Long Sina

[ English below ]

💫 បន្ទាប់ពីសម្ភោធដាក់ឱ្យដំណើរការសាលាបឋមសិក្សាទេពនិមិត្តដែលមានទីតាំងស្ថិតស្រុកកោះញែក ខេត្តមណ្ឌលគិរី អង្គការ UWS កម្ពុជា មានសេចក្តីរំភើបដែលបានឃើញសិស្សានុសិស្សសប្បាយរីករាយក្នុងការសិក្សានៅសាលារៀនថ្មីរបស់ពួកគាត់។

ជាក់ស្ដែងមានសិស្សម្នាក់ឈ្មោះ ចិត្រា* ដែលជាកុមារីរៀនថ្នាក់ទី២ នៅសាលាបឋមសិក្សាទេពនិមិត្ត ដោយនាងមានអារម្មណ៍រីករាយចំពោះអគារសិក្សាថ្មីរបស់នាងដែលមានទឹកផឹកស្អាត។ នាងចូលចិត្តថ្នាក់រៀនរបស់នាងជាពិសេស ដែលពោរពេញទៅដោយរូបភាពចម្រុះ។ សាលារៀននេះមានបរិយាកាសសិក្សាដែលប្រកបដោយសុវត្ថិភាព ភាពទាក់ទាញ និងការបំផុសគំនិត ដែលយើងមានបំណងបង្កើតសម្រាប់កុមារគ្រប់រូប។

រឿងរ៉ាវរបស់ចិត្រាបង្ហាញពីឥទ្ធិពលពិតប្រាកដនៃការងាររបស់យើង ចាប់ពីការសាងសង់សាលារៀន និងការផ្តល់សម្ភារៈអនាម័យ និងទឹកស្អាត រហូតដល់ការគាំទ្រសហគមន៍ ដោយធានាថា កុមារអាចរៀនដោយមានទំនុកចិត្ត រក្សាសុខភាព និងទទួលបានការគាំទ្រក្នុងការបន្តការសិក្សារបស់ពួកគេ។

—

✨ Following the inauguration of Tep Nimith Primary School in Koh Nhek district, Mondulkiri province, UWS Cambodia is excited to see students enjoying learning in their new school.

One student, Chetra*, a Grade 2 girl at Tep Nimith Primary School, shared her joy about her new classroom, which has access to clean drinking water. She especially loves her classroom, filled with colorful and inspiring visuals. The school provides a safe, engaging, and motivating learning environment, exactly what we aim to create for every child.

Chetra’s story highlights the real impact of our work; from building schools and providing hygiene materials and clean water to supporting communities, ensuring that children can learn with confidence, stay healthy, and receive the support they need to continue their education.

១៣ កុម្ភៈ ២០២៦ | រាជធានីភ្នំពេញ ចូលរួមក្នុងពិធីបិទសន្និបាតបូកសរុបការងារអប់រំ យុវជន និងកីឡាឆ្នាំសិក្សា ២០២៤-២០២៥ និងលើកទិសដៅការងារឆ្នាំសិក្សា ២០២៥-២០២៦ ក្រោមអធិបតីភាពរបស់ ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្រ្តី រដ្ឋមន្រ្តីក្រសួងអប់រំ យុវជន និងកីឡា

ទាញយកឯកសារពាក់ព័ន្ធនឹងកម្មវិធីសន្និបាតបូកសរុបការងារអប់រំ យុវជន និងកីឡាឆ្នាំសិក្សា ២០២៤-២០២៥ សូមចូលតាមរយៈតំណភ្ជាប់៖ link.moeys.gov.kh/ec2026

