សាកលវិទ្យាល័យចេនឡា Chenla University

សាកលវិទ្យាល័យចេនឡា បានរៀបចំវគ្គតម្រង់ទិសស្តីពីការសិក្សានៅសាកលវិទ្យាល័យជូនសិស្សានុសិស្សថ្នាក់ទី១២ នៃសាលាដុនបូស្កូ សាខាទឹកថ្លា

កាលពីរសៀលថ្ងៃទី២២ ខែមិថុនា ឆ្នាំ២០២៦ នេះ លោកអនុបណ្ឌិត កាង យូហាប់ លោកស្រី ហែន ដាលីណែត សាកលវិទ្យាធិការរង និងលោកអនុបណ្ឌិត សែម វុត្ត្រា ប្រធានការិយាល័យធនធានមនុស្ស និងរដ្ឋបាល ព្រមទាំងក្រុមការងារនៃសាកលវិទ្យាល័យចេនឡា សហការយ៉ាងជិតស្និទ្ធជាមួយ អ្នកគ្រូ Dao Thi Mi Hanh នាយិកានៃសាលាដុនបូស្កូ សាខាទឹកថ្លា បានរៀបចំវគ្គតម្រង់ទិសស្តីពីការសិក្សានៅសាកលវិទ្យាល័យជូនដល់ប្អូនៗសិស្សានុសិស្សថ្នាក់ទី១២ ចំនួន ៨០នាក់។

កម្មវិធីនេះមានគោលបំណងចម្បងក្នុងការផ្តល់នូវចំណេះដឹង បទពិសោធន៍ និងការណែនាំតម្រង់ទិសដៅយ៉ាងច្បាស់លាស់ ជួយដល់សិស្សានុសិស្សក្នុងការពិចារណាជ្រើសរើសមុខជំនាញសិក្សាឱ្យបានត្រឹមត្រូវ ស្របតាមសមត្ថភាព ចំណង់ចំណូលចិត្ត និងគោលដៅអនាគតពិតប្រាកដរបស់ខ្លួន។ ជាពិសេស ក្រុមការងារបានផ្តោតការយកចិត្តទុកដាក់ខ្ពស់លើការបង្ហាញអំពីការជ្រើសរើសជំនាញ និងការត្រៀមខ្លួនប្រឡងចូលរៀនថ្នាក់ជាតិក្នុងវិស័យសុខាភិបាលឱ្យទទួលបានជោគជ័យផងដែរ។

បរិយាកាសនៃកម្មវិធីកាន់តែមានភាពរស់រវើក និងផុសផុល តាមរយៈសំណួរ និងចម្លើយ ដែលក្នុងនោះប្អូនៗសិស្សានុសិស្សបានចូលរួមយ៉ាងសកម្មក្នុងការចោទសួរនូវរាល់ចម្ងល់នានា។ ការបកស្រាយយ៉ាងក្បោះក្បាយ និងការផ្តល់ប្រឹក្សាយ៉ាងយកចិត្តទុកដាក់ពីសំណាក់ថ្នាក់ដឹកនាំសាកលវិទ្យាល័យ បានជួយបំបាត់នូវរាល់មន្ទិលសង្ស័យ និងបង្កើនការយល់ដឹងកាន់តែស៊ីជម្រៅបន្ថែមទៀតក្នុងការត្រៀមខ្លួនឈានជើងចូលសិក្សានៅកម្រិតឧត្តមសិក្សា។

កម្មវិធីតម្រង់ទិសនេះ បានបញ្ចប់ទៅប្រកបដោយភាពជោគជ័យយ៉ាងត្រចះត្រចង់ ព្រមទាំងទទួលបានការគាំទ្រ និងការស្វាគមន៍យ៉ាងកក់ក្តៅបំផុតពីសំណាក់ប្អូនៗសិស្សានុសិស្ស ក៏ដូចជាគណៈគ្រប់គ្រងសាលាដុនបូស្កូ សាខាទឹកថ្លា។ ជោគជ័យនៃកម្មវិធីនេះ គឺជាសញ្ញាណវិជ្ជមានឆ្លុះបញ្ចាំងពីកិច្ចសហប្រតិបត្តិការដ៏ល្អប្រសើររវាងស្ថាប័នទាំងពីរ ក្នុងការរួមចំណែកអភិវឌ្ឍ និងបណ្តុះបណ្តាលធនធានមនុស្សប្រកបដោយគុណភាព និងសក្តានុពលសម្រាប់សង្គមជាតិនាពេលអនាគត។

#សាកលវិទ្យាល័យចេនឡានឹងជួយបំប្លែងក្តីស្រមៃរបស់ប្អូនឱ្យក្លាយជាការពិត
#សាកលវិទ្យាល័យចេនឡា_រៀនពិត_ចេះពិត_អនុវត្តពិត_ទទួលបានលទ្ធផលពិត

សេចក្តីជូនដំណឹង ស្តីពី “ការផ្តល់ជូនអាហារូបករណ៍ ១០០% ចំនួន ៥កន្លែង និង ៥០%ចំនួន ១កន្លែង សម្រាប់សមាជិក សមាជិកាស.ស.យ.ក. ខេត្តបន្ទាយមានជ័យ ចំនួន ៦នាក់ សិក្សានៅសាកលវិទ្យាល័យ ចេនឡា សម្រាប់ឆ្នាំសិក្សា២០២៦-២០២៧”
........................

