Faculty of Dentistry International University

🎉 អបអរសាទរ ព្រះរាជពិធីបុណ្យចម្រើនព្រះជន្ម
សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ 🙏🇰🇭

ក្នុងឱកាសដ៏មហាមង្គលនេះ សូមព្រះបារមី និងវត្ថុស័ក្តិសិទ្ធិក្នុងលោក ប្រោសប្រទានពរជ័យថ្វាយ សម្តេចព្រះមហាក្សត្រី ឱ្យទ្រង់ប្រកបដោយព្រះរាជសុខភាពល្អបរិបូរណ៍ ព្រះកាយពលមាំមួន ព្រះជន្មាយុយឺនយូរ និងគង់ជាម្លប់ដ៏ត្រជាក់ត្រជុំដល់ប្រជារាស្ត្រខ្មែរជានិច្ចនិរន្តរ៍។ 💐

Follow us with page: https://www.facebook.com/iu.edu.kh

អបអរសាទរ ខួប ៦៤ឆ្នាំ នៃសាលក្រមរបស់តុលាការយុត្តិធម៌អន្តរជាតិ (ICJ) ទីក្រុងឡាអេ ដែលបានប្រគល់អធិបតេយ្យភាពលេី​ប្រាសាទព្រះវិហារ​ ដល់​ប្រទេសកម្ពុជា។

១៥ មិថុនា ១៩៦២ - ១៥ មិថុនា ២០២៦

Celebrating the 64th anniversary of the International Court of Justice (ICJ) ruling, which found that the Preah Vihear Temple is situated in territory under the sovereignty of Cambodia.

June 15, 1962 - June 15, 2026

សកម្មភាពការដាំបង្គោលធ្មេញក្នុងឆ្អឹងលើកទី១៨ របស់ក្រុមគ្រូពេទ្យ TRINON COLLEGIUM PRACTICUM សហការជាមួយក្រុមគ្រូពេទ្យនៅ មហាវិទ្យាល័យទន្តវទនសាស្រ្ត នៃសាកលវិទ្យាល័យអន្តរជាតិ ដែលផ្តល់ជូនដោយឥតគិតថ្លៃ ដល់ប្រជាជនកម្ពុជា ក្នុងថ្ងៃទី ៨-១២ ខែ មិថុនា ឆ្នាំ ២០២៦
————————————

Photo by: Sokthea Mao

🦷✨ សកម្មភាពសិក្សាមុខវិជ្ជា Prosthodontics II ✨🦷

មហាវិទ្យាល័យទន្តវទនសាស្រ្ត នៃសាកលវិទ្យាល័យអន្តរជាតិ បានរៀបចំសកម្មភាពសិក្សាទ្រឹស្តី និងការអនុវត្តត្រាប់តាមការងារបច្ចេកទេសក្នុងគ្លីនិក សម្រាប់និស្សិតថ្នាក់ DD61 ជំនាន់ទី១៧ ក្រោមការដឹកនាំដោយ លោកទន្តបណ្ឌិតឯកទេស ស្រេង រិទ្ធី។

កម្មវិធីនេះផ្តោតលើការរួមបញ្ចូលទ្រឹស្តី និងការអនុវត្តជាក់ស្តែង ដើម្បីពង្រឹងជំនាញវិជ្ជាជីវៈ បច្ចេកទេស និងភាពជឿជាក់របស់និស្សិត ក្នុងការផ្តល់សេវាទន្តសាស្ត្រដែលមានគុណភាព។

🎓 មហាវិទ្យាល័យបន្តប្តេជ្ញាពង្រឹងគុណភាពអប់រំ ដើម្បីបណ្តុះធនធានមនុស្សដែលមានសមត្ថភាព និងក្រមសីលធម៌វិជ្ជាជីវៈ សម្រាប់អនាគតវិស័យទន្តសាស្ត្រនៅកម្ពុជា។

🎉 អបអរសាទរ ទិវាកុមារអន្តរជាតិ ១ មិថុនា ២០២៦ 🎉

សាកលវិទ្យាល័យអន្តរជាតិ សូមចូលរួមអបអរសាទរ ទិវាកុមារអន្តរជាតិ ១ មិថុនា ដែលជាឱកាសដ៏មានសារៈសំខាន់ក្នុងការលើកកម្ពស់សិទ្ធិ សុខុមាលភាព និងការអភិវឌ្ឍសក្តានុពលរបស់កុមារ ដែលជាធនធានមនុស្សដ៏មានតម្លៃសម្រាប់អនាគតប្រទេសជាតិ។

កុមារគ្រប់រូបរីកលូតលាស់ប្រកបដោយចំណេះដឹង គុណធម៌ និងភាពច្នៃប្រឌិត ដើម្បីក្លាយជាធនធានមនុស្សដ៏ឆ្នើម និងជាកម្លាំងស្នូលក្នុងការអភិវឌ្ឍសង្គមជាតិនាពេលអនាគត។

💙 «កុមារថ្ងៃនេះ គឺជាអ្នកដឹកនាំនាពេលអនាគត» 💙

#ទិវាកុមារអន្តរជាតិ

ថ្នាក់ទន្តបណ្ឌិត
លទ្ធផលប្រឡងចេញថ្នាក់ជាតិ ចំពោះនិស្សិតបានបញ្ចប់ការសិក្សា
នៅតាមគ្រឹះស្ថានបណ្តុះបណ្តាលក្នុងវិស័យសុខាភិបាល សម្រាប់ឆ្នាំ២០២៦
សម័យប្រឡង៖ ថ្ងៃទី២៣-២៤ ខែឧសភា ឆ្នាំ២០២៦

