Politico 360

Directions

Politico 360 Politico 360 is a platform to share aspect and knowledge on Cambodia economy and political environment.

21/09/2026

ផ្សែងហុយៗ​យ៉ាង​ខ្លាំង​ ត្រូវ​បាន​​មើល​ឃើញ​នៅ​ជិត​អាកាសយានដ្ឋាន​សំខាន់​របស់​ទីក្រុង​ Riyadh ក្រោយពី​បាន​ឮ​សំឡេង​ផ្ទុះ។

អារ៉ាប៊ីសាអូឌីត​ បាន​ជូន​ដំណឹង​អំពី​គ្រោះថ្នាក់​ ដែល​អាច​កើត​មាន​នៅ​ជុំវិញ​រដ្ឋធានី ខណៈ​ការ​វាយ​ប្រហារ​កាន់តែ​ខ្លាំង​ឡើង​ ដោយ​ក្រុម​ហ៊ូធី​របស់​យេម៉ែន។ CGTN EU


Ep35 ÷ហេតុអ្វីការប្រើប្រាស់បណ្ណសម្គាល់ខ្លួនជានគរបាល ឬយោធា ដោយគ្មានការអនុញ្ញាត អាចប្រឈមទោសធ្ងន់ធ្ងរ?ជារឿយៗនៅក្នុងបណ្ដាញសង...
21/09/2026

Ep35 ÷ហេតុអ្វីការប្រើប្រាស់បណ្ណសម្គាល់ខ្លួនជានគរបាល ឬយោធា ដោយគ្មានការអនុញ្ញាត អាចប្រឈមទោសធ្ងន់ធ្ងរ?

ជារឿយៗនៅក្នុងបណ្ដាញសង្គមធ្លាប់មានករណីមួយចំនួនពាក់ព័ន្ធជាមួយនឹង ដែលបុគ្គលម្នាក់ មិនមែនជាមន្ត្រី ឬភ្នាក់ងារមានសមត្ថកិច្ច (ដូចជា នគរបាល មន្ត្រីរាជការ ឬអាជ្ញាធរសាធារណៈ) ប៉ុន្តែបានយក ប័ណ្ណសម្គាល់ខ្លួន ឬប័ណ្ណបញ្ជាក់តួនាទី ដែលចេញដោយអាជ្ញាធរសាធារណៈ មកពាក់ជាប់ខ្លួន ឬប្រើប្រាស់ជាលក្ខណៈបុគ្គល ដោយគ្មានសិទ្ធិ ឬគ្មានការអនុញ្ញាតបុគ្គលដែលបានប្រើប្រាស់ប័ណ្ណខាងលើអាចប្រឈមនឹងទោសទណ្ឌយ៉ាងធ្ងន់ធ្ងរ !

✍️យោងតាមមាត្រា៦១៨ នៃក្រមព្រហ្មទណ្ឌ បទប្រើប្រាស់ដោយគ្មានសិទ្ធិនូវបណ្ណ បញ្ជាក់តួនាទីក្នុងវិជ្ជាជីវៈកំណត់ដោយអាជ្ញាធរសាធារណៈ អំពើប្រើប្រាស់ដោយគ្មានសិទ្ធិ នូវបណ្ណបញ្ជាក់តួនាទីក្នុងវិជ្ជាជីវៈ ណាមួយ ដែលកំណត់ដោយអាជ្ញាធរសាធារណៈ ត្រូវផ្តន្ទាទោស ដាក់ពន្ធនាគារពី ១ ខែ ទៅ ១ ឆ្នាំ និងពិន័យជាប្រាក់ពី ១០ ម៉ឺនរៀល ទៅ ២ លានរៀល។

ឧទាហរណ៍
ករណីទី ១ (ពាក់ប័ណ្ណនគរបាលក្លែងក្លាយ)៖
លោក ក ជាប្រជាពលរដ្ឋធម្មតា។ ដើម្បីបង្កើនភាពអស្ចារ្យ ឬចង់ឱ្យគេកោតខ្លាចពេលដើរហើរ គាត់បានទិញ ឬធ្វើប័ណ្ណសម្គាល់ខ្លួននគរបាលក្លែងក្លាយ រួចយកមកពាក់នៅក ឬបង្ហាញជាសាធារណៈ។ សកម្មភាពរបស់លោក ក ជាបទល្មើសព្រហ្មទណ្ឌ ហើយត្រូវប្រឈមមុខនឹងការចាប់ខ្លួន ពីបទល្មើសខាងលើ ។

