08/02/2022
#គ្មានអ្នកណាដូចអ្នក
សាកគិតទៅមនុស្សគ្រប់គ្នា គិតតាំងពីមនុស្សដែលកើតតាំងពីយូរលុងណាស់មកហើយ គឺគ្មានអ្នកណាម្នាក់ដែលដូចអ្នកឡើយ ។ គ្មានអ្នកណាដែលមានទេពកោសល្យ សមត្ថភាព រឿងរ៉ាវ និងឱកាសដូចអ្នកដែរ ហើយគ្មានអ្នកណាដែលមានគ្រួសារ បងប្អូន មិត្តភក្តិដូចអ្នកដែរ ។ គ្មានក្រយៅដៃអ្នកណាដូចអ្នក ហើយគ្មានអ្នកណាដែរមានទាំងក្ដីបារម្ភ និងគោលដៅដូចអ្នកទាំងស្រុងនោះដែរ ។ គ្មានអ្នកណាម្នាក់ដែលអាចនិយាយដូចអ្នកគ្រប់ពាក្យ ហើយគ្មានអ្នកណាដែលអាចញញឹមដូចអ្នក គឺគ្មានអ្នកណាម្នាក់ដែលអាចសម្ដែងពីលក្ខណៈរបស់អ្នកទៅអ្នកដទៃបានឡើយ។
បើអញ្ចឹង ម៉េចក៏មិនរីករាយចំពោះអ្វីដែលអ្នកមាន? ទទួលស្គាល់នូវអ្វីដែលអ្នកមាន និងជារបស់អ្នកពិតៗ មិនចាំបាច់ខំប្រឹងធ្វើពុតជាមនុស្សប្រភេទផ្សេងដើម្បីគ្រាន់តែបំពេញនូវការរំពឹងរបស់គេតែប៉ុណ្ណោះទេ។
មិនត្រូវខ្លាចពេលដែលអ្នកធ្វើអ្វីដែលខុសពីគេ ព្រោះអ្នកជាអ្នក គ្មានអ្នកណាម្នាក់អាចចូលក្នុងវិញ្ញាណ និងចិត្តរបស់អ្នកបានឡើយ។ គួរសម្ដែងចេញមកនូវអ្វីដែលជារបស់អ្នក ទៅកាន់គ្រួសារ មិត្តភក្តិ បងប្អូន និងមនុស្សជុំវិញខ្លួនយើង។ ហ៊ានធ្វើអ្វីដែលអ្នកចូលចិត្ត ហ៊ានធ្វើអ្វីដែលជាក្ដីស្រមៃដែលខុសប្លែកពីគេ ព្រោះវាជារបស់អ្នក💖។
---
អត្ថបទដកស្រង់: Khmer LifeLesson
