បេសកកម្មកំណប់ - Komnob Mission

បេសកកម្មកំណប់ - Komnob Mission កំណប់ - KOMNOB Mission is a platform that is created to convey knowledges and experiences. Thank you for joining us!

WE also conduct interview with expertise speakers from varied aspects and fields in society.

19/05/2022

រាល់ការចាប់ផ្ដើមថ្ងៃថ្មីទាំងអស់គឺជាកំណប់ទ្រព្យនៃជីវិតដូច្នេះអ្នកត្រូវបោះចោលនូវរឿងមិនល្អដែលបានកើតឡើងអោយអស់ដើម្បីត្រៀមខ្លួនទទួលយករឿងល្អៗនៅក្នុងថ្ងៃថ្មី។

Every new day is a treasure. Thus, you SHALL drop all negativities in order to embrace good things in new days. Everyday is a good day.✨️

13/04/2022

វីដេអូថ្មីមួយរបស់់ខ្ញុំ ដែលមានចំណងជើងថា #គោលការណ៍3យ៉ាងដើម្បីបំបាត់ទុក្ខកង្វល់ និង Upload ពេញរួចរាល់នៅក្នុងពេលបន្តិចទៀតនេះបាទ! សូមរង់ចាំទស្សនាទាំងអស់គ្នាបាទ!🥳🥳

💎នៅក្នុងចំណោមអ្នកសិក្សា VIPHOU ជឿថាអ្នកទាំងអស់គ្នាប្រាកដជាបានដឹងរួចទៅហើយអំពីការអប់រំនៅសិង្ហបុរី ដែលត្រូវបានគេទទួលស្គាល់ថ...
02/03/2022

💎នៅក្នុងចំណោមអ្នកសិក្សា VIPHOU ជឿថាអ្នកទាំងអស់គ្នាប្រាកដជាបានដឹងរួចទៅហើយអំពីការអប់រំនៅសិង្ហបុរី ដែលត្រូវបានគេទទួលស្គាល់ថា មានគុណភាពខ្ពស់ ជាលក្ខណៈអន្តរជាតិ។ ដូច្នេះថ្ងៃនេះ VIPHOU សូមពាំនាំយកសកលវិទ្យាល្បីៗទាំង ៥ នៅក្នុងប្រទេសសិង្ហបុរីមកបង្ហាញជូនអ្នកទាំងអស់គ្នា៖

👉1. National University of Singapore(新加坡国立大学): សាកលវិទ្យាល័យនេះត្រូវបានបង្កើតនៅក្នុងឆ្នាំ ១៩០៥ ជាសកលវិទ្យាល័យដែលមានភាពល្បីល្បាញបំផុតក្នុងប្រទេស។ សាកលវិទ្យាល័យនេះមានមហាវិទ្យាល័យដូចជា មហាវិទ្យាល័យសិល្បៈ និង មនុស្សសាស្ត្រ (Arts & Humanities) ធុរៈកិច្ច និង វិទ្យាសាស្ត្រសង្គម (Business & Social Sciences) ភាសា និង វប្បធម៌ (Language & Cultural) ឱសថសាស្ត្រ និង សុខាភិបាល (Medicine & health) វិស្វកម្ម (Engineering) វិទ្យាសាស្ត្រ និង បច្ចេកវិទ្យា (Science & Technology) និង មហាវិទ្យាល័យមួយចំនួនទៀត។

👉2. Nanyang Technological University (南洋理工大学):សាកលវិទ្យាល័យនេះត្រូវបានបង្កើតនៅក្នុងឆ្នាំ ១៩៥៥។ នៅក្នុងសាកលវិទ្យាល័យនេះ រួមមានមហាវិទ្យាល័យដូចជា សាលាធុរកិច្ចណានយ៉ាង (Nanyang Business School) មហាវិទ្យាល័យវិស្វកម្ម (College of Engineering) មហាវិទ្យាល័យមនុស្សសាស្ត្រ សិល្បៈ និង វិទ្យាសាស្ត្រសង្គម (College of Humanities & Arts & Social Sciences) មហាវិទ្យាល័យវិទ្យាសាស្ត្រ (College of Science) សាលាលីកុងឈាននៃឱសថសាស្ត្រ (Lee Kong Chian School of Medicine) វិទ្យាស្ថានជាតិអប់រំ (National Institute of Education) សាលារ៉ាចារ៉ាត់ណាមនៃការសិក្សាអន្តរជាតិ (Rajaratnam School of International Studies)។

