រកស៊ី - Roksee

Gen Z
បច្ចុប្បន្ន អ្នកជ្រើសរើសបុគ្គលិកភាគច្រើនហាក់ដូចជាមានភាពតឹងតែងខ្លាំងជាមួយបេក្ខជនជំនាន់ Z (Gen Z) ចំពោះបញ្ហាការប្រាស្រ័យទាក់ទងមិនផ្លូវការ។

១. តួលេខនៃគម្លាតនៃការយល់ឃើញ និងការបដិសេធ
តាមទិន្នន័យអង្កេតចន្លោះឆ្នាំ ២០២៣-២០២៦ បង្ហាញពីចំណុចគួរឱ្យកត់សម្គាល់ដូចខាងក្រោម៖
- ៣៩% ទៅ ៥៧% នៃអ្នកជ្រើសរើសបុគ្គលិក បដិសេធមិនយក Gen Z ព្រោះតែជំនាញទំនាក់ទំនងមិនល្អ។
- ៨០% នៃអ្នកជ្រើសរើសបុគ្គលិកដដែលនោះ បានលើកឡើងថាពួកគេធ្លាប់មិនផ្ដល់ដំណឹង មានន័យថាមិនតបទៅបេក្ខជនដែលខ្លួនធ្លាប់សម្ភាសរួចនោះទេ។
- ១៨% នៃកម្លាំងពលកម្មនៅអាមេរិកបច្ចុប្បន្នគឺជា Gen Z (បានវ៉ាដាច់ជំនាន់ Boomers នៅត្រីមាសទី២ ឆ្នាំ២០២៤) ហើយនឹងកើនដល់ ៣០% នៅឆ្នាំ ២០៣០។
- កម្ពុជា ជាប្រទេសដែលមានសមាមាត្រ Gen Z ខ្ពស់ជាងគេនៅអាស៊ីអាគ្នេយ៍ គឺមានរហូតដល់ជាង ៦០% នៃចំនួនប្រជាជនសរុប។

២. ហេតុអ្វីបានជាមេៗមិនសូវពេញចិត្ត Gen Z?
តាមការអង្កេតពីស្ថាប័នផ្សេងៗ៖
- Intelligent.com (សីហា ២០២៤)៖ ក្នុងចំណោមថ្នាក់ដឹកនាំក្រុមហ៊ុន ឬ អាជីវកម្ម ៩៦៦ នាក់ មាន ៧៥% យល់ថាការជួលនិស្សិតបញ្ចប់ការសិក្សាថ្មីៗមកធ្វើការ គឺពួកគេធ្វើការមិនបានល្អនោះទេ។ ក្នុងនោះ ៣៩% ថាមកពីទំនាក់ទំនងមិនល្អ និង ៤៦% ថាមកពីខ្វះវិជ្ជាជីវៈ។
- ResumeBuilder.com (មករា ២០២៤): អ្នកគ្រប់គ្រង ៣១% ព្យាយាមជៀសវាងការជួលបុគ្គលិក Gen Z ហើយ ៧៤% ជឿថា Gen Z ពិបាកធ្វើការជាមួយជាងជំនាន់ផ្សេងៗ។
- ចំណុចដែលនាំឱ្យធ្លាក់សម្ភាសភ្លាមៗ៖ ៣៥% នៃនិយោជក បដិសេធ CV ភ្លាមៗតែម្ដង ព្រោះតែប្រើប្រាស់អាសយដ្ឋានអ៊ីម៉ែល មិនសមរម្យ។
- ៧៧% នៃនិយោជកបានលុប CV ចោលភ្លាមៗ បើឃើញមានកំហុសអក្ខរាវិរុទ្ធ ឬវេយ្យាករណ៍។ ការសិក្សាបង្ហាញថា CV ដែលមានចំណុចខុសត្រឹម ៥ កន្លែង ធ្វើឱ្យឱកាសជាប់សម្ភាសធ្លាក់ចុះ ១៨.៥%។

