Moonmoon

23/07/2024

🌻ជីវិតពេលខ្លះវាបាននាំយើងមកដល់កន្លែងមួយ ដែលយើងមានអារម្មណ៍ថា យើងបានបាត់បង់នូវការដើរលើផ្លូវឆ្ពោះទៅកាន់គោលដៅរបស់យើង។ ប្រហែលមានរឿងជាច្រើនដែលវាធ្វើអោយយើងភ្លេចថា យើងមានគោលដៅដែលចង់សម្រេចបាន យើងមានមហិច្ឆិតាក្នុងការដើរចេញពីចំណុចមួយដែលធ្វើអោយយើងធុញទ្រាន់ យើងចង់ឃើញខ្លួនឯងបានទៅដល់ចំណុចមួយដែលយើងព្រាងទុក យើងចង់ឃើញខ្លួនឯងផ្លាស់ប្តូរ។ ប៉ុន្តែយើង យើងខ្លួនឯង ដែលបំភ្លេចវា ហើយជ្រើសរើសយកភាពងាយស្រួល ជ្រើសរើសយកការដើរទៅតាមសង្គមមិត្តភក្តិ សង្គមសម្ភារៈនិយម រហូតដល់យើង យើងខ្លួនឯង ដែលធ្វើអោយបាត់បង់នូវគោលដៅទាំងអស់នោះ។
Life is not always easy as we see in the movies, there is up and down along the way. We smile we cried but we still keep moving.

18/06/2023

Kosal Pisey

«ហេតុអ្វីយើងគួរធ្វើការងារស្ម័គ្រចិត្ត»
យើងតែងតែឃើញថាមនុស្សភាគច្រើនចូលចិត្តធ្វើការងារស្ម័គ្រចិត្តផ្សេងៗ ទោះបីជាពួកគាត់ដឹងថាការងារនោះមិនទទួលបាននូវប្រាក់កម្រៃ ឬប្រាក់ខែត្រឡប់មកវិញក្តី ក៏ពួកគេពេញចិត្តនិងរីករាយក្នុងការធ្វើការងារទាំងនោះ។

ហើយយើងក៏ចាប់ផ្តើមឆ្ងល់ថា ចុះហេតុអ្វីយើងគួរតែមានបទពិសោធន៍ក្នុងការធ្វើការងារស្ម័គ្រចិត្ត?
មានហេតុផលជាច្រើនដែលនៅពីក្រោយសំនួរមួយនេះ តែពេលនេះខ្ញុំសុំលើកយកនូវហេតុផលមួយចំនួនដូចតទៅ

១ បទពិសោធន៍ការងារ
ភាគច្រើនពេលដែលយើងទៅដាក់ពាក្យធ្វើការងារផ្សេងៗ ឬដាក់អាហារូបករណ៍ទៅក្រៅប្រទេសក្តី នៅក្នុងស្រុកក្តី គេតែងតែសួរយើងអំពីបទពិសោធន៍ការងារដែលយើងធ្លាប់បានចូលរួមនៅក្នុងសង្គម។ ព្រោះបទពិសោធន៍ការងារស្ម័គ្រចិត្តនៅក្នុងសង្គមរបស់យើង វាបានឆ្លុះបញ្ចាំងយ៉ាងច្បាស់ថា យើងជាមនុស្សម្នាក់ដែលសកម្មនៅក្នុងសង្គម និងមានឆន្ទៈក្នុងការជួយសង្គម និងប្រទេសជាតិឧ៌្យរីកចម្រើន
ឬយើងគ្រាន់តែជាមនុស្សម្នាក់ដែលគិតតែពីប្រយោជន៍ខ្លួនឯង។

២ ចំណេះដឹង
ការសិក្សារៀនសូត្រមិនមែនរៀនបានតែពីសាលា ឬសៀវភៅមួយមុខទេ តែយើងអាចរៀនសូត្របានតាមរយៈការអនុវត្តន៍ផ្ទាល់ និងរៀនសូត្រពីមនុស្សដែលយើងបានធ្វើការងារស្ម័គ្រចិត្តជាមួយផ្ទាល់ដូចជា របៀបក្នុងការទំនាក់ទំនង ការនិយាយស្តី ការវិភាគបញ្ហា និងការដោះស្រាយបញ្ហា ការសម្របខ្លួនទៅនឹងបរិបទថ្មី ឬបរិស្ថានថ្មីជាដើម ដែលចំណេះដឹងទាំងអស់នេះវាធ្វើឧ៌្យយើងរវាសរវៃ ឆ្លាត ពូកែក្នុងការសង្កេត និងគិតបានរហ័ស...។

