Medlink Cambodia

ប្រធានបទ​ ៖ ការកើនឡើងនៃគ្រាប់ឈាមស (High WBC counts)
(ចែករំលែកចំនេះដឹងសម្រាប់និស្សិតពេទ្យ​) 👨‍⚕️👩‍⚕️💉
​​
👉​ គ្រាប់ឈាមសមានតួនាទីការពារសរីរាង្គកាយ ពីការឈ្លានពាននៃមេរោគ ឬអង់ទីហ្ស៊ែនពីខាងក្រៅ។
🩺 បាតុភូតនៃការឆ្លើយតបរបស់វា នឹងជំរុញឲ្យមានប្រតិកម្មរលាកកើតឡើង ជាលទ្ធផលធ្វើឲ្យយើងមានអាការៈក្តៅ ឈឺ ក្រហម ហើម ។
🩺 រាល់ការបង្កររោគទាំងអស់សុទ្ធតែជំរុញឲ្យមានការកើនឡើងនៃការផលិតគ្រាប់ឈាមស ដូច្នេះការរកឃើញវត្តមានគ្រាប់ឈាមសឡើង មិនទាន់អាចបញ្ជាក់ពីការបង្កររោគដោយមេរោគណាមួយបានឡើយ។
🩺 វាទាមទារឲ្យយើងធ្វើការរុករកតាមវិធីសាស្ត្រផ្សេងៗទៀត រួមមានការពិនិត្យបែបគ្លីនិក និងការមើលតេស្តឈាមផ្សេងទៀតដើម្បីប្រៀបធៀប និងបំពេញបន្ថែមនូវពត៌មានឈានដល់ការកំណត់រោគវិនិច្ឆ័យជាក់លាក់មួយ។
🩺 តេស្តឈាមផ្សេងទៀតដែលគួរពិនិត្យបន្ថែម ៖ CRP / Procalcitonin / Hemoculture…etc.។
🩺 ការកើនឡើងនៃណឺត្រូហ្វីលដាច់ខាតត្រូវគិតដល់ការបង្កររោគដោយបាក់តេរីមុនគេ រហូតយើងអាចញែករោគវិនិច្ឆ័យ។​

🎯 «Neutrophils count»

👉 Neutrophils ជាកោសិកាគ្រាប់ឈាមសដែលឆ្លើយតបនឹងការបង្កររោគមុនគេ ជាពិសេសការបង្កររោគដោយបាក់តេរី។
ការឆ្លើយតបនេះជំរុញឲ្យខួរឆ្អឹងបង្កើនការផលិតយ៉ាងច្រើនគំហុកដើម្បីបំពេញតម្រូវការ ក្នុងការប្រយុទ្ធប្រឆាំងនឹងមេរោគ។
ជាក់ស្តែងនៅក្នុងឆ្លើយតបនេះយើងនឹងឃើញមានការកើនឡើងនៃបរិមាណនៃណឺត្រូហ្វីល ប៉ុន្តែប្រសិនបើការឆ្លើយតប ឬការប្រឆាំងនឹងមេរោគ អូសបន្លាយរយៈពេលយូរ ឬការបង្កររោគស្រួចស្រាវខ្លាំង (ឧ. Sepsis) បរិមាណនៃណឺត្រូហ្វីលនឹងថយចុះ ក៏ព្រោះតែខួរឆ្អឹងផលិតមិនទាន់ និងត្រូវបានសង្កត់ដោយ tumor necrosis factors (TNF) ផង ។
ដូច្នេះ កាលណាយើងឃើញមានការថយចុះនៃណឺត្រូហ្វីល យើងត្រូវមើលសញ្ញាគ្លីនិក ថាតើអ្នកជំងឺមានសញ្ញានៃការបង្កររោគដែរឬអត់ បើក្នុងសភាពមួយដែលអ្នកជំងឺមានគ្រុនក្តៅ ឬសញ្ញាបង្កររោគផ្សេង ត្រូវគិតដល់ការបង្កររោគធ្ងន់ធ្ងរ ត្បិតណឺត្រូហ្វីលដែលជាកោសិកាការពារត្រូវបានថមថយទៅហើយ។
បើករណីយើងរុករកការបង្កររោគមិនឃើញ ត្រូវរុករកមូលហេតុផ្សេងទៀតដែលធ្វើឲ្យណឺត្រូហ្វីលចុះ ដូចជាការប្រើប្រាស់ថ្នាំ ជំងឺខូចខួរឆ្អឹង ជំងឺប្រព័ន្ធការពារ ។ល។