៣. ទម្លាប់នៃការរកការងាររបស់ Gen Z
- ឧបករណ៍ប្រើប្រាស់៖ ខុសពីការស្មាន ដែលថា Gen Z ប្រើតែទូរស័ព្ទ ប៉ុន្តែជាក់ស្ដែងបេក្ខជនដល់ទៅ ៧៥% ប្រើប្រាស់កុំព្យូទ័រលើតុ Desktop ដើម្បីដាក់ពាក្យការងារ។
- ការប្រើប្រាស់ AI៖ Gen Z ប្រើប្រាស់ AI ក្នុងការរកការងាររហូតដល់ ៥០% (ខណៈ Gen X មាន ៣៧% និង Boomers មាន ២៩%)។ ក្នុងនោះ ៣៤% ប្រើ AI សម្រាប់សរសេរ CV និង ២៦% ប្រើសរសេរ Cover Letter។
- លទ្ធផលជាក់ស្តែង៖ មានបេក្ខជនតែ ៣% ប៉ុណ្ណោះដែលទទួលបានការហៅទៅសម្ភាស ហើយជាមធ្យម ក្រុមហ៊ុនត្រូវទទួលពាក្យដល់ទៅ ១៨០ ច្បាប់ ទើបជ្រើសរើសបានបុគ្គលិកម្នាក់។

៤. ភាពខុសគ្នានៃការប្រើប្រាស់ភាសាក្នុងកន្លែងធ្វើការ
- ការប្រើប្រាស់ Email vs សារ៖
- Baby Boomers: ប្រើ Email ៨០% ប្រើសារ ២០%។
- Gen Z៖ ប្រើ Email តែ ៣០% ប៉ុន្តែប្រើសាររហូតដល់ ៧០%។
- ការប្រើ Emoji៖ ៨៣% នៃ Gen Z ផ្ញើ Emoji ទៅកាន់សហការីដែលមានឋានៈស្មើគ្នា ហើយ ៨២% គិតថាវាជារឿងសមរម្យក្នុងការផ្ញើ Emoji ទៅកាន់អតិថិជនដែលស្កាល់គ្នាយូរហើយ (ផ្ទុយពីជំនាន់ Boomers ដែលមានតែ ៥៨% ប៉ុណ្ណោះដែលយល់ស្របចំណុចនេះ)។
- ផលប៉ះពាល់៖ ការយល់ច្រឡំក្នុងការប្រាស្រ័យទាក់ទងធ្វើឱ្យ Gen Z បាត់បង់ផលិតភាពការងារមធ្យម ៤.៦ ម៉ោង/សប្តាហ៍។ សរុបមក អាជីវកម្មនៅអាមេរិកខាតបង់ប្រាក់ប្រហែល ១.២ ទ្រីលានដុល្លារ ជារៀងរាល់ឆ្នាំ ដោយសារទំនាក់ទំនងគ្មានប្រសិទ្ធភាព។

៥. ស្តង់ដារពីរ៖ ក្រុមហ៊ុន "Ghost" បេក្ខជនកាន់តែច្រើន
ខណៈដែលក្រុមហ៊ុនទាមទារឱ្យ Gen Z មានវិជ្ជាជីវៈ ប៉ុន្តែទិន្នន័យពី Criteria Corp បង្ហាញថា ការបាត់ដំណឹងសូន្យឈឹងពីខាងក្រុមហ៊ុន (Ghosting) ទៅកាន់បេក្ខជនដែលបានដាក់ពាក្យ បានកើនឡើងជាលំដាប់៖
- ៣៨% នៅឆ្នាំ ២០២៤ ៤៨% នៅឆ្នាំ ២០២៥ និងឡើងដល់ ៥៣% នៅឆ្នាំ ២០២៦។
- ៨០% នៃអ្នកជ្រើសរើសបុគ្គលិក បានយល់ស្របថាពួកគេមិនបានផ្ដល់ដំណឹងត្រលប់ទៅកាន់បេក្ខជនថាជាប់ឬធ្លាក់នោះទេ។
- ប៉ុន្តែនិយោជក ៨៥% បាននិយាយថាក្រុមហ៊ុនមិនគួរមិនផ្ដល់ដំណឹងដល់បេក្ខជនវិញនោះទេ ប៉ុន្តែមាននិយោជកតែ ២៧% ប៉ុណ្ណោះដែលអះអាងថា ខ្លួនមិនដែលធ្វើបែបនោះដាក់បេក្ខជនក្នុងឆ្នាំកន្លងទៅនោះទេ។