៣ ស្វែងយល់ពីខ្លួនឯងបន្ថែម
នៅពេលដែលបានចូលរួមធ្វើការងារស្ម័គ្រចិត្តផ្សេងៗ យើងចាប់ផ្តើមមើលឃើញពីការផ្លាស់ប្តូររបស់យើងកាន់តែច្រើន ហើយយើងនឹងដឹងថាខ្លួនឯងជាមនុស្សបែបណា និងសាកសមនិងការងារប្រភេទណា និងមានចំណុចខ្វះខាតអ្វីខ្លះដែលគួរតែកែលម្អ។

៤ បង្កើនទំនាក់ទំនង
នៅពេលដែលយើងធ្វើការងារផ្សេងៗ យើងតែងតែជួបមនុស្សជាច្រើនប្រភេទ និងមកពីទីកន្លែងខុសៗគ្នា ដែលនេះជាឱកាសសម្រាប់យើងក្នុងការរៀនសូត្រពីគ្នាទៅវិញទៅមក និងស្គាល់អ្នកដទៃកាន់តែច្រើន។ នៅពេលដែលយើងមានអ្នកស្គាល់ច្រើន វាប្រៀបបីដូចជាខ្សែបណ្តាញដែលមិនងាយនឹងកាត់ផ្តាច់ ដូច្នេះយើងក៏មានឱកាសច្រើនក្នុងការទទួលបានការងារដែលយើងស្រឡាញ់ បន្ទាប់ពីយើងបញ្ចប់ការធ្វើការងារស្ម័គ្រចិត្តនេះផងដែរ។

៥ ផ្លាស់ប្តូរឥរិយាបថ និងផ្នត់គំនិត
ធ្លាប់តែជាមនុស្សម្នាក់ដែលធ្វើអ្វីតាមតែអារម្មណ៍ មិនសូវយកចិត្តទុកដាក់និងអ្នកដទៃ មិនសូវចេះនិយាយស្តី ខ្មាស់អៀនច្រើន ហើយតែងតែគិតថាមនុស្សគ្រប់គ្នាដែលយើងទៅធ្វើការជាមួយនៅពេលអនាគតនោះសុទ្ធតែជាមនុស្សល្អ តែនៅពេលដែលយើងបានឆ្លងកាត់នូវការងារសង្គម ឬការងារស្ម័គ្រចិត្តកាន់តែច្រើន នោះយើងនឹងចាប់ផ្តើមជ្រុះអស់នូវភាពខ្មាស់អៀនម្តងបន្តិចៗ ព្រោះគ្រប់ពេលយើងត្រូវមានទំនាក់ទំនងជាមួយក្រុមការងារ ជាមួយអ្នកចូលរួម ហើយយើងនឹងចាប់ផ្តើមជួបមនុស្សគ្រប់ប្រភេទនៅកន្លែងការងារ ទើបយេីងដឹងថាមនុស្សមិនមែនសុទ្ធតែល្អ ឬសុទ្ធតែអាក្រក់គ្រប់ពេលនោះទេ ដូច្នេះមុននឹងធ្វើអ្វីមួយ យើងក៏ចាប់ផ្តើមគិតបានវែងឆ្ងាយជាងមុន ចេះយល់អារម្មណ៍អ្នកដទៃ ចេះសម្របខ្លួនទៅតាមស្ថានការណ៍ផ្សេងៗ មានទំនួលខុសត្រូវ អាចគ្រប់គ្រងពេលវេលាបានល្អ និងឧ៌្យតម្លៃទៅលើការងាររបស់យើងកាន់តែខ្លាំង។

