Youth21

អបអរសាទរ​ ខួបលើកទី៧៧ ទិវាកុមារអន្តរជាតិ ១មិថុនា ក្រោមប្រធានបទ៖ «សន្តិភាព ជាមូលដ្ឋានគ្រឹះនៃការគោរពនិងកិច្ចគាំពារសិទ្ធិកុមារ»

-ថ្នាលឌីជីថល និងបណ្ដាញសង្គមយុវជន៖
https://linktr.ee/dgy.moeys.gov.kh

#ទិវាកុមារអន្តរជាតិ១មិថុនា

🎉 សូមអបអរសាទរ បេក្ខនិស្សិតទាំង ១០ ក្រុម ដែលបានឈានទៅកាន់វគ្គបន្ទាប់ ក្នុងកម្មវិធី “យុវជន២១ (YOUTH21)” ឆ្នាំ២០២៦!

១. បណ្ឌិត្យសភាបច្ចេកវិទ្យាឌីជីថលកម្ពុជា (CADT)
២. វិទ្យាស្ថានបច្ចេកវិទ្យាកម្ពុជា (តិចណូ)
៣. វិទ្យាស្ថានវិទ្យាសាស្រ្តសុខាភិបាល ខ.ភ.ម
៤. សាកលវិទ្យាល័យអាស៊ីអឺរ៉ុប
៥. សាកលវិទ្យាល័យភ្នំពេញអន្តរជាតិ
៦. សាកលវិទ្យាល័យប៊ែលធីអន្តរជាតិ
៧. សាកលវិទ្យាល័យ ហេង សំរិន ត្បូងឃ្មុំ
៨. សាកលវិទ្យាល័យកម្ពុជា
៩. សាកលវិទ្យាល័យពុទ្ធិសាស្រ្ត
១០. សាកលវិទ្យាល័យភូមិន្ទភ្នំពេញ

កម្មវិធី “យុវជន២១” ឆ្នាំ២០២៦ បានបង្ហាញពីសក្តានុពលដ៏អស្ចារ្យរបស់យុវជនកម្ពុជា ក្នុងការច្នៃប្រឌិត ការគិតបែបសហគ្រិន និងការបង្កើតគម្រោងអាជីវកម្មដែលមានភាពច្នៃប្រឌិត និងអាចអនុវត្តបានជាក់ស្តែង។ បេក្ខនិស្សិតទាំងអស់បានបង្ហាញនូវចំណេះដឹង សមត្ថភាព ភាពក្លាហាន និងទស្សនវិស័យថ្មីៗ តាមរយៈការធ្វើបទបង្ហាញប្រកបដោយទំនុកចិត្ត និងវិជ្ជាជីវៈ។

គណៈកម្មការដាក់ពិន្ទុ និងវាយតម្លៃបានផ្តល់ពិន្ទុប្រកបដោយសុក្រឹតភាព តម្លាភាព និងយុត្តិធម៌ ចំពោះគម្រោងអាជីវកម្មទាំង ២៦ ក្រុម មកពីសាកលវិទ្យាល័យ និងវិទ្យាស្ថាននានា។

ទន្ទឹមនឹងនេះ គណៈកម្មការរៀបចំក៏សូមសម្តែងការកោតសរសើរ និងលើកទឹកចិត្តយ៉ាងស្មោះស្ម័គ្រចំពោះបេក្ខនិស្សិតដែលមិនអាចបន្តទៅវគ្គបន្ទាប់។ ការចូលរួមរបស់អ្នកទាំងអស់ គឺជាជំហានដ៏មានតម្លៃក្នុងការអភិវឌ្ឍខ្លួន បង្កើនបទពិសោធន៍ និងបន្តកសាងគំនិតអាជីវកម្មថ្មីៗ សម្រាប់អនាគត។

យុវជនកម្ពុជា កំពុងក្លាយជាកម្លាំងស្នូលដ៏សំខាន់ ក្នុងការជំរុញនវានុវត្តន៍ សហគ្រិនភាព និងការអភិវឌ្ឍសេដ្ឋកិច្ចឌីជីថល ស្របតាមនិន្នាការសកល និងបដិវត្តន៍ឧស្សាហកម្ម ៤.០។

-គេហទំព័រ និងបណ្ដាញសង្គម៖ https://linktr.ee/moeyscambodia

#យុវជន២១

📷 រូបភាពសកម្មភាពថ្ងៃទី០២​ ក្នុងវគ្គប្រកួតជម្រុះយក ១០ក្រុមនៃកម្មវិធី យុវជន២១ ក្រោមប្រធានបទ”ការចាប់ផ្តើមអាជីវកម្មបច្ចេកវិទ្យារបស់យុវជន៖ គំនិតវ័យក្មេង ការផ្លាស់ប្តូរពិត” ក្នុងថ្ងៃនេះមានក្រុមបេក្ខនិស្សិតមកពី សាកលវិទ្យាល័យ/វិទ្យាស្ថានទាំង១១ ផ្សេងៗគ្នាបានឡើងធ្វើបទបង្ហាញអំពីគម្រោងអាជីវកម្មនីមួយៗរបស់ខ្លួន។