ដោយមានការយកចិត្តទុកដាក់ពីសំណាក់លោក កែ សួន សុភាព ប្រធានសហភាពសហព័ន្ធយុវជនកម្ពុជា ខេត្តបន្ទាយមានជ័យ និងលោកស្រី ព្រហ្ម រដ្ឋា ព្រមទាំងមានកិច្ចសហការជាមួយសាកលវិទ្យាល័យ ចេនឡា បានផ្តល់អាហារូបករណ៍ ១០០%ចំនួន ៥កន្លែង និង ៥០%ចំនួន ១កន្លែង សម្រាប់ថ្នាក់បរិញ្ញាបត្រ និងបរិញ្ញាបត្ររង ជូនសមាជិក សមាជិកាស.ស.យ.ក. ខេត្តបន្ទាយមានជ័យ ចំនួន៦ នាក់ សម្រាប់ឆ្នាំសិក្សា ២០២៦-២០២៧។

សមាជិក សមាជិកាស.ស.យ.ក. ខេត្តបន្ទាយមានជ័យ ដែលមានបំណងបន្ដការសិក្សាថ្នាក់ឧត្តមសិក្សា អាចដាក់ពាក្យស្នើសុំអាហារូបករណ៍មកក្រុមការងារលេខាធិការដ្ឋានស.ស.យ.ក. ខេត្តបន្ទាយមានជ័យ ឬទាក់ទងតាមទូរស័ព្ទលេខ៖ 088/076 5700088។

📍ទីតាំងសាកលវិទ្យាល័យ ចេនឡា អាសយដ្ឋានអគារលេខ ១០ ផ្លូវ ១៤៦ សង្កាត់ វាលវង់ ខណ្ឌ ៧មករា រាជធានីភ្នំពេញ៕

កិច្ចប្រជុំពិភាក្សារវាងថ្នាក់ដឹកនាំ និងសាស្ត្រាចារ្យ ដើម្បីជំរុញការអភិវឌ្ឍជំនាញក្រៅពីសុខាភិបាលឱ្យរីកចម្រើនល្បីល្បាញខ្ទរខ្ទារ ដូចជំនាញសុខាភិបាល

តបតាមផែនការយុទ្ធសាស្ត្រ C.L.U រយៈពេល ៥ឆ្នាំ (២០២៦–២០៣០) របស់សាកលវិទ្យាល័យចេនឡា លោកបណ្ឌិត អ៉ី លីម៉ា សាកលវិទ្យាធិការ បាននិងកំពុងខិតខំប្រឹងប្រែងដឹកនាំ និងជំរុញឱ្យមានការអភិវឌ្ឍនូវបណ្តាជំនាញក្រៅពីវិស័យសុខាភិបាល ឱ្យមានសន្ទុះរីកចម្រើនស្របគ្នាជាមួយនឹងការអភិវឌ្ឍជំនាញក្នុងវិស័យសុខាភិបាលផងដែរ ដើម្បីធ្វើយ៉ាងណាធានាឱ្យបាននូវការអភិវឌ្ឍប្រកបដោយតុល្យភាព គុណភាព និងចីរភាពរបស់សាកលវិទ្យាល័យ។ ក្នុងន័យនេះ សាកលវិទ្យាល័យចេនឡា បានផ្តួចផ្តើមនិងពង្រឹងនូវការបង្កើតកិច្ចសហប្រតិបត្តិការជាមួយនឹងបណ្តាសាកលវិទ្យាល័យ និងស្ថាប័នអប់រំនានាទាំងក្នុងប្រទេស និងក្រៅប្រទេស ដើម្បីលើកកម្ពស់គុណភាពអប់រំ ការស្រាវជ្រាវវិទ្យាសាស្ត្រ និងការអភិវឌ្ឍមូលធនមនុស្សឱ្យស្របតាមស្តង់ដារជាតិ និងអន្តរជាតិ។ នៅក្នុងនោះដែរ សាកលវិទ្យាល័យបានកំណត់បេសកកម្មដ៏ពិសេសមួយច្បាស់លាស់ ដើម្បីជំរុញការអភិវឌ្ឍជំនាញក្រៅពីសុខាភិបាលឱ្យរីកចម្រើនល្បីល្បាញខ្ទរខ្ទារ ដូចជំនាញសុខាភិបាលក្នុងរយៈពេល ៣ឆ្នាំខាងមុខនេះ (២០២៦-២០២៨)។

