សមាគមនិស្សិតសាកលវិទ្យាល័យភូមិន្ទភ្នំពេញ

10/05/2026

សេចក្ដីជូនដំណឹង ស្ដីការប្រកួតកីឡាពានរង្វាន់មិត្តភាពឆ្នាំ២០២៦លើកទី១ ក្រោមប្រធានបទយើងទាំងអស់គ្នាដើម្បីកីឡា កីឡាដើម្បីសាមគ្គីភាពនិងសុខភាព

27/03/2026

សេចក្តីជូនដំណឹង

សាកលវិទ្យាល័យភូមិន្ទភ្នំពេញ សូមជម្រាបជូនដំណឹងដល់សាស្រ្តាចារ្យ លោកគ្រូ-អ្នកគ្រូ បុគ្គលិកអប់រំ និស្សិតគ្រប់ដេប៉ាតឺម៉ង់ និងសាធារណជនទាំងអស់ឱ្យបានជ្រាបថា ក្នុងឱកាសអបអរសាទរពិធីបុណ្យចូលឆ្នាំថ្មីប្រពៃណីជាតិខ្មែរ ដែលនឹងឈានចូលមកដល់ខាងមុខនេះ សាកលវិទ្យាល័យនឹងរៀបចំកម្មវិធី «សង្ក្រាន្តសាកលវិទ្យាល័យភូមិន្ទភ្នំពេញ» ដើម្បីអបអរសាទរពិធីបុណ្យចូលឆ្នាំខ្មែរ ជាដំណើរដាច់ឆ្នាំចាស់ និងផ្លាស់ចូលឆ្នាំថ្មី។

កម្មវិធីនេះនឹងប្រព្រឹត្តទៅនៅ ថ្ងៃទី១០ ខែមេសា ឆ្នាំ២០២៦ ដោយមានសកម្មភាពសម្បូរបែប រួមមាន៖
- សកម្មភាពបែបវប្បធម៌ និងពិធីសាសនា
- ការដាក់ស្តង់តាំងបង្ហាញស្នាដៃនិស្សិត និងផលិតផលដែលផលិតដោយនិស្សិតតាមដេប៉ាតឺម៉ង់
- ការសម្តែងទេពកោសល្យរបស់និស្សិត និងការរាំកម្សាន្តជាមួយចង្វាក់ប្រពៃណី
- ការលេងល្បែងប្រជាប្រិយខ្មែរ

សកម្មភាពទាំងនេះមានគោលបំណងលើកតម្កើងអត្តសញ្ញាណ វប្បធម៌ និងប្រពៃណីជាតិ ដែលជាផ្នែកមួយនៃការថែរក្សា និងការពារមរតកវប្បធម៌ជាតិដ៏មានតម្លៃ។

🚶‍♀️ ចូលរួមដោយសេរី

បញ្ជាក់៖ ដើម្បីរក្សាបរិយាកាសបែបប្រពៃណីជាតិ ក្នុងបរិវេណសាកលវិទ្យាល័យ កម្មវិធីឆ្នាំនេះ "មិនមានការប្រគំតន្ត្រីសម័យ" នោះទេ។

28/02/2026

សេចក្ដីជូនដំណឹង ស្ដីពីការជ្រើសរើសកីឡាករបាល់ទះ បាល់បោះ បុរស នារីចូលរួមប្រកួតដណ្ដើម ពានរង្វាន់ឧត្តមសិក្សានាដើមខែមិថុនា ឆ្នាំសិក្សា២០២៥-២០២៦

28/02/2026

សេចក្ដីជូនដំណឹង ស្ដីពីការរៀបចំប្រកួតកីឡាបាល់ទាត់ពានរង្វាន់សាកលវិទ្យាល័យភូមិន្ទភ្នំពេញ ឆ្នាំសិក្សា២០២៥-២០២៦

01/02/2026

#សមាគមនិស្សិតសភភព

នាព្រឹកថ្ងៃទី១ខែកុម្ភះឆ្នាំ២០២៦លោកហេង ឌីណាអនុប្រធានការិយាល័យ ទំនាក់ទំនងនិងអាហារូបករណ៍ ក២២ជាប្រធានសមាគមនិស្សិតបានដឹកនាំសមាជិកចំនួន១០០នាក់ចូលរួម
កិច្ចប្រជុំបូកសរុបលទ្ធផលការងារប្រចាំឆ្នាំ២០២៥ និងលើកទិសដៅការងារឆ្នាំ២០២៦ ជាមួយ លោក លោកស្រី អនុប្រធានគណៈកម្មាធិការប្រតិបត្តិ លោក លោកស្រី ប្រធានអនុប្រធាន និងសមាជិកការិយាល័យ ព្រមទាំងប្អូននិស្សិតនៃសមាគមនិស្សិតទាំង៧ នៅទីស្នាក់ការស.ស.យ.ក រាជធានីភ្នំពេញ អគារខេមរានី។

