សារិទ្ធិ-Sarith

05/02/2026

ប្រសិនបើថ្ងែនេះអ្នកកំពុងរងការប្រមាថមើលងាយ​ ឬអ្នកកំពុងមានអារម្មណ៍ថាខ្លួន​ឯងទន់ខ្សោយ ​និងខ្វះខាតជាងគេ​ សូមកុំអនុញ្ញាតឱ្យការគិត​ ឬពាក្យទាំងនោះ​មកសម្លាប់ស្មារតីរបស់អ្នកឱ្យសោះ​!

ចូរប្រែក្លាយអ្វីដែលគ្រោតគ្រាតទាំងអស់នោះ ទៅជាអាវុធដ៏អស្ចារ្យ និងកម្លាំងចិត្តដ៏មហិមា​ ដើម្បីច្បាំងក្នុងសមរភូមិនៃជីវិត។ ហើយពេញមួយជីវិតនេះ អ្នកត្រូវតែច្បាំងដើម្បីមនុស្ស៣នាក់៖

១. ច្បាំងដើម្បីខ្លួនឯង៖ អ្នកត្រូវកសាងអនាគតខ្លួនឯងដែលពេញដោយតម្លៃ និងកិត្តិយស។
២. ច្បាំងដើម្បីគ្រួសារ៖ អ្នកត្រូវនាំយកនូវមោទនភាព និងស្នាមញញឹមជូនលោកពុកអ្នកម៉ែ។
៣. ច្បាំងដើម្បីជាតិ៖ អ្នកត្រូវក្លាយជាគ្រឹះធនធានមនុស្ស ដើម្បីកិត្យានុភាព និងសេចក្តីថ្លៃថ្នូររបស់ប្រទេសជាតិមាតុភូមិ។

26/10/2025

អាស៊ាន​​ប្រកាសទទួលស្គាល់​ទី​ម័រ​ជាសមាជិក​ទី​១១ ក្នុងរបៀបវារៈដំបូង​​​នៃ​​កិច្ច​ប្រជុំកំពូល​​ផ្លូវការ​លើក​ទី​៤៧​​​ 🗺️
#អាស៊ានមានបងប្អូនថែមម្នាក់ទៀតហើយ

26/10/2025

10/06/2025

សារពីគណៈគ្រប់គ្រងទៅកាន់អ្នកក្រោមបង្គាប់ ✍️

• បានតែចង់ តែមិនធ្វើ (all talk, no action)
• ធ្វើការតាមអារម្មណ៍ អារម្មណ៍អត់ល្អ អត់ធ្វើ (emotionally driven, inconsistent work ethic)
• មិនអាចទ្រាំការរិះគន់បាន (can't take feedback well)
• ខ្វះការយល់ដឹងអំពីអាទិភាពនៃការងារ (lack of sense of priority)
• មិនអាន មិនស្រាវជ្រាវ (don’t read, don’t research)
• សុំតែប្រាក់ខែ ឥតគិតពីអ្វីដែលខ្លួនអាចផ្តល់ត្រលប់វិញ (want high pay than what they can contribute)
• ជឿខ្លួនឯងខ្លាំងពេក តែអសមត្ថភាព (overconfident but under-qualified)

Credit​ to Ms. Ros Sothea

19/01/2025

ខ្ញុំ មិនសេពគប់មនុស្សនឹងលុយ ព្រោះប្រាក់របស់គេមិនមែនជាប្រាក់របស់ខ្ញុំ..

ខ្ញុំមិនមើលងាយមនុស្សក្រខ្សត់រសាត់អណ្តែត ព្រោះគេមិនបានសុំលុយខ្ញុំទៅចិញ្ចឹមជីវិត..

ខ្ញុំ មិនស្ងើចសរសើរ ត្រេកអរនឹងអ្នកមានអំណាចបុណ្យសក្តិ ព្រោះភាពងាយស្រួល ហ៊ឺហារសំបូរសប្បាយ វាក៏ត្រូវមានតម្លៃក្នុងការចាយវាយដូចគ្នា..!

ខ្ញុំជឿលេី…

១_ មនុស្សដែលធ្លាប់ រួមសុខ រួមទុក្ខនឹងខ្ញុំ
២_ មនុស្សដែល ស្រង់ខ្ញុំ ឱ្យខ្ញុំក្រោកឡើងខណៈដែលខ្ញុំដួល
៣_មនុស្ស ដែលមិនបោះបង់ខ្ញុំ ទោះបីជាខ្ញុំគ្មានអ្វីសល់នៅក្នុងខ្លួនក៏ដោយ

