Duraseksa ទូរសិក្សា

តើអ្នកធ្លាប់មានអារម្មណ៍ថា អង្គុយមុខសៀវភៅរាប់ម៉ោង អានចុះអានឡើង តែបែរជាមិនចាំ ឬមិនយល់ខ្លឹមសារមេរៀនដែរឬទេ? មនុស្សភាគច្រើនយល់ច្រឡំថា ការរៀនពូកែអាស្រ័យលើ "បរិមាណពេលវេលា" ដែលយើងចំណាយ។ ប៉ុន្តែតាមពិតទៅ ចិត្តសាស្ត្រនៃការរៀនសូត្របានបង្ហាញថា "បច្ចេកទេស" គឺសំខាន់ជាង "ពេលវេលា"។ ក្នុងចំណោមយុទ្ធសាស្រ្តមាសទាំង ៤ ចំណុច យើងលើកយកយុទ្ធសាស្រ្តវិធីសាស្ត្របង្រៀនអ្នកដទៃបន្ត ( The Feynman Technique) : គឺជាបច្ចេកទេសដ៏មានឥទ្ធិពលបំផុតមួយក្នុងចិត្តសាស្ត្ររនៃការរៀនសូត្រ។ តាមទស្សនៈរបស់លោក Richard Feynman (រូបវិទ្យាវិទូម្ចាស់រង្វាន់ Nobel) លោកជឿថា "ភាពឆ្លាតវៃពិតប្រាកដ គឺសមត្ថភាពក្នុងការបកស្រាយរឿងដែលស្មុគស្មាញ ឱ្យទៅជារឿងសាមញ្ញបំផុត"។
• រកឃើញ "ចន្លោះប្រហោង" នៃការយល់ដឹង (Identifying Knowledge Gaps): នៅពេលអ្នកព្យាយាមពន្យល់គេ អ្នកនឹងដឹងភ្លាមថាចំណុចណាដែលអ្នកនិយាយទៅ "ទាក់" ឬ "រដិបរដុប"។ ត្រង់ចំណុចដែលទាក់នោះហើយ គឺជាកន្លែងដែលអ្នកមិនទាន់យល់ច្បាស់ ហើយត្រូវត្រឡប់ទៅអានសៀវភៅឡើងវិញ។
• ការរៀបចំរចនាសម្ព័ន្ធគំនិត (Active Organizing): ដើម្បីបង្រៀនគេបាន ខួរក្បាលរបស់អ្នកត្រូវរៀបចំទិន្នន័យឱ្យមានលំដាប់លំដោយ។ ដំណើរការនេះជួយឱ្យការចងចាំដក់ជាប់បានយូរជាងការគ្រាន់តែអានធម្មតា។
• ការប្រើប្រាស់ភាសាសាមញ្ញ (Simplification): ការប្រើពាក្យបច្ចេកទេសពិបាកៗ ជួនកាលគ្រាន់តែជាការ "បិទបាំង" ភាពមិនយល់ច្បាស់របស់យើងប៉ុណ្ណោះ។ ប៉ុន្តែនៅពេលអ្នកអាចប្រើប្រាស់ "ពាក្យសាមញ្ញ" ឬ "ការប្រៀបធៀប" (Analogy) បាន នោះមានន័យថាអ្នកបានរំលាយមេរៀននោះមកជារបស់ខ្លួនឯងហើយ។
ការរៀនឱ្យពូកែ មិនមែនជាការធ្វើទារុណកម្មខ្លួនឯងនោះទេ តែវាគឺជាសិល្បៈនៃការគ្រប់គ្រងខ្លួនឯង និងពេលវេលា។ ចាប់ផ្ដើមអនុវត្តតិចនិកទាំងនេះពីថ្ងៃនេះទៅ អ្នកនឹងឃើញពីការផ្លាស់ប្តូរដ៏អស្ចារ្យ!

📎ចូលរួមជាមួយយើងដើម្បីទទួលបានព័ត៌មានសិក្សា និងមាតិកាថ្មីៗ៖
https://www.hopp.bio/duraseksa

“អក្ខរា” ជាកម្មវិធីទូរស័ព្ទបច្ចេកវិទ្យាអប់រំដំបូងបំផុត ដែលប្រើប្រាស់បញ្ញាសិប្បនិម្មិត ដើម្បីគាំទ្រដល់សមត្ថភាពអំណានជាខេមរភាសា ជាពិសេសចំពោះសិស្សនៅកម្រិតមធ្យមសិក្សា ដែលមានបញ្ហាផ្នែកអំណាន។