កិច្ចប្រជុំដ៏មានសារៈសំខាន់នេះក៏បានរួមបញ្ចូលនូវការធ្វើបទបង្ហាញពីស្នាដៃនឹងលទ្ធផលការងារ ព្រមទាំងទិសដៅការងារថ្មីៗពីបណ្ដាការិយាល័យចំណុះទាំង៦ និងសមាគមនិស្សិតទាំង៧ ចំណុះសហព័ន្ធនិស្សិតបញ្ញវ័ន្តប្រជាធិបតេយ្យកម្ពុជា ក២២ ផងដែរ។

26/12/2025

សេចក្តីជូនដំណឹង ដល់និស្សិតឆ្នាំទី១ (ឆ្នាំសិក្សាមូលដ្ឋាន ឆ្នាំ2025-2026) អំពីការបណ្ដុះបណ្ដាលតម្រង់ទិស តាមកាលវិភាគខាងលើ៖

*** សម្រាប់មថ្ងៃទី៥ ខែមករា ឆ្នាំ២០២៦
- មហាវិទ្យាល័យសង្គមសាស្រ្ត-មនុស្សសាស្រ្ត

*** សម្រាប់មថ្ងៃទី៦ ខែមករា ឆ្នាំ២០២៦
- មហាវិទ្យាល័យវិទ្យាសាស្ត្រ

*** សម្រាប់មថ្ងៃទី៨ ខែមករា ឆ្នាំ២០២៦
- មហាវិទ្យាល័យវិស្វកម្ម
- មហាវិទ្យាល័យសិក្សាអភិវឌ្ឍន៍
- មហាវិទ្យាល័យអប់រំ

*** សម្រាប់មថ្ងៃទី៩ ខែមករា ឆ្នាំ២០២៦
- វិទ្យាស្ថានភាសាបរទេស(IFL)
- វិទ្យាស្ថានសិក្សាអន្តរជាតិ (IISPP)

07/12/2025

22/11/2025

សម្រាប់ប្អូនៗ ត្រូវប្រលងជ្រើសរើសចូលរៀន នេះជាប្លង់អគារ កាលបរិច្ឆេទ និងពេលប្រលង សម្រាប់ថ្ងៃទី២៤ ខែវិច្ឆិកា ឆ្នាំ២០២៥ នៅសាកល​វិទ្យាល័យភូមិន្ទភ្នំពេញ។

សូមសំណាងល្អ ប្អូនៗទាំងអស់គ្នា

26/09/2025

សេចក្តីជូនដំណឹង ស្តីពី ការជ្រើសរើសនិស្សិតអាហារូបករណ៍ពេញលេញឱ្យចូលរៀននៅតាមគ្រឹះស្ថានឧត្តមសិក្សាសាធារណៈ ក្រោមឱវាទក្រសួងអប់រំ យុវជន និងកីឡា សម្រាប់ឆ្នាំសិក្សា ២០២៥-២០២៦ ក្នុងក្របខណ្ឌគម្រោងកម្មវិធីភាពជាដៃគូសហភាពអឺរ៉ុប-កម្ពុជា លើបរិវត្តកម្មអប់រំបច្ចេកទេស ២០២៤ -២០២៧។

១-សម្រាប់ថ្នាក់បរិញ្ញាបត្រជាន់ខ្ពស់ ៖ បេក្ខជនដែលមានសញ្ញាបត្របរិញ្ញាបត្រ ឬសញ្ញាបត្រមានតម្លៃស្មើ ពាក់ព័ន្ធនឹងមុខជំនាញក្នុងវិស័យស្ទែម និងកសិកម្ម ដែលទទួលស្គាល់ដោយក្រសួងអប់រំ យុវជន និងកីឡានាឆ្នាំកន្លងមក និងមានអាយុមិនលើសពី ៤០ឆ្នាំ មានបំណងប្រឡងយកអាហារូបករណ៍ពេញលេញចូលរៀនកម្រិតបរិញ្ញាបត្រជាន់ខ្ពស់ អាចទាញយកពាក្យស្នើសុំអាហារូបករណ៍តាមតំណភ្ជាប់ ៖ https://drive.google.com/drive/folders/1fuSguKzlRCYkCiZOvtSaJKIoUsQf0wqo

២-សម្រាប់ថ្នាក់បណ្ឌិត៖ បេក្ខជនដែលមានសញ្ញាបត្របរិញ្ញាបត្រជាន់ខ្ពស់ ឬសញ្ញាបត្រមានតម្លៃស្មើ ពាក់ព័ន្ធនឹងមុខជំនាញក្នុងវិស័យស្ទែម និងកសិកម្ម ដែលទទួលស្គាល់ដោយក្រសួងអប់រំ យុវជន និងកីឡានាឆ្នាំកន្លងមក និងមានអាយុមិនលើសពី៤៥ឆ្នាំ ដែលមានបំណងប្រឡងយកអាហារូបករណ៍ចូលរៀនកម្រិតបណ្ឌិត ត្រូវមកទាញយកពាក្យស្នើសុំអាហារូបករណ៍តាមតំណភ្ជាប់ https://drive.google.com/drive/folders/18lYuvvazgHra6Xbp330CgVp8KpMnsp-U