නොම්පෙන් දිනපොත - Life in the Kingdom of Cambodia

මෑතකදී මට ලංකාවෙන් ආව පොත් ටිකක් ලැබුනා. ඒ පොත් ගොඩේ තිබුන මෙන්න මේ "පරිචාරිකා" පොත තමා මම ඉස්සෙල්ලම කියවන්න ගත්තේ. ඔයාලා සමහරවිට කියවලත් ඇති.

Narmada Rangodage නංගී, එයා කාම්බෝජියාවේ ගතකරපු කාලේදී ඇසූ දුටු දේවලුත් එක්ක ගලපලා ලියපු ලස්සන නවකතාවක් තමා පරිචාරිකා කියන්නේ. කාම්බෝජියාව ගැන ටිකක් විස්තර දැනගන්න ආසනම් ඔයාලත් කියවලා බලන්න...

බුආලෝයි (Bualoi) සුළි කුණාටුවට අසුවෙන්නට දවස් කීපයකට කලින් හැනෝයී වල අතන මෙතන ♥️♥️

🥰🥰🥰

♥️

සාමය කියන වචනයේ වටිනාකම හොඳින්ම දන්නේ යුද්දෙන් බැට කාපු මිනිස්සු ..
කාම්බෝජියාව කියන්නේ පුදුම තරම් අහිංසක සාමකාමී මිනිස්සු ඉන්න ලස්සන රටක්.. ප්‍රෞඩ ඉතිහාසයක් තිබුනත් කාලෙන් කාලෙට ආව ව්‍යසන වලට මුහුන දීලා හෙම්බත් උන රටක්. ඒ සමහර ව්‍යසන වලින් සුව නොවුනු තුවාල එක්ක අමාරුවෙන් ඉස්සරහට යන රටක්..
තායිලන්තයේ ආර්ථික සාමාජීය තත්වය ඊට වඩා වෙනස් උනාට දෙපැත්තෙම ඉන්නේ අහිංසක මිනිස්සු. කිරි දරුවෝ. යුද්ද කරන්නේ මොනවා දිනාගන්නද කියලවත් නොදන්න එදිනෙදා ජීවිතෙත් එක්ක හැප්පෙන සාමාන්‍ය මිනිස්සු.
යුද්ධ කරලා දිනාගත හැකි දෙයක් නෑ කියනෙක නොතේරෙන මිනිස්සු නිසා අසරණ වෙන ජීවිත කොයිතරම් ද..

“You need power only when you want to do something harmful, otherwise love is enough to get everything done.” - Charlie Chaplin

නොම්පෙන් වෝල්ක් ස්ට්‍රීට්...

ගිය සති අන්තේ අපි නොම්පෙන් වෝල්ක් ස්ට්‍රීට් එකට ගියා. මීකොන්ග් ගඟ අයිනේ තියන ප්‍රදාන මාර්ගයක් වහලා තමා වීකෙන්ඩ් එකට මේක කරන්නේ. නානාප්‍රකාර කඩවල් සියගනනක් මෙතන තියනවා. එව් වගේම තමා මිනිස්සුන්ට විනෝද වෙන්න පුලුවන් දේවලුත් සෑහෙන ගොඩක් තියනවා..

රටේ පවතින තත්වෙත් එක්ක මේ සතියෙත් මේක තිබුනද කියන්න දන්නේ නැහැ. එත් මිනිස්සුන්ට සතියක වෙහෙස නිවාගන්න මේ වගේ එකක් හරි තියන එකනම් හරි වටිනවා...

පින්තූර ටිකක් අරගෙන ආවා ඔයාලටත් 🥰

And for Thailand as well 🙏🙏

යුද්ධයකින් ලබන ජයග්‍රහණයක් නොමැති බව තේරුම් ගැනීමට මිනිසාට තව කොපමණ කාලයක් ගත වේවිද 😢

රත්තරන් ගොඩනැගිලි ...

මම කලිනුත් තැනක් කිව්වා වගේ ගොඩනැගිලි කහ පාටින් රත්තරන් පාටින් පාට කරන එක කාම්බෝජියානු ගෘහ නිර්මාණ ශිල්පයේ තියන වැදගත්ම අංගයක්. විශේශයෙන්ම පංසල්. මම පුද්ගලිකව කැමති සුදු පාටින් හැඩ උන වැඩි ආටෝප නැති අපේ රටේ පංසල් වලට. ඒත් එකම ආගම උනත් සංස්කෘතියත් එක්ක බැදුණු කාරණා නිසා වෙනස් වෙන්න පුලුවන්.

මේ පලවෙනි පින්තූරේ තියෙන්නේ කාම්බෝජියාවේ රජ මාළිඟය ඉස්සරහ තියන "Moon Pavilion" එක. මෙතන තමා රජතුමා ජාතිය අමතන්නේ. ඔතන පිටිපස්සෙ තමා රජතුමා ජීවත්වෙන රජ මාළිඟාවත් ලෝක ප්‍රසිද්ධ "සිල්වර් පැගෝඩා" එකත් පිහිටලා තියෙන්නේ. ඒ ගැන මම වෙනමම දවසක කියන්නම්.ඔතන ඉස්සරහ තියනව ලොකු ගාර්ඩ්න් එකක්. නිවාඩු වෙලාවට මිනිස්සු එතනට ඇවිත් පදුරු එහෙම එලාගෙන වාඩිවෙලා විනෝද වෙනවා.
අනික් පින්තූර දෙකනම් පන්සල් දෙකක. මෙහෙ පන්සල් ගොඩනැගිලි ලි හැම එකක්ම මම කලින් කිව්වා වගේ රත්තරන් පාටයි. සහ මේ විදියේ උල් හැඩැති වහලක් තමා තියෙන්නේ..