🎯 «Eosinophils»

👉 Eosinophilsជាកោសិកាគ្រាប់ឈាមសដែលឆ្លើយតបជាពិសេសទៅនឹងការបង្កររោគដោយប៉ារ៉ាស៊ីត និងប្រតិកម្មអាល់លែហ្ស៊ី។
✍️ ក្រោមអំពើនៃ IL-5, Eosinophils ត្រូវបានផលិតចេញពីខួរឆ្អឹង និងត្រូវបានបញ្ចេញទៅក្នុងចរន្តឈាម មុននឹងទៅដល់ជាលិកាគោលដៅរបស់វា។
✍️ នៅក្នុងជាលិកាគោលដៅ វាដើរតួរនាទីយ៉ាងសកម្មនូវមុខងារភាពស៊ាំ តាមរយៈgranulesរបស់វា ដែលមានផ្ទុកទៅដោយ cytokines និង តាមរយៈអន្តរកម្មរវាងកោសិកាជិតខាងនោះ។

✍️ មូលហេតុនៃការកើនឡើង Eosinophils មានដូចជា :
(1). ការបង្កររោគដោយប៉ារ៉ាស៊ីត
(2). ប្រតិកម្មអាលែហ្ស៊ី
(3). ការប្រើប្រាស់ថ្នាំមួយចំនួន
(4). ជំងឺមហារីក
(5). ជំងឺប្រព័ន្ធការពារ

👨‍⚕️👉ជាទូទៅប្រតិកម្មរលាកផ្សេងៗទៀត ក៏អាចជំរុញដោយមានការកើនឡើងនៃ Eosinophils ផងដែរ ដូច្នេះការកើនឡើងកម្រិតនៃ Eosinophils តែមួយមុខមិនទាន់កំណត់ពីរោគវិនិច្ឆ័យណាមួយបាននៅឡើយទេ ត្រូវការពត៌មានពីការពិនិត្យគ្លីនិកបន្ថែម ទាំងការសាកសួរប្រវត្តិជំងឺ និងការពិនិត្យរូបរាងកាយ ដើម្បីប្រមូលពត៌មាន ឈានដល់ការសរុបរោគវិនិច្ឆ័យថាតើអ្នកជំងឺមានប្រតិកម្មអាល់លែហ្ស៊ី ឬជាការបង្កររោគដោយប៉ារ៉ាស៊ីត ឬដោយហេតុផ្សេងទៀតដូចមូលហេតុដែលបានរៀបរាប់ខាងលើ។

🎯 «Basophils»

👨‍⚕️👉 ការពន្យល់ ៖
_ Basophils ជាកោសិកាគ្រាប់ឈាមសមួយប្រភេទដែលមានបរិមាណតិចតួចជាងគេ បើយើងប្រៀបធៀបនឹងបរិមាណនៃគ្រាប់ឈាមសដទៃទៀត ដែលកម្រិតខិតជិតទៅរកសូន្យរបស់វា មិនធ្វើឲ្យយើងមានការព្រួយបារម្ភអ្វីឡើយ។
_ ការថយចុះ ឬការកើនឡើងនៃកម្រិត basophils មិនអាចអោយយើងកំណត់រោគវិនិច្ឆ័យជាក់លាក់បានឡើយ ចាំបាច់ត្រូវប្រៀបធៀប នឹងកម្រិតគ្រាប់ឈាមផ្សេងៗទៀត ហើយការធ្វើរោគវិនិច្ឆ័យត្រូវបានតម្រង់ទិសទៅតាមនោះដែរ។

🎯 «Lymphocytes»

👉 ការកើនឡើងនៃ Lymphocytes (> 4000/mm3)
មូលហេតុដែលតូ្រវរុករក :
_ ការបង្កររោគ (ភាគច្រើនជាការបង្កររោគដោយពពួកវីរុស និងរបេង)
ឧ. ផ្តាសាយ, រលាកបំពង់ក, រលាកផ្លូវដង្ហើម, រលាកក្រពះពោះវៀនស្រួចស្រាវ អ៊ុតស្វាយ, ជម្ងឺរើម, អេដស៍....។ល។
_ ជម្ងឺមហារីកគ្រាប់ឈាម : CLL, Other chronic lymphoproliferative syndrome.

