LDP សង្កាត់ផ្សារដើមថ្កូវ

ពូខានមកស្នាក់ការបក្សនៅភ្នំពេញយូរក្រែលដែរហើយ។ ឃើញស្នាក់ការ នឹកដល់គ្រាដើមនៃការកសាងបក្ស LDP។ ពូមានអារម្មណ៍ថាកំសត់ណាស់ តែអារម្មណ៍មួយផុសជាប់លើវិថីចិត្តពូតាំងពីពេលនោះរហូតមកថា បើគ្មានចលនាបដិវត្តន៍LDPទេ គ្មានសង្ឃឹមអ្វីក្នុងការជួយជាតិសាសន៍ខ្មែរទេ។ នេះជាអារម្មណ៍ពូដែលផុសជាប់ នៅពេលនិយាយដល់ឬនឹកដល់រឿងជួយខ្មែរ។ ពូគិតដឹងថាវិញ្ញាណមនុស្សយ៉ាងច្រើននាពេលនោះ មិនមានអារម្មណ៍ដូចពូទេ។ គេអាចមិនជឿជាក់ មិនទុកចិត្តលើពូបាន តែសំខាន់ជាគន្លឹះស្លាប់រស់ ដែលពូត្រូវតែពិចារណាអោយល្អិតល្អន់រហូតកើតទំនុកចិត្តលើការយល់របស់ខ្លួន។ គិតមកដល់ពេលនេះ រឿងរ៉ាវច្រើនអនេកបានកើតចំពោះជីវិតជាជនបដិវត្តន៍ផ្នត់គំនិតគឺពូនេះ។ LDP LDP LDP បក្សជួងៗៗៗគឺបក្សជួង គឺជាចលនាបដិវត្តន៍ផ្នត់គំនិតដែលដឹកនាំដោយពូ មកដល់ពេលនេះមានអាយុកាល១៥ឆ្នាំហើយ។ បើគិតពីឧបសគ្គសម្រាប់ចលនានេះ វិញ្ញាណមនុស្សធម្មតាគឺជាការគួរអោយខ្លាចញញើត គួរអោយរាថយ និងគួរអោយធុញទ្រាន់ណាស់ ប៉ុន្តែសម្រាប់វិញ្ញាណពូ ចលនាបដិវត្តន៍ផ្នត់គំនិតមួយនេះជាល្បែងគួរអោយជក់ចិត្តណាស់។ បើរស់នៅដើម្បីតែក្ដីសុខផ្ទាល់ខ្លួន ពូមានអារម្មណ៍ថាគ្រាន់តែទុកជីវិតអោយរស់ក៏ខ្ជិលផង ប៉ុន្តែល្បែងមួយនេះជាល្បែងជួយមនុស្សច្រើននាក់ណាស់ ទោះអ្នកនោះដឹងក្ដី អ្នកនោះមិនដឹងក្ដី តែល្បែងមួយនេះវាពិតជាប្រយោជន៍ពិតប្រាកដទាំងអ្នកមិនដឹង ទាំងអ្នកដឹង គ្មានល្បែងជីវិតណាជក់ចិត្តជាងការងារបម្រើមនោសញ្ចេតនារបស់ខ្លួនទេ ពូមានអារម្មណ៍ថាការងារកាន់ក្បាលមេក្រូពន្យល់មនុស្ស គឺជាការងារសន្ដានកំណើតរបស់ពូហើយ និយាយរាប់ម៉ោងដោយមិនបាច់មើលក្រដាសទេ និយាយកាន់តែយូរ សម្លេងកាន់តែលឺ មនុស្សស្ដាប់កាន់តែច្រើន គ្មានអារម្មណ៍ខ្លាចហ្វូងអីបន្តិច ផ្ទុយទៅវិញទឹកចិត្តចង់ប្រាប់កាន់តែហូរចេញភលៗពីខាងក្នុង ហើយទស្សនៈ គំនិតតំរៀបជួរគ្នាលើខ្សែវិញ្ញាណពូតម្រង់ជួរចាំពេលចេញតាមមាត់ សប្បាយណាស់ រីករាយណាស់ អោយតែបានពន្យល់ អាហារត្រឹមតែបំបាត់ការស្រេកឃ្លានគឺគ្រប់គ្រាន់ហើយ និយាយមិនហត់ទេ ពន្យល់មិនហត់ទេ ល្បែងនេះគ្មានចាញ់ទេ ពន្យល់យល់មួយ គឺជ័យជំនះមួយ។ សម្លឹងមើលស្លាកគណបក្សLDPដែលក្មួយៗបានរៀបចំជាថ្មីក្នុងអំឡុងពេលអវត្តមានពូ នៅក្នុងទីស្នាក់ការនាពេលថ្មីៗនេះ វាបានផ្ដល់អោយពូនូវអារម្មណ៍អន្លង់អន្លោច ស្រងេះស្រងោច លាយនឹងអនុស្សាវរីយ៍ផ្អែមល្ហែមដិតជាប់លើខ្សែវិញ្ញាណរបស់ពូ។ ឱ!LDP! អ្នកគឺពិតជាល្បែងដ៏ជក់ចិត្តរបស់ជីវិតខ្ញុំមែន!