៦. បរិបទនៅកម្ពុជា និងអាស៊ីអាគ្នេយ៍
កម្ពុជាគឺជាករណីសិក្សាពិសេសមួយ៖
- កម្លាំងពលកម្ម៖ កម្ពុជាមានកម្លាំងពលកម្មជាង ៦០% ជា Gen Z។ មានអ្នកប្រើប្រាស់បណ្តាញសង្គម ១២.៩ លាននាក់ (ហ្វេសប៊ុក ១២.៩ លាន, Messenger ១៣.៤ លាន, TikTok ១០.៧ លាន)។ ផ្ទុយទៅវិញ LinkedIn មានអ្នកប្រើត្រឹមតែ ៧៨០,០០០ នាក់ ប៉ុណ្ណោះ។
- ទីផ្សារការងារ៖ អត្រាអ្នកអត់ការងារធ្វើផ្លូវការគឺត្រឹមតែ ០.៧៦% ប៉ុន្តែការពិតគឺ ៩៥.៥% នៃយុវជនខ្មែរធ្វើការក្នុងអាជីវកម្មក្រៅប្រព័ន្ធសេដ្ឋកិច្ច។ ការរកការងារធ្វើភាគច្រើនគឺតាមរយៈ Group Facebook, Telegram និងគេហទំព័រដូចជា CamHR, BongThom ជាដើម។
- តម្រូវការ៖ ៦៨% នៃ Gen Z នៅអាស៊ីអាគ្នេយ៍ ចង់បានម៉ោងធ្វើការដែលមានភាពបត់បែន ហើយ ៥៧% ធ្លាប់បដិសេធការងារពីក្រុមហ៊ុនដែលនៅប្រើប្រាស់បច្ចេកវិទ្យាហួសសម័យ។

បញ្ហានេះមិនមែនមកពី Gen Z ខ្វះវិជ្ជាជីវៈនោះទេ ប៉ុន្តែវាគឺជាការប៉ះទង្គិចគ្នានៃស្តង់ដារទំនាក់ទំនង។ ការសិក្សាផ្នែកអប់រំបញ្ជាក់ថា ការនិយាយបែបមិនផ្លូវការមិនបានធ្វើឱ្យផលិតភាពការងារធ្លាក់ចុះនោះទេ។ អ្វីដែលជាបញ្ហាធំគឺស្តង់ដារពីរ ដែលមានន័យថា ក្រុមហ៊ុនទាមទារឱ្យបេក្ខជនធ្វើខ្លួនឱ្យល្អឥតខ្ចោះ ប៉ុន្តែខ្លួនឯងបែរជាមិនផ្តល់ព័ត៌មានត្រលប់ ឬបាត់ដំណឹងសូន្យឈឹង ដោយមិនបានផ្ដល់ដំណឹងដល់បេក្ខជនដែលបានដាក់ពាក្យទៅវិញ។