កាលបរិច្ឆេទ៖
ថ្ងៃទី១៩-២០ ខែឧសភា ឆ្នាំ២០២៦

📍 ទីតាំងកម្មវិធី៖
វិទ្យាស្ថានបច្ចេកវិទ្យាកម្ពុជា (ITC / សាលាតិចណូ)
សាលសន្និសីទ I (សាលតូច)

#យុវជន២១ #វគ្គជម្រុះ១០ក្រុម

📷 រូបភាពសកម្មភាពថ្ងៃទី០១​ ក្នុងវគ្គប្រកួតជម្រុះយក ១០ក្រុមនៃកម្មវិធី យុវជន២១ ក្រោមប្រធានបទ”ការចាប់ផ្តើមអាជីវកម្មបច្ចេកវិទ្យារបស់យុវជន៖គំនិតវ័យក្មេង ការផ្លាស់ប្តូរពិត”

ក្នុងថ្ងៃទី០១នេះ​ មានក្រុមបេក្ខនិស្សិតមកពី សាកលវិទ្យាល័យ/វិទ្យាស្ថានទាំង១៥ ផ្សេងៗគ្នាបានឡើងធ្វើបទបង្ហាញអំពីគម្រោងអាជីវកម្មនីមួយៗរបស់ខ្លួន។

កាលបរិច្ឆេទ៖
ថ្ងៃទី១៩-២០ ខែឧសភា ឆ្នាំ២០២៦

📍 ទីតាំងកម្មវិធី៖
វិទ្យាស្ថានបច្ចេកវិទ្យាកម្ពុជា (ITC / សាលាតិចណូ)
សាលសន្និសីទ I (សាលតូច)

#យុវជន២១ #វគ្គជម្រុះ១០ក្រុម

ពិធីបើកវគ្គប្រកួតជម្រុះយក ១០ក្រុម នៃកម្មវិធីយុវជន២១ (Yout21) ឆ្នាំ២០២៦ ក្រោមប្រធានបទ “ការចាប់ផ្តើមអាជីវកម្មបច្ចេកវិទ្យារបស់យុវជន ៖គំនិតវ័យក្មេង ការផ្លាស់ប្តូរពិត"

រាជធានីភ្នំពេញ៖ នាថ្ងៃទី១៩ ខែឧសភា ឆ្នាំ២០២៦ ឯកឧត្តម សេរី ជំនះ រដ្ឋលេខាធិការ ក្រសួងអប់រំ យុវជន និងកីឡា តំណាងដ៏ខ្ពង់ខ្ពស់ ឯកឧត្តមបណ្ឌិតសភាចារ្យ ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា បានអញ្ជើញជាអធិបតីក្នុងពិធីបើកវគ្គប្រកួតជម្រុះយក ១០ក្រុម នៃកម្មវិធី «យុវជន២១ (Youth21)» ឆ្នាំ២០២៦ ដែលប្រព្រឹត្តទៅរយៈពេល ២ថ្ងៃ ចាប់ពីថ្ងៃទី១៩ ដល់ថ្ងៃទី២០ ខែឧសភា ឆ្នាំ២០២៦ នៅវិទ្យាស្ថានបច្ចេកវិទ្យាកម្ពុជា ដោយមានការចូលរួមពីថ្នាក់ដឹកនាំក្រសួងអប់រំ យុវជន និងកីឡា អគ្គនាយកដ្ឋានយុវជន នាយកដ្ឋានពាក់ព័ន្ធ តំណាងគ្រឹះស្ថានឧត្តមសិក្សា និងបេក្ខនិស្សិតសរុបប្រមាណ ៥០០នាក់។

នាឱកាសនោះ ឯកឧត្តម សេរី ជំនះ បានសម្តែងនូវក្តីសោមនស្សរីករាយចំពោះការចូលរួមជាអធិបតី និងបានមានប្រសាសន៍ថា កម្មវិធីយុវជន២១ មិនត្រឹមតែជាវេទិកាប្រកួតប្រជែងប៉ុណ្ណោះទេ ប៉ុន្តែជាវេទិកាសិក្សា និងបណ្តុះបណ្តាលសំខាន់មួយ សម្រាប់អភិវឌ្ឍជំនាញសតវត្សរ៍ទី២១ និងជំរុញឱ្យយុវជនបម្លែងគំនិតច្នៃប្រឌិតទៅជាសកម្មភាពជាក់ស្តែង ដើម្បីរួមចំណែកអភិវឌ្ឍសង្គម និងសេដ្ឋកិច្ចជាតិ។

