សាលាពុទ្ធិកបឋមសិក្សាវត្តអង្គតាម៉ិញ-Angtaminh Budhist Primary School

តំណាងថ្នាក់ដឹកនាំ និមន្ដស្ដាប់ការអត្ថាធិប្បាយ នៅខ្លឹមផ្សារនៃពុទ្ធិកសិក្សាគ្រប់កម្រិត

⚜️ សារលិខិតថ្វាយព្រះពរ
ក្នុងនាមអាត្មាភាពព្រះនាយកសាលាពុទ្ធិកបឋមសិក្សាវត្តអង្គតាមិញ
══━━━━✥◈✥━━━━══
សូមចម្រើនពរទូលថ្វាយព្រះករុណា ព្រះបាទសម្តេច
ព្រះបរមនាថ នរោត្តម សីហមុនី ព្រះមហាក្សត្រ
នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត

ក្នុងឱកាសដ៏មហានក្ខត្តឫក្សនៃពិធីបុណ្យចម្រើនព្រះជន្មវស្សា គម្រប់៧៣ ឈានចូល ៧៤ ព្រះវស្សា ក្នុងនាមអាត្មាភាព ព្រះនាយកសាលាពុទ្ធិកបឋមសិក្សាវត្តអង្គតាមិញ ព្រមដោយលោកគ្រូ សិស្សានុសិក្សាទាំងអស់សូមលំឱនកាយវាចាចិត្តបួងសួងដល់គុណបុណ្យព្រះរតនត្រ័យ និងវត្ថុស័ក្តិសិទ្ធិក្នុងលោក សូមជួយអភិបាលគ្រងរក្សា និងប្រោះព្រំសព្ទសាធុការពរជ័យថ្វាយ ព្រះករុណាជាអម្ចាស់ជីវិតលើត្បូង។

សូមព្រះអង្គទ្រង់ប្រកបដោយព្រះពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ ជានិរន្តរ៍ ដើម្បីគង់ប្រថាប់ជាម្លប់ដ៏ត្រជាក់ត្រជុំដល់ប្រជារាស្ត្រខ្មែរជារៀងដរាបតទៅ។

សេចក្តីគួរ ពុំគួរ សូមទ្រង់ព្រះមេត្តាប្រោស
សូមព្រះតេជះ តម្កល់លើត្បូង ព្រះករុណា ថ្លៃវិសេស

#ពុទ្ធិកបឋមសិក្សាវត្ដអង្គតាមុិញ #ព្រះករុណាជីវិតលើត្បួង
══━━━━✥◈✥━━━━══
ថ្ងៃព្រហស្បតិ៍ ១៣រោច ខែពិសាខ ឆ្នាំមមី អដ្ឋស័ក ព.ស.២៥៧០
ក្រាបបង្គំទូលថ្វាយ រាជធានីភ្នំពេញ , ថ្ងៃទី១៤ ខែឧសភា ឆ្នាំ២០២៦

ពិធីបើកបវេសនកាលឆ្នាំសិក្សាថ្មី ២០២៦-២០២៧
នៃពុទ្ធិកបឋមសិក្សាវត្ដអង្គតាមុិញ
ថ្នាក់សិក្សាឆ្នាំទី១ និងថ្នាក់សិក្សាឆ្នាំទី២
==========================

កាលពីវេលាព្រឹកមិញនេះ ពិធីបើកបវេសនកាលឆ្នាំសិក្សាថ្មី
ក្រោមអធិបតីភាព ព្រះគ្រូវិនិយានុរ័ក្ខធម្ម យ៉ាន់ ថាត
ព្រះប្រធានគណគ្រប់គ្រងសាលា ជាព្រះចៅអធិការវត្ដអង្គតាមុិញ
និងនិមន្ដចូលរួមដោយ ព្រះអនុប្រធានទទួលបន្ទុកសាលា
អចិង្រ្តៃ រួមដោយលោកគ្រូបង្រៀន ផងដែរ ដោយឡែកពីនេះ
ក៏មានចូលរួមពីសំណាក់ សមណសិស្ស ថ្នាក់ទី១
និងថ្នាក់ទី២ នៃពុទ្ធិកបឋមសិក្សាវត្ដអង្គតាមុិញ

ព្រះថេរដីកា ព្រះប្រធានគណគ្រប់គ្រងសាលា ផ្ដោតសំខាន់លើការកំណត់ឱ្យសមណសិស្សដែលមកស្នាក់នៅសិក្សារៀនសូត្រ តម្រូវឱ្យគោរពបទបញ្ជាផ្ទៃក្នុងសាលាអោយតឹងរុឹងនិងម៉ត់ចត់ជាទីបំផុត និងកំណត់គោលការណ៍គ្រូបង្រៀន ឱ្យដាក់ចេញនៅគោលការបង្រៀន អោយមានប្រសិទ្ធិភាព ធានាបានគុណភាពនិងស្ដង់ដា វិន័យ។

==========================
ថ្ងៃសុក្រ ៧រោច ខែពិសាខ ឆ្នាំមមី អដ្ឋស័ក ព.ស.២៥៧០
រាជធានីភ្នំពេញ, ថ្ងៃទី០៨ ខែឧសភា ឆ្នាំ២០២៦