ដើម្បីសម្រេចបាននូវបេសកកម្មដ៏សំខាន់នេះ ថ្នាក់ដឹកនាំនៃសាកលវិទ្យាល័យចេនឡា បានខិតខំចុះអនុស្សរណៈនៃការយោគយល់គ្នាជាមួយសាកលវិទ្យាល័យនៅក្រៅប្រទេសដែលមានជំនាញឯកទេសដូចជា៖ វិទ្យាសាស្ត្រកុំព្យូទ័រ ច្បាប់ ភាសាបរទេស សេដ្ឋកិច្ច គណនេយ្យ គ្រប់គ្រង ធនាគារ និងហិរញ្ញវត្ថុ នៅក្នុងប្រទេសកូរ៉េ ឥណ្ឌូនេស៊ី ម៉ាឡេស៊ី និងវៀតណាម។ ទន្ទឹមនឹងនេះ សាកលវិទ្យាល័យក៏បានបង្កើតកិច្ចសហប្រតិបត្តិការជាមួយក្រុមហ៊ុនឯកជននានា ដែលពាក់ព័ន្ធនឹងជំនាញខាងលើផងដែរ។ លើសពីនេះទៅទៀត នៅក្នុងឆ្នាំសិក្សាថ្មី ២០២៦-២០២៧ នេះ សាកលវិទ្យាល័យចេនឡា បានប្រគល់ជូនអាហារូបករណ៍រាប់រយកន្លែងនៅទូទាំងប្រទេសជូនដល់ថ្នាក់ដឹកនាំ និងយុវជនសំខាន់ៗ ដើម្បីចូលរួមក្នុងការអភិវឌ្ឍ និងផលិតមូលធនមនុស្សប្រកបដោយគុណភាព តាមរយៈការបង្រៀនដែលផ្សារភ្ជាប់ជាមួយការអនុវត្តជាក់ស្តែង និងការប្រើប្រាស់វិធីសាស្ត្រថ្មីៗ ដើម្បីធានាឱ្យអ្នកសិក្សាអាចឆ្លើយតបទាន់ពេលវេលាចំពោះបម្រែបម្រួលរបស់ពិភពលោក។ ជាពិសេស គឺការប្រើប្រាស់បច្ចេកវិទ្យាបញ្ញាសិប្បនិម្មិត (AI) ដែលកំពុងដើរតួនាទីយ៉ាងសំខាន់ក្នុងការជួយជំរុញការផ្លាស់ប្តូរ និងបង្កើតឱកាសថ្មីៗក្នុងជំនាញជាច្រើន។

អាស្រ័យហេតុនេះហើយ កាលពីល្ងាចថ្ងៃទី១៧ ខែមិថុនា ឆ្នាំ២០២៦ នៅសាកលវិទ្យាល័យចេនឡា បានរៀបចំកិច្ចប្រជុំពិភាក្សារវាងថ្នាក់ដឹកនាំ និងសាស្ត្រាចារ្យ ក្រោមវត្តមានអញ្ជើញចូលរួមពីលោកអនុបណ្ឌិត កាង យូហាប់ និងលោកស្រី ហែន ដាលីណែត សាកលវិទ្យាធិការរងនៃសាកលវិទ្យាល័យចេនឡា លោកបណ្ឌិត ពិន ថារិទ្ធ ប្រធានដេប៉ាតឺម៉ង់សេដ្ឋកិច្ច និងពាណិជ្ជសាស្ត្រ និងលោកអនុបណ្ឌិត ពុំ ស៊ីមន ប្រធានដេប៉ាតឺម៉ង់វិទ្យាសាស្ត្រកុំព្យូទ័រ ព្រមទាំងលោក លោកស្រីសាស្ត្រាចារ្យបង្រៀននៃមហាវិទ្យាល័យចំនួន ៤រួមមាន៖ មហាវិទ្យាល័យវិទ្យាសាស្ត្រសង្គម មហាវិទ្យាល័យគណិតសាស្ត្រ និងវិទ្យាសាស្ត្រ មហាវិទ្យាល័យសិល្បៈ មនុស្សសាស្ត្រ និងភាសា និងមហាវិទ្យាល័យវិទ្យាសាស្ត្រអប់រំ។ តាមរយៈកិច្ចប្រជុំដ៏មានសារៈសំខាន់នេះ សាកលវិទ្យាល័យចេនឡា បានទទួលនូវមតិយោបល់ និងធាតុចូលដ៏មានតម្លៃជាច្រើនពីថ្នាក់ដឹកនាំ និងសាស្ត្រាចារ្យគ្រប់រូប ដែលជាមូលដ្ឋានដ៏រឹងមាំសម្រាប់ជំរុញ និងអភិវឌ្ឍជំនាញក្រៅពីសុខាភិបាល ឱ្យកាន់តែរីកចម្រើនល្បីល្បាញខ្ទរខ្ទារក្នុងរយៈពេល ៣ឆ្នាំខាងមុខនេះ។ ជាពិសេស ការផ្តោតលើការប្រើប្រាស់បច្ចេកវិទ្យាក្នុងដំណើរការបង្រៀន និងរៀនត្រូវបានលើកឡើងជាអាទិភាព ដើម្បីធានាថាកម្មវិធីសិក្សាអាចឆ្លើយតបទៅនឹងបម្រែបម្រួលយ៉ាងឆាប់រហ័សរបស់ពិភពលោកសម័យបច្ចុប្បន្ន និងតម្រូវការជាក់ស្តែងនៃទីផ្សារការងារ។