ជីវប្រវត្តិលោកពូ ខឹម វាសនា :

លោកពូ ខឹម វាសនា កើតនៅថ្ងៃទី ១១ ខែធ្នូ ឆ្នាំ១៩៦៥
នៅភូមិពានា ឃុំក្ដឿងរាយ ស្រុកកញ្ច្រៀច ខេត្តព្រៃវែង
ឪពុកឈ្មោះ ខឹម ហួត មុខរបរ ពេទ្យធ្មេញ
ម្ដាយឈ្មោះ សេក ហេង មុខរបរ មេផ្ទះ

ប្រវត្តិការសិក្សា:
ឆ្នាំ ១៩៧៥ ដល់ឆ្នាំ១៩៧៩ ជាកុមាររស់នៅក្នុងរបបកម្ពុជាប្រជាធិបតេយ្យ (ខ្មែរក្រហម)
ឆ្នាំ ១៩៧៩ ដល់ឆ្នាំ១៩៨៦ ជាសិស្ស
ឆ្នាំ ១៩៨៦ ដល់ឆ្នាំ ១៩៩៤ ជាសិស្សនៅនាយកដ្ឋានភាពយន្ត នៃក្រសួងព័ត៌មាន
ឆ្នាំ ១៩៩៤ ដល់ឆ្នាំ ១៩៩៧ ជានិស្សិតផ្នែកច្បាប់នៅសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច

ប្រវត្តិការងារ និងការប្រឡូកលើឆាកនយោបាយ:
ឆ្នាំ ១៩៨៦ ជាសិស្ស និងបម្រើការងារនៅនាយកដ្ឋានភាពយន្ត ជាអ្នកនិពន្ធ និងដឹកនាំរឿង
ឆ្នាំ ១៩៩៨ ជាមន្ត្រីរាជការនៅនាយកដ្ឋានកិច្ចការនយោបាយ នៃក្រសួងមហាផ្ទៃ
ឆ្នាំ ១៩៩៨ លោកពូបានចូលរួមនយោបាយជាមួយគណបក្សសមរង្ស៊ី
ឆ្នាំ ២០០៣ ដល់ឆ្នាំ ២០០៥ ជាសមាជិកសភាតំណាងរាស្ត្រមណ្ឌលព្រៃវែង គណបក្សសមរង្ស៊ី
ចុងឆ្នាំ ២០០៥ លោកពូបានចាប់ផ្ដើមបង្កើតគណបក្សនយោបាយថ្មីមួយ
ឆ្នាំ ២០០៦ គណបក្សសម្ព័ន្ធដើម្បីប្រជាធិបតេយ្យត្រូវបានបង្កើតឡើងជាផ្លូវការដោយមានលោកពូ ជាប្រមុខរហូតមកដល់ពេលបច្ចុប្បន្ននេះ។

