https://www.instagram.com/learning__withus/

Sakkam-សកម្ម, Phnom Penh (2026)

27/08/2023

គ្រូញុមធ្លាប់សួរខ្ញុំថា៖ “ដឹងដែលតាបែរទៅខាងណានៅ?”

21/08/2023

មកថ្ងៃនេះចង់ចែករំលែកបទពិសោធន៍អំពីការប្រលងបាក់ឌុបដែលគេចំណាំហោថាប្រលងមធ្យមសិក្សាទុតិយភូមិអីហ្នឹង តែមិនមែនចែក Tips ទាំងអស់ទេកុំច្រលំ។ ព្រោះអីប្រលងបានតែម៉ាជាប់ៗដែលទេ តែចង់ចែករំលែកដោយសារតែការប្រលងជិតខិតមកដល់ ហើយក៏យល់អារម្មណ៍មួយហ្នឹងដែរ ដោយសារតែឆ្លងកាត់ហើយៗ 4ឆ្នាំមុន។

ថ្ងៃនេះ ចង់ប្រាប់ពីមុខវិជ្ជាមួយ សាមញ្ញៗតែមិនធម្មតា បាន A B កាលណានិទ្ទេសរួមហក់លោត ដល់ A B C កាលហ្នឹងបើខ្លាំងខាងមុខវិជ្ជា វិទ្យាសាស្រ្តស្រាប់។ តួឯងយើងថ្ងៃនេះគឺ បង ប្រវត្តិវិទ្យាយើងហ្នឹង។ មេរៀនច្រើនត្រូវអត់? សុទ្ធតែអក្សរត្រូវហេ៎? 100% ដឹងតែធុញហើយ បើមិនធុញមិនមែនរើសផ្នែកវិទ្យាសាស្រ្តនោះទេ។

ឥឡូវចូលសាច់ការ កុំសាច់កាប់ច្រើនពេក (intro ម៉ាហត់ហើយ ចូល main point ហ្មងហូវចាំកាលទៀត*;*)។ ដើម្បីមានភាពងាយស្រួលដល់ការប្រលងហា៎ មិនបាច់ចាំទាល់តែទន្ទេញគ្រប់សន្លឹកគ្រប់ទំព័រនោះទេ។ ហ៎ាក់! អត់ឲ្យទន្ទេញធ្វើមិចចាំ ហើយសរសេរមិចបាន?

>ខ្លី ខ្លឹម ល្មមយល់បាន គឺ “អាន”<

អានឲ្យយល់ យល់ថាគេចង់និយាយពីអី។ យល់មេរៀនកាលណា flow នៃការសរសេរចេញមកឯកឯងកាលហ្នឹង។ កាលនោះខ្ញុំ ផ្តោតខ្លាំងពេកលើមុខវិជ្ជាគិតលេខ មិនសូវខ្វល់ខ្វាយរឿងមុខវិជ្ជាសរសេរ។ លទ្ធផលមានណា បងតួឯងយើងហ្នឹងលេងម៉ាចាស់ដៃដែរ។ (មែនលំៗហេ៎ ណាប៉ីសធ្លាក់គាត់បាទ🤣) តែចេះ flexible ទាន់។ 2ថ្ងៃចុងក្រោយមុនដល់សមរភូមិប្រយុទ្ធបាននឹកកាន់សៀវភៅអាន។ ម៉ាដើមឆ្នាំដល់ចុងឆ្នាំ ខ្ញុំមិនដែលងប់ក្បាលអានដូច2ថ្ងៃមុនប្រលងទេ។ សួរថាស្តាយអត់? ចម្លើយ ស្តាយដែរ តែអត់វិញ។ ម៉េចចឹង? ចុះបើមិនដែលរៀនផងឲ្យស្តាយធ្វើមិច ហាហា។

