Watt Prey Spue វត្តព្រៃស្ពឺ

ព្យាយាមទើបបានសម្រេច។

អ្វីក៏ដោយ កើតឡើងហើយ តែងរលត់ទៅវិញ នៅពេលណាមួយមិនខាន ចូរនាំគ្នាសាងសេចក្ដីល្អ ទើបប្រសើរ។

សាកល្បងសិក្សាមេរៀនរូបសាស្ត្រវិទ្យាដែលជាសាខានៃភាសាវិទ្យា
១/ ប្រវត្តិនៃរូបសាស្រ្តវិទ្យា
រូបសាស្រ្តវិទ្យា (Morphology) បានរកឃើញនិងដកស្រង់ចេញពីជីវវិទ្យា (biology) ដែលត្រូវបានគេយកទៅប្រើសម្រាប់គ្រឿងសម្គាល់ក្នុងការសិក្សាអំពីរូបរាងនៃរុក្ខជាតិនិងសត្វ (សណ្ឋានវិទ្យា)។ កវីអាឡឺម៉ង់ម្នាក់និងជាអ្នកនិពន្ធ Goethe បានយកទៅប្រើក្នុងការនិពន្ធរបស់គាត់នៅឆ្នាំ១៧៩៦។ ពាក្យនេះត្រូវបានយកមកប្រើនៅក្នុងភាសាវិទ្យាដោយភាសាវិទូអាឡឺម៉ង់ August Schleicher (Salmon 2000) នៅឆ្នាំ១៨៥៩ ដោយយោងទៅលើការសិក្សារូបរាងនៃពាក្យ។ នៅក្នុងភាសាវិទ្យាបច្ចុប្បន្ន ពាក្យ (Morphology) សំដៅដល់ការសិក្សានៃសម្ព័ន្ធខាងក្នុងរបស់ពាក្យនិងរចនាសម្ព័ន្ធជាទម្រង់ន័យនៃពាក្យ។
រូបសាស្ត្រវិទ្យា គឺការសិក្សាអំពីប្រព័ន្ធវេយ្យាករណ៍របស់ពាក្យនិងប្រភេទដែលបង្ហាញពីបម្លាស់ប្ដូររបស់ពាក្យ។

២-រូបសាស្ត្រវិទ្យា Morphology
រូបសាស្ត្រវិទ្យា គឺជាសាខាមួយនៃមុខវិជ្ជាភាសាវិទ្យាដែលផ្ដោតការសិក្សាលើរចនាសម្ព័ន្ធពាក្យឬគ្រោងសាងរបស់ពាក្យនិងការផ្សំពាក្យក្នុងភាសាណាមួយដូចជា ការចុះវិភត្តិបច្ច័យ ការកម្លាយពាក្យ ការបន្សំពាក្យ បង្គុំពាក្យ វិធីស្នៀតពាក្យ រួមទាំងទំនាក់ទំនងរវាងមូលតា សម្ព័ន្ធ និងសទ្ទតាជាដើម។
Morphology is the branch of linguistics that studies the structure of words (e.g. the structure of word-unhappiness).
Morphology រូបសាស្ត្រវិទ្យា បានដល់ ការសិក្សាទាក់ទងនឹងមូលតានិងការផ្សំមូលតាឱ្យទៅជាពាក្យផ្សេងៗនៅក្នុងភាសា ដែលជាការសិក្សាទាក់ទងនឹងមូលតា ការសាងមូលតាឱ្យទៅជាពាក្យផ្សេងៗ និងវិធីបែងចែកពាក្យឱ្យជាក្រុមពាក្យផ្សេងៗតាមន័យ តាមតំណែងនិងតាមតួនាទីរបស់ពាក្យ។