សេង ឌីណា - Seng Dyna

សេចក្ដីប្រកាសព័ត៌មានស្ដីពីករណីហិង្សាបង្កឡើងនៅស្រុកមេមត់ ខេត្តត្បូងឃ្មុំ

🔴អាមេរិកផ្អាកជាបណ្ដោះអាសន្នលើការចរចាពាណិជ្ជកម្មជាមួយថៃ ដោយរង់ចាំឱ្យថៃគោរពតាមសេចក្ដីថ្លែងការណ៍រួមសន្តិភាពកម្ពុជា-ថៃ
----
បន្ទាប់ពីកិច្ចសន្ទនាតាមទូរសព្ទរវាងនាយករដ្ឋមន្រ្តីថៃ និងប្រធានាធិបតីអាមេរិក នៅថ្ងៃទី១៤ ខែវិច្ឆិកាម្សិលមិញ, តំណាងពាណិជ្ជកម្មសហរដ្ឋអាមេរិក បានផ្ញើលិខិតមួយជូនដំណឹងទៅប្រទេសថៃ ពីការផ្អាកកិច្ចចរចាពាណិជ្ជកម្មរវាងប្រទេសទាំងពីរ ជាបណ្ដោះអាសន្ន ដោយរង់ចាំឱ្យថៃគោរពតាមសេចក្ដីថ្លែងការណ៍រួមសន្តិភាពកម្ពុជា-ថៃ។ នេះបើយោងតាមការផ្សាយដោយកាសែតថៃ Khaosod នៅថ្ងៃទី១៥ ខែវិច្ឆិកានេះ ដោយបញ្ជាក់ដែរថា កិច្ចចរចាលើពាណិជ្ជកម្មរវាងអាមេរិក-ថៃ បានបន្តទៅបាន លុះត្រាតែភាគីថៃ បង្ហាញពីការប្ដេជ្ញាចិត្តអនុវត្តតាមសេចក្ដីថ្លែងការណ៍រួមកម្ពុជា-ថៃសិន។

ថៃបានបង្ហាញការខកចិត្តចំពោះការសម្រេចចិត្តរបស់សហរដ្ឋអាមេរិកយ៉ាងដូច្នេះ ដោយលើកឡើងថា បញ្ហាទ្វេភាគីរបស់ថៃនិងកម្ពុជា គួរតែត្រូវបានចាត់ទុកថាជាបញ្ហាដោយឡែកពីគ្នា ពីបញ្ហាពាណិជ្ជកម្មដែលជាបញ្ហាទ្វេភាគីរវាងថៃនិងសហរដ្ឋអាមេរិក។

សូមបញ្ជាក់ថា ក្នុងកិច្ចសន្ទនាតាមទូរសព្ទជាមួយសម្ដេចធិបតី, ប្រធានាធិបតីអាមេរិក លោក ដូណាល់ ត្រាំ បានគូសបញ្ជាក់ជំហរយ៉ាងច្បាស់លាស់ថា ចង់ឃេីញសន្តិភាពស្ថិតស្ថេររវាងកម្ពុជានិងថៃ។ លោក ដូណាល់ ត្រាំ នឹងបន្តតាមដានកិច្ចការនេះដោយយកចិត្តទុកដាក់ ដេីម្បីធានាមិនឱ្យមានការផ្ទុះអាវុធឡេីងវិញនៅបណ្តោយព្រំដែនកម្ពុជា-ថៃឡើយ៕

ប្រភព៖ Khaosod English (https://www.facebook.com/share/p/1A7SnjrpYU/)

ដើម្បីទទួលបានព័ត៌មានថ្មីៗសូមតាមដានពួកយើងតាមរយៈ
👉Facebook: ព្រះខ័ន - Preah Khan (https://www.facebook.com/preah.khan.khmer?mibextid=LQQJព្រះខ័ន - Preah KhanKzk3pgGQhrZCI_V2)
👉Tiktok: Preah Khan (https://www.tiktok.com/)
👉Telegram: ព្រះខ័ន (https://t.me/preah_khan)
👉CoolApp: ព្រះខ័ន(https://group.coolapp.chat/...)

#កម្ពុជា #ថៃឈ្លានពានកម្ពុជា #សន្តិភាព #ម៉ាឡេសុី #អាស៊ាន #ព្រះខ័ន

ក្នុងកិច្ចសន្ទនាជាមួយសម្ដេចធិបតី, លោក ដូណាល់ ត្រាំ សន្យាបន្តតាមដានបញ្ហាព្រំដែនកម្ពុជា-ថៃ ដើម្បីធានាថាមិនឱ្យមានការផ្ទុះអាវុធឡេីងវិញឡើយ
—-

សូមអានសំណេរទាំងស្រុងរបស់សម្ដេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា នាព្រឹកថ្ងៃទី១៥ ខែវិច្ឆិកានេះ៖