សរុបមក គ្មានអីសំខាន់ជាងអាននោះទេ។ អានយល់ សរសេរបានច្រើនជាប់ហើយ តែសុំសរសេរចំនុចសំខាន់ៗផង។ ខ្ញុំនិយាយបែបនេះព្រោះថា ឥឡូវខ្ញុំ ក៏អនុវត្តវិធីសាស្រ្តនេះរាល់ថ្ងៃដែរ។

ជូនពរជោគជ័យទាំងអស់គ្នាណា! ជួបគ្នានូវអត្ថបទបន្ទាប់។

13/05/2023

ម៉ាក់មានដឹងអត់ថា ម៉ាក់ឥឡូវចាស់ហើយ។

តែម៉ាក់មានដឹងរឿងនេះអត់ថា រាល់ថ្ងៃម៉ាក់អស្ចារ្យប៉ុណ្ណា សំរាប់កូន។

ម៉ាក់ខ្លួនតែមួយទេតែម៉ាក់ចិញ្ចឹមកូន៣ទៅ៤នាក់រស់បានធំធាត់ប៉ុននេះ។

តែកូនខ្លួនតែមួយចាយវាយតែមួយខែៗសឹងតែមិនគ្រប់ផង។

កូនពិតជាមានមោទនភាពណាស់ដែលមានម៉ាក់ជាម៉ាក់របស់កូន។

ម៉ាក់លះបង់សព្វគ្រប់អស់ហើយដើម្បីកូន។
តែកូនមិនទាន់មានអ្វីសងគុណម៉ាក់ទេ មានតែពាក្យជូនពរម៉ាក់ឲ្យមានសុខភាពល្អ សម្រស់ស្រស់ស្អាត និងសុខសុវត្ថិភាពពេលទៅកាន់ទីជិតឬឆ្ងាយ។

រីករាយថ្ងៃទិវានៃបុណ្យម្តាយទាំងអស់គ្នាផងណា៎!

27/04/2023

ម៉ាក់ កូនសុំចេញទៅនៅតែឯងហើយណា?

ពូមីង ខ្ញុំអត់បាននៅជាមួយទៀតទេ។

»»»»»»»»»»»»»»»»»»»»

ពេលខ្លះ ផ្លូវជីវិត ឡើងចុះដូចផ្លូវរទេះភ្លើង។ តែអ្នកណាមកជួយដោះទល់យើង? ប៉ាម៉ាក់គាត់មិននៅជាមួយយើងរហូតនោះទេ ចឹងក្នុងវ័យដែលយើងអាចគិតថាយើងអាចរស់នៅមិនពឹងលើគ្រួសារបាន រៀនរស់ទៅ។ ហត់ តែសប្បាយ បទពិសោធន៍ក៏មកតាមហ្នឹង។

ណ្ហើយ!ហត់ខ្ជិលនិយាយច្រើន តែនិយាយច្រើនគេថា drama ធ្វើមិចបើផ្លូវជីវិតវាចឹងហើយ។

#រក្សាសិទ្ធដោយសកម្ម

20/04/2023

[UPDATED MOONBIN’s NEWS]

បន្ទាប់ពីដឹងថាMoonbinសមាជិកក្រុមAstro បានលាចាកលោកគ្រប់គ្នាពិតជាភ្ញាក់ផ្អើលមែនទែន។ ចឹងខ្ញុំគ្រាន់តែសរសេរសារមួយចង់ដាស់តឿនដល់មិត្តៗទាំងអស់គ្នា (មិនប្រកាន់វ័យនោះទេ)ឲ្យប្រុងប្រយ័ត្នឲ្យមែនទែនអំពីបញ្ហាសុខភាពផ្លូវចិត្ត។ ក្នុងករណីនេះយើងទាំងអស់គ្នាមិនទាន់ដឹងច្បាស់នោះទេថាMoonbinបាន បាត់បង់ជីវិតដោយសារមូលហេតុអ្វី ក៏ប៉ុន្តែជារួមភាគច្រើនតារាកូរ៉េគឺរងសម្ពាធរហូតដល់មានបញ្ហាផ្លូវចិត្ត។

