអាចជួបសាសនាល្អឯកនិងកម្រមួយនេះបាន។
បើបុគ្គលណា គ្រាន់តែបានសិក្សាក្នុងទាននិងសីល ក៏មិនទាន់ចាត់ថា បានជួបនូវសាសនានេះនៅឡើយទេ លុះតែបុគ្គលនោះ បានសិក្សាក្នុង បរមត្ថធម៌ ដោយល្អហើយ ទើបចាត់ថាបានជួបនូវសាសនានេះពិតប្រាកដ ។

ពុទ្ធោ ឧប្បត្តិ លោកស្ស
ធម្មោ ឧប្បត្តិ លោកស្ស
សង្ឃោ ឧប្បត្តិ លោកស្ស

ព្រះពុទ្ធកើតឡើងហើយនៅក្នុងលោក
ព្រះធម៌កើតឡើងហើយនៅក្នុងលោក
ព្រះសង្ឃកើតឡើងហើយនៅក្នុងលោក !

កាលពី២៥៦២មុន ក្នុងថ្ងៃនេះ ព្រះពុទ្ធទ្រង់ប្រកាសសម្ដែងធម៌ជាដំបូងបំផុត ដល់ឥសីទាំង៥ក្នុងព្រៃឥសិបតនមិគទាយវ័ន ទេវតាក្នុងម៉ឺនចក្រវាឡ បានជុំគ្នាដើម្បីស្ដាប់ធម៌។ ទេវតានិងព្រហ្ម១៨កោដិបានត្រាស់ដឹងធម៌ក្នុងបឋមទេសនា។
ឥសីទាំងប្រាំបានទទួលនូវឯហិភិក្ខុ សម្រេចបានជាត្រៃរតនៈក្នុងលោក ។ ផែនដីកក្រើករំពើកញាប់ញ័រយ៉ាងក្រៃលែង សំឡេងថ្វាយសាធុការនៃទេវតាទាំងឡាយ ក្នុងម៉ឺនចក្រវាឡបានប្រព្រឹត្តិទៅយ៉ាងឱឡារឹកគគ្រឹកគគ្រេង គួរស្បើមជាពន់ពេក។

ទ្វារនៃព្រះនិព្វានបានរបើកហើយ!

#ការបន្ទាបខ្លួន

តាមធម្មតា ធម្មជាតិនៃមនុស្សយើងចូលចិត្ត អំនួតអួតអាង ប្រកួតប្រជែងគ្នា ។ អ្នកខ្លះអួតចំណេះ អួតជំនាញ អួតទេពកោសល្យ អួតស្រី អួតស្រា អួតសម្បត្តិ លុយ ឡាន ផ្ទះ វីឡា ។ល។
ការអួតខ្លះ ធ្វើឱ្យបែកបាក់មិត្តភាព ធ្វើឱ្យមានការស្អប់រើសអើងគ្នា ផងក៏មាន អ្នកខ្លះក្លាយជាសត្រូវនឹងគ្នា ព្រោះតែរឿងអួតក៏មាន ដោយសា ភាគីម្ខាងទៀត គ្មានរឿងអួត ឬអួតមិនឈ្នះ ជាដើម។

ដូច្នេះហើយទើបព្រះពុទ្ធទ្រង់ឱ្យមនុស្ស រៀនចេះប្រព្រឹត្តិបន្ទាបខ្លួន ដោយទ្រង់លើកឡើងថា " ការបន្ទាបខ្លួន ជាមង្គលដ៏ប្រសើរ " ។
បន្ទាបខ្លួន មិនមែនមានន័យថា លាក់ពុតលាក់គំនួចអ្វីទេ គឺមានន័យថា ជាការផ្ដល់តម្លៃឱ្យខ្លួនឯងនិងអ្នកជុំវិញខ្លួន ។

នៅលើពិភពលោកនេះ គ្មានអ្នកណាគេគោរពឱ្យតម្លៃ ទៅលើមនុស្សមានអំនួតអួតក្អេងក្អាងនោះទេ ទោះអ្នកមានចំណេះមហាសាលយ៉ាងណាក៏ដោយ ។ តាមពិតនោះ ខ្ញុំក៏ដោយអ្នកដោយ គឺតែងតែគោរពឱ្យតម្លៃមនុស្សដែល មានការបន្ទាបខ្លួន ពោលគឺ មនុស្សដែលមានការក្រែងចិត្តអ្នកផងហ្នឹងឯង ៕

ព្រះពុទ្ធជាបុគ្គលឯកនៅក្នុងលោក
ការកើតឡើងនៃព្រះពុទ្ធជាការក្រនៅក្នុងលោក

https://www.youtube.com/channel/UCnjQikB-dnHMUYpRoKhR4CA

Siksa Dharma

#បុញ្ញនិធិ(កំណប់បុណ្យ)

កំណប់ទ្រព្យគឺបុណ្យ មិនទូទៅដល់ពួកជនដទៃ ជារបស់ដែលចោរលួចទៅមិនបាន។ ភាពជាស្ដេចប្រទេសរាជ ឥស្សរិយយស សេចក្ដីសុខរបស់ស្ដេចចក្រពត្តិជាទីស្រឡាញ់ ភាពជាស្ដេចនៃទេវតា ក្នុងទេពនិកាយទាំងឡាយផលទាំងអស់ រមែងបានដោយកំណប់ទ្រព្យគឺបុណ្យន៎ុះ។
បដិសម្ភិទា វិមោក្ខ សាវកបារមីញាណ បច្ចេកពោាធិញាណ និងពុទ្ធភូមិណាៗ ឥដ្ឋផលទាំងអស់ រមែងបានដោយកំណប់ទ្រព្យគឺបុណ្យន៎ុះ។
បុញ្ញសម្បទានេះ ឱ្យសម្រេចប្រយោជន៍ធំ ដោយប្រការដូច្នេះ ព្រោះហេតុនោះ អ្នកប្រាជ្ញទាំងឡាយ ជាធីរជន ទើបសរសើរនូវភាពនៃបុគ្គលជាអ្នកមានបុណ្យធ្វើទុកហើយ។ ( សម្រាប់ជាធម្មទាន)