រាជធានីភ្នំពេញ៖ លោកស្រីបណ្ឌិត ពុត និស្ស័យ ប្រធាននាយកដ្ឋានអធិការកិច្ចគុណភាពអប់រំ នៃក្រសួងអប់រំ យុវជន និងកីឡា បានដឹកនាំក្រុមការងារតេស្តរង្វាយតម្លៃ ជួបប្រជុំជាមួយក្រុមការងារនៃអង្គការ UWS ដើម្បីពិភាក្សាពីការអនុវត្តតេស្តរង្វាយតម្លៃលទ្ធផលសិក្សារបស់សិស្សដើមគ្រា នៅតាមសាលារៀនគោលដៅក្នុងខេត្តរតនគីរី និងខេត្តមណ្ឌលគីរី នាព្រឹកថ្ងៃទី០៦ ខែកុម្ភៈ ឆ្នាំ២០២៦ នៅសាលប្រជុំនាយកដ្ឋានអធិការកិច្ចគុណភាពអប់រំ។
06 FEB 2026 | UWS | EQID/MoEYS

#រីករាយថ្ងៃកំណើតចំពោះខ្លួនឯង សូមអរគុណបងប្អូន និងជាពិសេសមនុស្សជាទីស្រលាញ់សម្រាប់ការជូនពរថ្ងៃកំណើត ហើយនិងការចែករំលែកការស្រលាញ់កន្លងមក។ បើគ្មានបងប្អូនទេ ដំណើរជីវិតមួយនេះនឹងកាន់តែលំបាក។

ក្នុងរយៈពេលជិត២០ឆ្នាំចុងក្រោយនេះ ខ្ញុំបានជួប #របត់ជីវិត ចំនួន៣ដងដែលទាមទារការសម្រេចចិត្តធំដើម្បីបោះជំហ៊ានឆ្ពោះទៅរកគោលដៅជីវិតថ្មីបន្តទៀត។ អាចនិយាយបានថា រៀងរាល់១០ឆ្នាំ មានរបត់ជីវិតថ្មីម្ដង។ ក្នុងឆ្នាំ២០០៧ មានការលំបាកមួយក្នុងគ្រួសារនៅពេលដែលខ្ញុំរៀននៅថ្នាក់ទី៩។ ជីវិតពោរពេញទៅដោយភាពអស់សង្ឃឹម។ នៅឆ្នាំ២០១៦ ខ្ញុំហាក់បីដូចជាវង្វេងក្នុងការកំណត់អត្ថន័យជីវិតរបស់ខ្លួន។ ខ្ញុំបានចំណាយពេលប្រមាណ២ឆ្នាំ ហើយបានដកពិសោធន៍ជាច្រើនជាមួយខ្លួនឯងដើម្បីកំណត់អត្ថន័យជីវិត និងទិសដៅជីវិតថ្មី។ នៅឆ្នាំ២០២៦ ខ្ញុំកំពុងតែជួបរបត់ជីវិតថ្មីម្ដងទៀត។ ជាង១០ឆ្នាំមកនេះ ខ្ញុំរីករាយធ្វើការជាមួយស្ថាប័នមិនរកប្រាក់ចំណូល (NGO) ហើយបានចូលរួមចំណែកអភិវឌ្ឍវិស័យអប់រំ ជាពិសេសនៅតំបន់ដាច់ស្រយាល។ ប៉ុន្ដែនៅពេលសម្លឹងមើលគោលដៅជីវិតខ្លួនឯង ហើយពិចារណាមើលការផ្លាស់ប្ដូរនៃនិន្នាការសង្គម ខ្ញុំមានសំណួរជាច្រើនចំពោះខ្លួនដើម្បីសម្រេចចិត្តក្នុងកំណត់ដំណើរជីវិតថ្មី។ ខ្ញុំគិតថា ការអភិវឌ្ឍសេដ្ឋកិច្ច និងជីវភាពរស់នៅរបស់ប្រជាពលរដ្ឋគឺជាអាទិភាពចម្បង ក្នុងពេលបច្ចុប្បន្ននិងពេលអនាគត។

