12/01/2026
អង្គការមូលនិធិលើកកម្ពស់ការអប់រំនៅកម្ពុជា បានរៀបចំកម្មវិធី “កម្មវិធីបោះជំរុំសប្បុរសធម៌”ជាលើកទី០៥ អង្គការមូលនិធិលើកកម្ពស់ការអប់រំនៅកម្ពុជាបាននាំយកនូវអំណោយចំនួនជិត190 នាក់ ដល់សិស្សានុសិស្សនិងលោកគ្រូអ្នកគ្រូនៅទីនោះដែលអំណោយទាំងនោះបានមកពីសប្បុរសជនមានដូច សម្លៀកបំពាក់ និងសម្ភារៈសិក្សា០១ឈុត និងអាហារសម្រន់ ជាពិសេសចែករំលែកចំណេះដឹងទូទៅដល់សិស្សនុសិស្សអំពីសុខភាពនិងលេងល្បែងកម្សាន្តសាមគ្គីជាមួយសិស្សនិងលោកគ្រូអ្នកគ្រូដែលស្ថិតក្នុងសាលាបឋមសិក្សាសូរិយា ឃុំតាសាល ខេត្តកំពង់ស្ពឺ។ យើងខ្ញុំទាំងអស់គ្នាសូមថ្លែងអំណរគុណយ៉ាងជ្រាលជ្រៅចំពោះសប្បុរសជនទាំងអស់ តាមរយៈសិស្ស សហការីនៃអង្គការដែលបានមកពីការរៃអង្គាសពីសប្បុរសជននានា ដើម្បីចូលរួមចំណែកជាមួយរដ្ឋាភិបាលនិងបង្ហាញពីវប្បធម៌ចែករំលែកទៅគ្នាទៅវិញទៅមក។ យើងខ្ញុំជាសហការីនៃអង្គការមូលនិធិលើកកម្ពស់ការអប់រំ តំណាងឲ្យសិស្សានុសិស្ស លោកគ្រូអ្នកគ្រូនិងមាតាបិតានៃសាលាបឋមសិក្សាសូរិយានិងមត្តេយ្យសិក្សាសហគមន៍ទាំងអស់ សូមថ្លែងអំណរគុណដល់សប្បុរសជនទាំងអស់ សូមមានសុខភាពល្អ សុភមង្គល ទទួលបាននូវភាពជោគជ័យគ្រប់ភារកិច្ចទាំងអស់ និងទទួលបាននូវពរទាំងបួនប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។សូមអរគុណ!
The More We Share The More We Have.
ខេត្តកំពង់ស្ពឺថ្ងៃទី១១.១០ មករា ឆ្នាំ២០២៦