មុខងារ០១l កម្រិតភាពលំបាកនៃអត្ថបទ
អត្ថបទអំណានតាមកម្រិតថ្នាក់ ដកស្រង់ពីសៀវភៅមុខវិជ្ជាភាសាខ្មែរ សម្រាប់ហ្វឹកហាត់ការអាន។

សិស្សានុសិស្សទាំងអស់អាចចូលទៅកាន់គេហទំព័រ www.duraseksa.gov.kh រួចចុចយកពាក្យ “អក្ខរា” ដើម្បីទាញយកកម្មវិធីទូរស័ព្ទដៃដែលប្រើប្រាស់បញ្ញាសិប្បនិម្មិតក្នុងការលើកកម្ពស់សមត្ថភាពអំណានដែលមានចាប់ពីកម្រិតថ្នាក់ទី៧ដល់ថ្នាក់ទី១២។
ចង់ដឹងកាន់តែច្បាស់ ថាមានអ្វីពិសេសខ្លះនៅក្នុងកម្មវិធីទូរស័ព្ទដៃមួយនេះ?
ចុចទីនេះដើម្បីទាញយកកម្មវិធី៖ https://onelink.to/3rmu66

📎ចូលរួមជាមួយយើងដើម្បីទទួលបានព័ត៌មានសិក្សា និងមាតិកាថ្មីៗ៖
https://www.hopp.bio/duraseksa

ការបង្រៀនផ្សាយបន្តផ្ទាល់ ថ្នាក់រៀនបំប៉ន Live Teaching

សកម្មភាពប្អូនៗសិស្សានុសិស្សចូលរួមសិក្សាថ្នាក់បំប៉នសមត្ថភាពត្រៀមប្រលងបាក់ឌុប Live Teaching ដោយឥតគិតថ្លៃនៅតាមបណ្តាវិទ្យាល័យបណ្តាញ រៀងរាល់ថ្ងៃអាទិត្យចាប់ពីម៉ោង ៧ ព្រឹក ដល់ម៉ោង ៥ ល្ងាច។

សូមបញ្ជាក់ផងដែរថា ការផ្សាយផ្ទាល់វគ្គបំប៉នសមត្ថភាពត្រៀមប្រឡងបាក់ឌុប Live Teaching ប្អូនៗអាចសិក្សាដោយឥតគិតថ្លៃ ជាមួយសាស្រ្តាចារ្យល្បីៗនៃសាកលវិទ្យាល័យភូមិន្ទភ្នំពេញ និងលោកគ្រូ អ្នកគ្រូ នៃវិទ្យាល័ព្រះស៊ីសុវត្ថិសាលារៀនជំនាន់ថ្មី ដោយផ្ទាល់នៅវិទ្យាល័យឥន្ទ្រទេវី និងសិក្សាជាក្រុមតាមរយៈការផ្សាយផ្ទាល់នៅវិទ្យាល័យបណ្តាញសរុបចំនួន​៦៩​ ហើយថ្មីៗនេះ​ យើងបានពង្រីកសាលាបណ្តាញចំនួន៩​ទៀត ដែលស្ថិតនៅក្នុងខេត្តឧត្តរមានជ័យ សរុប៧៨ វិទ្យាល័យដែលរៀនជារៀងរាល់ថ្ងៃអាទិត្យចាប់ពីម៉ោង ៧ ព្រឹក រហូតដល់ម៉ោង ៥ល្ងាច។

📎ចូលរួមជាមួយយើងដើម្បីទទួលបានព័ត៌មានសិក្សា និងមាតិកាថ្មីៗ៖
https://www.hopp.bio/duraseksa

"កាលវិភាគលើមុខវិជ្ជាវិទ្យាសាស្ត្រពិត និងវិទ្យាសាស្រ្តសង្គម" សម្រាប់វគ្គសិក្សាបំប៉នសមត្ថភាពត្រៀមបាក់ឌុបដោយឥតគិតថ្លៃ

ចូលរួមសិក្សាដោយឥតគិតថ្លៃនៅវិទ្យាល័យឥន្ទ្រទេវីចាប់ពីម៉ោង ៧ ព្រឹក រហូតដល់ម៉ោង ៥ រសៀល។
ការផ្សាយផ្ទាល់វគ្គបំប៉នសមត្ថភាពត្រៀមបាក់ឌុប Live Teaching ដែលប្អូនៗសិក្សាដោយឥតគិតថ្លៃ និងសិក្សាផ្ទាល់ជាមួយលោកគ្រូនៅវិទ្យាល័យឥន្ទ្រទេវី និងសិក្សាជាក្រុមតាមរយៈការផ្សាយផ្ទាល់នៅវិទ្យាល័យគោលដៅទាំង 69 វិទ្យាល័យ។