ជីវិតមិនស្ថិតនៅដដែលទេ #យើងត្រូវត្រៀមខ្លួនជានិច្ចសម្រាប់ការផ្លាស់ប្ដូរ។ #សូមព្រះប្រទានពរនិងប្រាជ្ញាក្នុងការសម្រេចចិត្តសម្រាប់ទិសដៅជីវិតថ្មីបន្តទៀត។

គ្រាន់តែចែករំលែកអំពីមេរៀនជីវិតទេ។ សង្ឃឹមថា នេះជាការលើកទឹកចិត្តសម្រាប់បងប្អូនដែលជួបបទពិសោធន៍ស្រដៀងខ្ញុំ។

#អរគុណឯកឧត្តមអភិបាលខេត្តរតនគិរីសម្រាប់រូបថតនេះ 😍

សូមកោតសរសើរចំពោះភាពសាមញ្ញនិងការគោរពរបស់ឯកឧត្តមដែលលោកបានផ្ដល់កិត្តិយសថតរូបជាមួយ។ 26.01.2026 ជួបចៃដន្យតាមផ្លូវទេ 😊 សូមជូនពរឯកឧត្តមទទួលបានសុខភាពល្អ និងសម្រេចបានភាពជោគជ័យក្នុងការងារដឹកនាំខេត្តរតនគិរី 🙏

#រីករាយជាមួយនឹងការចូលរួមចំណែកអភិវឌ្ឍន៍វិស័យអប់រំជាង១០ឆ្នាំនេះ #បើមានឱកាសត្រូវតែធ្វើឱ្យអស់ពីចិត្ត 🩵

នៅថ្ងៃទី២៥ ខែធ្នូ ឆ្នាំ ២០២៥ បានរៀបចំសិក្ខាសាលាស្ដីពីការបញ្ចប់គម្រោងជាមួយសាលាបឋមសិក្សាចំនួន ២៤កន្លែងនៅក្នុងខេត្តរតនគិរី មណ្ឌលគិរី ស្ទឹងត្រែង និងកោះកុង។ មានអ្នកចូលរួមចំនួន ១៣៨ នាក់ ពីថ្នាក់ដឹកនាំក្រសួងអប់រំ យុវជន និងកីឡា (MoEYS) មន្ទីរអប់រំ យុវជន និងកីឡាខេត្ត ការិយាល័យអប់រំ យុវជន និងកីឡាស្រុក នាយក នាយិកាសាលា លោកគ្រូអ្នកគ្រូ និងក្រុមការងារអង្គការ UWS។

[ English below ]

📚 នៅថ្ងៃទី ២៥ ខែធ្នូ ឆ្នាំ ២០២៥ អង្គការ UWS កម្ពុជា បានរៀបចំសិក្ខាសាលាបង្ហាញលទ្ធផលនៃការវាយតម្លៃសមត្ថភាពសិស្សលើកញ្ចប់អំណាននិងគណិតវិទ្យាសម្រាប់ថ្នាក់ទី ២ ទី៣ និងទី៥ ជូនដល់ថ្នាក់ដឹកនាំវិស័យអប់រំ ដើម្បីឆ្លុះបញ្ចាំងលទ្ធផលសិក្សារបស់សិស្សថ្នាក់ដំបូង លើបំណិនផ្នែកភាសាខ្មែរនិងគណិតវិទ្យា។

សិក្ខាសាលាបានបង្ហាញឱ្យឃើញនូវចំណុចគន្លឺះនានា តាមរយៈការប្រើប្រាស់ឧបករណ៍រង្វាយតម្លៃអំណានថ្នាក់ដំបូង (EGRA) និងឧបករណ៍រង្វាយតម្លៃគណិតវិទ្យាថ្នាក់ដំបូង (EGMA) ព្រមទាំងតេស្តគំរូថ្នាក់ទី៥ បង្ហាញពីចំណុចរីកចម្រើន និងផ្នែកនានាដែលត្រូវការកែលម្អ នៅក្នុងសាលាគោលដៅ របស់អង្គការ UWS។

