Faculty of Social Sciences and Humanities, RUPP

🎙️ ផតខាស ជំហានបន្ទាប់ | ជំនាញភាសាវិទ្យា៖ សិក្សាភាសាវិទ្យាមានឱកាសការងារយ៉ាងទូលំទូលាយនៅក្នុងវិស័យជាច្រើន

📅 ពេលវេលាចាក់ផ្សាយ៖ ថ្ងៃទី១៤ ខែសីហា ឆ្នាំ២០២៦ វេលាម៉ោង ៥:០០ ល្ងាច។

ក្នុងភាគនេះដែរ យើងនឹងជួបជាមួយនឹងវាគ្មិនកិត្តិយសលោកស្រីសាស្រ្តាចារ្យជំនួយ សំរិត សុទ្ធា ប្រធានដេប៉ាតឺម៉ង់ភាសាវិទ្យា និងកញ្ញា អ៊ុន យូវនាថ ជាអតីតនិស្សិតដែលបានបញ្ចប់ការសិក្សានៅដេប៉ាតឺម៉ង់ភាសាវិទ្យា។ 🎓

វាគ្មិនទាំងពីររូបបានអញ្ជើញមកចូលរួមពិភាក្សាអំពីការសិក្សាជំនាញភាសាវិទ្យា ឱកាសការងារក្រោយពេលបញ្ចប់ការសិក្សា 💼 ព្រមទាំងព័ត៌មានសំខាន់ៗផ្សេងទៀតដែលទាក់ទងនឹងដេប៉ាតឺម៉ង់ភាសាវិទ្យា នៅសាកលវិទ្យាល័យភូមិន្ទភ្នំពេញ (RUPP)។

🎧 «ផតខាស ជំហានបន្ទាប់» ផលិតដោយ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍ (DMC) និងគាំទ្រដោយ មហាវិទ្យាល័យសង្គមសាស្ត្រ-មនុស្សសាស្ត្រ នៃសាកលវិទ្យាល័យភូមិន្ទភ្នំពេញ (RUPP)។

ការផលិតកម្មវិធីផតខាសនេះឡើង គឺដើម្បីស្វែងយល់ឱ្យកាន់តែច្បាស់អំពីដេប៉ាតឺម៉ង់ទាំង១១ ក៏ដូចជាមុខជំនាញនីមួយៗ ក្នុងគោលបំណងជួយតម្រង់ទិសដល់ប្អូនៗសិស្សានុសិស្ស ដែលកំពុងស្វែងរកជំនាញសិក្សា ក្រោយការប្រឡងសញ្ញាបត្រមធ្យមសិក្សាទុតិយភូមិ។ 📚

#ភាសាវិទ្យា

🎙️ ផតខាស «ជំហានបន្ទាប់» | ជំនាញទស្សនវិជ្ជា៖ មាគ៌ាឆ្ពោះទៅកាន់ភាពជាអ្នកដឹកនាំ និងអ្នកវិភាគស៊ីជម្រៅក្នុងអាជីពការងារ

📅 កាលបរិច្ឆេទចាក់ផ្សាយ៖ ថ្ងៃទី០៤ ខែសីហា ឆ្នាំ២០២៦ វេលាម៉ោង ៥:០០ ល្ងាច

ក្នុងភាគនេះ យើងនឹងជួបជាមួយវាគ្មិនកិត្តិយសចំនួនពីររូប គឺលោកសាស្ត្រាចារ្យជំនួយ ញឹម បាក់ងន ប្រធានដេប៉ាតឺម៉ង់ទស្សនវិជ្ជា និងលោកស្រីសាស្ត្រាចារ្យជំនួយ បណ្ឌិត ម៉ិច សម្ផស្ស ជាអតីតនិស្សិតនៃដេប៉ាតឺម៉ង់ទស្សនវិជ្ជា និងបច្ចុប្បន្នជាអនុប្រធានដេប៉ាតឺម៉ង់ទស្សនវិជ្ជា។

វាគ្មិនទាំងពីររូបនឹងចូលរួមចែករំលែក និងពិភាក្សាអំពីការសិក្សាជំនាញទស្សនវិជ្ជា ឱកាសការងារក្រោយបញ្ចប់ការសិក្សា សារៈសំខាន់នៃការគិតបែបវិភាគ និងភាពជាអ្នកដឹកនាំ ព្រមទាំងព័ត៌មានសំខាន់ៗផ្សេងទៀតដែលពាក់ព័ន្ធនឹងដេប៉ាតឺម៉ង់ទស្សនវិជ្ជា នៃសាកលវិទ្យាល័យភូមិន្ទភ្នំពេញ (RUPP)។