ប្រភព៖
- https://www.intelligent.com/1-in-6-companies-are-hesitant-to-hire-recent-college-graduates/
- https://www.resumebuilder.com/3-in-10-hiring-managers-say-they-avoid-hiring-gen-z-candidates/
- https://www.resumebuilder.com/3-in-4-managers-find-it-difficult-to-work-with-genz/
- https://resumegenius.com/blog/resume-help/resume-statistics
- https://journals.plos.org/plosone/article?id=10.1371/journal.pone.0283280
- https://softgarden.com/en/magazine/blog-articles/typo-in-the-application-should-you-really-care/
- https://www.cvwizard.com/en/articles/future-of-job-applications-for-gen-z
- https://www.randstad.com/press/2025/genz-workplace-blueprint/
- https://www.ihire.com/resourcecenter/employer/pages/genz-workforce-report-2024
- https://bestcorporateevents.com/generational-communication-differences-in-the-workplace
- https://www.zerobounce.net/GenZ-work-report
- https://mailsuite.com/blog/how-americans-use-emojis-in-work-emails/
- https://pumble.com/learn/communication/communication-statistics/
- https://www.hrdive.com/news/hiring-managers-responsive-applicants/716173/
- https://www.ihire.com/resourcecenter/employer/pages/53-percent-of-job-seekers-have-been-ghosted-by-a-potential-employer
- https://www.greenhouse.com/blog/greenhouse-2024-state-of-job-hunting-report
- https://fortune.com/2026/03/20/job-seekers-arent-imagining-things-candidates-ghosted-by-employers-hit-three-year-high/
- https://fortune.com/2023/10/30/ghosting-job-hunt-interviewing-increasing-glassdoor/
- https://www.ere.net/articles/12-key-takeaways-from-the-2024-candidate-experience-benchmark-research
- https://www.greenhouse.com/blog/2024-greenhouse-candidate-experience-report
- https://www.khmertimeskh.com/501683396/over-72-of-cambodians-active-on-social-media-platforms/
- https://cambodiainvestmentreview.com/2025/10/20/beyond-paychecks-how-gen-zs-search-for-purpose-is-reshaping-cambodias-workplaces-says-ibc-panel/
- https://www.workneticsglobal.com/insights/understanding-gen-z-talent-in-southeast-asia
- https://www.ilo.org/media/429066/download
- https://www.emerald.com/jcom/article-abstract/doi/10.1108/JCOM-03-2025-0075/1345059/Perceptions-of-informal-communication-in-the
- https://www.researchgate.net/publication/357971915_Informal_communication_in_organizations_work_time_wasted_at_the_water-cooler_or_crucial_exchange_among_co-workers
- https://www.ere.net/articles/rejecting-resumes-with-spelling-errors-a-silly-and-costly-hiring-mistake
- https://hbr.org/2019/11/the-costs-of-codeswitching

#ជំនាន់Z #ទីផ្សារការងារ #គម្លាតការប្រាស្រ័យទាក់ទង #មិនផ្តល់ដំណឹង #ជីវិតការងារ #កម្លាំងពលកម្មកម្ពុជា

ឈ្មួញកណ្ដាលទិញលក់ស្រូវម្នាក់ ទិញស្រូវក្នុងតម្លៃ ៧៦០ ដុល្លារ ក្នុងមួយតោនពីកសិករនៅបាត់ដំបង បានចំនួន ៥០០ តោន។

🔹ដោយសារតែទីផ្សារធ្លាក់តម្លៃ និងប្រកួតប្រជែងខ្ពស់ គាត់បញ្ចុះតម្លៃលក់ចេញ ១០% ក្នុងមួយតោន។

🔹 ២ សប្ដាហ៍ក្រោយមក ថ្លៃដើមចេះតែកើន៖
- ថ្លៃសាំងកើនឡើង
- ថ្លៃដឹកជញ្ជូនកើនឡើង
- ថ្លៃកម្មករកើនឡើង

សរុបថ្លៃដើមកើនឡើងប្រមាណ ៥៤ ដុល្លារ ក្នុងមួយតោន។

🔹៤ សប្ដាហ៍ក្រោយមក តម្លៃទីផ្សារស្រូវត្រលប់មកធម្មតាវិញ បន្ទាប់ពីគាត់លក់អស់ ៣០០ តោន។

ដើម្បីកុំឲ្យខាតដើម គាត់ត្រូវដំឡើងថ្លៃលក់ឡើងវិញ។

❓តើគាត់ត្រូវដំឡើងថ្លៃប៉ុន្មានភាគរយ (%) នៃតម្លៃលក់បច្ចុប្បន្ន ទៅលើស្រូវដែលនៅសល់ ២០០ តោន ដើម្បីរួចថ្លៃដើមមកវិញ?