មានអ្នកចូលរួមចំនួន ១៣៨ នាក់ រួមទាំងស្ត្រី ២៤ នាក់ ពីក្រសួងអប់រំ យុវជន និងកីឡា (MoEYS) មន្ទីរអប់រំ យុវជន និងកីឡាខេត្ត ការិយាល័យអប់រំ យុវជន និងកីឡាស្រុក នាយក នាយិកាសាលា លោកគ្រូអ្នកគ្រូ និងក្រុមការងារអង្គការ UWS សិក្ខាសាលានេះបានបង្កើតការពិភាក្សាដ៏មានអត្ថន័យអំពីរបៀបនៃការវាយតម្លៃផ្អែកលើភស្តុតាង អាចជំរុញការបង្រៀនឲ្យប្រសើរឡើង ការកែលម្អសាលា និងការផ្តល់អន្តរាគមន៍នានា នៅតាមសាលារៀនគោលដៅ។

ឯកឧត្តម ចាន់ សុភា អនុរដ្ឋលេខាធិការក្រសួងអប់រំ យុវជន និងកីឡា បានមានប្រសាសន៍ថា៖ “បេសកកម្មរបស់អង្គការ UWS បានចូលរួមចំណែកដ៏សំខាន់ក្នុងការគាំទ្រយុទ្ធសាស្ត្រ និងអាទិភាពរបស់ក្រសួងអប់រំ យុវជន និងកីឡា ព្រមទាំងឆ្លើយតបតាមតម្រូវការរបស់សិស្សនៅតំបន់ដាច់ស្រយាល។ តាងនាមឧបនាយរដ្ឋមន្ត្រី និងរដ្ឋមន្ត្រីក្រសួងអប់រំ ខ្ញុំសូមលើកទឹកចិត្ត ដល់សាលារៀនគោលដៅទាំងអស់ ដើម្បីបន្តធ្វើឱ្យសិស្សអភិវឌ្ឍបានពេញលេញ ដោយមានការគាំទ្រពី មន្ទីរនិងក្រសួង អប់រំ យុវជន និងកីឡាខេត្ត។”

លោក ម៉ក់ សុខា នាយកប្រចាំប្រទេស របស់អង្គការ UWS កម្ពុជា បានបន្ថែមថា៖ “ការសិក្សាស្រាវជ្រាវនេះ គឺជាជំហានដមបូងនៃការចងក្រងយុទ្ធសាស្ត្រ ដើម្បីពង្រឹងសមត្ថភាពលោកគ្រូអ្នកគ្រូ ព្រមទាំងបំពេញចន្លោះខ្វះខាតសម្រាប់ការសិក្សារបស់សិស្សានុសិស្ស។”

យើងកំពុងធ្វើកិច្ចការរួមគ្នា ដើម្បីកសាងនូវមូលដ្ឋានដ៏រឹងមាំ សម្រាប់ដំណើរការនៃការសិក្សារបស់កុមារគ្រប់រូប។

—

💫 On December 25, 2025, UWS Cambodia hosted a Foundational Literacy and Numeracy Findings Dissemination Workshop, bringing together education leaders to reflect on students’ learning outcomes in early literacy and numeracy.

The workshop highlighted key insights from the Early Grade Reading Assessment (EGRA), Early Grade Mathematics Assessment (EGMA), and Grade 5 Benchmarking Assessment, showing both progress and areas for improvement across UWS-supported schools.

With 138 participants, including 24 women from the Ministry of Education, Youth and Sport (MoEYS), provincial and district education offices, school leaders, teachers, and UWS teams, the event sparked meaningful dialogue on how evidence-based assessments can drive better teaching practices, school improvement, and targeted interventions.

H.E. Chan Sophea, Under Secretary of State at MoEYS, shared: “UWS’s mission contributes significantly to MoEYS’s strategies and priorities, addressing the needs of students in remote areas. I encourage all transitioning schools to continue improving student development with full support from PoE and MoEYS.”