បើទោះបើយើងមិនមែនជាអ្នកនៅក្នុងហេតុការណ៍នេះក៏ដោយ យើងក៏មិនត្រូវព្រលែងខ្លួនយើងលង់ចិត្តនឹងរឿងបាក់ទឹកចិត្តនោះទេ។ រៀនលះបង់ រៀនទទួលស្គាល់ រៀនជំទាស់នូវអ្វីដែលគិតថាវាជាសម្ពាធមកលើយើង វាក៏អាចសម្រួលមកយើងមួយកម្រិតដែរ។

វាមានរឿងជាច្រើនទៀតដែលយើងមើលមិនឃើញថានឹងអាចកើតមកលើយើងតែយើងត្រូវចេះស្រលាញ់ខ្លួនឯងឲ្យច្រើនៗ បើធុញថប់តប់ប្រមល់រកគ្នានិយាយឲ្យធូរចិត្ត ចំណាយពេលនៅជាមួយគ្រួសារឲ្យច្រើនៗ ហើយកុំភ្លេច ចាយពេលវេលាឲ្យខ្លួនឯងផង: ធុញថប់តប់ប្រមល់ក៏ទៅសម្រាក បាត់ហត់ក៏បន្ត។

តែយ៉ាងណាមិញក្នុងនាមរូបខ្ញុំជាfanរបស់ Eunwooម្នាក់ ខ្ញុំសូមសម្តែងនូវការបាត់បង់នូវមិត្តរួមការងារអាជីពរបស់គាត់មួយផងដែរ Moonbin។ ពួកយើងទាំងអស់គ្នាដឹងហើយថាMoonbinទៅបានសុខ ហើយ លែងហត់ទៀតហើយ។

Rest In Peace Moonbin. I would like to share my deepest condolences to you 🕊

11/04/2023

EP03: |រៀនផ្តល់ពេលឲ្យខ្លួនឯងខ្លះផង|

"ជីវិតយើងនេះគ្មានពាក្យថាស្កប់ស្កល់នោះទេ។ កាលនៅតូចចង់ក្លាយជាមនុស្សធំ ដល់ពេលធំចង់ត្រលប់ទៅវ័យកុមារភាពវិញ។ ហ៉ើយ! ផ្លូវជីវិតអីក៏វេទនាម្លេះ?"

វ័យចេញធ្វើការចំនូលមួយខែៗបានមិនដល់បីរយ មិនបានផ្ញើឲ្យអ្នកផ្ទះទេតែនៅតែចាយមិនគ្រាន់។ នេះកុំអាលថាគេគ្មានគំនិត ចាយវាយ មិនចេះរិះថាំ ពីព្រោះថាប្រភពចំនូលមានតែមួយ មួយខែ30ថ្ងៃពឹងលើតែរបស់ហ្នឹងមួយទេ តែចំណាយវាមានច្រើន មួយថ្លៃម្ហូប, មួយថ្លៃផ្ទះ, ថ្លៃinternet, ថ្លៃបង់សាលា, ថ្លៃសាំង... នេះនៅមិនទាន់គិតថ្លៃចាយវាយទិញskin care ផង។ នេះឬជិវិតឯករាជ្យ?

»»»»»»»»»

ទោះបីជាយ៉ាងណាក៏ត្រូវតែរៀនរស់ដោយខ្លួនឯងខ្លះទៅ កុំពឹងលើម៉ាក់ប៉ាទាំងស្រុងពេក។ ម៉ាក់ប៉ាគាត់គ្រាន់តែឮថាកូនចេះចេញធ្វើការរកលុយដោយខ្លួនឯងគាត់សប្បាយចិត្តពេកណាស់ហើយ។ យើងក៏ដូចគ្នាព្រោះយើងបានចូលជាចំណែកមួយដែលសម្រួលបន្ទុកលើគ្រួសារ។ តែកុំភ្លេចផ្តល់ពេលឲ្យខ្លួនឯងខ្លះផង កុំរិតត្បៀតពេក រៀនសម្រាក ខ្លះទៅ ចង់នរណាថាមិចក៏បានព្រោះថាពេលយើង បាក់ទឹកចិត្តគ្មានអ្នកណាមកជួយយើង ដូចដែលយើងជួយខ្លួនឯងនោះទេ។

#រក្សាសិទ្ធដោយសកម្ម

20/03/2023

EP02: “តាមគ្រួសារ ក៏ តាមចិត្តខ្លួនឯង?”