ករណីទី ២ (ប្រើប័ណ្ណចាស់ ឬប័ណ្ណអ្នកដទៃ)៖
លោក ខ ធ្លាប់ជាមន្ត្រី ប៉ុន្តែត្រូវបានលុបឈ្មោះចេញពីក្របខ័ណ្ឌរួចហើយ។ គាត់នៅតែបន្តយកប័ណ្ណសម្គាល់ខ្លួនមន្ត្រីចាស់នោះមកពាក់ ឬបង្ហាញសមត្ថកិច្ចពេលមានរឿង ដើម្បីកុំឱ្យគេពិន័យ។ ដោយសារគាត់អស់សិទ្ធិប្រើប្រាស់ប័ណ្ណនោះហើយ ការយកមកប្រើប្រាស់ទៀតត្រូវចាត់ទុកជា «ការប្រើប្រាស់ដោយគ្មានសិទ្ធិ» ដែលត្រូវទទួលទោសតាមច្បាប់។
ការសិក្សាខាងលើនេះដើម្បីជាមូលដ្ឋានចំណេះដឹង សម្រាប់ការសិក្សាស្រាវជ្រាវផ្នែកច្បាប់តែប៉ុណ្ណោះ។ មិនមែនជាការបកស្រាយ ដើម្បីយកជាមូលដ្ឋាន ក្នុងការធ្វើការសម្រេចចិត្តនោះឡើយ។

#ច្បាប់ទម្លាប់ #

21/09/2026

ព័ត៌មានសំខាន់ៗប្រចាំសប្តាហ៍ទី៣ ខែកញ្ញា៖

១. សម្តេចតេជោ ហ៊ុន សែន បង្ហាញចំណាប់អារម្មណ៍ទៅលើអត្ថបទរបស់លោកសាស្រ្តាចារ្យ Surachart Bamrunsuk ក្រោមចំណងជើងថា ស្កប់ចិត្ត តែនៅមិនឈ្នះ! អានបន្ត

២. សម្តេចធិបតី ក្នុងពិធីសម្ពោធជាផ្លូវការ រោងចក្រផ្តុំ និងដំឡើងរថយន្ត របស់ក្រុមហ៊ុន ធីអេច អូតូម៉ូធីវ មេនូហ្វេកឆឺរីង ឯ.ក និងដាក់ឱ្យដំណើរការខ្សែសង្វាក់ផលិតកម្មម៉ាក GAC។ មើល

៣. សារពិសេសរបស់សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ស្តីពី «SDG Moment 2026» «ខណៈនៃគោលដៅអភិវឌ្ឍន៍ប្រកបដោយចីរភាព ឆ្នាំ ២០២៦»។ មើល

៤. លទ្ធផលនៃកិច្ចប្រជុំលើកដំបូងរបស់គណៈកម្មការផ្សះផ្សា នៃអនុសញ្ញាអង្គការសហប្រជាជាតិស្តីពីនីតិសមុទ្រ (UNCLOS) រវាងកម្ពុជា និងថៃ។ មើល

៥. សន្និសីទ ICCOS-2026 កម្ពុជាធ្វើម្ចាស់ផ្ទះ គឺជាការឆ្លុះបញ្ចាំងអំពីកិច្ចខិតខំប្រឹង​ប្រែង​របស់រាជរដ្ឋាភិបាលនៅក្នុងការប្រយុទ្ធប្រឆាំង Online Scams។ អានបន្ត

៦. ច្បាប់ទម្លាប់៖ ហេតុអ្វីការប្រើប្រាស់បណ្ណសម្គាល់ខ្លួនជានគរបាល ឬយោធា ដោយគ្មានការអនុញ្ញាត អាចប្រឈមទោសធ្ងន់ធ្ងរ? អានបន្ត

