CR-MY Kids

ចំណេះដឹងទូទៅអំពីសុខភាពកុមារ៖ មូលហេតុដែលធ្វើឱ្យកុមារមិនព្រមឡើងគីឡូ សូមជួយ SUBCRIBE YOUTUBE ម្នាក់មួយផងបងប្អូន៖ https://www.youtube.com/@-KonKhnhom #គីឡូកូន #ការមើលថែទាំកូន

ប្រយោគដ៏វិជ្ជមានទាំង៥ ដែលក្មេងៗចង់ឮពីឪពុកម្ដាយរបស់ខ្លួន៖

- កូនធ្វើឱ្យប៉ាម៉ាក់មានមោទនភាពណាស់
- ប៉ាម៉ាក់ពិតជារីករាយនឹងមើលថែកូន
- កូនគឺជាមនុស្សដែលសំខាន់ណាស់ចំពោះប៉ាម៉ាក់
- គំនិតរបស់កូនក៏ល្អម៉្យាងដែរ
- បើគ្មានកូន គ្រួសាររបស់យើងក៏មិនមានសុភមង្គលដូចរាល់ថ្ងៃនេះដែរ
🥰🥰🥰🥰

ឈុតអាហារសម្រាប់កូនទៅសាលារៀន 🥰🥰

វិធី 5 យ៉ាងដើម្បីអានសៀវភៅឱ្យកូនតូចរបស់អ្នកចង់ស្តាប់ និងចាប់អារម្មណ៍ការអានសៀវភៅ

- អានសៀវភៅណាដែលកូនតូចរបស់អ្នកចង់ឱ្យអ្នកអាន ទោះបីវាជាសៀវភៅដដែលៗ ដែលអ្នកបានអានជារៀងរាល់ថ្ងៃ/យប់ឱ្យគាត់ស្តាប់រួចហើយក៏ដោយ។
- អានយឺតៗ មួយៗ ដើម្បីឱ្យកូនតូចរបស់អ្នកអាចយល់សាច់រឿងបាន។ - អានដោយមានការលើកដាក់សំឡេងផ្សេងៗគ្នាទៅតាមតួអក្សរ តួអង្គ និងបង្កើនឬបន្ថយសំឡេងរបស់អ្នកតាមសាច់រឿងដែរ។
- ជ្រើសរើសប្រភេទសៀវភៅសន្លឹករឹង ឬសៀវភៅក្រណាត់ ដើម្បីអាចឱ្យកូនតូចរបស់អ្នករៀនកាន់សៀវភៅទាំងនេះដោយមិនចាំបាច់ព្រួយបារម្ភអំពីការរហែក ឬខូច។
- ប្រើតុក្កតាដែលអាចដាក់ម្រាមដៃចូលបាន ហើយលេងច្រៀងចំរៀង ដូចជា "Itsy Bitsy Spider" ឬមានប្រដាប់ប្រដាលេង (Toys) នៅពេលអ្នកអានជាមួយកូនតូច។
- លើកទឹកចិត្តកូនតូចរបស់អ្នកឱ្យទះដៃ ឬច្រៀងតាមនៅពេលអ្នកអានសៀវភៅដែលមានបទចំរៀងកុមារ ឬច្រៀងចម្រៀងជាដើម។

Source: kidsHealth

មូលហេតុទាំង ៩ ដែលធ្វើឱ្យកូនៗកាន់តែមិនចូលចិត្តនិយាយជាមួយឪពុកម្តាយ៖

១) ពេលកូនកូររពឹសខ្លាំង
របៀបនិយាយធ្វើឲ្យកូនឈឺចាប់：
- បើមិនស្តាប់បង្គាប់ទេ ម៉ាក់ឈប់ត្រូវការកូនហើយ ឬយកទៅបោះចោល។
របៀបនិយាយបែបលើកទឹកចិត្ត：
- ទោះបីថាម៉ាក់ស្រឡាញ់កូនពិតមែន ប៉ុន្តែបើកូនធ្វើបែបនេះ ម៉ាក់អត់ចូលចិត្តទេ ម៉ាក់ខឹងហើយ។

២) ពេលកូននិយាយមិនស្តាប់
របៀបនិយាយធ្វើឲ្យកូនឈឺចាប់：
- សម្តីម៉ាក់ក៏ឯងហ៊ានមិនស្តាប់ដែរមែនទេ?
របៀបនិយាយបែបលើកទឹកចិត្ត：
- ប្រាប់ម៉ាក់បានទេ ឯងមានគំនិតបែបណា?