៦ មានសុខភាពល្អ និងរីករាយ
គ្រប់ពេលដែលយើងអាចធ្វើឧ៌្យអ្នកណាម្នាក់ញញឹម និងសើចបាន យើងក៏សប្បាយចិត្តទៅតាមនោះដែរ។ ដូចគ្នាដែរទៅនឹងការងារសង្គម ឬការងារស្ម័គ្រចិត្តផ្សេងៗដែលយើងបានធ្វើ វាបានជួយទៅដល់មនុស្សជាច្រើនឧ៌្យទទួលបាននូវចំណេះដឹង សេចក្តីសុខសុភមង្គល និងធ្វើឧ៌្យបរិស្ថាននៅជុំវិញខ្លួនយើងមានភាពស្រស់បំព្រងផងដែរ។ អំពើល្អទាំងនោះនឹងធ្វើឧ៌្យយើងរស់នៅដោយសេចក្តីស្ងប់ រីករាយ ចំណែកឯសុខភាពរបស់យើងវិញក៏មានភាពល្អប្រសើរឡើងដូចគ្នា។

ជាមួយគ្នានេះដែរ មិនមែនមានត្រឹមតែការងារស្ម័គ្រចិត្តមួយទេដែលយើងអាចជួយទៅដល់សង្គមដែលយើងរស់នៅ និងជួយដល់យើងខ្លួនឯងបាន តែយើងក៏អាចផ្តើមចេញពីសកម្មភាពសាមញ្ញៗបំផុតដែលយើងអាចធ្វើបានជាច្រើនទៀតដូចជា ការជួយយកអាសារគ្នាតាមទីសាធារណៈ ការគោរពច្បាប់ចរាចរណ៍ ចូលរួមសំអាតទីក្រុងដោយការចោលសម្រាមក្នុងធុងសំរាម ខិតខំប្រឹងប្រែងរៀនសូត្រ ចូលរួមបណ្តុះការអានឧ៌្យបានកាន់តែច្រើន មិនធ្វើខ្លួនជាបញ្ហាសម្រាប់អ្នកដទៃ...។«ចូលរួមធ្វើការងារសង្គមទាំងអស់គ្នាដើម្បីលើកម្ពស់វិស័យសង្គមនៅកម្ពុជា»៕
By: កញ្ញាស្នាមញញឹម
shearing

22/04/2023

«សាមញ្ញនារី»
ដែលធ្លាប់លឺទេថាកាន់តែសាមញ្ញ កាន់តែគួរអោយស្រឡាញ់។ មនុស្សស្រីជាធម្មតាហើយដែលស្រឡាញ់នូវភាពស្រស់ស្អាតបែបសុីវីល័យ។ ហើយក៏មានមនុស្សស្រីមិនច្រើនទេ ដែលចូលចិត្តរស់នៅបែបសាមញ្ញធម្មតាៗ តែប្រកបដោយសេចក្តីថ្លៃថ្នូរ។
ទោះបីជាអ្នកដទៃមើលមកនាងថាជានារីសាមញ្ញ តែសម្រាប់នាងផ្ទាល់ នាងដឹងច្បាស់ពីនិយមន័យនៃពាក្យថាសាមញ្ញនេះ។
នាងចូលចិត្តរស់នៅបែបលក្ខណៈសាមញ្ញា ងាយៗ មិនឆើតឆាយពេក មិនសម្ភារៈនិយមពេក តែពោរពេញទៅដោយរស្មីនៃក្តីសង្ឃឹម ភាពក្លាហាន និងចំណេះដឹង។ ហើយអទិភាពចម្បងដែលនាងយកចិត្តទុកដាក់នោះគឺជាការសិក្សារៀនសូត្រ។ ជានារីម្នាក់ដែលមិនចូលចិត្តផ្លាស់ប្តូរខ្លួនឯង ដើម្បីទៅផ្គាប់ចិត្តអ្នកដទៃជ្រុលពេក ព្រោះនាងដឹងច្បាស់ថា មនុស្សដែលស្រឡាញ់នាងពិត គេនឹងស្រឡាញ់នាងក្នុងភាពជានាង អាក្រក់ឬល្អក៏គេអាចទទួលយកបាន។
ទោះបីជាធម្មជាតិរបស់នាងមានលក្ខណៈសាមញ្ញធម្មតា តែវាជាភាពស្រស់ស្អាតរបស់នាង ដែលជាលក្ខណៈពិសេសខុសពីអ្នកដទៃ។
បើជាមនុស្សស្រីដែលសាមញ្ញម្នាក់ ស៊ូធ្វើជាមនុស្សស្រីដែលសាមញ្ញទៅលើការតុបតែងខ្លួន តែជាមនុស្សស្រីដែលមានសក្តានុពល និងគួរឧ៌្យសរសើរទៅលើការអភិវឌ្ឍន៍ខ្លួនឯង ទាំងចិត្តគំនិត ស្មារតី និងខួរក្បាល។
By: កញ្ញាស្នាមញញឹម
sharing