៧. អត្ថបទស្រាវជ្រាវ៖ មើលពីក្រោយខ្នងនៃកំណើនសេដ្ឋកិច្ចវៀតណាម៖ តើអ្វីទៅជាការរីកចម្រើនសេដ្ឋកិច្ចរាងអក្សរ K (K-Shaped Growth) របស់វៀតណាម? មើល

៨. អន្តរជាតិ៖ សង្គ្រាមជាមួយអ៊ីរ៉ង់ជិត ៧ខែ អាមេរិកចំណាយជាង ៤៥ពាន់លានដុល្លារ។ អានបន្ត

៩. អន្តរជាតិ៖ មេដឹកនាំ BRICS រួមគ្នាប្រឆាំងការបណ្តេញប្រជាជនហ្គាហ្សា និងជំរុញទប់ស្កាត់សង្គ្រាមអ៊ីរ៉ង់ រួមទាំងអ៊ុយក្រែន។ អានបន្ត

១០. អន្តរជាតិ៖ រុស្ស៊ី ព្រមាន ការពង្រាយអាវុធក្នុងគន្លងតារាវិថី អាចបង្កើនហានិភ័យផ្ទុះសង្គ្រាមក្នុងលំហអាកាស។ អានបន្ត

21/09/2026

លោក Trump បានចុះហត្ថលេខាលើសេចក្តីព្រាងច្បាប់មួយ ដែលកំណត់គោលដៅដៃគូពាណិជ្ជកម្មរបស់រុស្ស៊ី ជាមួយនឹងពន្ធគយរហូតដល់ 100%។

សេចក្តីព្រាងច្បាប់នេះ ក៏ដាក់ទណ្ឌកម្មលើអ្នកមានអំណាចរុស្ស៊ី, ស្ថាប័នហិរញ្ញវត្ថុ និងកងនាវាដែលហៅថា នាវាដឹកប្រេងស្រមោល របស់រុស្ស៊ីផងដែរ។

លោក Zelenskyy បានសាទរចំពោះសេចក្តីព្រាងច្បាប់នេះ ខណៈឥណ្ឌា និងចិន ដែលជាដៃគូពាណិជ្ជកម្មធំបំផុតរបស់រុស្ស៊ី បានព្រមានទីក្រុងវ៉ាស៊ីនតោន មិនឱ្យប្រើប្រាស់អំណាចបែបនេះ។ CGTN EU


20/09/2026

ខ្ញុំមានក្ដីសោមនស្សរីករាយដែលបានសម្ពោធដាក់ឱ្យប្រើប្រាស់ជាផ្លូវការ «មន្ទីរពេទ្យហ្លួងម៉ែ» ដែលជាមន្ទីរពេទ្យផ្តល់សេវាព្យាបាលជំងឺមហារីក ខណៈមន្ទីរពេទ្យនេះ គឺជាចក្ខុវិស័យដ៏វែងឆ្ងាយរបស់សម្ដេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្រ្ដី ដែលបច្ចុប្បន្នជាប្រធានព្រឹទ្ធសភាកម្ពុជា។

ប្រសាសន៍សំខាន់ៗ សម្តេចមធិបតី ហ៊ុន ម៉ាណែត អញ្ជើញជាអធិបតី “សម្ពោធបើកឱ្យប្រើប្រាស់ជាផ្លូវការ មន្ទីរពេទ្យ ហ្លួង ម៉ែ”។

រាជធានីភ្នំពេញ ១៦ កញ្ញា ២០២៦

#ហ៊ុនម៉ាណែត #កម្ពុជា #សន្តិភាពនៅកម្ពុជា

19/09/2026

សារពិសេសរបស់សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ស្តីពី «SDG Moment 2026» «ខណៈនៃគោលដៅអភិវឌ្ឍន៍ប្រកបដោយចីរភាព ឆ្នាំ ២០២៦»។

ថ្ងៃសុក្រ ទី១៨ ខែកញ្ញា ឆ្នាំ២០២៦

#ហ៊ុនម៉ាណែត #កម្ពុជា #សន្តិភាពនៅកម្ពុជា

19/09/2026

អត្ថបទស្រាវជ្រាវ៖ មើលពីក្រោយខ្នងនៃកំណើនសេដ្ឋកិច្ចវៀតណាម៖ តើអ្វីទៅជាការរីកចម្រើនសេដ្ឋកិច្ចរាងអក្សរ K (K-Shaped Growth) របស់វៀតណាម?