សូមកុំភ្លេចរង់ចាំតាមដាន ដើម្បីស្វែងយល់ថា តើការសិក្សាទស្សនវិជ្ជាអាចជួយអភិវឌ្ឍការគិត ការវិភាគ និងជំនាញភាពជាអ្នកដឹកនាំរបស់អ្នកបានយ៉ាងដូចម្តេច។

«ផតខាស ជំហានបន្ទាប់» ផលិតដោយដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍ (DMC) និងគាំទ្រដោយមហាវិទ្យាល័យសង្គមសាស្ត្រ មនុស្សសាស្ត្រ នៃសាកលវិទ្យាល័យភូមិន្ទភ្នំពេញ (RUPP)។

កម្មវិធីផតខាសនេះត្រូវបានផលិតឡើង ដើម្បីជួយឱ្យសាធារណជន ជាពិសេសប្អូនៗសិស្សានុសិស្ស បានស្វែងយល់កាន់តែច្បាស់អំពីដេប៉ាតឺម៉ង់ទាំង១១ និងមុខជំនាញនីមួយៗ ក្នុងគោលបំណងជួយតម្រង់ទិសដល់ប្អូនៗដែលកំពុងស្វែងរកមុខជំនាញសិក្សាសមស្រប បន្ទាប់ពីការប្រឡងសញ្ញាបត្រមធ្យមសិក្សាទុតិយភូមិ។ 🎓

#ផតខាសជំហានបន្ទាប់ #ជំនាញទស្សនវិជ្ជា

🎙ផតខាស ជំហានបន្ទាប់ | ជំនាញចិត្តវិទ្យា៖ សិក្សាដើម្បីក្លាយជាអ្នកប្រឹក្សាយោបល់អំពីសុខភាពផ្លូវចិត្តនិងជាអ្នកជំនាញចិត្តវិទ្យាក្នុងវិស័យអប់រំព្រមទាំងវិស័យនានា។

📅 ពេលវេលាចាក់ផ្សាយ៖ ថ្ងៃទី៣១ ខែកក្កដា ឆ្នាំ២០២៦ វេលាម៉ោង ៥:០០ ល្ងាច។

ក្នុងភាគនេះដែរ យើងនឹងជួបជាមួយនឹងវាគ្មិនកិត្តិយសសាស្ត្រាចារ្យជំនួយ ផាន់ ចាន់ពៅ ប្រធានដេប៉ាតឺម៉ង់ចិត្តវិទ្យា និងកញ្ញា ខន សុជាតា ជាអតីតនិស្សិតដែលបានបញ្ជប់ការសិក្សានៅដេប៉ាតឺម៉ង់ចិត្តវិទ្យា។

វាគ្មិនទាំងពីររូបបានអញ្ជើញមកចូលរួមពិភាក្សាអំពីការសិក្សាជំនាញចិត្តវិទ្យា ឱកាសការងារក្រោយពេលបញ្ចប់ការសិក្សា ព្រមទាំងព័ត៌មានសំខាន់ៗផ្សេងទៀតដែលទាក់ទងនឹងដេប៉ាតឺម៉ង់ចិត្តវិទ្យា នៅសាកលវិទ្យាល័យភូមិន្ទភ្នំពេញ (RUPP)។

«ផតខាស ជំហានបន្ទាប់» ផលិតដោយ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍ (DMC) 🎥 និងគាំទ្រដោយ មហាវិទ្យាល័យសង្គមសាស្ត្រ មនុស្សសាស្ត្រ នៃសាកលវិទ្យាល័យភូមិន្ទភ្នំពេញ (RUPP) 🏫។

ការផលិតកម្មវិធីផតខាសនេះឡើង គឺដើម្បីស្វែងយល់ឱ្យកាន់តែច្បាស់អំពីដេប៉ាតឺម៉ង់ទាំង១១ 📚 ក៏ដូចជាមុខជំនាញនីមួយៗ ក្នុងគោលបំណងជួយតម្រង់ទិសដល់ប្អូនៗសិស្សានុសិស្ស ដែលកំពុងស្វែងរកជំនាញសិក្សា ក្រោយការប្រឡងសញ្ញាបត្រមធ្យមសិក្សាទុតិយភូមិ 🎓✨។

#ផតខាសជំហានបន្ទាប់

[កម្មវិធីកិច្ចសន្ទនាជាសាធារណៈ]

កាលពីថ្ងៃទី២៩ ខែកក្កដា ឆ្នាំ២០២៦ ដេប៉ាតឺម៉ង់សង្គមកិច្ចវិទ្យា មហាវិទ្យាល័យសង្គមសាស្ត្រ-មនុស្សសាស្ត្រ នៃសាកលវិទ្យាល័យភូមិន្ទភ្នំពេញ បានរៀបចំកម្មវិធីកិច្ចសន្ទនាជាសាធារណៈក្រោមប្រធានបទ៖ «ដើម្បីមនុស្សចាស់៖ ការធានារ៉ាប់រងសុខភាព សេចក្តីថ្លៃថ្នូរ និងមនុស្សចាស់ប្រកបដោយសុខុមាលភាព​» ប្រព្រឹត្តទៅនៅសាកលវិទ្យាល័យភូមិន្ទភ្នំពេញ មណ្ឌល២។

