Heart Of Business

បើមិនស្គាល់របស់ណាជារបស់សៀម មើលតាមរូបនេះទៅស្រួលមើលទេ ព្រោះវានៅពេញទីផ្សារ

ស្រូវស្រង៉ែស្រាល ឫស្សីក្រាំង មោងឫស្សី ឈ្មួញវៀតណាមទិញ 910៛/kg

រឿងគួរប្រយ័ត្ន ពេលចេញរកស៊ីដំបូងៗ 😍👇🏻

1. កុំរកស៊ីចាប់ឆាយ៖ ពេលចេញរកស៊ីដំបូង ត្រូវផ្តោតឱ្យខ្លាំង កុំរករបរមួយមិនទាន់ដើរស្រួលផង រត់ទៅចូលហ៊ុនជាមួយគេ ឬចាប់ផ្តើមរបរថ្មីមួយទៀត ទាំងដែលធនធាន ពេលវេលា និងលុយកាក់របស់ខ្លួននៅមានកម្រិត។ ត្រូវចាំថា រកស៊ីរបរមួយឱ្យរឹងមាំសិន ចាំគិតបង្កើតរបរថ្មីទៀត។

2.កុំរកស៊ីកប់ដើម៖ អ្នករកស៊ីពូកែត្រូវស្គាល់អីវ៉ាន់ណា ដែលមានទីផ្សារ អីវ៉ាន់ណាលក់ដាច់ កុំទិញអីវ៉ាន់គ្រប់មុខចូលច្រើន ទាំងដែលការលក់នៅមានកម្រិត។

3. កុំរកស៊ីជាប់ជំពាក់៖ ចេញរកស៊ីដំបូង ត្រូវប្រកាន់យកគោលការណ៍លក់មិនឱ្យគេជំពាក់។ ត្រូវចាំថា ការមិនឱ្យគេជំពាក់ គេខឹងត្រឹមមួយគ្រាទេ តែបើឱ្យគេជំពាក់ហើយ ទៅទារ គេនឹងខឹងមួយជីវិត។

4. កុំរកស៊ី ស៊ីគ្រាប់ពូជ៖ លក់ដូរបានចំណេញត្រូវទុកលុយពង្រីកអាជីវកម្មបន្ថែម និងត្រៀមលុយបម្រុងទុកសម្រាប់ខាតខ្លះ។ ត្រូវចាំថា ប្រាក់ចំណេញ គឺជាប្រាក់សម្រាប់ខាត ហើយការហ៊ឺហាមិនធ្វើឱ្យយើងមានបានទេ។

5. រកស៊ីកុំចង់ពង្រីកលឿនពេក៖ ការមានសាខាច្រើន គឺជារឿងល្អ ប៉ុន្តែបើអ្នកមិនទាន់មានការគ្រប់គ្រងដែលរឹងមាំទេ ការពង្រីកកាន់តែច្រើន គឺនាំបញ្ហាឱ្យខ្លួនឯងកាន់តែច្រើន។ ត្រូវចាំថា ស៊ូពង្រីកយឺត ល្អជាងបិទទៅវិញលឿន។

6. កុំឈប់ធ្វើទីផ្សារ៖ ការធ្វើទីផ្សារ មិនមែនជាកិច្ចការដែលធ្វើតែម្តងចប់នោះទេ ពេលដែលចេញរកស៊ីហើយ អ្នកត្រូវបន្តធ្វើទីផ្សារជាប្រចាំ ទើបអតិថិជនមិនភ្លេចមុខអ្នក។

ចំណុចខាងលើនេះ ដកស្រង់ចេញពីផ្នែកតូចមួយរបស់សៀវភៅដោះខាត! សម្រាប់លោកអ្នកដែលចង់ស្វែងយល់បន្ថែមពីការធ្វើអាជីវកម្ម ជាពិសេសពីគ្រប់គ្រង់អាជីវកម្មឲ្យរឹងមាំ យុទ្ធសាស្រ្តពង្រីក ការចាត់ចែងហិរញ្ញវត្ថុ និងការធ្វេីទីផ្សារបង្កេីនការលក់ បងប្អូនអាចទិញសៀវភៅ ដោះខាត យកទៅអានបាន។ សៀវភៅ១ក្បាលនេះ នឹងជួយបង្ហាញផ្លូវបងប្អូន នៅក្នុងការរកស៊ីឱ្យកាន់តែរីកចម្រើន ចៀសផុតពីការរកស៊ីខាត។

Heart Of Business

#តំបន់កសិទេសចរណ៍មរតកធម្មជាតិ