ប្រសិនបើយើងមើលត្រឹមតួលេខនៃផលិតផលក្នុងស្រុកសរុប (GDP) សេដ្ឋកិច្ចប្រទេសវៀតណាម កំពុងស្ទុះងើបឡើងយ៉ាងខ្លាំងគួរឱ្យកត់សម្គាល់។ ប៉ុន្តែប្រសិនបើយើងពិនិត្យមើលឱ្យស៊ីជម្រៅ ភាពរីកចម្រើននេះមិនបានហូរទៅដល់ដៃប្រជាជនគ្រប់គ្នានោះទេ។ កំណើននេះ ត្រូវបានអ្នកជំនាញហៅថា «កំណើនសេដ្ឋកិច្ចរាងអក្សរ K» (K-shaped Boom) ដែលបង្ហាញពីការបែងចែកសេដ្ឋកិច្ចជាពីរទិសដៅផ្ទុយគ្នាស្រឡះ។

ក្នុងបរិបទសេដ្ឋកិច្ច ការរីកចម្រើនសេដ្ឋកិច្ចរាងអក្សរ K (K-Shaped Boom) របស់វៀតណាម គឺជាកំណើនសេដ្ឋកិច្ចដែលបង្ហាញពីគម្លាតគ្នាយ៉ាងខ្លាំង រវាងវិស័យដែលទទួលបានផលចំណេញពីគោលនយោបាយនិងការវិនិយោគបរទេស ធៀបនឹងសហគ្រាសក្នុងស្រុក និងប្រជាជនទូទៅ។

គួរកត់សម្គាល់ថា បើទោះបីជាសេដ្ឋកិច្ចវៀតណាមទាំងមូលបង្ហាញតួលេខកំណើនយ៉ាងរឹងមាំ ដែលមានការកើនឡើងរហូតដល់ ៨.២% ក្នុងឆមាសទី១ នៃឆ្នាំ២០២៦ ក៏ដោយ ក៏ផលលាភនៃកំណើននេះមិនបានហូរចាក់ទៅដល់គ្រប់ស្រទាប់វណ្ណៈស្មើគ្នានោះទេ។

និន្នាការនៃសេដ្ឋកិច្ចរាងអក្សរ K របស់វៀតណាមត្រូវបានបែងចែកជាពីរផ្នែកសំខាន់ៗ៖

១. ខ្សែខាងលើនៃអក្សរ K (ក្រុមអ្នកចំណេញ / The Upper Arm) — ក្រុមហ៊ុនបរទេស និងក្រុមហ៊ុនធំៗដែលមានខ្នងបង្អែក៖

ផ្នែកដែលរីកចម្រើនខ្លាំងបំផុត គឺសំដៅលើវិស័យវិនិយោគផ្ទាល់ពីបរទេស (FDI) ជាពិសេសការផលិតឧបករណ៍បច្ចេកវិទ្យាខ្ពស់ (ដូចជាគ្រឿងអេឡិចត្រូនិក និងបន្ទះឈីប semiconductors) ដែលក្តោបក្តាប់ចំណែកធំនៃការនាំចេញ និងទទួលបានផលចំណេញខ្ពស់។

ក្រុមហ៊ុនបរទេសធំៗ និងសាជីវកម្មធំៗដែលជាទំនិញយុទ្ធសាស្ត្រជាតិ (National Champions) ដែលមានទំនាក់ទំនងជិតស្និទ្ធជាមួយរដ្ឋ ទទួលបានការអនុគ្រោះ និងការគាំទ្រពិសេសផ្នែកគោលនយោបាយ ទុន និងដីធ្លីពីរដ្ឋអំណាច ដើម្បីបន្តពង្រីកខ្លួន និងប្រមូលផ្តុំទុនយ៉ាងក្រាស់ក្រែល។

