Top Proverbs

#នេះជាច្បាប់នៃធម្មជាតិ

-ចង់រកប្រភពទឹកស្អាតបរិសុទ្ធ ចូរផឹកទឹក ពីស្រះ ទន្លេ បឹង ដែលសេះផឹក ព្រោះសត្វសេះមិនដែលផឹកទឹកកខ្វក់ឡេីយ

-ចង់គេងលក់ស្រួល ចូររៀបចំដំណេក និងរក្សាឥរិយាបថលេីគ្រែគេង ឱ្យដូចសត្វឆ្មា អ្នកនឹងគេងលក់ស្កប់ស្កល់ដូចឆ្មា

-ចង់រកផ្លែឈើល្អ ចូរបរិភោគផ្លែឈេី ដែលត្រូវបានដង្កូវចោះ ព្រោះជាផ្លែឈេីធម្មជាតិគ្មានជាតិពុល ឬជាតិគីមីឡេីយ

-ភ័យមិនស្គាល់ប្រភេទផ្សិត? អ្នកអាចបេះយកផ្សិត ដែលមានសត្វល្អិតយកមកទទួលទានបាន ព្រោះវាបញ្ជាក់ថានេះជាប្រភេទផ្សិតដែលគ្មានជាតិពុលនោះទេ

-ចង់ធ្វេីដំណាំ និងចម្ការ តែមិនដឹងប្រភេទដី? ចូលដាំដំណាំទាំងនោះ នៅកន្លែងដែលសត្វកំពីងដូងជីក ឬធ្វេីជាជម្រក ទីនោះនឹងមានដីជីវជាតិល្អដែលអាចប្រេីប្រាស់បាន

-ស្វែងរកជម្រកល្អរស់នៅ និងមានផាសុកភាព! ចូរសង់ផ្ទះរបស់អ្នក នៅទីដែលធ្លាប់មានពស់រស់នៅ ព្រោះវានឹងធ្វេីឱ្យផ្ទះរបស់អ្នកមានភាពកក់ក្តៅខុសពីកន្លែងដទៃ

-ចង់ជីកស្រះ ឬទឹកទុកប្រេីប្រាស់មិនដឹងជីកនៅកន្លែងណា! ចូរជីករកប្រភពទឹកនៅកន្លែង ដែលបក្សីជ្រកកោនធ្វេីសំបុកលាក់ខ្លួនពីកំដៅថ្ងៃ

-ចូលគេង ហើយភ្ញាក់ឡើងក្នុងពេលតែមួយជាមួយបក្សី អ្នកនឹងមានថាមពល និងស្មារតីរ៉ឹងប៉ឹងខ្លាំង ហេីយមានសុខភាពល្អដូចជាបក្សីដែរ

-ទទួលទានបន្លែ និងផ្លែឈេីដែលមានពណ៌បៃតងឱ្យបានច្រេីន អ្នកនឹងមានជេីង/រាងកាយរឹងមាំ និងបេះដូងមានសុខភាពល្អមាំមួន មិនខុសពីព្រៃឈេីទេ

-ហែលទឹកឱ្យបានញឹកញាប់ អ្នកនឹងមានអារម្មណ៍រីករាយ ហេីយរាងកាយរស់រវេីកដូចជាសត្វត្រីហែលនៅក្នុងទឹកអ៉ីចឹង

-សម្លឹងមើលទៅលើមេឃឱ្យបានញឹកញាប់តាមដែលអាចធ្វើទៅបាន នោះគំនិត និងខួរក្បាលរបស់អ្នកនឹងប្រែជាស្រស់ថ្លា ស្រស់បំព្រង និងធូរស្រាលពីភាពតានតឹងដូចពន្លឺស្រាលៗនៅលេីផ្ទៃមេឃ

-រក្សាភាពស្ងាត់ស្ងៀមឱ្យបានច្រេីន និយាយឱ្យកាន់តែតិច ហើយស្តាប់ឱ្យបានច្រេីន អ្នកនឹងកេីតមានភាពស្ងប់សុខនៅក្នុងចិត្ត ហើយព្រលឹងវិញ្ញាណរបស់អ្នកនឹងមានភាពស្ងប់ស្ងាត់ និងពោរពេញដោយសន្តិភាពផ្លូវចិត្ត ។