ជាមួយគ្នានេះ ឯកឧត្តមបានអំពាវនាវឱ្យយុវជនទាំងអស់ប្រើប្រាស់ឱកាសដ៏មានតម្លៃនេះ ដើម្បីបង្ហាញសមត្ថភាព ការងារជាក្រុម និងការចែករំលែកបទពិសោធន៍ពីគ្នាទៅវិញទៅមក។ ឯកឧត្តមបានបញ្ជាក់ថា «ភាពជោគជ័យរបស់យុវជនកើតចេញពីការខិតខំប្រឹងប្រែងដោយខ្លួនឯង មិនអាចវាស់ត្រឹមលទ្ធផលប្រកួតតែមួយមុខបានឡើយ»។ យុវជនត្រូវបន្តអភិវឌ្ឍគំនិតច្នៃប្រឌិត និងសមត្ថភាពផ្ទាល់ខ្លួនឱ្យកាន់តែរីកចម្រើន។ ឯកឧត្តមបានបន្តថា យុវជនត្រូវចាប់ផ្តើមពីតូចនៅថ្ងៃនេះ ដែលអាចនឹងក្លាយជាការផ្លាស់ប្តូរដ៏ធំនៅក្នុងសង្គមនាពេលអនាគត។ យុវជន២១ មិនមែនគ្រាន់តែជាអ្នកប្រើប្រាស់បច្ចេកវិទ្យានោះទេ តែជាអ្នកដែលអាចបង្កើត ឬបញ្ជាបច្ចេកវិទ្យាដើម្បីដោះស្រាយបញ្ហាសង្គម។

គូសបញ្ជាក់ថា កម្មវិធីយុវជន២១ ឆ្នាំ២០២៦ មានគ្រូដឹកនាំ និងបេក្ខនិស្សិតចំនួន ២៦ក្រុម (១៨២នាក់) មកពីគ្រឹះស្ថានឧត្តមសិក្សារដ្ឋ និងឯកជនចូលរួម ដូចខាងក្រោម៖
- សាកលវិទ្យាល័យពុទ្ធិសាស្រ្ត
-សាកលវិទ្យាល័យមេគង្គកម្ពុជា
-សាកលវិទ្យាល័យជាតិគ្រប់គ្រង
-វិទ្យាស្ថានបច្ចេកវិទ្យាកម្ពុជា(តិចណូ)
-សាកលវិទ្យាល័យបញ្ញាសាស្រ្តកម្ពុជា
-សាកលវិទ្យាល័យអន្តរជាតិឌូវី
-សាកលវិទ្យាល័យវ៉ាន់ដា
-សាកលវិទ្យាល័យអាស៊ីអឺរ៉ុប
-វិទ្យាស្ថានវិទ្យាសាស្រ្តសុខាភិបាល ខ.ភ.ម
-សាកលវិទ្យាល័យក្រចេះ
-សាកលវិទ្យាល័យហេងសំរិនត្បូងឃ្មុំ
-សាកលវិទ្យាល័យភ្នំពេញអន្តរជាតិ
-សាកលវិទ្យាល័យភូមិន្ទភ្នំពេញ
-បណ្ឌិត្យសភាបច្ចេកវិទ្យាឌីជីថលកម្ពុជា
-សាកលវិទ្យាល័យជាតិបាត់ដំបង
-សាកលវិទ្យាល័យធនធានមនុស្ស
-សាកលវិទ្យាល័យអន្តរជាតិ
-វិទ្យាស្ថានបច្ចេកវិទ្យាកំពង់ស្ពឺ
-សាកលវិទ្យាល័យកម្ពុជា
-សាកវិទ្យាល័យអង្គរ
-សាកលវិទ្យាល័យភូមិន្ទកសិកម្ម(ចំការដូង)
-សាកលវិទ្យាល័យស្វាយរៀង
-សាកលវិទ្យាល័យប៊ែលធីអន្តរជាតិ
-សាកលវិទ្យាល័យបៀលប្រាយ(ភ្នំពេញ)
-វិទ្យាស្ថានកសិកម្មព្រែកលៀប
-សាកលវិទ្យាល័យជាតិមានជ័យ។