ចូលរួមឆ្លើយនៅក្នុង Comment ខាងក្រោម!👇

រូបភាព៖​ បង្កើតដោយ Gemini

#គណិតវិទ្យាសម្រាប់អាជីវកម្ម #គណិតវិទ្យា #រកស៊ី

ត្រឹមត្រូវ

❗️ចូលរួមកម្មវិធី KhmerSME MATCH ដើម្បីស្វែងយល់ពីប្រធានបទ៖ «ការធ្វើអាជីវកម្មប្រកបដោយចីរភាពដើម្បីស្វែងរកឱកាសថ្មីនៅក្នុងទីផ្សារប្រកួតប្រជែង»

កិច្ចពិភាក្សានឹងផ្ដោតសំខាន់ទៅលើ៖
✅ ទិដ្ឋភាពរួមនៃសហគ្រាសធុនតូច និងមធ្យមនៅកម្ពុជា និងគន្លឹះអនុវត្តងាយៗ ដើម្បីឆ្ពោះទៅរកអាជីវកម្មដែលមាននិរន្តរភាព។
✅ ទម្លាប់ល្អក្នុងអាជីវកម្មដើម្បីសន្សំសំចៃ កាត់បន្ថយសំណល់ ជួយដល់បរិស្ថាន សន្សំថាមពល មិនប៉ះពាល់ដល់ប្រាក់ចំណូល។
✅ សារៈសំខាន់នៃការកសាងកេរ្តិ៍ឈ្មោះអាជីវកម្ម សម្រាប់ការពង្រីកទីផ្សារក្នុងស្រុក និងអន្តរជាតិ។
✅ បញ្ហាទូទៅដែលសហគ្រាសជួបប្រទះនៅពេលអនុវត្តគោលការណ៍ចីរភាព វិធីសាស្ត្រដោះស្រាយ ដើម្បីឆ្ពោះទៅរកគោលដៅវែងឆ្ងាយ និងទទួលបានការទុកចិត្តពីអតិថិជន។

ℹ️ អំពីកម្មវិធី៖
🗓 ថ្ងៃទី៣០ ខែកញ្ញា ឆ្នាំ២០២៥
⏱️ ម៉ោង ០៩:០០-១២:០០
✍️ ចុះឈ្មោះ៖ https://match.khmersme.gov.kh/
📱 ចូលរួមដោយឥតគិតថ្លៃតាមរយៈកម្មវិធីហ្សូម (Zoom)

📱 ព័ត៌មានលម្អិត៖ https://t.me/SoknaSS
ℹ️ ចូលក្នុងគ្រុបតេឡេក្រាម៖ https://t.me/khmerSMEMATCH

👉 ចូលរួមស្វែងយល់ពីការធ្វើអាជីវកម្មប្រកបដោយចីរភាពទាំងអស់គ្នា!

❗️សូមអញ្ជើញចូលរួមកម្មវិធី KhmerSME MATCH ដើម្បីសិក្សាពីប្រធានបទ៖ “ការស្វែងយល់ពីឧបករណ៍ AI ងាយៗសម្រាប់សហគ្រាសធុនតូច និងមធ្យម ដើម្បីបង្កើនប្រសិទ្ធភាពប្រតិបត្តិការអាជីវកម្ម”

📔 ស្វែងយល់អំពី៖
✅ តើ AI ជាអ្វី ហើយអាចជួយអាជីវកម្មរបស់អ្នកបានយ៉ាងដូចម្តេចខ្លះ?
✅ ឧបករណ៍ AI ដែលមានតម្លៃសមរម្យ សម្រាប់ជួយផ្នែកទីផ្សារ
សេវាកម្មអតិថិជន និងការគ្រប់គ្រងទូទៅនៅក្នុងក្រុមហ៊ុន
✅ របៀបចាប់ផ្តើមប្រើប្រាស់ AI ទោះបីមិនមានជំនាញបច្ចេកទេស
✅ ឱកាស និងបញ្ហាប្រឈមក្នុងការប្រើប្រាស់ AI ក្នុងបរិបទអាជីវកម្ម