ខាងលើនេះអាចឱ្យយើងបានដឹងថា ការរស់នៅទោះបីជាជឿនលឿនយ៉ាងណា មនុស្សនៅតែមិនអាចប្រកែកបានទៅនឹងច្បាប់ធម្មជាតិដដែល គ្មានអ្វីដែលល្អជាងការហូបចុក រស់នៅ និងឥរិយាបថប្រចាំថ្ងៃសម្របទៅតាមធម្មជាតិពិតនោះទេ ការមិនគោរពតាមច្បាប់ធម្មជាតិមិនខុសពីការបំពានធម្មជាតិ ដែលជាការនាំទុក្ខទោសដល់ខ្លួនឯងនោះឡើយ៕

ប្រភពភាសាបរទេស៖ Saint Seraphim of Sarove

ប្រែសម្រួលជាខេមរភាសាដោយ៖ Admin កវីលាក់ស្នេហ៍ Page កវីលាក់ស្នេហ៍-ប្រលោមលោក

#ចែធំ​ #កវីលាក់ស្នេហ៍ប្រលោមលោក

សូមអនុមោទនា មេឃបូជា 🙏

នមោ ពុទ្ធាយ សិទ្ធំ

(អំនួត ភាពក្អេងក្អាង គិតថាមានតែខ្លួនឯងទេដែលអស្ចារ្យ តែកុំភ្លេចគិតថាក្រោមមេឃមិនមែនមានតែអ្នកទេ)

🐍King Cobra គឺជាប្រភេទពស់វែកមានពិសដែលមានប្រវែងវែងជាងគេបង្អស់រហូត ៤ ទៅ ៥ ម៉ែត្រ។ វាជាប្រភេទសត្វពស់ដែលសុីសត្វពស់គ្នាវា។

ចំនែកឯ 🐍Reticulated Python ជាប្រភេទសត្វពស់ថ្លាន់ដែលមានទំហំនិងប្រវែងវែងគេបង្អស់ រហូតដល់ ៥ ទៅ ៦ ម៉ែត្រ។ ពស់ថ្លាន់គឺគ្មានពិសទេ វាសំលាប់ចំណីរបស់វាដោយការរឹត។ ចំណីរបស់វាគឺ កណ្តុរ មាន់ ទា ជាដើម។

ដូចឃើញក្នុងរូប king Cobra (ស្តេចពស់វែក) ព្យាយាមសុីពស់ថ្លាន់ ព្រោះវាគិតថា វានឹងអាចសុីពស់ថ្លាន់បាន ដូចដែលវាធ្លាប់សុីពស់តូចៗផ្សេងទៀត។ វាបានទៅខាំក្បាលពស់ថ្លាន់ ហើយពស់ថ្លាន់ក៏រឹតពស់វែកយ៉ាងខ្លាំងដើម្បីការពារខ្លួន ប៉ុន្តែពស់ថ្លាន់បានងាប់តាំងពីពស់វែកចឹកវាបានតែ ៣០ វិនាទី ម្ល៉េះ ប៉ុន្តែពស់វែកក៏មិនអាចដោះខ្លួនចេញពីការរឹតរបស់ពោះថ្លាន់ឡើយ វាក៏ត្រូវងាប់ដែរ។ ការពិតពស់វែកនិងពស់ថ្លាន់កំរជួបគ្នាណាស់។

រឿងនេះបានប្រាប់យើងថា "បើអ្នកគិតថា អ្នកខ្លាំងជាងគេ អស្ចារ្យ ជាងគេ អ្នកគិតខុសហើយ។ ការមើលងាយ មើលស្រាល ការធ្វើអ្វីដែលមិនចេះប្រមាណខ្លួន ប្រាកដជាបរាជ័យ។"

ប្រភព: លោកគ្រូ នួន អក

អ្នកមិនត្រូវការ ការប្រកួតប្រជែងជាមួយមនុស្សគ្រប់គ្នា ដើម្បីបង្ហាញពីតម្លៃរបស់អ្នកទេ។ អ្នកជាអ្នកណា, អ្នកស្ថិតក្នុងកម្រិតបែបណា, អ្នកល្អប៉ុណ្ណា... អ្នកបានដឹងវាច្បាស់ដោយខ្លួនឯងហើយ។ រឿងខ្លះវាមិនមានប្រយោជន៍អ្វីដើម្បីឲ្យអ្នកប្រជែង ទាំងដែលមិនបានផលអ្វីតបស្នងមកវិញនោះឡើយ។ 🙂