វិទ្យាល័យហ៊ុនសែនចាក់អង្រែ

សាខា កក្រក រាជធានីភ្នំពេញ៖ នៅថ្ងៃទី២២ ខែឧសភា ឆ្នាំ២០២៦ ដោយបានការអនុញ្ញាតពី ឯកឧត្តម ឃួង ស្រេង ប្រធានគណៈកម្មាធិការសាខា និងលោក ជិន ប៊ុនធឿន នាយកសាខា បានចាត់ឱ្យក្រុមប្រតិបត្តិសាខា រៀបចំបើកវគ្គបណ្តុះបណ្តាលមូលដ្ឋានជូនយុវជន កក្រក ១១០នាក់ ស្រី ៨៦នាក់ នៅវិទ្យាល័យ ហ៊ុន សែន ចាក់អង្រែ ។ ដោយបានការអញ្ជើញចូលរួមបិទវគ្គពី លោក អោម វ៉ាន់ នាយករងវិទ្យាល័យ និង លោក ប៉ាត ប៊ុនផា ប្រធានការិយាល័យធនធានមនុស្សសាខា។ ហើយប្រធានបទដែលត្រូវបានយកមកបង្ហាត់បង្ហាញរួមមាន៖ ១.ប្រវត្តិចលនាកាកបាទក្រហម អឌ្ឍចន្ទក្រហម បដិរូប គោលការណ៍គ្រឹះ ២.តួនាទីភារកិច្ចយុវជនកាកបាទក្រហមកម្ពុជា ៣.ការគ្រប់គ្រងគ្រោះមហន្តរាយនិងភាពធន់នឹងអាកាសធាតុ ៤.សុវត្ថិភាពចរាចរណ៍ផ្លូវគោក ៥.វិជ្ជាសង្គ្រោះបឋម។

តើអ្នកធ្លាប់មានអារម្មណ៍ថា អង្គុយមុខសៀវភៅរាប់ម៉ោង អានចុះអានឡើង តែបែរជាមិនចាំ ឬមិនយល់ខ្លឹមសារមេរៀនដែរឬទេ? មនុស្សភាគច្រើនយល់ច្រឡំថា ការរៀនពូកែអាស្រ័យលើ "បរិមាណពេលវេលា" ដែលយើងចំណាយ។ ប៉ុន្តែតាមពិតទៅ ចិត្តសាស្ត្រនៃការរៀនសូត្របានបង្ហាញថា "បច្ចេកទេស" គឺសំខាន់ជាង "ពេលវេលា"។ ក្នុងចំណោមយុទ្ធសាស្រ្តមាសទាំង ៤ ចំណុច យើងលើកយកយុទ្ធសាស្រ្តក្នុងការរៀបចំផែនការរៀនឱ្យជាក់លាក់(Daily Goal Setting)ដោយមាន ៥ ចំណុចធំៗ:
1. កុំចាប់ផ្ដើមរៀនដោយគ្មានទិសដៅ។ កំណត់ឱ្យច្បាស់ថាថ្ងៃនេះអ្នកត្រូវបញ្ចប់អ្វី? (ឧទាហរណ៍៖ បញ្ចប់លំហាត់ ៥ ឬអានមេរៀន ៣ ទំព័រ)។ គោលដៅតូចៗដែលសម្រេចបាន នឹងផ្តល់កម្លាំងចិត្តឱ្យយើងបន្តទៅមុខ។
2. កន្លែងរៀនគឺជាប្រភពនៃថាមពល (Optimized Workspace): តុរៀនដែលមានរបៀប និងពន្លឺគ្រប់គ្រាន់ មិនត្រឹមតែជួយសុខភាពភ្នែកទេ តែវាជួយឱ្យខួរក្បាលមានភាពស្រឡះ។ បរិយាកាសស្អាត = ចិត្តស្ងប់ = ការផ្ដោតអារម្មណ៍ខ្ពស់។
3. កុំធ្វើកិច្ចការច្រើនក្នុងពេលតែមួយ (Say NO to Multitasking): ការស្ដាប់ភ្លេងដែលមានទំនុកច្រៀង ឬឆែកទូរស័ព្ទបណ្ដើររៀនបណ្ដើរ អាចធ្វើឱ្យសមត្ថភាពចងចាំរបស់អ្នកថយចុះរហូតដល់ ៤០%។ ផ្ដោតលើរឿងមួយឱ្យអស់ពីសមត្ថភាព ទើបលទ្ធផលចេញមកល្អ។
4. រំលឹកដោយសកម្ម (Active Recall): នេះជាបច្ចេកទេសខ្លាំងបំផុត! បន្ទាប់ពីអានចប់ ចូរបិទសៀវភៅ រួចសរសេរ ឬនិយាយឡើងវិញនូវអ្វីដែលអ្នកចាំ។ ការបង្ខំឱ្យខួរក្បាល "ទាញយកទិន្នន័យ" ចេញមកក្រៅ នឹងធ្វើឱ្យការចងចាំនោះដក់ជាប់បានយូរអង្វែង។
5. វិធីសាស្ត្រ Pomodoro (Time Management): កំណត់នាឡិកា រៀន ២៥ នាទី និងសម្រាក ៥ នាទី។ ការសម្រាកខ្លីៗជួយឱ្យខួរក្បាលស្រស់ថ្លាឡើងវិញ និងការពារភាពនឿយហត់ហួសកម្រិត។
ការរៀនឱ្យពូកែ មិនមែនជាការធ្វើទារុណកម្មខ្លួនឯងនោះទេ តែវាគឺជាសិល្បៈនៃការគ្រប់គ្រងខ្លួនឯង និងពេលវេលា។ ចាប់ផ្ដើមអនុវត្តតិចនិកទាំងនេះពីថ្ងៃនេះទៅ អ្នកនឹងឃើញពីការផ្លាស់ប្តូរដ៏អស្ចារ្យ!

📎ចូលរួមជាមួយយើងដើម្បីទទួលបានព័ត៌មានសិក្សា និងមាតិកាថ្មីៗ៖
https://www.hopp.bio/duraseksa

ការប្រឡងសញ្ញាបត្រមធ្យមសិក្សាទុតិយភូមិនឹងមកដល់ក្នុងរយៈពេល ៣ខែទៀត សូមប្អូនៗត្រៀមខ្លួនឱ្យបានរួចរាល!

-ដើម្បីទទួលបានព័ត៌មានផ្លូវការពីការប្រឡង ​ សូមចូលទៅកាន់៖ https://linktr.ee/moeyscambodia

អបអរសាទរ ព្រះរាជពិធីច្រត់ព្រះនង្គ័ល ថ្ងៃអង្គារ ៤រោច​ ខែពិសាខ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៥ ខែឧសភា ឆ្នាំ២០២៦