ℹ️ អំពីកម្មវិធី៖
🗓 ០៥ កញ្ញា ២០២៥
⏰ ០៩:៣០ - ១២:០០
✍️ ចុះឈ្មោះចូលរួមកម្មវិធី៖ https://match.khmersme.gov.kh/
📱 ចូលរួមដោយឥតគិតថ្លៃតាមរយៈកម្មវិធីហ្សូម (Zoom)

📱 ព័ត៌មានលម្អិត៖ https://t.me/SoknaSS
ℹ️ ចូលក្នុងគ្រុបតេឡេក្រាម៖ https://t.me/khmerSMEMATCH

❗️សូមអញ្ជើញចូលរួមកម្មវិធី KhmerSME MATCH ដើម្បីពិភាក្សាពីប្រធានបទ៖ «យុទ្ធសាស្ត្របង្កើនឱកាសនាំចេញទៅកាន់ទីផ្សារអន្តរជាតិសម្រាប់សហគ្រាសកម្ពុជា»

🗣ជួបជាមួយវាគ្មិនជំនាញ៖
១. លោក ចាន់ សុភ័ក្ត​ ប្រធាននាយកប្រតិបត្តិ ក្រុមហ៊ុន Angkor Green Investment and Development
២. លោក ប៉ូ សត្យា ប្រធានក្រុមហ៊ុន​ S&P Consulting and Advisory Services
៣. លោក ស៊ុយ ប៊ុនថាន​ ​​ប្រធានប្រតិបត្តិការក្រុមហ៊ុន DHL Express Cambodia

ℹ️អំពីកម្មវិធី៖
🗓ថ្ងៃទី២២ ខែសីហា ឆ្នាំ២០២៥
⏱️ម៉ោង ០៩:៣០-១២:០០
✍️ចុះឈ្មោះ៖ https://match.khmersme.gov.kh/
📱ចូលរួមដោយឥតគិតថ្លៃតាមរយៈកម្មវិធីហ្សូម (Zoom)

📱 ព័ត៌មានលម្អិត៖ ឬ +885 93 44 16 20
(តេឡេក្រាម)

ℹ️ ចូលក្នុងគ្រុបតេឡេក្រាម៖ https://t.me/khmerSMEMATCH

👉 តស់ ចូលរួមស្វែងយល់ពីឱកាសនាំចេញថ្មីៗ និងពង្រីកអាជីវកម្មរបស់អ្នកទៅកាន់ទីផ្សារអន្តរជាតិ!

❗️តស់! ចូលរួមកម្មវិធី KhmerSME MATCH ដើម្បីពិភាក្សាពីប្រធានបទ៖ "ការកសាងភាពធន់នឹងអស្ថិរភាពទីផ្សារ៖ ការសម្របខ្លួន នវានុវត្តន៍ និងយុទ្ធសាស្ត្រផលិតផលសម្រាប់សហគ្រាសកម្ពុជា"

👤 វាគ្មិនកិត្តិយស៖
✅ លោកស្រី ថូង ធីតា ម្ចាស់សហគ្រាស ថូង អ៊ិនធ័រប្រាយស៍
📈 លោកអ្នកនឹងទទួលបាន៖
✅ ចូលរួមចែករំលែក និងសិក្សាពីដំណោះស្រាយផ្នែកខ្សែច្រវាក់ផ្គត់ផ្គង់ ការអភិវឌ្ឍផលិតផល ឬសេវាកម្ម
✅ ស្វែងយល់ពីហានិភ័យ និងភាពងាយរងគ្រោះរបស់អាជីវកម្ម ជាពិសេសវិស័យកសិកម្ម
✅ ទទួលបានគំនិត និងមធ្យោបាយវិវត្តខ្លួនរបស់អាជីវកម្ម ដើម្បីឆ្លើយតបនឹងស្ថានភាពទីផ្សារបច្ចុប្បន្ន