ដើមឈើខ្ពស់ កុំភ្លេចឫស ថ្ងៃណាដែលអ្នក រុងរឿង ក៏កុំភ្លេចរំលឹកគុណដល់អ្នកផ្តល់គុណ ។

គំនិតលោក: លីវ តឺហួរ តួសម្ដែងនិងអ្នកចម្រៀងដ៏ល្បី របស់ ហុងកុង។

11/01/2025

រឿងបុរសរែកទឹក២នាក់

មានបុរស២នាក់ ដែលរស់នៅលើកំពូលភ្នំ២ជិតគ្នា។ នៅចំកណ្ដាលភ្នំមានព្រែកមួយ ជារៀងរាល់ព្រឹកបុរសទាំងពីរនាក់នោះ ចុះពីលើភ្នំដើម្បីរែកទឹក យូរទៅពួកគាត់ក៏ក្លាយទៅជាមិត្ដភ័ក្ដនឹងគ្នា។

ធ្មេចបើកៗ ៥ឆ្នាំកន្លងផុតទៅ មានថ្ងៃមួយ បុរសនៅភ្នំខាងស្ដាំមិនមករែកទឹក ធ្វើឲ្យបុរសនៅភ្នំខាងឆ្វេងគិតក្នុងចិត្ដថា ប្រហែលជាមិត្ដខ្ញុំគេងហួសម៉ោងហើយ បានជាមិនឃើញចុះមករែកទឹក។

មួយសប្ដាហ៍កន្លងផុតទៅ បុរសដែលនៅភ្នំខាងស្ដាំនៅតែមិនមករែកទឹក ទើបបុរសនៅភ្នំខាងឆ្វេងគិតថា “មិត្ដខ្ញុំប្រហែលមានជំងឺហើយ ខ្ញុំត្រូវទៅសួរសុខទុក្ខគាត់សិន ក្រែងលោអាចជួយគាត់បានខ្លះ។”

ប៉ុន្ដែពេលទៅដល់ គាត់ពិតជាមានការភ្ញាក់ផ្អើលយ៉ាងខ្លាំង។ មិត្ដភ័ក្ដរបស់គាត់កំពុងហាត់ប្រាណយ៉ាងរហ័សរហួននៅមុខផ្ទះរបស់ខ្លួន មើលទៅមិនដូចជាអ្នកឈឺនោះទេ។ គាត់ក៏បានសួរដោយឆ្ងល់ថា “មួយអាទិត្យហើយ លោកមិនចុះរែកទឹក តើលោកបានទឹកឯណាយកមកផឹក?”

មិត្ដភ័ក្ដិគាត់ ក៏បាននាំគាត់ទៅក្រោយផ្ទះ ចង្អុលទៅអណ្ដូងមួយ រួចនិយាយថា “ប្រាំឆ្នាំមកនេះ រាល់ពេលទំនេរ ខ្ញុំតែងតែមកជីកអណ្ដូងនៅទីនេះ ទោះបីជាពេលខ្លះរវល់ ប៉ុន្ដែជីកបានប៉ុនណាគឺល្អប៉ុននោះដែរ។ ពេលនេះជីកដល់ទឹកហើយ ខ្ញុំមិនចាំបាច់ចុះភ្នំរែកទឹកទៀតទេ។”

មេរៀននៅទីនេះចង់បង្រៀនថា៖

ថ្ងៃនេះគឺជាលទ្ធផលនៃការប្រឹងប្រែងពីម្សិលមិញ ឯការប្រឹងប្រែងក្នុងថ្ងៃនេះ គឺជាក្ដីសង្ឃឹមសម្រាប់ថ្ងៃស្អែក។ ខែឆ្នាំកន្លងផុតទៅ អាយុចាស់ក៏មកដល់ សូមគិតទុកក្នុងចិត្ដថា នៅពេលណាដែលអ្នកគ្មានកម្លាំងរែកទឹកទៀត អ្នកក៏នៅតែមានទឹកសម្រាប់ផឹក។

ស្របពេលដែលអ្នកកំពុងធ្វើការឲ្យគេ ចូរបើកអាជីវកម្មមួយ ឬធ្វើការវិនិយោគដ៏ឆ្លាតវៃ ដើម្បីរកប្រភពចំណូលផ្សេងទៀត ដែលអាចធានាដល់ការរស់នៅរបស់អ្នក ពេលដែលអ្នកចាស់ទៅមិនអាចធ្វើការបានទៀត។

ធ្វើជាមនុស្សជីកអណ្ដូង ឬធ្វើជាមនុស្សរែកទឹកពេញមួយជីវិត វាអាស្រ័យលើបុគ្គលម្នាក់ៗជាអ្នកសម្រេចចិត្ដ។ រែកទឹកពីកន្លែងផ្សេងមកប្រើប្រាស់ ដើម្បីធានាឲ្យការរស់រៀនមានជីវិតនៅចំពោះមុខ មុនពេលខ្លួនអ្នកមិនទាន់មានអណ្ដូង ។ ប៉ុន្ដែបើក្រឡេកមើលឲ្យបានវែងឆ្ងាយ មនុស្សដែលឆ្លាតវៃ គេនឹងជីកអណ្ដូងសម្រាប់ខ្លួនឯង នេះទើបជាទ្រព្យដែលមិនចេះរីងស្ងួត។