I believe in destiny, you believe in forever. Together, we shine brighter…

ធ្វើអ្វីក៏ដោយមិនថាការរៀន ការរើសគូរស្រករ តែងតែមានការជ្រោមជ្រែងពីគ្រួសារ ព្រោះអីម៉ាក់ប៉ាយើងគាត់មិនចង់ឃើញកូនៗមានការលំបាក ឬក៏គាត់បានឆ្លងកាត់ច្រើនជាងយើង ចឹងគាត់គ្រាន់ចង់ធ្វើជាប្រទីបដើម្បីឲ្យយើងហែលឆ្លងឲ្យផុតឆ្លងទុក្ខទោសពៃទាំងពួង។ តែថាការដែលគាត់រើសឲ្យហ្នឹងយើងជាសាមីខ្លួនពេញចិត្តអត់? នេះយើងពិចារណាតែចំនុចការរើសជំនាញរៀនមួយបានហើយ។

ចំពោះខ្ញុំ ខ្ញុំធ្លាប់ត្រូវប៉ាម៉ាក់រើសឲ្យរៀនដែរ តែបានតែមួយឆ្នាំក៏ឈប់ដោយសារតែអស់និស្ស័យនិងមុខវិជ្ជាហ្នឹង។
មូលហេតុដែលសម្រេចឲ្យកាលហ្នឹងខ្ញុំរៀនតាមគាត់គឺថា
ទី១ ខ្ញុំមិនដឹងថារៀនអី
ទី២ គឺខ្លាចប៉ាម៉ាក់អន់ចិត្ត
ទី៣ គឺរៀនតាមគ្នា ឃើញគេថារៀនអាហ្នឹងចេញមកបានការងារប្រាក់ខែច្រើន ការងារសមប្រកបហ្នឹងមុខមាត់។ល។

តែតាមពិតការដែលលើកឡើងនេះវាគ្រាន់តែជាលេស របស់សង្គមយើងបង្រៀនយើងទេ។

យើងត្រូវគិតថា ការដែលឲ្យអ្នកណាម្នាក់មកគ្រប់គ្រងលើជីវិតយើង យើងគ្មានសេរីភាពនោះទេ។ វាមិនមែនមានន័យថាធ្វើចឹងយើងក្លាយជាកូនលែងប្រណិបត្តតាមគន្លងធម៌នោះទេ។ ចំនុចណាយើងអាចសម្របតាមពួកគាត់បានយើងសម្រប ចំនុចណាមិនបានយើងហ៊ានតទល់និយាយជាមួយគាត់ដោយសន្តិវិធី។ គិត ពិចារណា និងស្វែងយល់ពីខ្លួនឯង ឲ្យច្បាស់លាស់ មុននឹងសម្រេចចិត្តធ្វើអ្វីមួយ។ ដូចខ្ញុំចឹង រៀនតាមប៉ាម៉ាក់រើសឲ្យមុននិងក្រោយក៏ឈប់រៀន បើយើងគ្មានដុង ឬ គ្មានចំណាប់អារម្មណ៍រៀន ហើយចុះឡើងយើងបកមករៀនជំនាញខ្លួនឯងវិញដដែល។ ដំបូងៗគាត់ចេះតែរអ៊ូ ថាមិចបានរៀនអាហ្នឹង អីចឹង។ តែយូរៗ ទៅ គាត់ក៏សម្របមកតាមយើងដដែល។

ចឹងបានថាយើងមិនអាចទាយទុកមុនថាអ្វីនឹងអាចកើតឡើងលើខ្លួនយើងបានមែន។ ថ្ងៃនេះហូបស៊ុប ស្អែកញ៊ាំ សៀងក៏មាន។