នាយប់ថ្ងៃទី ១៤ វិច្ឆិកា ២០២៥ ខ្ញុំបានជួបពិភាក្សាតាមទូរសព្ទជាមួយ ឯកឧត្តម Donald J. Trump ប្រធានាធិបតីនៃសហរដ្ឋអាមេរិក ដើម្បីពិភាក្សាអំពីការវិវត្តសភាពការណ៍តាមបណ្តោយព្រំដែនកម្ពុជា-ថៃ ក្នុងគោលបំណងបន្តជំរុញការអនុវត្តកិច្ចព្រមព្រៀងសន្តិភាពរវាងកម្ពុជានិងថៃ។

តាងនាមប្រជាពលរដ្ឋកម្ពុជា ខ្ញុំបានថ្លែងអំណរគុណ ឯកឧត្ដមប្រធានាធិបតី Trump ដែលបានផ្តួចផ្តើមនិងសម្របសម្រួលឱ្យមានបទឈប់បាញ់រវាងកម្ពុជា-ថៃកន្លងមក និងសម្រេចបាននូវសេចក្ដីថ្លែងការណ៍រួមទីក្រុងគូឡាឡាំពួរ ដេីម្បីស្វែងរកសន្តិភាពយូរអង្វែងសម្រាប់កម្ពុជា និងថៃ។ ខ្ញុំក៏បានបញ្ជាក់ជាថ្មីអំពីការប្រកាន់ខ្ជាប់យ៉ាងម៉ឺងម៉ាត់របស់កម្ពុជា ក្នុងការបន្តអនុវត្តតាមស្មារតីសេចក្ដីថ្លែងការណ៍រួមទីក្រុងគូឡាឡាំពួ និងសង្ឃឹមថាភាគីទាំងពីរ នឹងបន្តធ្វើការជាមួយគ្នាស្របតាមគោលការណ៍ និងយន្តការទ្វេភាគីដែលបានឯកភាពគ្នា រួមទាំងការដោះមីនមនុស្សធម៌តាមបណ្តោយព្រំដែន។

ឯកឧត្តមប្រធានាធិបតី Trump បានគូសបញ្ជាក់ជំហរយ៉ាងច្បាស់លាស់ថា ឯកឧត្តមចង់ឃេីញសន្តិភាពស្ថិតស្ថេររវាងកម្ពុជានិងថៃ។ ក្នុងន័យនេះ ឯកឧត្ដមប្រធានាធិបតីនឹងបន្តតាមដានកិច្ចការនេះដោយយកចិត្តទុកដាក់ ដេីម្បីធានាមិនឱ្យមានការផ្ទុះអាវុធឡេីងវិញនៅបណ្តោយព្រំដែនកម្ពុជា-ថៃ។

កម្ពុជាបន្តរក្សាជំហរក្នុងការដោះស្រាយបញ្ហាព្រំដែនដោយសន្តិវិធី ដោយអនុលោមតាមគោលការណ៍ និងយន្តការ ដែលបានឯកភាពគ្នាកន្លងមក ដេីម្បីដោះស្រាយបញ្ហាព្រំដែនកម្ពុជា-ថៃ និងកសាងសន្តិភាពយូរអង្វែងរវាងប្រទេសទាំងពីរ៕

ប្រភព៖ សម្ដេចធិបតី (https://t.me/Dr_Hunmanetofcambodia/236395)

ដើម្បីទទួលបានព័ត៌មានថ្មីៗសូមតាមដានពួកយើងតាមរយៈ
👉Facebook: ព្រះខ័ន - Preah Khan (https://www.facebook.com/preah.khan.khmer?mibextid=LQQJព្រះខ័ន - Preah KhanKzk3pgGQhrZCI_V2)
👉Tiktok: Preah Khan (https://www.tiktok.com/)
👉Telegram: ព្រះខ័ន (https://t.me/preah_khan)
👉CoolApp: ព្រះខ័ន(https://group.coolapp.chat/...)

#កម្ពុជាមាតុភូមិខ្ញុំ #សម្ដេចធិបតីហ៊ុនម៉ាណែត #ជម្លោះព្រំដែន #កម្ពុជា #កម្ពុជាថៃ

🔴ម៉ាឡេស៊ី៖ AOT រកឃើញថា មីនដែលទាហានថៃជាន់ គឺជាមីនចាស់ ខណៈម៉ាឡេស៊ី ត្រៀមរួចរាល់ក្នុងការរៀបចំឱ្យកម្ពុជា-ថៃ ជជែកដើម្បីរក្សាបទឈប់បាញ់
----
ម៉ាឡេស៊ី ត្រៀមខ្លួនរួចរាល់ នៅក្នុងការរៀបចំឱ្យកម្ពុជា និងថៃ ជជែកពិភាក្សាដើម្បីរក្សាបទឈប់បាញ់ ក្រោយពីការប៉ះទង្គិចឡើងវិញនាពេលថ្មីៗនេះ។ នេះបើយោងតាមការផ្សាយរបស់សារព័ត៌មានម៉ាឡេស៊ី Bernama នៅថ្ងៃទី១៣ ខែវិច្ឆិកា ដោយបញ្ជាក់ថា រដ្ឋមន្ត្រីការបរទេសម៉ាឡេស៊ី លោក Datuk Seri Mohamad Hasan បានលើកឡើងថា ការជជែកពិភាក្សារវាងកម្ពុជា-ថៃ ត្រូវបានគេរំពឹងថានឹងធ្វើឡើងក្នុងពេលឆាប់ៗនេះ បន្ទាប់ពីកិច្ចពិភាក្សាជាមួយនាយករដ្ឋមន្ត្រីម៉ាឡេស៊ី លោក Datuk Seri Anwar Ibrahim រួចមក។