កិច្ចសន្ទនាជាសាធារណៈនេះប្រព្រឹត្តឡើងក្នុងគោលបំណងទទួលស្គាល់ការចូលរួមចំណែក និងសេចក្តីថ្លៃថ្នូរដល់មនុស្សចាស់ដែលមិនស្ថិតក្នុងប្រព័ន្ធសុខុមាលភាពសង្គម និងបង្កើនការយល់ដឹងជាសាធារណៈ អំពីបញ្ហាសុខភាព ហិរញ្ញវត្ថុ និងការថែទាំផ្សេងៗដែលពួកគាត់បានជួបប្រទះ ក៏ដូចជាបង្កើតការស្រាវជ្រាវមួយ ដើម្បីឈានទៅរកការអភិវឌ្ឍគោលនយោបាយដើម្បីគាំទ្រមនុស្សចាស់។

កម្មវិធីនេះបានប្រព្រឹត្តទៅយ៉ាងរលូន និងមានការចូលរួមពីព្រឹទ្ធបុរសមហាវិទ្យាល័យសង្គមសាស្ត្រ-មនុស្សសាស្ត្រ ប្រធានដេប៉ាតឺម៉ង់សង្គមកិច្ចវិទ្យា នាយកអង្គការ HelpAge Cambodia រួមទាំងវាគ្មិន សាស្ត្រាចារ្យ បុគ្គលិកមហាវិទ្យាល័យ និងនិស្សិតផងដែរ។

កម្មវិធីកិច្ចសន្ទនាជាសាធារណៈក្រោមប្រធានបទ៖ «ដើម្បីមនុស្សចាស់៖ ការធានារ៉ាប់រងសុខភាព ​សេចក្តីថ្លៃថ្នូរ និងមនុស្សចាស់ប្រកបដោយសុខុមាលភាព»

កាលបរិច្ឆេទ៖ ២៩ កក្កដា ឆ្នាំ២០២៦ (ចាប់ពីម៉ោង៣រសៀល)
ទីតាំង៖ បន្ទប់ខេមរសិក្សា សាកលវិទ្យាល័យភូមិន្ទភ្នំពេញ មណ្ឌល២

🎙️ ផតខាស ជំហានបន្ទាប់ | ជំនាញសង្គមកិច្ចវិទ្យា៖ សិក្សាដើម្បីក្លាយជាអ្នកជំនាញអភិវឌ្ឍន៍សហគមន៍ និងកិច្ចការសង្គម

📅 ពេលវេលាចាក់ផ្សាយ៖ ថ្ងៃទី២៨ ខែកក្កដា ឆ្នាំ២០២៦ វេលាម៉ោង ៥:០០ ល្ងាច។

ក្នុងភាគនេះដែរ យើងនឹងជួបជាមួយនឹងវាគ្មិនកិត្តិយសសាស្ត្រាចារ្យជំនួយ ផល ឧត្តមសម្បត្តិ ជាអនុប្រធានដេប៉ាតឺម៉ង់សង្គមកិច្ចវិទ្យា 👨‍🏫 និងលោកស្រី ងន សុខលាភ ជាអតីតនិស្សិតដែលបានបញ្ចប់ការសិក្សានៅដេប៉ាតឺម៉ង់សង្គមកិច្ចវិទ្យា👩‍🎓 និងបច្ចុប្បន្នជានាយិកាអង្គការសេរីភាពកម្ពុជា អូស្ត្រាលី ។

«ផតខាស ជំហានបន្ទាប់» ផលិតដោយ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍ (DMC) 🎥 និងគាំទ្រដោយ មហាវិទ្យាល័យសង្គមសាស្ត្រ មនុស្សសាស្ត្រ នៃសាកលវិទ្យាល័យភូមិន្ទភ្នំពេញ (RUPP) 🏫។

ការផលិតកម្មវិធីផតខាសនេះឡើង គឺដើម្បីស្វែងយល់ឱ្យកាន់តែច្បាស់អំពីដេប៉ាតឺម៉ង់ទាំង១១ 📚 ក៏ដូចជាមុខជំនាញនីមួយៗ ក្នុងគោលបំណងជួយតម្រង់ទិសដល់ប្អូនៗសិស្សានុសិស្ស ដែលកំពុងស្វែងរកជំនាញសិក្សា ក្រោយការប្រឡងសញ្ញាបត្រមធ្យមសិក្សាទុតិយភូមិ 🎓✨។

#ផតខាសជំហានបន្ទាប់