#រក្សាសិទ្ធដោយសកម្ម

18/03/2023

EP01: ចំនុចចាប់ផ្តើមបន្ទាប់ពីរៀនវិទ្យាល័យចប់។

រៀនវិទ្យាល័យចប់ហើយ ត្រូវ ត ចូលមករៀននៅសកលទៀត។ រៀន រៀន នោះរៀន។ តែថាការរៀននៅសកលវាមានពេលតិច រៀនតែមួយវេនៗ ចឹងបើចំពោះអ្នកទើបចប់ទី12 ឬអ្នកកំពុងរៀនឆ្នាំទី1 គួរតែរៀន មួយឬក៏ពីរសកលក្នុងពេលតែមួយទៅ?

========

ការរៀននៅសកលវិទ្យាល័យ វាមិនមែនងាយស្រួលដូចដែលយើងរៀននៅវិទ្យាល័យនោះទេ។ ម៉ោងតិចតែការងារច្រើនញាក់។

បើសួរខ្ញុំឲ្យចេញជាចម្លើយខ្ញុំប្រាកដជាគ្មានចម្លើយមួយណាជាក់លាក់មកឲ្យនោះទេ។ តែខ្ញុំគ្រាន់តែមានជាគំនិត ឆ្លុះបញ្ចាំងពីអ្វីដែលខ្ញុំដឹងនិងធ្លាប់ឆ្លងកាត់។

ការរៀន២ សកលក្នុងពេលតែមួយ គឺវាមានចំនុចវិជ្ជមានច្រើនណាស់ ជាពិសេសឱកាសការងារគឺសម្បូរបែប ក្រោយពីយើងរៀនចប់។ ក៏ប៉ុន្តែវាក៏មានគុណវិបត្តគួបផ្សំដែរ គឺមិនសូវមានពេលឲ្យខ្លួនឯង ចប់ការងារសាលាមួយចូលការងារសាលាមួយ។ មួយវិញទៀតហាស៎ គឺឱកាសចូលធ្វើការ ឬចូលការងារស្ម័គ្រចិត្តហ្នឹងតែម្តង គឺយើងគ្មានពេលគ្រប់គ្រាន់ដើម្បីចំណាយពេលឲ្យវានោះទ។

ចំណែកការរៀនមួយសកលគុណវិបត្តគឺយើងប្រលូកតែក្នុងរឿងឬប្រធានបទតែមួយ។ យ៉ាងណាមិញ វាមានភាពងាយស្រួយនិងមានឱកាសអភិវឌ្ឍខ្លួនឯងច្រើនដែរ។ ការងារសាលាក៏ល្មម ពេលវេលា មានឲ្យខ្លួនឯងក៏ល្មមច្រើនគួរសម។ ជាពិសេសគឺការចូលរួមការងារស្ម័គ្រចិត្ត គឺយើងអាចនឹងរៀនបានច្រើនគួបផ្សំនិងជំនាញគោលយើងទៀតផង នោះការរកការងារធ្វើក៏ប្រសើរដែរ។

ចំណែកខ្ញុំស្រាប់ ធ្លាប់រៀន២សកលដែរ តែចុះឡើងៗបកមករៀន១សកលវិញ ក៏ដូចដែលហេតុផលបានបកស្រាយខាងលើចឹង! ===￣▽￣

សរុបមកការរៀន១ឬ២សកលក្នុងពេលតែមួយគឺវាមានគុណសម្បត្តិនិងគុណវិបត្តដូចៗគ្នា។ តែគ្រាន់ថាយើងត្រូវតែស្វាហាប់ ចេះបែងចែកពេលវេលាឲ្យត្រឹមត្រូវ នោះអ្វីៗក៏អាចនឹងកើតឡើងបានដែរ។

#រក្សាសិទ្ធដោយសកម្ម

14/03/2023

Greeting from admin page of Bac2 Technical- គន្លឹះបាក់ឌុប. I am very grateful for all of your support toward this page starting from the last 3 years until now. Even though, lately I have been busy with my personal tasks, I also bring something to you guys especially for the early joined our page with some of the knowledge related to Bac2, I know it is inadequate for you—I know your struggle.