👉3. Singapore Management University (新加坡管理大学): សាកលវិទ្យាល័យនេះត្រូវបានបង្កើតឡើងនៅក្នុងឆ្នាំ២០០០។ សាកលវិទ្យាល័យនេះរួមមានមហាវិទ្យាល័យដូចជា សាលាគណនេយ្យ (School of Accountant) សាលាធុរកិច្ច (Lee Kong Chian School of Business) សាលាកុំព្យូទ័រ និង ប្រព័ន្ធពត៌មានវិទ្យា (School of Computing and Information systems) សាលាសេដ្ឋកិច្ច (School of Economics) សាលាវិទ្យាសាស្ត្រសង្គម (School of Social Sciences) សាលាច្បាប់ (Yong Pung How School of Law)។

👉4. Singapore University of Technology and Design (新加坡科技设计大学): សាកលវិទ្យាល័យនេះត្រូវបានបង្កើតឡើងនៅក្នុងឆ្នាំ២០០៩។ សាកលវិទ្យាល័យនេះរួមមានមុខជំនាញដូចជា ស្ថាបត្យកម្ម ប្រាជ្ញាសិប្បនិម្មិត (AI) វិស្វកម្ម ប្រព័ន្ធពត៌មានវិទ្យា មនុស្សសាស្ត្រ សិល្បៈ វិទ្យាសាស្ត្រសង្គម និង មហាវិទ្យាល័យមួយចំនួនទៀត។

👉5. Singapore University of Social Sciences (新跃社科大学): សាកលវិទ្យាល៏យនេះត្រូវបានបង្កើតនៅក្នុងឆ្នាំ 2005។ សាកលវិទ្យាល័យនេះរួមមានមុខជំនាញដូចជា រដ្ឋបាលធុរកិច្ច ការអប់រំ ហិរញ្ញវត្ថុ មនុស្សសាស្ត្រ និង វិទ្យាសាស្ត្រសង្គម ការគ្រប់គ្រង និង សេវាសង្គម។

> បញ្ជាក់៖ ចំណាត់ថ្នាក់នេះ VIPHOU បានយកតាមរយៈ UniRank។ ប្រិយមិត្តអាចស្វែងយល់បន្ថែមតាមរយៈតំណភ្ជាប់មួយនេះ https://www.4icu.org/sg/

#ការអប់រំ #សាកលវិទ្យាល័យល្បីៗ #សិង្ហបុរី
បេសកកម្មកំណប់ - Komnob Mission

#ហេតុអ្វីបានជាការរៀនភាសាមានសារៈសំខាន់?📜ពិភពលោកយើងសព្វថ្ងៃគឺជាពិភពលោកនៃសកលភាវូបនីយកម្មដែលក្នុងន័យនេះការធ្វើការទំនាក់ទំនង...
28/02/2022

#ហេតុអ្វីបានជាការរៀនភាសាមានសារៈសំខាន់?📜

ពិភពលោកយើងសព្វថ្ងៃគឺជាពិភពលោកនៃសកលភាវូបនីយកម្មដែលក្នុងន័យនេះការធ្វើការទំនាក់ទំនងទៅមកហាក់បីដូចជាមានភាពរីកចម្រើនជាងមុន ជាពិសេសដោយសារតែភាពរីកចម្រើននៃបច្ចេកវិទ្យាផងនោះ របាំងនៃទំនាក់ទំនងគឺពុំមានទៀតឡើយ ដោយមនុស្សអាចធ្វើការទំនាក់ទំនងជាមួយគ្នាទៅមកយ៉ាងទូលំទូលាយទាំងផ្នែកសេដ្ឋកិច្ច នយោបាយ ការទូត និងពាណិជ្ជកម្ម។ ដូច្នេះ ក្រៅតែអំពីភាសាជាតិរបស់ខ្លួន ភាសាទីពីរបានដើរតួនាទីជាមធ្យោបាយមួយយ៉ាងសំខាន់ក្នុងកិច្ចទំនាក់ទំនងទាំងនេះ។