👨‍⚕️ ការពន្យល់ ៖
_ Lymphocytes ជាប្រភេទគ្រាប់ឈាមសដែលឆ្លើតតបទៅនឹងការបង្កររោគដោយវីរុស និងភ្នាក់ងារផ្សេងៗទៀត។
_ យើងសង្កេតឃើញអ្នកជំងឺដែលមានចង្កោមរោគសញ្ញានៃការបង្កររោគដោយវីរុសមានគ្រុនក្តៅ និងមានរលាកនៅទីតាំងនៃការបង្កររោគ ស្របពេលនោះការរាប់ចំនួនគ្រាប់ឈាម (CBC) តែងបង្ហាញពីការកើនឡើងនៃកម្រិត lymphocytes ។
_ យន្តការនេះកើតឡើងពីការភ្ញោចនៃ Cytokines ដែលបញ្ចេញពីកោសិកានៃប្រព័ន្ធការពារដែលឆ្លើយតបដំបូងទៅនឹងមេរោគវីរុស។
_ ក្រៅពីវីរុស គេសង្កេតឃើញមានការបង្កររោគដោយបាក់តេរីមួយចំនួនតូច ជំរុញឲ្យមានការកើនឡើងនៃឡាំផូស៊ីតផងដែរដូចជាមេរោគរបេងជាដើម។
_ ក្នុងជំងឺមហារីកគ្រាប់ឈាមក៏មានការកើនឡើងនៃឡាំផូស៊ីតដែរ ហើយការធ្វើរោគវិនិច្ឆ័យ ផ្អែកលើកម្រិតខ្ពស់ហួសហេតុនៃគ្រាប់ឈាមណាមួយ ឬច្រើន និងការរាប់ចំនួនកោសិកាដើមនៅក្នុងខួរឆ្អឹងតាមរយៈ myelogramme ។

🎯 Monocytes

👉 ការកើនឡើងនៃ Monocytes (> 1 000/mm3)
មូលហេតុដែលត្រូវរុករក រួមមាន :
_ ជម្ងឺរបេង
_ ជម្ងឺគ្រាប់ឈាម ដូចជា AML, Chronic monocytic myeloid leukemia
_ ជម្ងឺសាក់កូអ៊ីដូស (Sarcoidosis)
_ រាល់មូលហេតុនៃប្រតិកម្មរលាក (inflammation)
_ ការសកម្មឡើងវិញនៃខួរឆ្អឹង

👨‍⚕️ ការពន្យល់ ៖
_ ការកើនឡើងនៃ Monocytes អាចជាការឆ្លើយតបទៅនឹងប្រតិកម្មអាលែហ្ស៊ីដោយយើងត្រូវមើលអមជាមួយនឹងការកើនឡើងនៃ Eosinophils ។
_ ប្រសិនបើការពិនិត្យគ្លីនិកមិនបញ្ជាក់ពីការរលាកណាមួយនោះទេ ជំងឺខួរឆ្អឹងត្រូវបានគេសង្ស័យ នោះគឺជាជំងឺមហារីកគ្រាប់ឈាម ឧ. Myeloproliferative Syndrome ។

Ref. : Guide practice des analyses medicale
Credit : Medlink Cambodia

#កត្តាហានិភ័យដែលនាំឲ្យកើតជំងឺមហារីក
• ការប្រើប្រាស់ថ្នាំជក់
• ការពិសាគ្រឿងស្រវឹង(អាល់កុល)
• ការបរិភោគអាហារមិនល្អ
• កង្វះការហាត់ប្រាណ
• និងការបំពុលខ្យល់ ។ល។

ជំងឺរ៉ាំរ៉ៃដែលបណ្តាលមកពីមេរោគ ក៏ជាកត្តានាំអោយមានជំងឺមហារីកផងដែរ។ ករណីនេះច្រើនកើតនៅប្រទេសដែលមានចំនូលទាប និងចំនូលមធ្យម។

ករណីជំងឺមហារីកប្រហែល១៣% នៅក្នុងឆ្នាំ ២០១៨ ត្រូវបានគេរកឃើញថាជាប់ទាក់ទងទៅនិងការបង្ករោគរ៉ាំរ៉ៃដោយមេរោគដូចជា
• បាក់តេរីក្រពះ(Helicobacter Pylori)
• វីរុសhuman papillomavirus (HPV)
• វីរុសរលាកថ្លើមប្រភេទ B
• វីរុសរលាកថ្លើមប្រភេទC និង
• វីរុស Epstein-Barr virus ។ល។

⚠️ វីរុសរលាកថ្លើមប្រភេទB និងវីរុសរលាកថ្លើមប្រភេទC អាចធ្វើអោយមានហានិភ័យនៃការកើតមហារីកថ្លើម។
ចំនែកឯវីរុស HPV បង្កើនហានិភ័យនៃការកើតមហារីកមាត់ស្បូន។