មកទល់ពេលនេះ មានរយៈពេលជាង១៥ឆ្នាំហើយដែលលោកពូបានចំណាយអ្វីៗគ្រប់យ៉ាងដែលលោកពូមាន ដើម្បីយកទៅបម្រើការងារដ៏ឧត្តមរបស់លោកពូ នោះគឺការពន្យល់វិញ្ញាណមនុស្សឱ្យបានយល់ត្រូវ ទាំងរឿងនយោបាយ សីលធម៌ការរស់នៅប្រចាំថ្ងៃ និងការប្រតិបត្តិមេរៀនព្រះធម៌របស់ព្រះសម្មាសម្ពុទ្ធ។ រយៈពេលជាង១៥ឆ្នាំកន្លងផុតទៅ ការងារលោកពូនៅបន្តទៅមុខ និងមានអ្នកដែលបានស្ដាប់ការពន្យល់របស់លោកពូយល់ ចូលរួមជាបន្តបន្ទាប់ ហើយករកើតបាននូវក្រុមគ្រួសារមួយដែលមានលោកពូជាឪពុក ជាគ្រួសារនៃទ័ពដែលមានបេសកកម្មទៅសង្គ្រោះវិញ្ញាណមនុស្សលោកដែលយល់ខុស ឱ្យបានយល់ត្រូវតាមសភាពកម្លាំងវិញនាពាក់កណ្ដាលអំណាចនៃការត្រាស់ដឹងរបស់ព្រះសម្មាសម្ពុទ្ធ៥០០០ព្រះវស្សានេះ៕

ខាងក្រោមនេះ ជាសំណេរ និងប្រសាសន៍របស់លោកពូជាសញ្ញាបញ្ជាក់ទៅក្មួយៗនាពេលថ្មីៗនេះ:

"ពួកក្មួយៗជាកូនពូ ពូរស់ព្រោះតែមានពួកកូននេះហើយ។ ពូខ្លោចផ្សាស្លាប់បិទភ្នែកមិនជិតទេ បើពូមិនបានធ្វើអ្វីដែលពូត្រូវតែធ្វើអោយអស់សមត្ថភាពដើម្បីពួកកូន មួយដង្ហើមមុនស្លាប់ក៏ជាដង្ហើមសម្រាប់ការងារកូនៗដែរ។ ពួកក្មួយៗអាចរវល់នឹងកិច្ចការផ្សេងមានកិច្ចការកូនប្តីប្រពន្ធម្តាយឪពុកនិងកិច្ចការសង្គមខ្លះ តែពូ ពូគ្មានការងារអ្វីក្រៅពីរឿងពួកក្មួយៗទេ បើគ្មានកិច្ចការជួយមនុស្សទេ បើអវត្តមានពូ ក្មួយៗបានសុខហើយ រស់មានគោលដៅហើយ ចិត្តពូ ពូសូមក្លាយជាខ្យល់ អោយរលីងរលោងធេង អស់វត្តមានពូពីភពផែនដីនេះទៅ តែពូគិតយ៉ាងណាដឹងថាមនុស្សច្រើនណាស់ត្រូវការពូ ពូឈានជើងចាកចេញមិនរួចទេ។ ពូដឹងថា ក្រៅពីទឹកចិត្ត ពូនៅមានបញ្ញា ដែលពូសម្លឹងទៅគ្មានអ្នកណាអាចជំនួសពូបានទេ។ ចុះបើចិត្តពូ ព្រួយបារម្ភពីសុខទុក្ខរបស់ក្មួយៗគ្រប់ដង្ហើមចេញចូលយ៉ាងៗនេះ រឿងអ្វីដែលក្មួយគិតដល់ ហើយបែរជាពូទៅជាគិតមិនដល់ទៅវិញ? ដូចជារឿងនយោបាយជាដើម ពូឃើញLDPច្រើនណាស់ធ្វើដូចជាគេជាអ្នកគិតគូរពីនយោបាយជួយរាស្រ្ដច្រើនជាងពូអញ្ចឹង តើរឿងពិតវាអាចទៅជាបែបនេះកើតទេ? នយោបាយឬ? អោយតែអ្នកទាំងនោះគិតពីនយោបាយរៀបចំស្រុកទេសបានមួយរោមជើងពូទៅល្អហើយ ទោះបីពូដេក ដើរ ឈរ អង្គុយ អ្វីដែលពួកគេគិត ពួកគេនិយាយថាពួកគេគិត គឺទៅមិនហួសផុតពីរឿងពូគិតទេ កំណើតពូជាកំណើតអ្នកគិតគេ ពូគ្មានការងារអ្វីក្នុងជីវិត ក្រៅពីរឿងគិតគេនោះទេ។ ចុះបើគ្រាន់តែរឿងអាចម៍ការកំប៉ិកកំប៉ុកដែលពួកគេជំនុំក្បាលគ្នា ហើយថាគេកំពុងតែគិតនោះ តើរឿងប៉ុនៗហ្នឹង វាអាចរំលងអំពីវិស័យជាអ្នកគិតដូចពូឬ? សូមក្មួយៗស្ងប់ចិត្តចុះ ក្មួយប្រឹងអានសំណេរពូ ពន្យល់អំពីធម៌អោយយល់ទៅ រឿងដែលពួកគេកំពុងតែគិតនោះ វាគ្មានទៅហួសពីវិស័យអ្នកគិតទេ។ បើពូប្រាប់អោយពួកក្មួយៗស្ងប់ គឺពូមានហេតុផលហើយ ស្គាល់ចរិតពូទេក្មួយ? កំណើតពូកើតមកគឺដើម្បីគិតគេហ្នឹងហើយ រកវិធីដោះស្រាយបញ្ហារបស់គេហ្នឹងហើយ។ អ្វីដែលគេជំនុំគ្នាថាគេកំពុងតែគិត ពូប្រាប់ថាមិនបានចុងក្រចកនឹងរឿងពូគិតទេ។ សូមក្មួយៗរីករាយនឹងជីវិតជាកូនពូ ឪពុកដឹងថាសេចក្ដីសុខរបស់ពួកកូនៗគឺជាអ្វីហើយ ពូមិនភ្លើទេ។ សូមក្មួយៗរីករាយនឹងសំណាងរបស់ខ្លួន និងសំណាងរបស់ពូជសាសន៍ខ្លួនចុះ ពូជសាសន៍នេះទោះធ្លាក់ដល់កម្រិតណាក៏ដោយ ក្មួយចាំសម្ដីពូទុកចុះ ត្រូវតែបានជាទីពឹងគេក្នុងលោក ហើយត្រូវតែក្នុងជំនាន់របស់ពួកក្មួយៗនេះតែម្ដងណាក្មួយ៕"