នាឱកាសដ៏មានអត្ថន័យនេះ លោកអនុបណ្ឌិត កាង យូហាប់ និងលោកស្រី ហែន ដាលីណែត សូមគោរពថ្លែងអំណរគុណយ៉ាងជ្រាលជ្រៅជូនចំពោះ លោក លោកស្រីសាស្ត្រាចារ្យទាំងអស់ ដែលបានអញ្ជើញចូលរួម និងបានចែករំលែកមតិយោបល់ ព្រមទាំងផ្តល់នូវធាតុចូលដ៏មានតម្លៃមិនអាចកាត់ថ្លៃបានជាច្រើនក្នុងការចូលរួមជំរុញ និងអភិវឌ្ឍជំនាញក្រៅពីសុខាភិបាលនៅសាកលវិទ្យាល័យចេនឡាឱ្យកាន់តែរីកចម្រើនយ៉ាងរឹងមាំ។

ក្នុងឱកាសនេះផងដែរ ក៏សូមគោរពជូនពរលោក លោកស្រីសាស្ត្រាចារ្យទាំងអស់ ឱ្យមានសុខភាពល្អ កម្លាំងមាំមួន និងជោគជ័យក្នុងភារកិច្ចការងារ ហើយបន្តចូលរួមចាប់ដៃគ្នាយ៉ាងជិតស្និទ្ធ ក្នុងការជំរុញ និងអភិវឌ្ឍសាកលវិទ្យាល័យចេនឡាឱ្យកាន់តែរីកចម្រើននិយាយជារួម និងជំនាញក្រៅពីសុខាភិបាលនិយាយដោយឡែក៕

#សាកលវិទ្យាល័យចេនឡានឹងជួយបំប្លែងក្តីស្រមៃរបស់ប្អូនឱ្យក្លាយជាការពិត
#សាកលវិទ្យាល័យចេនឡា_រៀនពិត_ចេះពិត_អនុវត្តពិត_ទទួលបានលទ្ធផលពិត

ក្រុមការងារនៃសាកលវិទ្យាល័យចេនឡា បានអញ្ជើញចូលរួមពិធី «សំណេះសំណាល និងថ្លែងអំណរគុណអ្នកសង្កេតការណ៍ស្ម័គ្រចិត្ត ដែលបានចូលរួមក្នុងដំណើរការប្រឡងប្រជែងជ្រើសរើសមន្ត្រី ដើម្បីបម្រើការងារតាមក្រសួង ស្ថាប័ន»

កាលពីថ្ងៃទី១៧ ខែមិថុនា ឆ្នាំ២០២៦ កន្លងទៅនេះ លោកស្រីវេជ្ជបណ្ឌិត ប៉ែន ដេវីន ប្រធានការិយាល័យសិក្សា កញ្ញា ស៊ឹម ខេម៉ា និងលោក ព្រុំ ភិរម្យ អនុប្រធានការិយាល័យរដ្ឋបាល បានអញ្ជើញចូលរួមពិធី «សំណេះសំណាល និងថ្លែងអំណរគុណអ្នកសង្កេតការណ៍ស្ម័គ្រចិត្ត ដែលបានចូលរួមក្នុងដំណើរការប្រឡងប្រជែងជ្រើសរើសមន្ត្រី ដើម្បីបម្រើការងារតាមក្រសួង ស្ថាប័ន» ដែលបានប្រព្រឹត្តទៅនៅសាលាភូមិន្ទរដ្ឋបាល ក្រោមអធិបតីភាពដ៏ខ្ពង់ខ្ពស់របស់ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានគណៈកម្មការរៀបចំការប្រឡងប្រជែង។

ឆ្លងកាត់តាមដំណាក់កាលនៃដំណើរការប្រឡងប្រជែងជ្រើសរើសមន្ត្រីរាជការស៊ីវិល នាពេលកន្លងមក ក្រុមការងារនៃសាកលវិទ្យាល័យចេនឡា បានចូលរួមយ៉ាងសកម្ម និងចាត់ទុកកិច្ចការនេះជាកាតព្វកិច្ចចម្បងក្នុងការគាំទ្រដល់កំណែទម្រង់រដ្ឋបាលសាធារណៈ។ តាមរយៈការលះបង់កម្លាំងកាយចិត្ត ក្នុងនាមជាអ្នកសង្កេតការណ៍ ក្រុមការងារមិនត្រឹមតែបានរួមចំណែកលើកកម្ពស់ភាពជឿជាក់លើប្រព័ន្ធជ្រើសរើសមន្ត្រីរាជការប៉ុណ្ណោះទេ ប៉ុន្តែថែមទាំងបានដើរតួនាទីយ៉ាងសំខាន់ក្នុងការបំផុសស្មារតី យុវជន និងនិស្សិត ឱ្យយល់ដឹងពីតម្លៃនៃសមត្ថភាពពិតប្រាកដ និងការប្រកួតប្រជែងប្រកបដោយភាពស្មោះត្រង់។ លើសពីនេះ ក្រុមការងារតែងតែគោរពយ៉ាងម៉ឺងម៉ាត់នូវរាល់បទបញ្ជាផ្ទៃក្នុង និងការណែនាំរបស់គណៈកម្មការរៀបចំការប្រឡងប្រជែង ដើម្បីធានានូវការអនុវត្តវិធានការគន្លឹះទី១ នៃការកែទម្រង់រដ្ឋបាលសាធារណៈរបស់រាជរដ្ឋាភិបាល នីតិកាលទី៧ នៃរដ្ឋសភា គឺការដាក់ឱ្យអនុវត្តប្រព័ន្ធជ្រើសរើសមន្ត្រីចូលបម្រើការងារប្រកបដោយគុណាធិបតេយ្យ តម្លាភាព យុត្តិធម៌ បរិយាបន្ន និងប្រសិទ្ធភាព។