៣) នៅពេលអ្នកកំពុងនិយាយទូរស័ព្ទ
របៀបនិយាយបែបធ្វើឲ្យកូនឈឺចាប់：
- ចេញ ចេញ ចេញ អត់មើលឃើញម៉ាក់កំពុងនិយាយទូរស័ព្ទទេ!
របៀបនិយាយបែបលើកទឹកចិត្ត：
- កូនចង់និយាយជាមួយម៉ាក់មែនទេ?
ប៉ុន្តែពេលនេះម៉ាក់និយាយទូរស័ព្ទសិន ចាំម៉ាក់និយាយរួចហើយចាំកូនមកនិយាយប្រាប់ម៉ាក់ ok！

៤) ពេលកូនមិនចង់ចែករំលែរបស់លេងឬអ្វីផ្សេងដែលជាកម្មសិទ្ធិរបស់គាត់
របៀបនិយាយបែបធ្វើឲ្យកូនឈឺចាប់：
- ហែងអីក៏ចិត្តចង្អៀតម្លេះ ប៉ុនហ្នឹងក៏មិនចេះចែករំលែកដែរ! ប្អូនតូចជាង! ឲ្យទៅប្អូនភ្លាម!
របៀបនិយាយបែបលើកទឹកចិត្ត：
- កូនមើលអូនគាត់ចាប់អារម្មណ៍និងរបស់លេងរបស់កូនដែរ អូនគាត់អត់ធ្លាប់បានលេងទេ កូនបង្រៀនប្អូនលេងផងបានទេ?

៥) នៅពេលអ្នកកំពុងខឹងខ្លាំង
របៀបនិយាយធ្វើឲ្យកូនឈឺចាប់：
- កុំតែមានហែងទេ កុំអីអញ.......។ល។
របៀបនិយាយបែបលើកទឹកចិត្ត：
- ម៉ាក់កំពុងពិបាកចិត្ត អារម្មណ៍មិនល្អ ប៉ុន្តែវាមិនពាក់ព័ន្ធនឹងកូនទេ។ អរគុណដែលកូននៅក្បែរម៉ាក់រហូត ម៉ាក់ស្រឡាញ់កូន កូនជាកម្លាំងចិត្តរបស់ម៉ាក់។

៦) នៅពេលដែលអ្នកកំពុងតែរវល់ខ្លាំង
របៀបនិយាយធ្វើឲ្យកូនឈឺចាប់：
- កុំរញ៉េរញ៉ៃ អត់បើកភ្នែកឃើញម៉ាក់រវល់ទេ?
របៀបនិយាយបែបលើកទឹកចិត្ត：
- កូនមានការអីចង់និយាយជាមួយម៉ាក់មែនទេ?
ម៉ាក់នៅរវល់ ចាំរួចដៃចាំម៉ាក់ស្តាប់កូននិយាយតើបានទេ?

៧) នៅពេលដែលកូនរអ៊ូអត់ឈប់មាត់
របៀបនិយាយបែបធ្វើឲ្យកូនឈឺចាប់：
- បិទមាត់! ឈប់និយាយភ្លាម!
របៀបនិយាយបែបលើកទឹកចិត្ត：
- និយាយបង្វែរសាច់រឿង
មោះយើងមកស្តាប់ចម្រៀង ស្តាប់រឿងនិទានម្តង!

៨) កូនអត់ចង់ហៅគេជំរាបសួរចាស់ទុំ
របៀបនិយាយធ្វើឲ្យកូនឈឺចាប់：
- ហេតុអីកំសាកយ៉ាងនេះ អត់ចេះហៅគេ ក្មេងឈ្លើយ។
របៀបនិយាយបែបលើកទឹកចិត្ត：
- មើលអ៊ីៗស្រឡាញ់កូនណាស់ បើកូនជំរាបសួរ ទៅសួស្តី អ៊ីៗគាត់នឹងសប្បាយចិត្តណាស់។ លើកក្រោយយើងសាកល្បងហៅអ៊ីៗបានទេ?

៩) កូនអត់ចេះធ្វើលំហាត់
របៀបនិយាយធ្វើឲ្យកូនឈឺចាប់ ：
- ហែងនេះល្ងង់ណាស់ លំហាត់ស្រួលចង់ងាប់ អត់ចេះធ្វើ!
របៀបនិយាយបែបលើកទឹកចិត្ត：
- មិនអីទេ ម៉ាក់ពីតូចក៏អត់ចេះដែរ យើងមកសាកល្បងគិតទាំងអស់គ្នាតើយើងអាចធ្វើបានទេ?

បកប្រែ សុខ គឹមទៀវ