"ក្មួយអើយក្មួយៗ ត្រូវប្រឹងយល់ពីដំណើរប្រព្រឹត្តទៅនៃធម្មជាតិណាក្មួយ វាជាប្រយោជន៍ពិតរបស់ជីវិតក្មួយទៅអនាគតជាតិដ៏វែងឆ្ងាយណាក្មួយ។"

"...ក្មួយកុំបាច់ភ័យអី ពូគិតជាងពួកក្មួយទៅទៀត វិស័យគិតនេះគឺវិស័យពូហើយ ... ចលនាសង្គ្រោះរបស់ពូចាំបាច់ណាស់ពលសង្គ្រោះ គឺក្មួយៗហ្នឹងហើយ ដូច្នេះក្មួយៗត្រូវយល់មេរៀនដែលពូពន្យល់រហូតកើតចិត្តសង្វេគ..."

"...ក្មួយកុំបាច់ភ័យអី ពូគិតជាងពួកក្មួយទៅទៀត វិស័យគិតនេះគឺវិស័យពូហើយ ... ចលនាសង្គ្រោះរបស់ពូចាំបាច់ណាស់ពលសង្គ្រោះ គឺក្មួយៗហ្នឹងហើយ ដូច្នេះក្មួយៗត្រូវយល់មេរៀនដែលពូពន្យល់រហូតកើតចិត្តសង្វេគ..."

“ពេលនេះជាពេលដែលក្មួយត្រូវហាត់ពត់លត់ដំចិត្តអោយមានបញ្ញា ដោយការយល់ពីដំណើរធម្មជាតិអោយដល់ការសង្វេគរបស់ចិត្ត ពេលដែលក្មួយត្រូវចេញជួយមនុស្ស គឺចិត្តក្មួយអាចទុកចិត្តបាន ជាអ្នកដែលមនុស្សអាចទីពឹងបាន។ បន្តិចទៀតដល់ពេលប្រើពួកក្មួយដើម្បីចេញជួយមនុស្សហើយក្មួយ”។

"សូមក្មួយទុកចិត្តលើពូ ពូអាចរកយុត្តិធម៌ឲ្យមនុស្សបាន។ ក្មួយស្ងប់អារម្មណ៍ចុះ រង់ចាំពេលវេលាតែមួយរយៈទៀតទេ។"
"បើអិលឌីភីឈ្នះឆ្នោត មានន័យថាវិញ្ញាណដឹងខុសដឹងត្រូវជាអារម្មណ៍គឺមានចំនួនច្រើនហើយ លើសពីហាសិបភាគរយបូកមួយហើយ បើវិញ្ញាណដឹងខុសដឹងត្រូវជាអារម្មណ៍នៅមានចំនួនច្រើនជាងហាសិបភាគរយបូកមួយ នោះមិនមែនជាសម័យកាលព្រហ្មរក្សាលោកត្រូវចុះមកយកកំណើតជាមនុស្សដើម្បីជួយបង្វែរវិញ្ញាណដែលលែងដឹងខុសដឹងត្រូវជាអារម្មណ៍អោយមកដឹងខុសដឹងត្រូវជាអារម្មណ៍នោះទេ។ នេះគឺហេតុផល៕"