សូមប្អូនៗចូលក្នុងវេបសាយ www.duraseksa.gov.kh រួចចុចយកពាក្យ “ផ្សាយផ្ទាល់” ដើម្បីចូលសិក្សា ឬចុចលើ Link នេះ ៖
https://live-teaching.duraseksa.gov.kh
ប្អូនៗក៏អាច Download កម្មវិធី Duraseksa-ទូរសិក្សា ពី AppStore ឬ Play Store បាន និងប្រើប្រាស់ដោយឥតគិតថ្លៃ

ក្នុងឱកាសដ៏មហានក្ខត្តឬក្សនេះ សូមថ្វាយព្រះរាជសព្ទសាធុការពរបវរមហាប្រសើរនៃព្រះរាជពិធីបុណ្យចម្រើនព្រះជន្ម ព្រះករុណាព្រះបាទសម្ដេច ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជាជាទីសក្ការៈដ៏ខ្ពង់ខ្ពស់បំផុត គម្រប់ព្រះជន្ម ៧៣ យាងចូល ៧៤ ព្រះវស្សា

កម្មវិធីស្ដីពី៖ អនុស្សរណៈនៃការយោគយល់គ្នា រវាងសាកលវិទ្យាល័យជាតិមានជ័យ និងវិទ្យាល័យសាធារណៈ
បន្ទាយមានជ័យ៖ នាព្រឹកថ្ងៃទី១៣ ខែឧសភា ឆ្នាំ២០២៦ ឯកឧត្តមបណ្ឌិត សាន វឌ្ឍនា រដ្ឋលេខាធិការក្រសួងអប់រំ យុវជន និងកីឡា បានអញ្ជើញចូលរួម កម្មវិធីស្ដីពី អនុស្សរណៈនៃការយោគយល់គ្នា រវាងសាកលវិទ្យាល័យជាតិមានជ័យ និងវិទ្យាល័យសាធារណៈចំនួន៣០ នៅក្នុងខេត្តបន្ទាយមានជ័យ។

គួរបញ្ជាក់ផងដែរថា អនុស្សរណៈនៃការយោគយល់គ្នានេះ ជាជំហានដំបូងនៃការបង្កើន និងពង្រឹងកិច្ចសហប្រតិបត្តិការរវាងគ្រឹះស្ថានឧត្តមសិក្សា ជាមួយគ្រឹះស្ថានមធ្យមសិក្សារដ្ឋទាំង៣០ ក្នុងខេត្តបន្ទាយមានជ័យ ក្នុងគោលបំណងរួមចំណែកលើកកម្ពស់គុណភាពអប់រំ រួមចំណែកបង្កើនឱកាសសិក្សាបន្ត និងជំរុញការអភិវឌ្ឍមូលធនមនុស្សឆ្លើយតបបានទៅនឹងតម្រូវការនៃការអភិវឌ្ឍសេដ្ឋកិច្ច-សង្គម ពិសេសសម្រាប់ខេត្តបន្ទាយមានជ័យផ្ទាល់។

​ពិធីចុះហត្ថលេខាលើអនុស្សរណៈនៃការយោគយល់គ្នា រវាងសាកលវិទ្យាល័យជាតិមានជ័យ និងវិទ្យាល័យសាធារណៈចំនួន៣០ នៅក្នុងខេត្តបន្ទាយមានជ័យ បានប្រារព្ធឡើងនៅថ្ងៃពុធ ១២រោច ខែពិសាខ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៣ ខែឧសភា គ.ស.២០២៦ វេលាម៉ោង ៨និង៣០នាទី នៅសាកលវិទ្យាល័យជាតិមានជ័យ ដោយមានការចូលរួមដោយ ឯកឧត្តមបណ្ឌិត សាន វឌ្ឍនា រដ្ឋលេខាធិការក្រសួងអប់រំ យុវជន និងកីឡា និងជាប្រធានក្រុមប្រឹក្សាភិបាលសាកលវិទ្យាល័យជាតិមានជ័យ ឯកឧត្តមសាកលវិទ្យាធិការ លោកប្រធានមន្ទីរអប់រំ យុវជន និងកីឡា និងនាយក នាយិកាសាលារៀនគោលដៅ។

