Preah Sīhanouk Rāja Buddhist University

ទិវា​កុមារ​អន្តរ​ជាតិ ខួបលើកទី៧៧ (International Children's Day)
............
ថ្ងៃចន្ទ ១រោច ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០
ត្រូវនឹងថ្ងៃទី១ ខែមិថុនា ឆ្នាំ២០២៦

ពុទ្ធិកសាកលវិទ្យាល័យព្រះសីហនុរាជ សូមថ្លែងអំណរគុណយ៉ាងជ្រាលជ្រៅបំផុត ចំពោះ ឧបាសក ប៉ែន ថាវរ៉ន និងឧបាសិកា ម៉ៅ រ៉ាសុីន ព្រមទាំងកូនចៅ មានសទ្ធាជ្រះថ្លាចូលរួមបច្ច័យចំនួន ២,០០០ ដុល្លារ (ពីរពាន់ដុល្លារអាមេរិក) ក្នុងមូលនិធិជំនួយការអប់រំ និងការកសាង នៅពុទ្ធិកសាកលវិទ្យាល័យព្រះសីហនុរាជ។
សូមជូនពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

ព្រះធម្មឃោសាចារ្យ ជួន សាវឿន ព្រះសាកលវិទ្យាធិការរង និមន្តដឹកនាំកិច្ចប្រជុំរៀបចំទស្សនកិច្ចសិក្សារបស់សមណនិស្សិត និស្សិតឆ្នាំទី៤​ ទាំងបីទីតាំង។
━━━✥◈✥━━━
ថ្ងៃសុក្រ ១៣កើត ខែជេស្ឋ ឆ្នាំមមី អដ្ឋស័ក ព.ស ២៥៧០ ត្រូវនឹងថ្ងៃទី២៩ ខែឧសភា ឆ្នាំ២០២៦

សម្ដេចព្រះមហាអរិយវង្ស បណ្ឌិត យ៉ន សេង យៀត​ តំណាង​គណៈសង្ឃពុទ្ធសាសនាកម្ពុជា​ និមន្តថ្លែងសុន្ទរកថា ក្រោមប្រធានបទ Buddhist Wisdom for Building Partnerships for Global Sustainable Peace នៅសន្និសីទលើកទី២១​ នៃទិវាវិសាខបូជារបស់អង្គការសហប្រជាជាតិ​ (The 21st Conference of the United Nations Day of Vesak)
ព្រឹក​ថ្ងៃពុធ ១១កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៧ ខែឧសភា ឆ្នាំ២០២​៦ សម្ដេចព្រះមហាអរិយវង្ស បណ្ឌិត យ៉ន សេង យៀត​ អនុប្រធានលេខាធិការនៃលេខាធិការដ្ឋាន​ ស.ន.ក.ជ និងជាព្រះសាកលវិទ្យាធិការ​នៃពុទ្ធិកសាកលវិទ្យាល័យព្រះសីហនុរាជ តំណាង​គណៈសង្ឃពុទ្ធសាសនាកម្ពុជា​ បាននិមន្តថ្លែងសុន្ទរកថា ក្រោមប្រធានបទ Buddhist Wisdom for Building Partnerships for Global Sustainable Peace នៅក្នុងសន្និសីទលើកទី២១​ នៃទិវាវិសាខបូជារបស់អង្គការសហប្រជាជាតិ​ (The 21st Conference of the United Nations Day of Vesak)​ នាសាលសន្និសីទ Nianhuawan ទីក្រុង Wuxi ខេត្ត Jiangsu នៃសាធារណរដ្ឋប្រជាមានិតចិន​។​ ក្នុងសន្និសីទលើកទី២១​ នៃទិវាវិសាខបូជានេះផងដែរ​ មានការនិមន្ត​និងអញ្ជេីញ​ថ្លែងសុន្ទរកថាពីមេដឹកនាំពុទ្ធសាសនា​មកពីបណ្ដាប្រទេសចូលរួម​ប្រមាណ​៦៧​ប្រទេស​លេីប្រធានបទផ្សេងៗគ្នា​ និងមានពុទ្ធសាសនិកចូលរួមចំនួន​ ១០០០រូប​ផងដែរ

កិច្ចប្រជុំពិភាក្សារវាងព្រះតេជគុណ បណ្ឌិត សាន ពិសិទ្ធិ​ ជាមួយនឹងក្រុមអ្នកស្រាវជ្រាវ ពីសាកលវិទ្យាល័យ Marburg ប្រទេសអាល្លឺម៉ង់​ ស្តីពីកិច្ចការងារស្រាវជ្រាវ និងការងារពាក់ព័ន្ធ។
━━━✥◈✥━━━
ថ្ងៃចន្ទ ៩កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៥ ខែឧសភា ឆ្នាំ២០២៦

សូមប្រគេន​ ជូនព័ត៌មាន អំពីអាហារូបករណ៍សិក្សានៅសាកលវិទ្យាល័យ Somaiya Vidyavihar University ប្រទេសឥណ្ឌា។
សម្រាប់ព័ត៌មានពិស្តារ និងការចុះឈ្មោះ សូមចូលទៅកាន់គេហទំព័រ៖ https://www.somaiya.edu/en/

សម្ដេចព្រះមហាអរិយវង្ស បណ្ឌិត យ៉ន សេង យៀត តំណាងគណៈសង្ឃពុទ្ធសាសនាកម្ពុជា និមន្តដឹកនាំ ព្រះមន្ត្រីសង្ឃ ចូលរួម ទិវាវិសាខបូជាអង្គការសហប្រជាជាតិ លើកទី២១ នៅទីក្រុង Wuxi នៃសាធារណរដ្ឋប្រជាមានិតចិន

សម្ដេចព្រះមហាអរិយវង្ស បណ្ឌិត យ៉ន សេង យៀត ព្រះអនុប្រធានលេខាធិការដ្ឋានគណៈសង្ឃនាយក គណៈមហានិកាយ នៃព្រះរាជាណាចក្រកម្ពុជា និងជាព្រះសាកលវិទ្យាធិការ នៃពុទ្ធិកសាកលវិទ្យាល័យព្រះសីហនុរាជ តំណាងគណៈសង្ឃពុទ្ធសាសនាកម្ពុជា និមន្តដឹកនាំ ព្រះមន្ត្រីសង្ឃ គណៈមហានិកាយ នៃព្រះរាជាណាចក្រកម្ពុជា ចូលរួម ទិវាវិសាខបូជាអង្គការសហប្រជាជាតិ លើកទី២១ នៅទីក្រុង Wuxi ខេត្ត Jiangsu នៃសាធារណរដ្ឋប្រជាមានិតចិន។

រាត្រីថ្ងៃអាទិត្យ ៨កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៤ ខែឧសភា ឆ្នាំ២០២៦