លោកបានបន្តថា «បើអាចទៅរួច គឹទៅរៀបចំនៅម៉ាឡេស៊ី ព្រោះប្រទេសទាំងពីរបានបាត់បង់ទំនុកចិត្ត និងការជឿជាក់លើគ្នាទៅវិញទៅមកហើយ។»

លោកបានបន្ថែមថា «ពួកគេបានទាក់ទងមកយើង។ កម្ពុជាបានស្នើសុំឱ្យមានកិច្ចពិភាក្សាដែលនឹងប្រព្រឹត្តទៅនៅទីក្រុងកូឡាឡាំពួរ និងស្រដៀងគ្នាជាមួយប្រទេសថៃដែរ ដែលបានស្នើសុំឱ្យយើងបន្តការខិតខំប្រឹងប្រែងរបស់យើងដើម្បីរក្សាបទឈប់បាញ់។»

រដ្ឋមន្រ្តីការបរទេសម៉ាឡេស៊ីរូបនេះ ក៏បានគូសបញ្ជាក់ថា ថៃបានសម្រេចផ្អាកកិច្ចព្រមព្រៀងបទឈប់បាញ់ នៅក្រោយពេលដែលទាហានរបស់ខ្លួនមួយចំនួន បានជាន់មីនបណ្ដាលឱ្យរងរបួស និងបានអះអាងថាជាមីនដែលត្រូវបានបង្កប់ថ្មីដោយកម្ពុជា។

លោកបានបន្តថា «ប៉ុន្តែក្រុមអ្នកសង្កេតការណ៍អាស៊ាននៅថៃ និងកម្ពុជា បានរាយការណ៍ថា មីនទាំងនោះ មិនមែនជាមីនថ្មីនោះទេ..ខ្ញុំទើបតែបញ្ចប់ការជជែកតាមទូរសព្ទជាមួយរដ្ឋមន្រ្តីការបរទេសថៃ។ ក្ដីសង្ឃឹមរបស់ខ្ញុំ គឺភាគីទាំងពីរ មានភាពស្ងប់ស្ងាត់ និងបន្តកិច្ចចរចាសន្តិភាព»៕

ផ្សាយថ្ងៃទី១៣ ខែវិច្ឆិកា ឆ្នាំ២០២៥
ប្រភព៖ Bernama (https://www.bernama.com/en/region/news.php?id=2490505&fbclid=IwRlRTSAOC2DNleHRuA2FlbQIxMQBzcnRjBmFwcF9pZAo2NjI4NTY4Mzc5AAEei4VCWa1FpLte_nhvoBXiG0FFVxUF40zgNdUtEV-HUdMy_KETgKcjEKXVJHI_aem_YElkmE1BnYxnZSnOAt615w)

ដើម្បីទទួលបានព័ត៌មានថ្មីៗសូមតាមដានពួកយើងតាមរយៈ
👉Facebook: ព្រះខ័ន - Preah Khan (https://www.facebook.com/preah.khan.khmer?mibextid=LQQJព្រះខ័ន - Preah KhanKzk3pgGQhrZCI_V2)
👉Tiktok: Preah Khan (https://www.tiktok.com/)
👉Telegram: ព្រះខ័ន (https://t.me/preah_khan)
👉CoolApp: ព្រះខ័ន(https://group.coolapp.chat/...)

#កម្ពុជា #ថៃឈ្លានពានកម្ពុជា #សន្តិភាព #ម៉ាឡេសុី #អាស៊ាន #ព្រះខ័ន

ញត្តិថ្កោលទោសរបស់រដ្ឋលេខាធិការដ្ឋានកិច្ចការព្រំដែន

រដ្ឋលេខាធិការដ្ឋានកិច្ចការព្រំដែន សូមធ្វើការថ្កោលទោសយ៉ាងដាច់អហង្ការចំពោះការប្រើប្រាស់អំពើហិង្សាដ៏សាហាវឃោរឃៅរបស់យោធាថៃ មកលើប្រជាពលរដ្ឋស៊ីវិលស្លូតត្រង់កម្ពុជា នៅភូមិព្រៃចាន់ នាថ្ងៃទី១២ ខែវិច្ឆិកា ឆ្នាំ២០២៥នេះ ដែលបណ្តាលឱ្យប្រជាពលរដ្ឋស៊ីវិលស្លូតត្រង់កម្ពុជា ស្លាប់បាត់បង់ជីវិត ១នាក់ និងរងរបួស៣នាក់។