សាកលវិទ្យាល័យចេនឡា តែងតែមានមោទនភាព និងត្រៀមខ្លួនជាស្រេចក្នុងការបន្តចូលរួមសហការ គាំទ្ររាល់សកម្មភាពសង្គម ការងារសង្កេតការណ៍ជាតិ និងការអភិវឌ្ឍធនធានមនុស្ស ជាមួយរាជរដ្ឋាភិបាល ក៏ដូចជាក្រសួងមុខងារសាធារណៈ និងក្រសួង-ស្ថាប័នពាក់ព័ន្ធទាំងអស់ ដើម្បីបុព្វហេតុពង្រឹងប្រព័ន្ធរដ្ឋបាលសាធារណៈ និងការអភិវឌ្ឍជាតិមាតុភូមិឱ្យរឹតតែរីកចម្រើន។

#សាកលវិទ្យាល័យចេនឡានឹងជួយបំប្លែងក្តីស្រមៃរបស់ប្អូនឱ្យក្លាយជាការពិត
#សាកលវិទ្យាល័យចេនឡា_រៀនពិត_ចេះពិត_អនុវត្តពិត_ទទួលបានលទ្ធផលពិត

សូមថ្វាយព្រះពរ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងឱកាសដ៏មហានក្ខត្តឫក្ស នៃព្រះរាជពិធីបុណ្យចម្រើនព្រះជន្មវស្សា គម្រប់ ៩០ យាងចូល ៩១ ព្រះវស្សា។

សាកលវិទ្យាល័យចេនឡា បន្តបេសកកម្មពង្រីក និងពង្រឹងមូលធនមនុស្សតាមរយៈការផ្តល់អាហារូបករណ៍ជូនរដ្ឋបាលខេត្ត និងសហភាពសហព័ន្ធយុវជនកម្ពុជាក្នុងខេត្តចំនួន ៤ សម្រាប់ឆ្នាំសិក្សា ២០២៦-២០២៧

សាកលវិទ្យាល័យចេនឡា មានគោលដៅច្បាស់លាស់ ដើម្បីចូលរួមចំណែកជាមួយរាជរដ្ឋាភិបាលកម្ពុជា ក្នុងការអភិវឌ្ឍវិស័យអប់រំ និងការកសាងមូលធនមនុស្សប្រកបដោយគុណភាព និងសក្តានុពល ។ កាលពីថ្ងៃទី១២-១៥ ខែមិថុនា ឆ្នាំ២០២៦ កន្លងមកនេះ លោកបណ្ឌិត អ៉ី លីម៉ា សាកលវិទ្យាធិការនៃសាកលវិទ្យាល័យចេនឡា រួមទាំងសហការី បានអញ្ជើញចូលជួបសម្តែងការគួរសម និងនាំយកនូវអាហារូបករណ៍សម្រាប់ឆ្នាំសិក្សា ២០២៦-២០២៧ ប្រគល់ជូនរដ្ឋបាលខេត្ត និងសហភាពសហព័ន្ធយុវជនកម្ពុជាក្នុងខេត្តចំនួន៤ បន្ថែមទៀតរួមមាន៖ ខេត្តសៀមរាប ខេត្តព្រះវិហារ ខេត្តឧត្តរមានជ័យ និងខេត្តបន្ទាយមានជ័យ។ ដោយក្នុងខេត្តនីមួយៗ សាកលវិទ្យាល័យចេនឡា បានប្រគល់ជូននូវអាហារូបករណ៍ពិត ១០០% (ដោយមិនមានបង់ថ្លៃសេវារដ្ឋបាលផ្សេងៗបន្ថែមទៀតនោះឡើយ)។ នាឱកាសទទួលជួបពិភាក្សា និងប្រគល់អាហារូបករណ៍នេះ ក៏មានការចូលរួមផ្តល់កិត្តិយសដ៏ខ្ពង់ខ្ពស់ពីថ្នាក់ដឹកនាំនៃខេត្តនីមួយៗដូចខាងក្រោម៖

- ខេត្តសៀមរាប៖ គោរពប្រគល់ជូនឯកឧត្តម ឌី រ៉ាដូ អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម ប្រាក់ សោភ័ណ អភិបាល នៃគណៈអភិបាលខេត្តសៀមរាប និងជាប្រធានសហភាពសហព័ន្ធយុវជនកម្ពុជាខេត្តសៀមរាប។