Follow us with page: https://www.facebook.com/iu.edu.kh

📚 សិស្សានុសិស្សនៃ Oudong High School បានអញ្ជើញចុះទស្សនកិច្ចសិក្សានៅ International University – Kampong Chhnang ដើម្បីស្វែងយល់អំពីបរិយាកាសសិក្សា កម្មវិធីបណ្តុះបណ្តាល និងទិសដៅវិជ្ជាជីវៈក្នុងវិស័យវិទ្យាសាស្ត្រសុខាភិបាល។

ក្នុងឱកាសនេះ មានការចូលរួមសំណេះសំណាល និងផ្តល់ការណែនាំតម្រង់ទិសដោយ លោកសាស្រ្តាចារ្យជំនួយ ទួន ហាក់ និងលោកទន្តបណ្ឌិត ហេង ច័ន្ទណាវុឌ្ឍ ដោយបានធ្វើការបង្ហាញ និងណែនាំអំពីកម្មវិធីសិក្សារបស់៖
🦷 មហាវិទ្យាល័យទន្តវទនសាស្រ្ត
💊 មហាវិទ្យាល័យឱសថសាស្រ្ត
🩺 ជំនាញគិលានុបដ្ឋាក
👶 ជំនាញឆ្មប

✨ បន្ថែមពីនេះ សិស្សានុសិស្សក៏បានចុះទស្សនាបន្ទប់អនុវត្ត និងមន្ទីរពិសោធន៍ (Lab) នានា រួមមាន៖
• បន្ទប់អនុវត្តទន្តសាស្រ្ត
• បន្ទប់អនុវត្តគិលានុបដ្ឋាក
• បន្ទប់អនុវត្តឆ្មប
• ការបង្រៀន និងការណែនាំផ្ទាល់ពីសាស្រ្តាចារ្យជំនាញ

🎓 ជាពិសេស សិស្សានុសិស្សបានចូលរួមទស្សនាការអនុវត្តជាក់ស្តែងរបស់និស្សិតទន្តគិលានុបដ្ឋាក ជំនាន់ទី១១ ដែលកំពុងសិក្សា និងអនុវត្តជំនាញក្នុងបរិយាកាសការងារពិត ដើម្បីបង្កើនការយល់ដឹង និងជំរុញទឹកចិត្តក្នុងការជ្រើសរើសជំនាញសម្រាប់អនាគត។

🤝 កម្មវិធីទស្សនកិច្ចសិក្សានេះ បានរួមចំណែកក្នុងការបង្កើនការយល់ដឹងអំពីការអប់រំឧត្តមសិក្សា និងការត្រៀមខ្លួនសម្រាប់អនាគតវិជ្ជាជីវៈរបស់សិស្សានុសិស្ស។

📆 ថ្ងៃសុក្រ ៦កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២២ ខែឧសភា ឆ្នាំ២០២៦

🦷 មហាវិទ្យាល័យទន្តវទនសាស្រ្ត នៃ International University ក្រោមការដឹកនាំដោយ សាស្ត្រាចារ្យជំនួយ ទួន ហាក់ ព្រឹទ្ធបុរស, លោកទន្តបណ្ឌិត ហេង ច័ន្ទណាវុឌ្ឍ ព្រឹទ្ធបុរសរង និងជាប្រធានគ្លីនិកទន្តសាស្រ្ត អាយ យូ ព្រមទាំងសាស្ត្រាចារ្យ និងទន្តបណ្ឌិតនៃគ្លីនិកធ្មេញ អាយ យូ បានដឹកនាំនិស្សិតទន្តគិលានុបដ្ឋាក ជំនាន់ទី១១ ចុះកម្មសិក្សាសហគមន៍ ដើម្បីអប់រំ និងផ្តល់សេវាសុខភាពមាត់ធ្មេញបឋម ជូនដល់សិស្សានុសិស្ស នៅ Thnal Toteung Primary School។

✨ ក្នុងកម្មវិធីនេះ និស្សិតបានធ្វើការផ្សព្វផ្សាយអំពីវិធីសាស្រ្តថែរក្សាសុខភាពមាត់ធ្មេញឱ្យបានត្រឹមត្រូវ រួមមាន៖
• ការដុសធ្មេញតាមវិធីសាស្រ្តត្រឹមត្រូវ
• ការប្រើប្រាស់ថ្នាំដុសធ្មេញដែលមានហ្វ្លុយអរ
• ការកាត់បន្ថយការទទួលទានអាហារផ្អែម
• ការពិនិត្យសុខភាពមាត់ធ្មេញជាប្រចាំ
• ការលើកកម្ពស់អនាម័យផ្ទាល់ខ្លួនរបស់កុមារ

🎓 កម្មសិក្សានេះមិនត្រឹមតែផ្តល់ឱកាសឱ្យនិស្សិតអនុវត្តជំនាញវិជ្ជាជីវៈប៉ុណ្ណោះទេ ប៉ុន្តែថែមទាំងជាការចូលរួមចំណែកក្នុងការលើកកម្ពស់សុខភាពសហគមន៍ និងបណ្តុះស្មារតីសេវាកម្មសង្គមដល់និស្សិតផងដែរ។

🤝 មហាវិទ្យាល័យទន្តវទនសាស្រ្ត នៃ International University នឹងបន្តរៀបចំសកម្មភាពសហគមន៍បែបនេះ ដើម្បីចូលរួមចំណែកអភិវឌ្ឍសុខភាពមាត់ធ្មេញ និងសុខុមាលភាពរបស់សហគមន៍កម្ពុជា។