Mr. Mok Sokha, UWS Cambodia Country Director, added: “This study marks the first step in developing strategies to strengthen teacher capacity and close learning gaps for students.”

Together, we are building stronger foundations for every child’s learning journey.

[ English below ]

📚 នៅថ្ងៃទី ២៣ ខែធ្នូ ឆ្នាំ២០២៥ ក្រុមការងារជំនួយសង្រ្គោះបន្ទាន់របស់អង្គការ UWS កម្ពុជាបានចុះទៅដល់ផ្ទាល់នៅទីតាំងខេត្តសៀមរាប ដើម្បីធ្វើការប្រគល់ជូននូវសម្ភារៈសិក្សាសម្រាប់កុមាររៀនសូត្របណ្ដោះអាសន្ន ដោយប្រគល់ជូនមន្ទីរអប់រំ យុវជន និងកីឡា ខេត្តឧត្តរមានជ័យដែលបានសហការណ៍ជាមួយមន្ទីរនៅខេត្តសៀមរាបដើម្បីទទួលយកសម្ភារៈឧបត្ថម្ភជំនួយសង្រ្គោះបន្ទាន់ទាំងនេះ។

អង្គការ UWS កម្ពុជា បានប្រគល់ជូនប្រធានមន្ទីរនិងក្រុមការងារនៅក្នុងទឹកដីខេត្តសៀមរាប ដែលលោកនឹងបន្តដឹកសម្ភារៈទាំងអស់នេះទៅកាន់ជំរុំភៀសសឹកខេត្តផ្សេងៗ ដោយឡែកសម្ភារៈរបស់អង្គការ UWS កម្ពុជា នឹងផ្ដល់ជាជំនួយទៅកាន់ជំរុំភៀសសឹកនៅចុងកាល់ ខេត្តឧត្តរមានជ័យ ដែលជាតំបន់គោលដៅរបស់យើង។

គោលបំណងរបស់យើងដែលប្រគល់សម្ភារៈនេះគឺដើម្បីអោយកុមារអាចបន្តការសិក្សារបស់គាត់បាន បើទោះបីស្ថិតនៅក្នុងស្ថានភាពភៀកសឹកយ៉ាងណាក៏ដោយ ហើយសម្ភារៈទាំងអស់នេះមានដូចជា សៀវភៅអាន ប្រដាប់ប្រដារកុមារក្មេងលេងកំសាន្តមួយចំនួនដើម្បីអោយកុមារមានអារម្មណ៍ល្អ និងមានអារម្មណ៍ថានៅសាលារៀនរបស់ពួកគាត់។

យើងតែងតែបន្តសហការជិតស្និទ្ធជាមួយអាជ្ញាធរ និងសហគមន៍ក្នុងតំបន់ ដើម្បីធានាថា កុមារនៅក្នុងស្ថានភាពបន្ទាន់ និងតំបន់ឆ្ងាយ មានឱកាសសិក្សាដោយគុណភាព និងបរិយាកាសសិក្សាដែលគាំទ្រ និងមានសុវត្ថិភាព។

—

🏫 On 23 December 2025, the UWS Cambodia’s emergency response team visited Siem Reap Province to deliver learning materials for children attending temporary learning centers. The materials were handed over to the Department of Education, Youth and Sport of Oddar Meanchey Province, which collaborated with the authorities in Siem Reap to receive the emergency education supplies.

UWS Cambodia provided these materials to the provincial officials and their teams in Siem Reap, who will further distribute them to various temporary learning sites in other districts. Separately, our supplies will also be sent to the temporary learning sites in Chong Kal in Oddar Meanchey Province, which is one of our target areas.

The purpose of distributing these materials is to ensure that children can continue their education even under emergency or displacement conditions. The supplies include reading books and some recreational and play materials, designed to support children’s learning and well-being, helping them feel comfortable and engaged in their temporary learning spaces.

We continue to work closely with local authorities and communities to ensure that children in emergency and remote contexts have consistent access to quality learning opportunities and a supportive learning environment.