- ខេត្តព្រះវិហារ៖ គោរពប្រគល់ជូន ឯកឧត្តម គីម រិទ្ធី អភិបាល នៃគណៈអភិបាលខេត្តព្រះវិហារ និងលោក យ៉ុង គឹមហឿង អនុប្រធានសហភាពសហព័ន្ធយុវជនកម្ពុជាខេត្ត តំណាងលោក យុង គឹមហ៊ាន ប្រធានសហភាពសហព័ន្ធយុវជនកម្ពុជាខេត្តព្រះវិហារ។

- ខេត្តឧត្តរមានជ័យ៖ គោរពប្រគល់ជូន ឯកឧត្តម មាន ចាន់យ៉ាដា អភិបាល នៃគណៈអភិបាលខេត្តឧត្តរមានជ័យ និងជាប្រធានសហភាពសហព័ន្ធយុវជនកម្ពុជាខេត្តឧត្តរមានជ័យ។

- ខេត្តបន្ទាយមានជ័យ៖ គោរពប្រគល់ជូន ឯកឧត្តម អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ និងលោក ហុង ពិសិដ្ឋ អនុប្រធានសហភាពសហព័ន្ធយុវជនកម្ពុជាខេត្ត តំណាងលោក កែ សួន សុភាព ប្រធានសហភាពសហព័ន្ធយុវជនកម្ពុជាខេត្តបន្ទាយមានជ័យ។

សង្ឃឹមថាការផ្តល់ជូនអាហារូបករណ៍នេះ នឹងបើកឱកាសដ៏ទូលំទូលាយបន្ថែមទៀតជូនដល់សិស្សានុសិស្ស ជាពិសេសយុវជននៅតាមបណ្តាខេត្តជាប់ព្រំដែន អាចទទួលបាននូវការអប់រំកម្រិតឧត្តមសិក្សា ទាំងលើជំនាញសុខាភិបាល និងជំនាញក្រៅពីសុខាភិបាលជាច្រើនទៀត ដែលមានតម្រូវការចាំបាច់បំផុតនៅក្នុងទីផ្សារពលកម្មនាពេលបច្ចុប្បន្ន និងទៅអនាគតផងដែរ។

អ្វីដែលគួរឱ្យកត់សម្គាល់ និងវាយតម្លៃខ្ពស់បំផុតនៅក្នុងបេសកកម្មលើកនេះ គឺទោះបីជាថ្នាក់ដឹកនាំនៃខេត្តនីមួយៗ ភាគច្រើនកំពុងតែមមាញឹកយ៉ាងខ្លាំងក្នុងការចុះជួបសំណេះសំណាល និងសួរសុខទុក្ខបងប្អូនប្រជាពលរដ្ឋនៅតាមមូលដ្ឋានយ៉ាងណាក៏ដោយ ក៏លោកនៅតែផ្តល់កិត្តិយស ទទួលជួបសម្តែងការគួរសមជាមួយក្រុមការងារនៃសាកលវិទ្យាល័យយ៉ាងកក់ក្តៅបំផុត ក្នុងសម្លៀកបំពាក់ការងារដែលទើបតែវិលត្រឡប់មកពីបំពេញការងារនៅតាមតំបន់ជាយដែន និងតាមមូលដ្ឋាន។

នាឱកាសនោះដែរ លោកបណ្ឌិត បានថ្លែងអំណរគុណយ៉ាងជ្រាលជ្រៅបំផុតជូនចំពោះ ឯកឧត្តមអភិបាលខេត្ត ឯកឧត្តមអភិបាលរងខេត្ត ឯកឧត្តមប្រធាន និងអនុប្រធានសហភាពសហព័ន្ធយុវជនកម្ពុជាទាំងអស់ ដែលបានលះបង់ពេលវេលាដ៏មានតម្លៃ ក្នុងការផ្តល់កិត្តិយសទទួលជួបសម្តែងការគួរសម និងទទួលយកអាហារូបករណ៍ទាំងនេះ។ កាយវិការដ៏ថ្លៃថ្លា និងទឹកចិត្តអាណិតស្រលាញ់ចំពោះវិស័យអប់រំទាំងអស់នេះ គឺជាការលើកទឹកចិត្តដ៏ធំធេង និងជាកម្លាំងចលករយ៉ាងសំខាន់ក្នុងការរួមចំណែកកសាងមូលធនមនុស្សដ៏មានសក្តានុពលសម្រាប់ប្រទេសជាតិ។ លើសពីនេះទៅទៀត ការចែករំលែកនូវមតិយោបល់ ព្រមទាំងអនុសាសន៍ណែនាំដ៏មានតម្លៃ គឺជាធាតុចូលបន្ថែមយ៉ាងសំខាន់ សម្រាប់យកទៅកែលម្អ និងអភិវឌ្ឍកម្មវិធីសិក្សារបស់សាកលវិទ្យាល័យចេនឡា ឱ្យកាន់តែមានភាពរឹងមាំ ប្រកបដោយគុណភាព សក្តានុពល និងការអភិវឌ្ឍប្រកបដោយចីរភាព ដើម្បីឆ្លើយតបទៅនឹងតម្រូវការជាក់ស្តែងនៃទីផ្សារការងារក្នុងតំបន់។ ​​ ​ #សាកលវិទ្យាល័យចេនឡានឹងជួយបំប្លែងក្តីស្រមៃរបស់ប្អូនឱ្យក្លាយជាការពិត
#សាកលវិទ្យាល័យចេនឡា_រៀនពិត_ចេះពិត_អនុវត្តពិត_ទទួលបានលទ្ធផលពិត