ℹ️អំពីកម្មវិធី៖
🗓 ០១ សីហា ២០២៥
⏰ ០៩:៣០ - ១២:០០
✍️ចុះឈ្មោះចូលរួមកម្មវិធី៖ https://forms.gle/RePV1eAzt6Zf55bP7
📱ចូលរួមដោយឥតគិតថ្លៃតាមរយៈកម្មវិធីហ្សូម (Zoom)
📱ព័ត៌មានលម្អិត៖ ឬ +885 93 44 16 20
(តេឡេក្រាម)
ℹ️ចូលក្នុងគ្រុបតេឡេក្រាម៖ https://t.me/khmerSMEMATCH
🌐ចុះឈ្មោះនៅលើគេហទំព័រ៖ https://match.khmersme.gov.kh/

បងប្អូនអ្នករកស៊ី ម្ចាស់អាជីវកម្ម គាំទ្រច្បាប់ដកសញ្ជាតិទេ?

ចឹងបានថា

អ្វីទៅជាគោលការណ៍ 5Ps ក្នុងសហគ្រិនភាព? ❺𝐏𝐬

អ្នកធ្លាប់តែអានពីយុទ្ធសាស្រ្ដ​ 4Ps ឬ 5Ps ទាក់ទងនឹងផ្នែកទីផ្សារ។ ឥឡូវ យើងមកដឹងពីគោលការណ៍ 5Ps សម្រាប់សហគ្រិនភាព ដែលសហគ្រិនគួរដឹង មុន ឬកំឡុងពេលដំណើរការអាជីវកម្មវិញម្តង។

ខាងក្រោមនេះជាចំណុចទាំង ៥ នៃគោលការណ៍ 5Ps៖

១. គោលបំណង (Purpose)

គោលបំណង​ ជាចម្លើយគ្រប់យ៉ាងនៃសកម្មភាពទាំងអស់។ ចំណុចដំបូងគឺ
សហគ្រិនគួប្បីកំណត់គោលបំណងប្រាកដប្រជារបស់ខ្លួនជាមុនសិន តាមរយៈការស្វែងយល់ កត់សម្គាល់ និងស្វែងរកឱ្យឃើញនូវបញ្ហាជាក់ស្ដែងក្នុងសង្គមដែលចង់ដោះស្រាយ និងច្នៃវាឱ្យទៅជាគោលដៅក្នុងការបង្កើតចក្ខុវិស័យសម្រាប់ក្រុមការងារ ឬអាជីវកម្ម ហើយនេះក៏ជាកម្លាំងចលករជួយអ្នកប្ដេជ្ញាចិត្តក្នុងការអនុវត្តផែនការផងដែរ។

២. ការតស៊ូ (Persistence)

ការធ្វើអាជីវកម្ម ជាដំណើរវែងឆ្ងាយ និងត្រូវប្រឈមនឹងរឿងប្លែកៗជាច្រើន។ ជួនកាល ការខំប្រឹងប្រែងខ្លះក៏អាចក្លាយជាអសារបង់ក៏មាន។ ឧទាហរណ៍ ធុរកិច្ចបង្កើតថ្មីជាមួយផលិតផលថ្មីលើទីផ្សារ ដោយការចាប់ផ្ដើមមួយដែល​មិនទាន់មានអ្នកស្គាល់។ ដូច្នេះ អ្នកត្រូវការការតស៊ូ និងការប្រឹងប្រែងខ្លាំង ដើម្បីធ្វើយ៉ាងណាឱ្យក្រុមមនុស្សប្រើប្រាស់គោលដៅទទួលស្គាល់ និងជឿជាក់លើផលិតផលរបស់អ្នក។ ប្រសិនបើសហគ្រិន មិនមានការតស៊ូនោះ គេអាចនឹងសម្រេចចិត្តបោះបង់កណ្ដាលទីជាក់ជាមិនខាន។