កម្មវិធី “យុវជន២១” រៀបចំឡើងក្នុងគោលបំណងបណ្តុះបណ្តាល និងលើកកម្ពស់សមត្ថភាពយុវជនឱ្យមានចំណេះដឹងអំពីអាជីវកម្មឌីជីថល និងការច្នៃប្រឌិតក្នុងការបង្កើតគំនិតអាជីវកម្មសមស្របនឹងបរិបទសម័យថ្មី។ តាមរយៈកម្មវិធីនេះ បេក្ខនិស្សិតនឹងទទួលបានជំនាញក្នុងការរៀបចំផែនការអាជីវកម្មបែបឌីជីថល ការគ្រប់គ្រងហិរញ្ញវត្ថុ និងការប្រើប្រាស់បច្ចេកវិទ្យាដើម្បីដោះស្រាយបញ្ហាសង្គម និងជំរុញការអភិវឌ្ឍប្រកបដោយចីរភាព៕

១៩ ឧសភា ២០២៦ | រាជធានីភ្នំពេញ

#យវជន២១

«កម្មវិធីយុវជន២១-YOUTH21 » វគ្គជម្រុះយក១០ក្រុម

សកម្មភាពរៀបចំទីតាំងកម្មវិធីរបស់ក្រុមការងារ និងការហាត់សមរបស់ក្រុមបេក្ខនិសិ្សតទាំង ២៦សាកលវិទ្យាល័យ/វិទ្យាស្ថានសម្រាប់កម្មវិធីនាថ្ងៃស្អែក។

🤔 តើក្រុមបេក្ខនិស្សិតមកពីសាកលវិទ្យាល័យ/វិទ្យាស្ថានណាខ្លះ ដែលនឹងឈានទៅកាន់វគ្គបន្ទាប់?

សូមជូនពរបេក្ខជនគ្រប់រូប ជោគជ័យ និងសំណាងល្អគ្រប់ៗក្រុមទាំងអស់🙏🥰

កាលបរិច្ឆេទ៖
ថ្ងៃទី១៩-២០ ខែឧសភា ឆ្នាំ២០២៦

📍 ទីតាំងកម្មវិធី៖
វិទ្យាស្ថានបច្ចេកវិទ្យាកម្ពុជា (ITC / សាលាតិចណូ)
សាលសន្និសីទ I (សាលតូច)

#យុវជន២១ #វគ្គជម្រុះ១០ក្រុម

សូមណែនាំនូវសមាសភាព ក្រុមបេក្ខនិសិ្សតដែលមកពី សាកលវិទ្យាល័យចំនួន២៦ មកពីគ្រឹះស្ថានឧត្តមសិក្សារដ្ឋ និងឯកជន ដែលបានត្រៀមខ្លួនរួចជាស្រេចក្នុងការឡើងធ្វើបទបង្ហាញ គម្រោងអាជីវកម្មរបស់ខ្លួនក្នុងកម្មវិធីយុវជន២១(YOUTH21) ឆ្នាំ២០២៦ វគ្គជម្រុះយក១០ក្រុម។

កាលបរិច្ឆេទ៖
ថ្ងៃទី១៩-២០ ខែឧសភា ឆ្នាំ២០២៦

📍 ទីតាំងកម្មវិធី៖
វិទ្យាស្ថានបច្ចេកវិទ្យាកម្ពុជា (ITC / សាលាតិចណូ)
សាលសន្និសីទ I (សាលតូច)

#យុវជន២១ #វគ្គជម្រុះ១០ក្រុម

ត្រៀមខ្លួនរួចរាល់ហើយឬនៅ? 🔥

នៅសល់ត្រឹមតែ ០១ ថ្ងៃទៀតប៉ុណ្ណោះ មហាព្រឹត្តិការណ៍ដែលពោរពេញដោយថាមពលយុវវ័យ និងគំនិតច្នៃប្រឌិត កំពុងខិតជិតមកដល់ហើយ! បេក្ខជនទាំងអស់នឹងឡើងលើវេទិកា ដើម្បីបង្ហាញសមត្ថភាព ភាពក្លាហាន និងគំនិតអាជីវកម្មដ៏អស្ចារ្យរបស់ខ្លួន ក្នុងកម្មវិធី «យុវជន២១ YOUTH21»។ ✨

តើក្រុមណានឹងបង្ហាញសមត្ថភាព និងអាចយកពិន្ទុពីគណៈកម្មការ? ចាំអ៊ុតទាំងអស់គ្នា! 👀

🗓 កាលបរិច្ឆេទ
ថ្ងៃទី ១៩-២០ ខែឧសភា ឆ្នាំ២០២៦

📍 ទីតាំងកម្មវិធី៖
វិទ្យាស្ថានបច្ចេកវិទ្យាកម្ពុជា (ITC / សាលាតិចណូ)
សាលសន្និសីទ I (សាលតូច)
📌 ទីតាំង៖ https://maps.app.goo.gl/yFF2N9Vau1mHVnkMA

#យុវជន២១ #វគ្គជម្រុះ១០ក្រុម