អបអរសាទរពិធីចុះអនុស្សរណៈនៃការយោគយល់គ្នារវាងសាកលវិទ្យាល័យចេនឡា និងមន្ទីរពេទ្យ GIA AN 115 និងមន្ទីរពេទ្យ CITY INTERNATIONAL HOSPITAL

តបតាមផែនការយុទ្ធសាស្ត្រ C.L.U រយៈពេល ៥ឆ្នាំ (២០២៦–២០៣០) របស់សាកលវិទ្យាល័យចេនឡា លោកបណ្ឌិត អ៉ី លីម៉ា សាកលវិទ្យាធិការ បាននិងកំពុងខិតខំប្រឹងប្រែងដឹកនាំ និងជំរុញឱ្យមានការអភិវឌ្ឍនូវបណ្តាជំនាញក្រៅពីវិស័យសុខាភិបាល ឱ្យមានសន្ទុះរីកចម្រើនស្របគ្នាជាមួយនឹងការអភិវឌ្ឍជំនាញក្នុងវិស័យសុខាភិបាលផងដែរ ដើម្បីធ្វើយ៉ាងណាធានាឱ្យបាននូវការអភិវឌ្ឍប្រកបដោយតុល្យភាព គុណភាព និងចីរភាពរបស់សាកលវិទ្យាល័យ។ ក្នុងន័យនេះ សាកលវិទ្យាល័យចេនឡា បានផ្តួចផ្តើមនិងពង្រឹងនូវការបង្កើតកិច្ចសហប្រតិបត្តិការជាមួយនឹងបណ្តាសាកលវិទ្យាល័យ និងស្ថាប័នអប់រំនានាទាំងក្នុងប្រទេស និងក្រៅប្រទេស ដើម្បីលើកកម្ពស់គុណភាពអប់រំ ការស្រាវជ្រាវវិទ្យាសាស្ត្រ និងការអភិវឌ្ឍធនធានមនុស្សឱ្យស្របតាមស្តង់ដារជាតិ និងអន្តរជាតិ។

តាមរយៈទំនាក់ទំនងដ៏ជិតស្និទ្ធ និងការពិភាក្សាប្រកបដោយផ្លែផ្កា កាលពីថ្ងៃទី២៣ ខែមករា ឆ្នាំ២០២៦ កន្លងមកនេះ សាកលវិទ្យាល័យចេនឡា បានឈានដល់ការចុះអនុស្សរណៈនៃការយោគយល់គ្នា ជាមួយមន្ទីរពេទ្យ GIA AN 115 និងមន្ទីរពេទ្យ CITY INTERNATIONAL HOSPITAL ប្រកបដោយជោគជ័យយ៉ាងត្រចះត្រចង់។អនុស្សរណៈនេះត្រូវបានបង្កើតឡើងក្នុងគោលបំណងពង្រឹង និងពង្រីកកិច្ចសហប្រតិបត្តិការយ៉ាងទូលំទូលាយ រវាងស្ថាប័នទាំងបី ដោយផ្តោតលើវិស័យអប់រំ សុខាភិបាល និងការស្រាវជ្រាវវិទ្យាសាស្ត្រ ដើម្បីរួមចំណែកលើកកម្ពស់គុណភាពធនធានមនុស្ស និងសេវាសុខាភិបាលឲ្យកាន់តែប្រសើរឡើង។

គោលបំណងសំខាន់ៗរួមមាន៖
- លើកកម្ពស់គុណភាពនៃការបណ្តុះបណ្តាល ដោយពង្រីកឱកាសសិក្សា និងការអនុវត្តជាក់ស្តែងសម្រាប់និស្សិតនៃសាកលវិទ្យាល័យចេនឡា ឲ្យសមស្របតាមស្តង់ដារអន្តរជាតិ។

- ជំរុញការផ្លាស់ប្តូរបទពិសោធន៍ និងចំណេះដឹងវិជ្ជាជីវៈ ដោយផ្តល់ឱកាសឲ្យសាស្ត្រាចារ្យ អាចចូលរួមក្នុងការបណ្តុះបណ្តាលបន្ថែម ការអនុវត្តជាក់ស្តែង និងការស្រាវជ្រាវរួមគ្នា។

- សម្របសម្រួលការបញ្ជូនអ្នកជំងឺដែលមានតម្រូវការព្យាបាល ទៅកាន់មន្ទីរពេទ្យ GIA AN 115 និងមន្ទីរពេទ្យ CITY INTERNATIONAL HOSPITAL តាមរយៈសាកលវិទ្យាល័យចេនឡា ដោយធានាបាននូវគុណភាព សុវត្ថិភាព និងការយកចិត្តទុកដាក់ខ្ពស់បំផុត។