“I would like to change my page name”

The purpose that I would like to swap from Bac2 Technical to សកម្ម because I think this page will active more that before. The contents besides Bac2, I will revolve around all kinds of lifestyle, and education along the way.

Stay with us, stay to get and learn new skill together. We believe, you believe so that we can grow together.

Stay tune with us, we promise we will bring you guys more essential contents that you have never seen from us before.

#សកម្ម

23/12/2022

តើយើងគួរបន្ត ឬឈប់រៀន????

លទ្ធផលនៃការប្រឡងថ្នាក់ជាតិទើបតែចេញមកសម្រាប់សិស្ស នៅតាមបណ្តាខេត្ត ហើយនៅក្នុងទីក្រុងត្រូវបានចេញផ្សាយតាំងពីម្សិលមិញ។ សិស្សភាគច្រើនធ្វើបានល្អក្នុងការប្រឡងរបស់ពួកគេ។ ទោះជាយ៉ាងណាក៏ដោយ មានអ្នកខ្លះមិនអាចធ្វើបាន ហើយបើទោះជាគេប្រលងជាប់ ប៉ុន្តែលទ្ធផលវាមិនដូចអ្វីដែលគេចង់បាន។ ទោះយ៉ាងណាក៏ដោយ អ្វីៗបានកន្លងផុតទៅហើយ ហើយយើងមិនអាចផ្លាស់ប្តូរវាទៀតទេ ប៉ុន្តែអ្វីដែលយើងគួរយកចិត្តទុកដាក់បន្ទាប់គឺ តើយើងគួរបន្តការសិក្សានៅសកលវិទ្យាល័យឬក៏ឈប់រៀនហើយចេញរកសុី ហ្មង?

>សំណួរបែបនេះកំពុងមាននិន្នាការក្ដៅគគុកចំពោះនិស្សិតខ្មែរ។ ធ្វើអាជីវកម្មផ្ទាល់ខ្លួនរបស់យើង ឧទាហរណ៍៖ ការលក់តាមអនឡាញ ឬលក់ជាមួយឪពុកម្តាយ វាជារឿងល្អដែលគួរធ្វើ ព្រោះវាជាដំណាក់កាលឯករាជ្យភាពដែលយើងចង់បាន ប៉ុន្តែយើងគួរគិតថាថ្ងៃណាមួយយើងអាចលក់ដាច់ក៏បាន ហើយថ្ងៃខ្លះក៏អត់ និយាយទៅវា តម្រូវឲ្យយើងមានការតាំងចិត្តខ្ពស់ផងដែរ។ លើសពីនេះ វាក៏មានហានិភ័យខ្ពស់ក្នុងការលក់ដែរ។ វាមានផលវិបាកដូចជាយើងមិនមានជំនាញ ឬជំនាញរបស់យើងមិនបានប្រសើរឡើងដោយសារតែយើងនៅកន្លែងដដែល មិនបានអភិវឌ្ឍន៍ ឬទទួលបានបទពិសោធន៍ជាមួយនឹងអ្វីដែលថ្មីដូចមនុស្សដែលបានសិក្សានៅសាកលវិទ្យាល័យ។