#វេជ្ជបណ្ឌិតឯកទេសជំងឺមហារីក

#ជំងឺតាឡាសេមី (Thalassemia)

ជំងឺតាឡាសេមី កើតមានច្រើននៅលើប្រជាជនខ្មែរយើង។
វាជាជំងឺឈាមមួយប្រភេទ ដែលបណ្តាលមកពីការប្រែប្រួលនៃការសំយោគ alpha globin gene នៅលើក្រូម៉ូសូមទី១៦ និងការសំយោគ beta globin gene 🧬 នៅលើក្រូម៉ូសូមទី១១ ដែលនាំឲ្យការបង្កើតហេម៉ូក្លូប៊ីន(Hemoglobin)​ នៅលើគ្រាប់ឈាមក្រហម មានសភាពមិនល្អ។

ជំងឺតាឡាសេមី បែងចែកជា២ប្រភេទ គឺ Alpha Thalassemia និង Beta Thalassemia ។

ឪពុកឬម្តាយ ដែលផ្ទុកនូវហ៊្សែន(gene)ដែលខូចនេះ មិនបានបង្ហាញនូវសភាពស្លេកស្លាំងគួរឲ្យកត់សម្គាល់ទេ ហើយជាទូទៅ គេសង្កេតឃើញទំហំគ្រាប់ឈាមរបស់គាត់មានលក្ខណៈតូចជាងធម្មតាបន្តិច។
ឪពុកនិងម្តាយដែលមានផ្ទុក gene thalassemia អាចមានលទ្ធភាពផ្ទេរទៅកូនជំនាន់ក្រោយដល់ទៅ 75% ។

យើងអាចធ្វើតេស្តរកជំងឺនេះបានតាមរយៈការធ្វើតេស្តឈាមមួយចំនួន។

ធ្វើការណាត់ជួបពិគ្រោះជាមួយវេជ្ជបណ្ឌិតឯកទេសជំងឺគ្រាប់ឈាម ដើម្បីទទួលបានការពិនិត្យ និងប្រឹក្សាឲ្យបានច្បាស់លាស់។

ទំនាក់ទំនងណាត់ជួបវេជ្ជបណ្ឌិតឯកទេស
Tel: 011 477 806 / 011 477 608

បន្ទប់ពិគ្រោះ និងព្យាបាលជំងឺ សុភមង្គល 💓💓
https://maps.app.goo.gl/ydxdqfLNUZWxywrQA?g_st=it

ប្រធានបទ : ការចុះកម្រិតជាតិស្ករក្នុងឈាម «Hypoglycemia» 💉
Follow us 👉 https://t.me/medlinkcambodia

✍️ កម្រិតជាតិស្ករមានការប្រែប្រួលទៅតាមពេល ព្រោះវាអាស្រ័យលើការនាំចូលតាមរយៈរបបអាហារ និង ប្រែប្រួលឡើងចុះដោយការសម្របសម្រួលពីអរម៉ូនមួយចំនួន។
✍️ យើងអាចតេស្តជាតិស្ករក្នុងឈាម នៅពេលផ្សេងៗគ្នា តែតម្លៃធម្មតារបស់វាក៏នឹងប្រែប្រួលទៅតាមពេលនីមួយផងដែរ ៖
_ ជាតិស្ករពេលអត់អាហារលើសពី៨ម៉ោង (Fasting glycemia) : 75 – 110 mg/dL
_ ជាតិស្ករចៃដន្យ (Random glycemia) : 90 – 110 mg/dL

👉 មូលហេតុនៃការថយថុះកម្រិតជាតិស្ករក្នុងឈាម ៖
🎯 សម្រាប់មនុស្សពេញវ័យ ៖
_ អ្នកជំងឺទឹកនោមផ្អែម ៖ ការប្រើប្រាស់ថ្នាំបញ្ចុះជាតិស្ករ អាំងស៊ុយលីន ឬ ក្រុម sulfonylurea
_ អ្នកមិនមានទឹកនោមផ្អែម ៖ ការប្រើកម្លាំងកាយយូរម៉ោង ខ្សោយថ្លើម ខ្វះអរម៉ូន glucagon, ជំងឺអត់ឃ្លានអាហារ (anorexie nervosa), ខ្សោយតម្រងនោម...។
🎯 សម្រាប់កូនក្មេង ៖
_ Tumor នៅលំពែង
_ ខ្សោយក្រពេញលើតម្រងនោម
_ ខ្សោយក្រពេញ pituitary gland
_ ខ្សោយក្រពេញទីរ៉ូអុីត
_ កង្វះអាហារូបត្ថម្ភ
_ វិបត្តិមេតាបូលីសពីកំណើត

