កំសាន្ត និង ការអប់រំ

12/01/2021

#ហ៊ូកុមលួចស្ដាប់អ្នកដទៃនិយាយគ្នា
******************************
រ៉ស៊ូលុលឡោះﷺមានប្រសាសន៍ថា ៖ « បុគ្គលណាស្តាប់ក្រុមមួយនិយាយគ្នា ខណៈដែលពួកគេមិនពេញចិត្តចំពោះគាត់ ឬពួកគេរត់គេចចេញពីគាត់ នៅថ្ងៃបរលោកគេនឹងចាក់ទឹកសំណបញ្ចូលក្នុងត្រចៀករបស់គាត់ » ។
قال رسول الله ﷺ : « ومن استمع إلى حديث قوم وهم له كارهون ، أو يفرون مئه ، صب في أذنه الأنك يوم القيامة » . رواه البخاري (٧٠٤٢)

ការស្តាប់អ្នកដទៃជជែកគ្នាមានច្រើនករណី ៖

១-ប្រសិនបើគេដឹងគេមិនពេញចិត្ត ការស្តាប់គឺត្រូវបានហាមឃាត់នៅក្នុងសាសនាឥស្លាម លើកលែងតែមានតំរូវការចាំបាច់ ដូចជា ស្ដាប់មុខសញ្ញាជាជនល្មើសជជែកគ្នាដើម្បីប្រមូលភស្តុតាង ។ល។

២-ប្រសិនបើគេដឹងគេមិនអាក់អន់ចិត្ត ការស្តាប់គឺមិនបញ្ហាទេនៅក្នុងសាសនាឥស្លាម ។

11/01/2021

#បើបានជាសឡាតហើយធ្វើយ៉ាងណាប្រតិបត្តិវាឲ្យបានត្រឹមត្រូវ កុំធ្វើវាឲ្យរួចតែពីដៃ ព្រោះមានអ្នកខ្លះសឡាតមួយជីវិតតែពេលគេតបស្នង គាត់មិនទទួលផលពីវាសូម្បីតែមួយពេលសឡាត ។

ហើយចុះទម្រាំតែអ្នកដែលមិនសឡាតទៀត តើយ៉ាងណាទៅវិញ?

រ៉ស៊ូលុលឡោះﷺមានប្រសាសន៍ថា ៖ « ពិតប្រាកដណាស់ អ្នកខ្លះសឡាតរយៈពេល៦០ឆ្នាំ ហើយគេមិនទទួលយកសឡាតរបស់គាត់សូម្បីតែមួយពេល ពីព្រោះជួនកាលរូកួករបស់គាត់ត្រឹមត្រូវ ប៉ុន្តែស៊ូជូទរបស់គាត់មិនត្រឹមត្រូវ ហើយជួនកាលស៊ូជូទរបស់គាត់ត្រឹមត្រូវ ប៉ុន្តែរូកួករបស់គាត់មិនត្រឹមត្រូវ » ។

عن أبي هريرة ر ضي اللّٰه عنه : قال رسول الله ﷺ : إن الرجل ليصلي ستين سنة وما تقبل له صلاة ، لعله يتم الركوع ، ولا يتم السجود ، ويتم السجود ولا يتم الركوع . الألباني صحيح الترغيب 529

*_មានន័យថា អ្នកខ្លះសឡាតដោយគ្មានភាពនឹងនរក្នុងរូកួក និងស៊ូជូទ វាជាមូលហេតុនាំឲ្យសឡាតរបស់គាត់ត្រូវបានអល់ឡោះបដិសេធមិនទទួលយក ។

អ៊ូឡាម៉ាបានបកស្រាយហាទីសខាងលើនេះថា ៖ អ្នកត្រូវផ្តល់ពេលវេលាឲ្យបានសមរម្យ និងស្មើៗគ្នាចំពោះរាល់រ៉កុនទាំងអស់នៃសឡាត តួយ៉ាង ដូចជា ពេលឱនរ៉ូកួក ឬពេលក្រាបស៊ូជូទជាដើម គឺត្រូវផ្តល់ពេលវេលាសំរាប់រ៉កុននីមួយៗឲ្យបានត្រឹមត្រូវពេញលក្ខណៈ និងមិនត្រូវសឡាតងើបចុះឡើងលឿនដូចជា សត្វចាបកំពុងចឹកយកម្ហូបនោះទេ ពីព្រោះ រ៉ស៊ូលុលឡោះបានហាមការសឡាតលឿនបែបនេះ ដូចមានក្នុងហាទីសមូស្លីម អំពី អាណាស់ លេខ៦២២ ។

قال رسول الله صلى الله عليه وسلم : أسوأ الناس سرقة الذي يسرق من صلاته لا يتم ركوعها ولا سجودها ولا خشوعها . صححه الألباني
រ៉ស៊ូលុលឡោះﷺមានប្រសាសន៍ថា ៖ « ចោរអាក្រក់បំផុតនោះគឺ អ្នកដែលលួចសឡាតខ្លួនឯង គឺគេមិនបានបំពេញឲ្យគ្រប់លក្ខណ:នូវការឱនរូកួក ក្រាបស៊ូជូត ឬមានភាពនឹងនរនៅក្នុងសឡាតនោះទេ » ។ (ត្រឹមត្រូវដោយ អាល់ហ្ពានី)

ហើយមូលហេតុដែលនាំឲ្យអ្នកមិនទទួលបានផលពីការសឡាតនោះផងដែរ មានដូចជា ៖
- សឡាតដែលមិនបានយកវូឌុត្រឹមត្រូវ ។
- សឡាតដែលគ្មានលំនឹងក្នុងរូកួកនិងស៊ូជូទ ។ល។
- សឡាតដែលគ្មានការតាំងចិត្ត ។
- សឡាតដែលគ្មានការយកចិត្តទុកដាក់ និងផ្សេងៗទៀត ។

10/01/2021

10/01/2021

10/01/2021

ផេកនេះគឺផ្ដោតលើការអប់រំ
សូមជួយចុចឡាច និង Follow ផង🙏🙏