"មុនដំបូងធ្វើនយោបាយរែងយកមនុស្សពីក្នុងសង្គមបានចំនួនមនុស្សអិលឌីភីហ្នឹងឯង។ នេះជាជម្រើសយកមនុស្សលើកទីមួយ។ ដល់លើកទីពីរ គឺយកធម៌មករែងមនុស្សអិលឌីភីហ្នឹងទៅទៀត។ ដល់លើកទីបី គឺរែងក្នុងចំណោមអ្នកធម៌ហ្នឹងទៀត។ ហាហាហា ជិតដល់ពេលហើយក្មួយ៕"

"សូមក្មួយៗទាំងអស់ កុំមានអារម្មណ៍អាក់អន់ចិត្ត ចំពោះពូជសាសន៍ខ្លួននឹងប្រទេសជិតខាង ឃើញប្រទេសខ្លួនអន់ថយទាំងសេដ្ឋកិច្ច ទាំងអ្វីៗគ្រប់ផ្នែកទាំងអស់។ ក្មូយៗត្រូវចាំថា ពូជខ្មែរជាពូជអ្នកសាងអង្គរមិនចេះចង់បានរបស់គេ មានតែភាពស្មោះត្រង់ ពូជនេះអាចនឹងមានពន្លឺសាជាថ្មី នឹងក្លាយជាពូជដែលអាចជាទីពឹងដល់ពូជសាសន៍ដទៃទៀតក្នុងលោក (នៅក្នុងជំនាន់ពួកយើងនេះ)។"

" ពូមិនដែលបញ្ចេញយោបល់រឿងបញ្ហាសង្គមទាល់តែសោះជាងពីរឆ្នាំមកនេះ។ ព្រោះអ្វី ព្រោះពូនិយាយកន្លងមកអស់ពីនិយាយហើយ បានប៉ុន្មានគឺបានតែប៉ុណ្ណឹងទេ និយាយបន្តទៅទៀតក៏គ្មានអ្នកយល់ថ្មីអីទៀតដែរ។ ដឹងអ៊ីចឹងពូមិនធ្វើការងារដែលពូគិតដឹងថាអត់ប្រយោជន៍នោះទេ។ ពីថ្ងៃនេះទៅពូអត់មាននិយាយអីទៀតទេ គឺពូត្រូវតែចាត់វិធានការណ៍តែម្តង។ កំណេីតពូមិនមែនកំណេីតកើតមកសំងំយកតែសុខរួចតែខ្លួនឯងទេ។ បញ្ហាសង្គមវាមានលក្ខណៈទុំជោរហើយ វាជាពេលដែលត្រូវវះកាត់ហើយ។ សូមក្មួយរីករាយនឹងកំនើតជាអ្នកយល់ត្រូវ ធម្មជាតិបង្កើតលោកិយ វាមិនព្រមអោយមនុស្សដែលមានអារម្មណ៍ខុសនឹងសភាពកម្លាំងរបស់វាចេះតែខុសទៅៗបានដូច្នេះទេក្មួយ។ កម្មណ៎ា! កម្មបង្កើតលោកិយ មិនមែនលោកិយជាធាតុដូចសត្វមនុស្សដឹងនោះទេ៕ "

" អើ វាជិតបានសុខហើយក្មួយ ! ពូគ្រាន់តែនិយាយប៉ុណ្ណឹងទេ ជិតបានសុខហើយ ! "