19/02/2023

កន្លែងស្នាក់នៅសម្រាប់និស្សិតបុរស​ ដែលសិក្សានៅវិទ្យាស្ថានបច្ចេកវិទ្យាកម្ពុជា(ITC)

សេចក្ដីជូនដំណឹង

អន្តេវាសិកដ្ឋាននារី-បុរស នៃវិទ្យាស្ថានបច្ចេកវិទ្យាកម្ពុជា នឹងធ្វើការជ្រើសរើសនិស្សិតចូលមកស្នាក់នៅថ្មីក្នុងពេលឆាប់ៗនេះ...........!
ជាពិសេសសម្រាប់ប្អូនៗនិស្សិតដែលមកពីខេត្តឆ្ងាយៗ មានជីវភាពក្រីក្រ លំបាក ខ្វះខាត គ្មានលទ្ធភាពគ្រប់គ្រាន់ មិនមាន
កន្លែងស្នាក់នៅក្នុងការបន្តការសិក្សានៅវិទ្យាស្ថានបច្ចេកវិទ្យាកម្ពុជា(សាលាតិចណូ) និងមានបំណងចង់ដាក់ពាក្យសុំស្នាក់នៅអន្តេវាសិកដ្ឋាននារី-បុរស នៃវិទ្យាស្ថានបច្ចេកវិទ្យាកម្ពុជា។
ចំពោះព័ត៌មាននៃការប្រកាសជ្រើសរើសជាផ្លូវការសូមធ្វើ
ការតាមដានPageនេះ និង​Page សមាគមនិស្សិតនៃវិទ្យាស្ថានបច្ចេកវិទ្យាកម្ពុជា https://www.facebook.com/SAITCOffical/?mibextid=LQQJ4d
ខាងក្រោមនេះ
គឺជាគំរូពាក្យឆ្នាំមុនសម្រាប់សុំស្នាក់នៅអន្តេវាសិកដ្ឋាននារី-បុរស នៃវិទ្យាស្ថានបច្ចេកវិទ្យាកម្ពុជា៖

ប្រភព:

13/02/2023

លទ្ធផលជ្រើសរើសនិស្សិតនារីឆ្នាំទី១ ស្នាក់នៅមជ្ឈមណ្ឌលអន្តេវាសិកនិស្សិតនារីក្នុងឆ្នាំសិក្សា ២០២២-២០២៣

- ទាញយកឯកសារ pdf ៖

31/01/2023

✨I don't want anyone to see me when I'm falling apart.
✨I don't want anyone to think that I'm so dramatic.

Everything takes time to heal. Be strong and keep fighting all dear✌️

...........

31-January-2023
Passage: Shiori X
Picture: Pinterest

Moonmoon✨

25/01/2023

Couple life✨✌️
The true meaning is that" how it makes you feel and the value they give each other, not about how to fit in"🍃✨

16/01/2023

#សេចក្តីជូនដំណឹង
ប្អូនៗដែលប្រឡងជាប់សញ្ញាបត្រ
-សញ្ញាបត្រមធ្យមសិក្សាទុតិយភូមិ
សម័យប្រឡង:១៩ សីហា ២០១៩
-វិញ្ញាបនបត្របណ្ដោះអាសន្នមធ្យមសិក្សាទុតិយភូមិ
សម័យប្រឡង: ០៥ ធ្នូ ២០២២
អញ្ជើញមកទទួល
ប្រភព:​​ ខុម​ សំអុល

08/01/2023

ចង់មានអ្នកសួរចឹង🥹

28/12/2022

✨កន្លែងស្នាក់នៅសម្រាប់ប្អូនៗដែលទេីបចប់​ទី១២មករៀនតនៅភ្នំពេញ✨
ព័ត៌មានលម្អិតបន្ថែម​ សូមចុចមេីលតាមលីងខាងក្រោម:

• Kosal Pisey, 21.November.2022,សិស្សវិទ្យាល័យដែលនឹងប្រឡងបាក់ឌុបខាងមុខ មិនគួរមើលរំលងព័ត៌មានស្តីពីកន្លែងស្នាក់នៅ
ពេលទៅសិក្សានៅសាកលវិទ្យាល័យ https://web.facebook.com/100030986412122/videos/676202150768234/
• Moonmoon page, 20.November.2022,សិស្សវិទ្យាល័យដែលនឹងប្រឡងបាក់ឌុបខាងមុខ មិនគួរមើលរំលងព័ត៌មានស្តីពីកន្លែងស្នាក់នៅ ពេលទៅសិក្សានៅសាកលវិទ្យាល័យ https://fb.watch/g_Gx9W1Eru/
• ការមើលព័ត៌មានលម្អិតពីលក្ខខណ្ឌនៃការជ្រើសរើស,20.November.2022,ផេករបស់ក្រសួងអប់រំយុវជននិងកីឡាhttps://www.facebook.com/moeys.gov.kh?mibextid=LQQJ4d
• ក្រសួងអប់រំយុវជននិងកីឡា,15.November.2022សេចក្តីជូនដំណឹងការជ្រើសរើសនិស្សិតនារីមកស្នាក់នៅបណ្តោះអាសន្នក្នុង
មជ្ឈមណ្ឌលអន្តេវាសិកនិស្សិត https://web.facebook.com/photo/?fbid=504242535062508&set=a.305053658314731
• ព័ត៌មានលម្អិតស្តីពីស្ថានភាព និងទិដ្ឋភាពទូទៅនៅក្នុងមជ្ឈមណ្ឌលអន្តេវាសិកនិស្សិត
https://web.facebook.com/100030986412122/videos/705964044132404/

---Moonmoon---✨🌙
28/12/2022

14/12/2022

✨ស្ថានភាព និងទិដ្ឋភាពទូទៅនៃមជ្ឈមណ្ឌលអន្តេវាសិកនិស្សិត

នៅក្នុងវីដេអូនេះខ្ញុំនឹងនិយាយលម្អិតបន្ថែមអំពីមជ្ឈមណ្ឌលអន្តេវាសិកនិស្សិតនារីទៅតាមបទពិសោធន៍នៃការស្នាក់នៅរបស់ខ្ញុំផ្ទាល់នៅទីនេះរយៈពេល៤ឆ្នាំកន្លងមក និងតាមរយៈការទទួលបានការណែនាំនិងមតិកែលម្អបន្ថែមពីមិត្តរួមជំនាន់ និងអាគារនុរក្សនៃមជ្ឈមណ្ឌលអន្តេវាសិកនិស្សិតនារី ។

ទីកន្លែងមួយដែលមាននូវសុវត្ថិភាព ផាសុខភាព អនាម័យល្អ ហើយថែមទាំងអាចកាត់បន្ថយការចំណាយជាច្រើនសម្រាប់និស្សិតគ្រប់គ្នា។ នៅទីនេះក្រៅពីការចំណាយទៅលើសម្ភារៈសិក្សា ការបង់ថ្លៃសាលា ម្ហូបអាហារ សម្លៀកបំពាក់...ដែលយើងត្រូវចំណាយថវិការផ្ទាល់ខ្លួននោះ ការចំណាយទៅលើថ្លៃស្នាក់នៅជាប្រចាំខែ ថ្លៃទឺកភ្លើង យើងនឹងមិនត្រូវការចំណាយឡើយ។ ការរស់នៅទីនេះមាននូវសាមគ្គីភាពគ្នាខ្ពស់ ការចែករំលែកដល់គ្នាទៅវិញទៅមក និងបំណិនផ្សេងៗជាច្រើនដែលយើងអាចរៀនសូត្របាន។

ទីនេះប្រៀបបីដូចជាផ្ទះទី២ដ៏កក់ក្តៅសម្រាប់សិស្សានុសិស្សដែលនៅខេត្តផ្សេងៗគ្នា មកស្នាក់នៅបណ្តោះអាសន្ន និងចាប់យកឱកាសក្នុងការបន្តការសិក្សារបស់ខ្លួនក្នុងទីក្រុងភ្នំពេញ។ ជាចុងក្រោយ ខ្ញុំសង្ឃឹមថាតិចក្តី ច្រើនក្តី សូមអោយវីដេអូមួយនេះក្លាយជាការចងចាំរបស់សិស្សនិស្សិតគ្រប់រូប និងបានក្លាយទៅជាប្រយោជន៍សម្រាប់សិស្សវិទ្យាល័យដែលមានបំណងមកបន្តការសិក្សានៅភ្នំពេញផងដែរ។