វិស័យនេះហើយដែលរុញឱ្យតួលេខ GDP និងការនាំចេញសរុបរបស់វៀតណាមមើលទៅល្អនៅលើក្រដាស។

២. ខ្សែខាងក្រោមនៃអក្សរ K (ក្រុមដែលជាប់គាំង និងជួបការលំបាក / The Lower Arm) — អាជីវកម្មក្នុងស្រុក និងប្រជាជនទូទៅ៖

ផ្នែកនេះតំណាងឱ្យសេដ្ឋកិច្ចពិតប្រាកដរបស់ប្រជាជនទូទៅ និងសហគ្រាសធុនតូច និងមធ្យម (SMEs) ក្នុងស្រុក ដែលកំពុងប្រឈមនឹងវិបត្តិយ៉ាងធ្ងន់ធ្ងរ។

បើទោះបីជា SMEs គ្របដណ្តប់រហូតដល់ ៩៨% នៃអាជីវកម្មសរុបនៅក្នុងប្រទេសក៏ដោយ ក៏ពួកគេទទួលបានឥណទានធនាគារត្រឹមតែប្រមាណ ២០% ប៉ុណ្ណោះ។

មូលហេតុចម្បង គឺដោយសារ ៩៣.៥% នៃកម្ចីនៅវៀតណាម តម្រូវឱ្យមានទ្រព្យបញ្ចាំជាដាច់ខាត ជាជាងការវាយតម្លៃលើលំហូរសាច់ប្រាក់ ឬសក្តានុពលអាជីវកម្ម។

កត្តានេះធ្វើឱ្យ SMEs ពិបាកទទួលបានកម្ចី ប្រឈមនឹងការប្រកួតប្រជែងខ្ពស់ និងការចំណាយប្រតិបត្តិការកើនឡើង។

ទន្ទឹមនឹងនេះ កំណើន GDP ខ្ពស់មិនបានរុញច្រានប្រាក់ចំណូលរបស់ពលរដ្ឋទូទៅឱ្យកើនឡើងស្របគ្នានោះទេ ដែលធ្វើឱ្យជីវភាពរស់នៅប្រចាំថ្ងៃរបស់ពួកគេនៅតែជួបសម្ពាធថវិកា។ កម្មករភាគច្រើនទទួលបានប្រាក់ឈ្នួលទាប ដោយសារវិស័យ FDI ភាគច្រើនផ្តោតលើការដំឡើងចុងក្រោយ (Low-wage assembly) ហើយការផ្ទេរបច្ចេកវិទ្យាមកឱ្យប្រជាជនក្នុងស្រុកនៅមានកម្រិតទាប ធ្វើឱ្យការអភិវឌ្ឍជំនាញ និងប្រាក់ខែមិនអាចងើបឡើងខ្ពស់បានឡើយ។

ផលវិបាក និងបញ្ហាប្រឈមជាយុទ្ធសាស្ត្រចម្បងទាំង ២៖

ទី១. គម្លាតរវាងតួលេខ និងតថភាពសង្គម (Linkage Gap)៖
មូលហេតុចម្បងមួយដែលធ្វើឱ្យប្រជាជន និងអាជីវកម្មក្នុងស្រុកមិនសូវបានផលពី FDI គឺដោយសារដំណើរការជាលក្ខណៈ «ដាច់ដោយឡែក»។ ក្រុមហ៊ុនបរទេសទាំងនោះ នាំចូលគ្រឿងបន្លាស់ពីខាងក្រៅ មកដំឡើងនៅក្នុងប្រទេសវៀតណាម រួចនាំចេញទៅវិញ ដោយទិញវត្ថុធាតុដើម ឬសេវាកម្មពីក្រុមហ៊ុនក្នុងស្រុកតិចតួចបំផុត។ ជាលទ្ធផល វៀតណាមទទួលបានតែតួលេខនាំចេញ ប៉ុន្តែមិនមានការផ្ទេរចំណេះដឹង ឬបច្ចេកវិទ្យាពិតប្រាកដដល់ក្រុមហ៊ុនក្នុងស្រុកឡើយ។