>>សម្រាប់អ្នកដែលមានគម្រោងទៅសិក្សានៅសកលវិទ្យាល័យ គឺអ្នកកំពុងគិតក្នុងផ្លូវត្រូវ ព្រោះចំណេះដឹងមានសារៈសំខាន់ណាស់ ចំណាយពេល៤ឆ្នាំក្នុងសកលវិទ្យាល័យដើម្បីសិក្សាជំនាញ ហើយបន្ទាប់ពីនោះយើងអាចបើកអាជីវកម្ម ឬធ្វើការនៅក្នុងស្ថាប័នណាមួយក៏បាន សមនឹងជំនាញរបស់យើងដែលយើងរៀន។ យ៉ាងណាក៏ដោយ ពាក្យថារៀននៅសាកលវិទ្យាល័យ វាមិនមែនជារឿងល្អទេ ដរាបណាយើងមិនជ្រើសរើសមុខវិជ្ជាខុស ឬមិនដឹងថាយើងចង់រៀនអ្វី។ ដូច្នេះហើយ នៅពេលដែលអ្នកចង់សិក្សាអ្វីមួយ សូមពិចារណាឱ្យស៊ីជម្រៅ និងគិតម្តងហើយម្តងទៀត ដើម្បីកុំឱ្យយើងមានអារម្មណ៍ថាសោកស្តាយចំពោះអ្វីដែលយើងជ្រើសរើស។ ត្រង់ចំណុចនេះ ខ្ញុំក៏ចង់បញ្ជាក់ដល់អ្នកទាំងអស់គ្នាថា សិស្សនិទ្ទេស A, B, C, D, E, F អ្នកទាំងអស់គ្នានៅតែអាចរៀននៅសកលវិទ្យាល័យបាន ប៉ុន្តែឯកសិទ្ធិសម្រាប់អ្នកដែលទទួលបាននិទ្ទេស A, B, C, D និង E ហាក់បីដូចជា មានឯកសិទ្ធិជាងនិទ្ទេស F។ និទ្ទេស A ដល់ E អាចរៀនជាមួយបរិញ្ញាបត្រ 4 ឆ្នាំ ប៉ុន្តែសម្រាប់និទ្ទេស F ពួកគេក៏អាចរៀនបានដែរ ប៉ុន្តែជាមួយនឹងបរិញ្ញាបត្ររងក្នុងរយៈពេល 2 ឆ្នាំ ហើយត្រូវប្រឡងបាក់ឌុបម្តងទៀតក្នុងនាមជាបេក្ខភាព ស្វៃរិន ឬ បំពេញវិជ្ជា ម្តង ដើម្បីយកវិញ្ញាបនបត្រមក ឲ្យសាកល ហើយត្រូវចំណាយពេល៣ឆ្នាំទៀតដើម្បីបញ្ចប់បរិញ្ញាបត្រដូចអ្នកផ្សេងទៀតដែរ។

ក្រោយអានសារខ្លីនេះ ខ្ញុំសង្ឃឹមថាវាអាចជាកូនគំនិតមួយដល់ប្អូនៗ ព្រោះថាកាល admin ប្រលងចប់ក៏ដូចប្អូនៗដែរ។ ខាតមួយឆ្នាំ, ខកខានឧកាសរៀនអាហារូបករណ៍ ហើយបានអាហារូបករណ៍ហើយឆ្លៀតបោះបង់ទៀត។ ចិត្តចង់រៀននេះតិច រៀននោះតិច ចុងក្រោយមក ជាប់ស្នេហ៌នៅសកលវិទ្យាល័យភូមិន្ទភ្នំពេញ ^^

Good lucks ya’ll; you did your best already. Don’t be dissatisfied or disappointed with the grade you got because it is not the thing that can measure your future. Join university you will see more opportunities than BAC2 grade; believe me, I can guarantee that your university will be fun than when you were in high school in the terms of the multi assignment, presentation, and blah blah, haha!

07/12/2022

ចប់បាក់ឌុបថ្មីៗគួរតែធ្វើអ្វីខ្លះ?

1. រៀបចំបន្ទប់រៀន ឬកន្លែងគេងសារថ្មី

បន្ទប់រៀននិងកន្លែងគេងប្រៀបបានជាមិត្តជិតស្និទ្ធទី២ របស់យើងអីចឹង។ ក្រោយពីការបញ្ចប់ការប្រឡងភ្លាមគួរតែរៀបសៀវភៅចូលក្នុងឡាំងឲ្យមានរបៀបរៀបរយ។ ធ្វើអីចឹងយើងអាចរកសៀវភៅនៅថ្ងៃក្រោយបានយ៉ាងងាយ។