" ពូមិនដែលបញ្ចេញយោបល់រឿងបញ្ហាសង្គមទាល់តែសោះជាងពីរឆ្នាំមកនេះ ព្រោះអ្វី? ព្រោះពូនិយាយកន្លងមកអស់ពីនិយាយហើយ បានប៉ុន្មានគឺបានតែប៉ុណ្ណឹងទេ និយាយបន្តទៅទៀតក៏គ្មានអ្នកយល់ថ្មីអីទៀតដែរ។ ដឹងអ៊ីចឹងពូមិនធ្វើការងារដែលពូគិតដឹងថាអត់ប្រយោជន៍នោះទេ។ ពីថ្ងៃនេះទៅពូអត់មាននិយាយអីទៀតទេ គឺពូត្រូវតែចាត់វិធានការណ៍តែម្តង។ កំណេីតពូមិនមែនកំណេីតកើតមកសំងំយកតែសុខរួចតែខ្លួនឯងទេ។ បញ្ហាសង្គមវាមានលក្ខណៈទុំជោរហើយ វាជាពេលដែលត្រូវវះកាត់ហើយ។ សូមក្មួយរីករាយនឹងកំនើតជាអ្នកយល់ត្រូវ ធម្មជាតិបង្កើតលោកិយ វាមិនព្រមអោយមនុស្សដែលមានអារម្មណ៍ខុសនឹងសភាពកម្លាំងរបស់វាចេះតែខុសទៅៗបានដូច្នេះទេក្មួយ។ កម្មណ៎ា! កម្មបង្កើតលោកិយ មិនមែនលោកិយជាធាតុដូចសត្វមនុស្សដឹងនោះទេ៕ " __សំណេរលោកពូ.

វិទ្យាសាស្ត្រ គឺសិក្សាលើហេតុនិងផលរបស់អ្វីដែលវិញ្ញាណមនុស្សដឹង គឺធាតុ ឯព្រះពុទ្ធព្រះអង្គសិក្សាយល់ហេតុនិងផលរបស់កម្ម ឬកំលាំង។ អ្នកវិទ្យាសាស្ត្រ យកខ្លួនឯងចេញពីការសិក្សាហេតុផលរបស់ធាតុ តែព្រះពុទ្ធព្រះអង្គសិក្សាសរុបទាំងខ្លួនឯង និងសត្វដទៃផង ព្រោះខ្លួនសត្វនេះ កើតពីកម្មដែលព្រះអង្គសិក្សាដើម្បីយល់នោះដែរ មិនអាចយកខ្លួនឯងចេញ ហើយយកខ្លួនឯងនោះ មកសិក្សាលើហេតុផលនៃកម្មនោះទេ។ ព្រះពុទ្ធព្រះអង្គសិក្សាស្វែងយល់ តើខ្លួនមនុស្សធ្វើពីអី? សិក្សាទៅយល់ហេតុផលកម្មដែលបង្កើតសត្វនៃត្រៃភព និងលោកិយរបស់សត្វគឺធាតុ។ វិទ្យាសាស្ត្រ ក៏សិក្សារកហេតុផល តែហេតុនៃធាតុ ចំណែកព្រះពុទ្ធព្រះអង្គសិក្សាហេតុផលនៃកម្លាំង ឃើញថាកម្លាំងនៃកលាបៈនៅឯស្នូលផែនដីវិល បង្កើតបានសត្វនៃត្រៃភព និងពិភពលោករបស់សត្វនៃត្រៃភពដែរ។ សូមប្រើវិញ្ញាណគិតនឹងសំបកខួរ អោយយល់ទៅមើល តើអ្នកវិទ្យាសាស្ត្រនិងព្រះពុទ្ធ អ្នកណាអស្ចារ្យ អ្នកណាវង្វេងវង្វាន់រហូតធ្វើអោយបែកផែនដីជាច្រើនដងរាប់មិនអស់? អ្នកមិនស្គាល់ហេតុផលពិតនៃអ្វីមួយហើយអ្នកលូកដៃទៅកែច្នៃនូវអ្វីនោះ តើគ្រោះថ្នាក់ទេ??? នេះហើយអ្នកវិទ្យាសាស្ត្រ ដែលអស្ចារ្យបំផុតនៃវិញ្ញាណពុលនឹងតណ្ហានៃមនុស្សបច្ចុប្បន្ននោះ។ អ្នកសាកសួរអ្នកវិទ្យាសាស្ត្រទៅមើល តើមនុស្សធ្វើមកពីអ្វី? ពេលនោះអ្នកនឹងដឹងថាអ្នកវិទ្យាសាស្ត្រដែលអ្នកតែងចាត់ទុកថាអស្ចារ្យនោះ ល្ងង់មិនដឹងស្អីសោះ៕