៣. ភាពអំណត់ (Patience)

វិថីនៃសហគ្រិនភាពជាដំណើរវែងឆ្ងាយ ដូចជាការត្រាច់ចរលើវាលខ្សាច់ដ៏ធំល្វឹងល្វើយមើលគោលដៅមិនឃើញ ហើយក៏មិនមែនប្រឹងតែមួយថ្ងៃ ឬមួយយប់ទទួលបានលទ្ធផលផ្លែផ្កាជាទីគាប់ចិត្តនោះទេ។ ដូច្នេះ សហគ្រិន ត្រូវការការលត់ដំ ទាំងកាយ ទាំងចិត្ត និងស្មារតី អត់ធ្មត់គ្រប់កិច្ចការ ដើម្បីពុះពារដើរទៅមុខជានិច្ច។

៤. ក្រុមការងារ (People)

សហគ្រិនភាគច្រើន ត្រូវការមនុស្សដែលមានឆន្ទៈដោះស្រាយបញ្ហាជាមួយគ្នា។ ដូច្នេះហើយទើប ការជ្រើសរើសក្រុមការងារ គឺជារឿងចម្បង ដោយសហគ្រិនជាម្ចាស់អាជីវកម្ម គួរណាស់ ផ្តោតខ្លាំងលើអត្តចរិតបុគ្គល ដែលមានទស្សនវិស័យស្របផ្លូវគ្នា ហើយប្រាកដថា នឹងរីករាយក្នុងការធ្វើការ ហើយមានភាពបត់បែនទៅតាមកាលៈទេសៈ ទើបកិច្ចការនានាអាចដើរទៅមុខដោយរលូនបាន។

៥. ប្រាក់ចំណូល​ (Profit)

ចំពោះអាជីវកម្មទើបបង្កើតថ្មីថ្មោង អាចនឹងការចំណាយពេលច្រើនបន្តិច ដើម្បីទាញរកប្រាក់ចំណេញ។ ម្យ៉ាងទៀត ការផ្ដោតលើប្រាក់ចំណេញក្នុងការរយៈពេលខ្លី អាចជាឧបសគ្គរារាំងដំណើរទៅមុខរបស់សហគ្រិន។ ដូច្នេះហើយ ជាការចាប់ផ្ដើមដំបូង ថ្វីបើប្រាក់ចំណេញសំខាន់ក៏ពិតមែន ប៉ុន្ដែសហគ្រិនមិនគួរផ្ដោតលើប្រាក់ចំណេញខ្លាំងពេកទេ គ្រាន់តែធ្វើយ៉ាងណាឱ្យឃើញមានចំណូល និងលំហូរប្រាក់វិជ្ជមានសិន ក៏បង្ហាញពីការវិវត្តន៍នៃអាជីវកម្មដែរ។

សរុបមកវិញ ការបកស្រាយចំណុចទាំង ៥ នេះ គឺជាការបង្ហាញពីភាពសំខាន់ៗមួយចំនួនក្នុងដំណើរនៃភាពជាសហគ្រិន ហើយគោលការណ៍ដែល​មានរួមបញ្ចូល គោលបំណង ការតស៊ូប្រឹងប្រែង ភាពអំណត់ ក្រុមការងារ និងប្រាក់ចំណូល សុទ្ធតែមានឥទ្ធពលលើគម្រោងធុរកិច្ចថ្មី៕
------------------------
អត្ថបទនេះនាំមកជូនដោយ Khmer Enterprise - សហគ្រិនខ្មែរ
✨ Join us on Telegram Channel: https://t.me/+w84MlB8KVKVjMDBl
🔰 សហគ្រិនខ្មែរមានចក្ខុវិស័យក្លាយជាថ្នាលជាតិសម្រាប់ការលើកកម្ពស់គ្រប់សកម្មភាពរបស់វិស័យសហគ្រិនភាព។