👨‍⚕️👉 ការពន្យល់ ៖
• អ្នកជំងឺដែលងាយនឹងមានបញ្ហាខ្វះជាតិស្ករគឺអ្នកជំងឺទឹកនោមផ្អែម ដោយហេតុថាប្រព័ន្ធរក្សាលំនឹងជាតិស្ករបានខូចខាត បូករួមជាមួយការប្រើប្រាស់ថ្នាំ និងរបបអាហារមិនសមស្រប។
• ជាក់ស្តែង គ្រោះថ្នាក់នៃការចុះជាតិស្ករលើអ្នកជំងឺទឹកនោម ច្រើនកើតមាននៅពេលអ្នកជំងឺប្រើថ្នាំលើសកម្រិត ឬ ពេលអ្នកជំងឺបរិភោគអាហារតិច / មិនបានហូប។
• ចំពោះអ្នកមិនមានទឹកនោមផ្អែម កម្រមានបញ្ហាខ្វះជាតិស្ករណាស់ កម្រិតជាតិស្ករដែលវាស់ឃើញត្រូវផ្ទៀងផ្ទាត់ឲ្យបានត្រឹមត្រូវ អមផ្សំជាមួយសញ្ញាគ្លីនិក ជាមួយគ្នាដែរ ការរុករកតាមការពិនិត្យអមវេជ្ជសាស្ត្រត្រូវបានស្នើរសុំ។

Credit : Medlink Cambodia
Ref. : Guide practice des analyses médicale-2019

💥 វគ្គសិក្សាថ្មី «រោគសញ្ញាវិទ្យា (Semiology)» 📚

- សម្រាប់ប្អូនៗនិស្សិតពេទ្យឆ្នាំទី២ឡើងទៅ និង បងប្អូនគ្រូពេទ្យដែលចង់បង្កើនចំនេះដឹង រំលឹកមេរៀនឡើងវិញ
- សិក្សាក្នុង facebook group ជាមួយវីដេអូមេរៀន ច្បាស់កម្រិត FHD
- វីដេអូមេរៀនអាចមើលឡើងវិញបានច្រើនដង និងមាន Group បកស្រាយចម្ងល់មេរៀន
- តម្លៃសិក្សា : 35$/វគ្គ (30$ សម្រាប់និស្សិតពេទ្យ)

- របៀបចុះឈ្មោះចូលរៀន :
1. បង់ថ្លៃសិក្សាតាមរយៈ ABA ឬ ACLEDA ToanChet
2. ផ្ញើរ invoice ចូលផេក
3. ក្រុមការងារ Medlink នឹងទាញបងប្អូនចូលគ្រុបសិក្សា

** បញ្ជាក់ : មេរៀននីមួយៗមានឯកសារយោងច្បាស់លាស់

ទំនាក់ទំនងចុះឈ្មោះតាមប្រអប់សារ 👇
Inbox for more information and registration 📩

💥 វគ្គសិក្សាថ្មី «ឱសថវិទ្យា (Pharmacology)» 📚

- សម្រាប់ប្អូនៗនិស្សិតពេទ្យឆ្នាំទី២ឡើងទៅ និង បងប្អូនគ្រូពេទ្យដែលចង់បង្កើនចំនេះដឹង រំលឹកមេរៀនឡើងវិញ
- សិក្សាក្នុង facebook group ជាមួយវីដេអូមេរៀន ច្បាស់កម្រិត FHD
- វីដេអូមេរៀនអាចមើលឡើងវិញបានច្រើនដង និងមាន Group បកស្រាយចម្ងល់មេរៀន
- តម្លៃសិក្សា : 35$/វគ្គ (60$ សម្រាប់ការចុះឈ្មោះទាំង២វគ្គ)

- របៀបចុះឈ្មោះចូលរៀន :
1. បង់ថ្លៃសិក្សាតាមរយៈ ABA ឬ ACLEDA ToanChet
2. ផ្ញើរ invoice ចូលផេក
3. ក្រុមការងារ Medlink នឹងទាញបងប្អូនចូលគ្រុបសិក្សា

** បញ្ជាក់ : មេរៀននីមួយៗមានឯកសារយោងច្បាស់លាស់
ទំនាក់ទំនងចុះឈ្មោះតាមប្រអប់សារ 👇

Inbox for more information and registration 📩