​គោលបំណងសំខាន់ៗនៃអនុស្សរណៈនេះ រួមមាន៖
១- គាំទ្រ និងជំរុញសិស្សានុសិស្សឱ្យបន្តការសិក្សានៅសាកលវិទ្យាល័យជាតិមានជ័យ
២- រៀបចំពិព័រណ៍មគ្គុទ្ទេសក៍អាជីព និងការទស្សនកិច្ចសិក្សា
៣- សហការស្វែងរក និងអនុវត្តគម្រោងអភិវឌ្ឍន៍នានា
៤- រៀបចំវគ្គបំប៉នមុខវិជ្ជាសំខាន់ៗសម្រាប់សិស្សត្រៀមប្រឡងសញ្ញាបត្រមធ្យមសិក្សាទុតិយភូមិ
៥- ជំរុញការគាំទ្រគ្នាទៅវិញទៅមក ពិសេសការប្រើប្រាស់ធនធានមួយចំនួន ហេដ្ឋារចនាសម្ព័ន្ធរូបវ័ន្តរបស់សាកលវិទ្យាល័យ និងសហការផ្តល់ឱកាសអាហារូបករណ៍ឱ្យកាន់តែទូលំទូលាយដល់សិស្សានុសិស្ស និងគ្រូបង្រៀន

​នាឱកាសនោះផងដែរ ឯកឧត្តមបណ្ឌិត សាន វឌ្ឍនា បានមានប្រសាសន៍ផ្តាំផ្ញើនិងជាអនុសាសន៍មួយចំនួន ឆ្លើយតបតាមសំណូពររបស់តំណាងនាយកវិទ្យាល័យទាំង៣០លើចំណុច ៖
រំលែកធនធានរូបវ័ន្តរបស់សាកលវិទ្យាល័យចំពោះសិស្សវិទ្យាល័យ។
ផ្ដល់ជូនសិស្សវិទ្យាល័យដើម្បីទស្សនៈកិច្ចសិក្សានិងឈ្វេងយល់ពីជំនាញសម្រាប់នៅសាកលវិទ្យាល័យក្នុង១ឆ្នាំ ឱ្យបាន២ដង។
ជួយផ្ដល់បច្ចេកទេសក្នុងការជួយបង្រៀនជំនាញកុំព្យូទ័រនិងភាសាបរទេសដល់សិស្សានុសិស្ស៕

១៣ ឧសភា ២០២៦

📎ចូលរួមជាមួយយើងដើម្បីទទួលបានព័ត៌មានសិក្សា និងមាតិកាថ្មីៗ៖
https://www.hopp.bio/duraseksa

ពិធីប្រកាសដាក់ឱ្យប្រើប្រាស់ជាផ្លូវការ កម្មវិធីផ្សាយផ្ទាល់ការបង្រៀនបំប៉ន Live Teaching ឆ្នាំ២០២៦

រាជធានីភ្នំពេញ៖ នាព្រឹកថ្ងៃទី១០ ខែឧសភា ឆ្នាំ២០២៦ ឯកឧត្តមបណ្ឌិត សាន វឌ្ឍនា បានអញ្ជើញចូលរួមពិធីប្រកាសដាក់ឱ្យប្រើប្រាស់ជាផ្លូវការ កម្មវិធីផ្សាយផ្ទាល់ការបង្រៀនបំប៉ន Live Teaching ឆ្នាំ២០២៦ នៅវិទ្យាល័យឥន្ទ្រទេវី ក្រោមអធិបតីយភាពដ៏ខ្ពង់ខ្ពស់ ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡានិងមានការចូលរួមពីសំណាក់ ឯកឧត្តម លោកជំទាវ ថ្នាក់ដឹកនាំក្រសួងអប់រំ យុវជន និងកីឡា និងស្ថាប័នពាក់ព័ន្ធ លោក លោកស្រី ប្រធានមន្ទីរអប់រំ យុវជន និងកីឡា ២៥រាជធានី-ខេត្ត នាយក នាយិកា និងលោកគ្រូ អ្នកគ្រូនៃសាលារៀនគោលដៅ។

គួរបញ្ជាក់ផងដែរថា ដើម្បីឱ្យការកែលម្អសាលារៀន និងប្រព័ន្ធអប់រំជារួមទទួលបានជោគជ័យ គឺចាំបាច់ត្រូវផ្ដោតលើការរួមផ្សំនៃកត្តាសំខាន់ៗចំនួន ៥ រួមមាន៖ ការចូលរួមគាំទ្រពីរាជរដ្ឋាភិបាល ហេដ្ឋារចនាសម្ព័ន្ធល្អ ភាពជាអ្នកដឹកនាំរបស់នាយកសាលា សមត្ថភាពវិជ្ជាជីវៈរបស់គ្រូបង្រៀន និងការខិតខំប្រឹងប្រែងរបស់សិស្សានុសិស្ស។

១០ ឧសភា ២០២៦ | រាជធានីភ្នំពេញ

📎ចូលរួមជាមួយយើងដើម្បីទទួលបានព័ត៌មានសិក្សា និងមាតិកាថ្មីៗ៖
https://www.hopp.bio/duraseksa