♻️ខាងក្រោមនេះគឺជាហេតុផលទាំងដប់ដែលឆ្លុះបញ្ចាំងអំពីសារសំខាន់នៃភាសាបរទេស៖
👉 ការទំនាក់ទំនង៖ ការមានសមត្ថភាពក្នុងការប្រើប្រាស់ភាសាជាតិរបស់ខ្លួនគឺវាសំខាន់ណាស់ដើម្បីយើងអាចទំនាក់ទំនងគ្នាបាន។ ក៏ប៉ុន្តែប្រសិនបើយើងមានសមត្ថភាពអាចប្រើប្រាស់ភាសាទីពីរបានទៀតនោះ ជាឧទាហរណ៍ ភាសាអង់គ្លេសជាដើមដែលជាភាសាមួយដែលគេប្រើប្រាស់ទូទៅនៅលើពិភពលោក នោះវានឺងអាចពង្រីកបាននូវវិសាលភាពនៃការទំនាក់ទំនងរបស់យើងកាន់តែអោយបានកាន់តែទូលំទូលាយ។ ឧទាហរណ៍ សម្រាប់ពាណិជ្ជករជាដើម ភាសាជួយអោយគាត់មានភាពងាយស្រួលក្នុងការទំនាក់ទំនងជាមួយដៃគូរបានយ៉ាងប្រសើរ។
👉 វឌ្ឍភាពនៃការងារ៖ នៅក្នុងកន្លែងធ្វើការ ក្រៅពីជំនាញស្នូលរបស់យើង ប្រសិនបើយើងអាចមានសមត្ថភាពប្រើប្រាស់ភាសាបរទេសបាននោះយើងអាចនឹងមានឳកាសក្នុងការចាប់យកតំណែងខ្ពស់ៗនៅក្នុងអង្គភាពរបស់យើងបាន។ ឧទាហរណ៍ អ្នកមានសមត្ថភាពប្រើភាសាបរទេសដូចជា ចិន អង់គ្លេស នោះអ្នកនឹងទទួលបានមុខតំណែងខ្ពស់ ព្រមទាំងអាចទទួលបានប្រាក់ខែខ្ពស់ជាងបុគ្គលដែលសមត្ថភាពភាសាបរទេសរបស់ពួកគាត់នៅមានកម្រិតទៀតក៏អាចថាបានដែរ។
👉 មានសមត្ថភាពអាចប្រមើលមើលបានកាន់តែវែងឆ្ងាយនិងស៊ីជម្រៅ៖ យើងអាចក្តោបក្តាប់ព័ត‌‌៌មានបានកាន់តែច្រើនទាំងក្នុងនិងក្រៅប្រទេស ដោយសារតែយើងមានសមត្ថភាពក្នុងការអានអត្ថបទនានាជាច្រើនទាំងជាភាសាជាតិ និង ជាភាសាអន្តរជាតិ។
👉 បង្កើនទំនុកចិត្ត៖ ផ្សារភ្ជាប់ជាមួយចំណុចខាងលើដែលយើងអាចទទួលព័ត៌មានបានយ៉ាងទូលំទូលាយ ហើយដោយបន្ថែមជាមួយនឹងសមត្ថភាពដែលយើងអាចប្រើប្រាស់ភាសាបានយ៉ាងសម្បូរបែបទៀតនោះ វានឹងអាចអោយយើងកាន់តែមានទំនុកចិត្តក្នុងការបំពេញការងារបានយ៉ាងមានប្រសិទ្ធិភាព។
👉 ជួយអោយការសម្រេចចិត្តរបស់យើងកាន់តែមានប្រសិទិ្ធភាព៖ ដូចដែលបានរៀបរាប់ខាងលើថាភាសាផ្ដល់សមត្ថភាពអោយយើងមានទស្សនវិស័យ ចំណេះដឹង និងការយល់ដឹងបានកាន់តែវែងឆ្ងាយ និងសុីជម្រៅព្រមទាំងធ្វើឱ្យយើងមានទំនុកចិត្តកាន់តែខ្ពស់ផងដែរ ដូច្នេះច្បាស់ណាស់ថាវានឹងអាចជួយពង្រឹងសមត្ថភាពក្នុងការសម្រេចចិត្តរបស់យើងបានកាន់តែល្អផងដែរ។

⚜️មែនទែនទៅភាសាបរទេសពិតជាមានសារសំខាន់ណាស់សម្រាប់ការរស់នៅ ការប្រាស្រ័យទំនាក់ទំនង ការទទួលបាននូវពត៌មាន ក៏ដូចជាព្រឹត្តិការណ៍សំខាន់ៗក្នុង និង ក្រៅប្រទេស ការប្រកបរបរអាជីវកម្ម វឌ្ឍភាពនៃការងារ និងកត្តាសំខាន់ៗផ្សេងៗទៀត។ គួរបញ្ជាក់ដែរថាគ្រប់ភាសាបរទេសទាំងអស់សុទ្ធសឹងតែមានអត្ថប្រយោជន៍ផ្សេងៗគ្នា ក្រៅតែពីភាសាអង់គ្លេសដែលជាភាសាគេប្រើជាលក្ខណៈអន្តរជាតិ ក៏នៅមានភាសាផ្សេងៗទៀតដែលត្រូវបានមនុស្សម្នាប្រើប្រាស់ជារឿយៗ ដូចជាភាសាចិន ឬភាសាបារាំងជាដើម។

អត្ថបទដោយ: Daisy
បេសកកម្មកំណប់ - Komnob Mission

Address

Phnom Penh

Website

Alerts

Be the first to know and let us send you an email when បេសកកម្មកំណប់ - Komnob Mission posts news and promotions. Your email address will not be used for any other purpose, and you can unsubscribe at any time.

Contact The School

Send a message to បេសកកម្មកំណប់ - Komnob Mission:

Shortcuts

Share

Category