- បង្កើតឱកាសឲ្យសាស្ត្រាចារ្យ និងនិស្សិត អាចចូលរួមកម្មសិក្សា និងការអនុវត្តការងារនៅមន្ទីរពេទ្យ យ៉ាងតិចបីដងក្នុងមួយឆ្នាំ ដោយក្នុងមួយដងមានចំនួនយ៉ាងតិច ៥០នាក់ ដើម្បីពង្រឹងជំនាញអនុវត្ត និងបទពិសោធន៍ជាក់ស្តែង។ ជាពិសេសទៅទៀតនោះ សាកលវិទ្យាល័យចេនឡា នឹងទទួលស្វាគមន៍សាស្ត្រាចារ្យជំនាញឯកទេសពីមន្ទីរពេទ្យ រួមមានសាស្ត្រាចារ្យបណ្ឌិត វេជ្ជបណ្ឌិត ទន្តពេទ្យ ឱសថការី គិលានុបដ្ឋាក បច្ចេកទេសមន្ទីរពិសោធន៍… មកចូលរួមបង្រៀន ផ្តល់ការបណ្តុះបណ្តាលជំនាញ ធ្វើការស្រាវជ្រាវរួមគ្នា ព្រមទាំងចូលរួមផ្តល់សេវាពិនិត្យ និងព្យាបាលជំងឺជូនប្រជាពលរដ្ឋខ្មែរក្រីក្រជាប្រចាំរៀងរាល់ឆ្នាំ។ បន្ថែមពីនេះ ភាគីទាំងអស់នឹងសហការរៀបចំសិក្ខាសាលាអន្តរជាតិ និងកម្មវិធីវិទ្យាសាស្ត្រផ្សេងៗ ដើម្បីបង្កើនការចែករំលែកចំណេះដឹង និងលើកកម្ពស់សមត្ថភាពវិជ្ជាជីវៈឲ្យឈានទៅកាន់កម្រិតអន្តរជាតិ។

ពិធីដ៏មានសារៈសំខាន់នេះ បានប្រព្រឹត្តទៅក្រោមអធិបតីភាពលោកបណ្ឌិត អ៉ី លីម៉ា សាកលវិទ្យាធិការនៃសាកលវិទ្យាល័យចេនឡា និងលោកសាស្ត្រាចារ្យបណ្ឌិត Tran Quoc Thanh អគ្គនាយកនៃមន្ទីរពេទ្យមន្ទីរពេទ្យ GIA AN 115 និងមន្ទីរពេទ្យ CITY INTERNATIONAL HOSPITAL ព្រមទាំងមានការអញ្ជើញចូលរួមពីអគ្គនាយករង ប្រធានផ្នែក សាកលវិទ្យាធិការរង ប្រធានទំនាក់ទំនងអន្តរជាតិ និងប្រធានការិយាល័យនៃស្ថាប័នទាំងបីផងដែរ។

បន្ទាប់មក ក្រុមការងារនៃមន្ទីរពេទ្យបានអញ្ជើញថ្នាក់ដឹកនាំនៃសាកលវិទ្យាល័យចេនឡា ដើរទស្សនកិច្ចនៅតាមផ្នែកនានានៃមន្ទីរពេទ្យ ដើម្បីស្វែងយល់អំពីប្រព័ន្ធគ្រប់គ្រង លំហូរការងារ បច្ចេកវិទ្យាវេជ្ជសាស្ត្រទំនើប និងស្តង់ដារសេវាសុខាភិបាលដែលកំពុងដំណើរការអនុវត្តនាពេលបច្ចុប្បន្ន។ ជាពិសេស ខាងមន្ទីរពេទ្យបានរៀបចំពិធីជប់លៀងយ៉ាងអធិកអធម ដើម្បីស្វាគមន៍ចំពោះថ្នាក់ដឹកនាំនៃសាកលវិទ្យាល័យចេនឡា ក្នុងបរិយាកាសសាមគ្គីភាព និងពោរពេញដោយភាពស្និតស្នាលយ៉ាងល្អប្រសើរ។

#សាកលវិទ្យាល័យចេនឡា_រៀនពិត_ចេះពិត_អនុវត្តពិត_ទទួលបានលទ្ធផលពិត_ធនធានមនុស្សពិត
#សាកលវិទ្យាល័យចេនឡានឹងជួយបំប្លែងក្តីស្រមៃរបស់ប្អូនឱ្យក្លាយជាការពិត

អបអរសាទរពិធីចុះអនុស្សរណៈនៃការយោគយល់គ្នារវាងសាកលវិទ្យាល័យចេនឡា ជាមួយមន្ទីរពេទ្យ GIA AN 115 និងមន្ទីរពេទ្យ City International Hospital។

Bệnh viện Gia An 115 và Trường Đại học Chenla ký kết hợp tác, tăng cường kết nối chăm sóc sức khỏe cho người dân Campuchia Chiều ngày 16/6/2026, Bệnh viện Gia An 115 và Trường Đại học Chenla (Vương quốc Campuchia) đã chính thức ký kết Biên bản ghi nhớ hợp tác (MOU) nhằm tăng cường kết nối trong lĩnh vực chăm sóc sức khỏe, đồng thời hỗ trợ người dân Camp...