2. លំហែអារម្មណ៍

ច្បាស់ណាស់ ការប្រលងតែ២ថ្ងៃទេតែមុនប្រលងយើងច្បាស់ជាមានអារម្មណ៍ថាតានតឹង ភ័យអរ បុកពោះ មិនដឹងថាជាប់ឬក៏ធ្លាក់ ហើយមួយទៀតមិនដឹងថាបាននិទ្ទេសដែលយើងប៉ងក៏អត់។ ជម្រើសដ៏ល្អគឺធ្វើឲ្យសុខភាពផ្លូវចិត្តយើងល្អ។ ដើរលេងទៅគុំយូរហើយ xD

3. គិតគូរពីការរើសជំនាញរៀនបន្តនៅសកលវិទ្យាល័យ

ការរើសជំនាញរៀនពិតជាមានសារៈសំខាន់ណាស់សំរាប់សិស្សវិទ្យាល័យទើបរៀនចប់។ ប្អូនៗត្រូវចេះសិក្សាស្វែងយល់សាកសួរបងៗហើយត្រូវចេះមើលសង្កេតខ្លួនឯងថាយើងជំនាញខាងអ្វី ពូកែខាងអី ចូលចិត្តមុខវិជ្ជាអី លុះពេលដឹងហើយគឺយើងទៅដាក់ពាក្យឲ្យចំគោលដៅ នោះវាមិនខាតពេលហើយយើងក៏សប្បាយនឹងអ្បីដែលយើងជ្រើសរើសផង។

4. អាហារូបករណ៍

បើតាំងចិត្តថាទៅក្រៅប្រទេសក្រោយចប់បាក់ឌុប គឺត្រូវរៀនត្រៀមឲ្យខ្លាំង។ មានន័យថាការដាក់អាហារូបករណ៍ឆ្នាំដំបូងយើងចំណេញទាំងឆ្នាំរៀនហើយមេរៀនដែលយើងត្រៀមក៏មានប្រសិទ្ធភាពព្រោះវាក្តៅៗហុយៗ ហាហា។
ត្រង់ចំនុចនឹងយើងក៏អាចរើសយកអាហារូបករណ៍ក្នុងស្រុកក៏បានដែរបើមិនចង់ទៅក្រៅប្រទេស។ មានអាហារូបករណ៍ច្រើនណាស់ក្រោយពីលទ្ធផលបាក់ឌុបចេញ។ត្រៀមតែកម្លាំងកាយចិត្តប្រមូលទៅ។

5. ចំណាយពេលនៅជាមួយគ្រួសារនិងធ្វើអ្វីដែលយើងចង់ធ្វើ

បន្តិចទៀតចូលរៀនសកលរវល់ហើយ ដូច្នេះចំពោះអ្នកនៅស្រុកនឹងត្រូវចាកចេញមករស់នៅទីក្រុងដើម្បីបន្តការសិក្សា។ ចឹងត្រូវប្រើពេលដែលសល់ក្រោយពីការប្រលងនៅជាមួយគ្រួសារឲ្យច្រើនៗ។ ក្នុងពេលនឹងដែរ k-drama, c-drama ដែលប្រមូលទុកថាចង់មើល មើលពេលនេះត្រូវហើយ xD អាចដាច់យប់បានទៀត ^^

ជាចុងក្រោយ admin មានតែពាក្យជូនពរឲ្យបាននិទ្ទេសល្អៗទាំងអស់គ្នា ហើយកុំតូចចិត្តអីបើបាននិទ្ទេសមិនដូចការប៉ងព្រោះថាយើងបានខំអស់សមត្ថភាពហើយ-YOU HAVE ALREADY TRIED YOUR ABSOLUTELY BEST *_^

Sakkam-សកម្ម

27/08/2023

21/08/2023

13/05/2023

27/04/2023

20/04/2023

11/04/2023

20/03/2023

18/03/2023

14/03/2023

23/12/2022

07/12/2022

Address

Website

Alerts

Shortcuts

Share

Category

Listing takedown request