នៅក្នុងវីដេអូនេះ និងមាននិយាយសង្ខេបអំពី៖
• ទីតាំងនៃមជ្ឈមណ្ឌលអន្តេវាសិកនិស្សិត
• អត្ថប្រយោជន៍ដែលនិស្សិតនឹងទទួលបានកំឡុងពេលនៃការស្នាក់នៅ
• ការជ្រើសរើសនិស្សិត និងការដាក់ពាក្យចូលស្នាក់នៅ
• ខ្លីៗអំពីជីវភាពនៃការរស់នៅរបស់និស្សិត
• ផ្ទះបាយ និងកន្លែងហាលខោអាវ
• កម្មវិធីសំខាន់ៗមួយចំនួនដែលយើងមាន
(កម្មវិធីចូលឆ្នាំសកល, កម្មវិធីសិទ្ធីនារីអន្តរជាតិ, កម្មវិធីចូលឆ្នាំប្រពៃណីខ្មែរ, និងកម្មវិធីអកអំបុកសំពៈព្រះខែ)
• សុវត្ថិភាពក្នុងការស្នាក់នៅ
• អំពីកន្លែងដាក់កង់ ដាក់ម៉ូតូរបស់និស្សិត
• ការទុកដាក់សម្រាម និងកន្លែងចោលសម្រាម
• កម្រងរូបថតនិស្សិតនៅក្នុងមជ្ឈមណ្ឌលអន្តេវាសិកនិស្សិត។

សម្រាប់ព័ត៌មានបន្ថែម៖
វីដេអូស្តីពីការជ្រើសរើសសិស្សឆ្នាំទី១ចូលស្នាក់នៅផ្សារភ្ជាប់នឹងឯកសាររបស់ក្រសួងយុវជននិងកីឡាដែលបាន
ចេញផ្សាយថ្ងៃទី១៥ ខែវិច្ឆិការ ឆ្នាំ២០២២។
 Kosal Pisey, 21.November.2022,សិស្សវិទ្យាល័យដែលនឹងប្រឡងបាក់ឌុបខាងមុខ មិនគួរមើលរំលងព័ត៌មានស្តីពីកន្លែងស្នាក់នៅ ពេលទៅសិក្សានៅសាកលវិទ្យាល័យ https://web.facebook.com/100030986412122/videos/676202150768234/
 Moonmoon page, 20.November.2022,សិស្សវិទ្យាល័យដែលនឹងប្រឡងបាក់ឌុបខាងមុខ មិនគួរមើលរំលងព័ត៌មានស្តីពីកន្លែងស្នាក់នៅ ពេលទៅសិក្សានៅសាកលវិទ្យាល័យ https://fb.watch/g_Gx9W1Eru/
 ការមើលព័ត៌មានលម្អិតពីលក្ខខណ្ឌនៃការជ្រើសរើស,20.November.2022,ផេករបស់ក្រសួងអប់រំយុវជននិងកីឡាhttps://www.facebook.com/moeys.gov.kh?mibextid=LQQJ4d
 ក្រសួងអប់រំយុវជននិងកីឡា,15.November.2022សេចក្តីជូនដំណឹងការជ្រើសរើសនិស្សិតនារីមកស្នាក់នៅបណ្តោះអាសន្នក្នុងមជ្ឈមណ្ឌលអន្តេវាសិកនិស្សិត https://web.facebook.com/photo/?fbid=504242535062508&set=a.305053658314731

បើមានកំហុសខុសឆ្គងត្រង់ណាមិនសមរម្យ ទាំងពាក្យសម្តី រូបភាពឬខ្លឹមសារនៃវីដេអូមួយនេះ នាងខ្ញុំ សូមធ្វើការខន្តី និងអភ័យទោសទុកជាមុន និងរីករាយក្នុងការទទួលនូវមតិកែលម្អជានិច្ច។ អរគុណសម្រាប់ការស្រឡាញ់រាប់អាន។

វីដេអូដោយ៖
សល ពិសី និស្សិតសង្គមកិច្ចវិទ្យា
នៃសាកលវិទ្យាល័យភូមិន្ទភ្នំពេញ

រូបថតដោយ៖
១. សល ពិសី
២. សែន សុផលSophal Sen
៣. សន ពិសិដ្ឋPiseth Sorn
៤. សារិន នរៈវិទ្យាVityea Sarin