តាមពិតមនុស្សដែលកំពុងរែកទឹកផង និងកំពុងជីកអណ្ដូងផង គេនោះនឹងមមាញឹកជាងអ្នកដែលគ្រាន់តែរែកទឹកមួយមុខ។ ប៉ុន្ដែ នៅពេលដែលអ្នកជីកអណ្ដូងបានជោគជ័យ វានឹងនាំមកនូវការតបស្នងដ៏យូរអង្វែងមួយដល់អ្នកនិងគ្រួសារ៕

តើមានមនុស្សប៉ុន្មាននាក់ ដែលកំពុងជីកអណ្ដូង? តើមានមនុស្សប៉ុន្មាននាក់ដែលសម្រេចចិត្ដថានឹងរែកទឹកពេញមួយជីវិត?

30/06/2024

ឆាកជីវិតមនុស្សមានម្ហូប ៣ តុ

• តុទី១ ពេលកើត រៀបតុម្តង តែខ្លួនឯងមិនចេះហូប
• តុទី២ ពេលរៀបការ រៀបតុម្តង តែរវល់មិនមានពេលហូប
• តុទី៣ ពេលស្លាប់ទៅ រៀបម្តងទៀត តែខ្លួនមិនបានហូប

ចូរចេះស្តាយស្រណោះពេលវេលាដែលនៅសេសសល់ ពេលមានលុយ សប្បាយបែបមានលុយ ពេលអត់លុយ ត្រូវចេះធ្វើអោយអារម្មណ៍ខ្លួនមានក្តីសុខ ។

18/01/2024

របៀប​ដាក់ពាក្យប្ដឹងអ្នកបោកតាមអនឡាញ! បើមានការឆបោកតាមអនឡាញ (Online) សូមប្តឹងមកអគ្គស្នងការនគរបាលជាតិ តាមអនឡាញបាន 👉 https://hotline.police.gov.kh/

05/01/2024

🖊️..ការសប្បាយ មិនអាចផ្លាស់ប្តូរអ្នកបានទេ តែការឈឺចាប់អាច ការឈឺចាប់គឺជាអាវុធទំលុះខួរក្បាលកំសាក។ ភាពសុខស្រួល និងសមល្មម មិនអាចលើកជើងអ្នកអោយដើរបានទេ តែភាពខ្វះខាតអាច។ រឿងដែលធ្វើអោយអ្នកលំបាកឲ្យតែមិនស្លាប់ ឆ្លងអោយផុតអ្នកនឹងពូកែជាងមុន។ បើអ្នកយល់ថាជីវិតនេះសមល្មមហើយថ្ងៃណាមួយអ្នកនឹងឈឺចាប់នៅពេលដែលយើងមិនអាចជួយអ្វីបានដល់មនុស្សក្បែរខ្លួន ជាពិសេសមនុស្សជាទីស្រលាញ់ ។

ភាពលំបាក ការតស៊ូជំនះឧបសគ្គនឹងធ្វើអោយអ្នកក្លាយខ្លួនជាមនុស្សខ្លាំងពូកែបាន ហើយក្នុងស្ថានភាពដ៏លំបាកនោះអ្នកនឹងរកឃើញមនុស្សពិត កម្លាំងពិតជាក់ជាមិនខាន អំណាចដែលគ្មានដែនកំណត់ គឺជាអំណាចនៃភាពអំណត់នេះឯង ។

04/05/2023

#មោទកភាពជាតិខ្មែរ🇰🇭🇰🇭🇰🇭

✨ កីឡាគុនល្បុក្កតោ និងកីឡាគុនខ្មែរ ត្រូវបានដាក់បញ្ចូលជាផ្លូវការក្នុងធម្មនុញ្ញ នៃសហព័ន្ធកីឡាអាស៊ីអាគ្នេយ៍ ដែលនាំឲ្យកម្ពុជាមានលទ្ធភាពរៀបចំការប្រកួតកីឡាទាំងពីរក្នុងព្រឹត្តិការណ៍ស៊ីហ្គេមជាបន្ដបន្ទាប់ទៀតនៅបណ្ដាប្រទេសម្ចាស់ផ្ទះក្រោយ។

នេះបើតាមប្រសាសន៍របស់ឯកឧត្តម វ៉ាត់ ចំរើន អគ្គលេខាធិការ NOCC និងជាអគ្គលេខាធិការ CAMSOC ក្រោយបញ្ចប់កិច្ចប្រជុំក្រុមប្រឹក្សាកីឡាអាស៊ីអាគ្នេយ៍ (SEAGF Council Meeting) ដែលដឹកនាំដោយឯកឧត្តមបណ្ឌិត ថោង ខុន រដ្ឋមន្ដ្រីក្រសួងទេសចរណ៍ ប្រធាន NOCC និងជាប្រធានក្រុមប្រឹក្សាកីឡាអាស៊ីអាគ្នេយ៍ នៅល្ងាចថ្ងៃទី០៤ ខែឧសភា ឆ្នាំ២០២៣។