ទី២. ហានិភ័យនៃការជាប់គាំងក្នុងអន្ទាក់ប្រាក់ចំណូលមធ្យម (Middle-Income Trap)៖
ដរាបណាវិស័យ SMEs ក្នុងស្រុកនៅតែរងការគាបសង្កត់ និងមិនអាចពង្រឹងខ្សែច្រវាក់តម្លៃរបស់ខ្លួនបានទេ វៀតណាមនឹងជួបការលំបាកក្នុងការឈានទៅជាប្រទេសដែលមានប្រាក់ចំណូលខ្ពស់នៅឆ្នាំ២០៤៥ ស្របពេលដែលប្រទេសនេះចាប់ផ្តើមឈានចូលដល់ការវិវត្តទៅជាសង្គមដែលមានមនុស្សចាស់ច្រើន នៅឆ្នាំ២០៣៦ ខាងមុខ។

កំណើនសេដ្ឋកិច្ចវៀតណាមបច្ចុប្បន្ន មានភាពស្រស់ស្អាតតែនៅលើតួលេខម៉ាក្រូសេដ្ឋកិច្ចប៉ុណ្ណោះ។ ដើម្បីប្រែក្លាយកំណើនរាងអក្សរ K នេះឱ្យទៅជា «កំណើនបរិយាបន្ន» (Inclusive Growth) ដែលប្រជាជនគ្រប់គ្នាទទួលបានផលប្រយោជន៍ រដ្ឋាភិបាលវៀតណាមចាំបាច់ត្រូវធ្វើការកែទម្រង់ស៊ីជម្រៅ ដោយបង្កើនការគាំទ្រដល់ SMEs ក្នុងស្រុក និងបង្កើតការតភ្ជាប់ឱ្យកាន់តែរឹងមាំរវាងវិនិយោគិនបរទេស និងសេដ្ឋកិច្ចក្នុងស្រុក។

ប្រភព៖ East Asia Forum


19/09/2026

សារពិសេសរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ស្តីពី «SDG Moment 2026» «ខណៈនៃគោលដៅអភិវឌ្ឍន៍ប្រកបដោយចីរភាព ឆ្នាំ ២០២៦»។

១៩ កញ្ញា ២០២៦

⚡️Breaking៖ លោក ត្រាំ ប្រកាសពីការគ្រប់គ្រងសន្តិសុខទាំងស្រុង និងជាអចិន្ត្រៃយ៍លើកោះហ្គ្រីនឡែន (Greenland) ព្រមទាំងរារាំងមិ...
19/09/2026

⚡️Breaking៖ លោក ត្រាំ ប្រកាសពីការគ្រប់គ្រងសន្តិសុខទាំងស្រុង និងជាអចិន្ត្រៃយ៍លើកោះហ្គ្រីនឡែន (Greenland) ព្រមទាំងរារាំងមិនឱ្យមានវត្តមានរបស់គូប្រជែងណាមួយនៅលើកោះនេះ និងតំបន់ជុំវិញនោះឡើយ។

​ fans

18/09/2026

ផ្សាយឡើងវិញ: ទំនាក់ទំនងកម្ពុជា-ថៃ បាននិងកំពុងតែឆ្លងកាត់ដំណាក់កាលដ៏លំបាក។ កម្ពុជាសង្ឈឹមថា គណៈកម្មការផ្សះផ្សារអាចជួយភាគីទាំងពីរក្នុងការបើកទំព័រថ្មីមួយដើម្បីផលប្រយោជន៍ទៅវិញទៅមករបស់ភាគីទាំងពីរ។

សេចក្តីថ្លែងការរបស់ ឯកឧត្តមឧបនាយករដ្ឋមន្ត្រី ប្រាក់ សុខុន ក្នុងកិច្ចប្រជុំលើកដំបូងរបស់គណៈកម្មការផ្សះផ្សា នៃ UNCLOS ជាមួយកម្ពុជា និងថៃ

ប្រទេសសិង្ហបុរី ១៥ កញ្ញា ២០២៦

🎥: https://t.me/politico360KH/38483

Address

Phnom Penh

Website

Alerts

Be the first to know and let us send you an email when Politico 360 posts news and promotions. Your email address will not be used for any other purpose, and you can unsubscribe at any time.

Shortcuts

Share

Category