សសយក សាខាវិទ្យាល័យ ហ៊ុន សែនព្រៃនប់

សូមគោរពជម្រាបជូន

កាលពីព្រឹកថ្ងៃព្រហស្បតិ៍ ៦កើត ខែបឋមសាឍ ឆ្នាំឆ្លូវ ត្រីស័ក ព.ស២៥៦៥ ត្រូវនឹងថ្ងៃទី១៥ ខែកក្កដា ឆ្នាំ២០០១ លោក សរ កក្កដា ប្រធាន ស.ស.យ.ក ស្រុកព្រៃនប់ បានដឹកនាំសមាជិក នាំយកនូវបច្ច័យចំនួន៖ ១.៧០០.០០០រៀល និង៦៦៥ដុល្លាអាមេរិក អង្ករ១០០គីឡូក្រាម ទឹកសុទ្ធ១០កេស និងមី១កេសធំ ចូលរួមរំលែកទុក្ខជាមួយគ្រួសារសពសមាជិក ស.ស.យ.ក អនុសាខាវិទ្យាល័យ ហ៊ុន សែន ព្រៃនប់ ចំនួន២សព៖
១/- ឈ្មោះ វុត ស្រីពេជ្រ ភេទស្រី អាយុ ១៨ឆ្នាំ
២/-ឈ្មោះ ចាន់ លីណា ភេទស្រី អាយុ ១៧ឆ្នាំ
ស្ថិតក្នុងភូមិអណ្តូងថ្ម ឃុំអណ្តូងថ្ម សពទាំងពីរត្រូវជាបងប្អូនជីដូនមួយបង្កើត ដែលបានទទួលមរណៈភាពកាលពីថ្ងៃទី១៣ ខែកក្កដា ឆ្នាំ២០២១ វេលាម៉ោង ៦ : ៤០នាទីល្ងាច ដោយសារគ្រោះថ្នាក់ចរាចរ។

សម្ដេចតេជោ ហ៊ុន សែន ប្រកាសចាក់វ៉ាក់សាងជូនកុមារ និងយុវវ័យ អាយុចន្លោះពី ១២ដល់ ១៧ឆ្នាំ

សម្តេចតេជោ ហ៊ុន សែន នៅថ្ងៃទី១៦ ខែកក្កដា ឆ្នាំ២០២១នេះ បានផ្ញើសារពិសេសជូនជនរួមជាតិ ពាក់ព័ន្ធការសម្រេចឲ្យចាក់វ៉ាក់សាំងកូវីដ១៩ជូនកុមារ និងយុវវ័យ អាយុពី១២ ដល់ ១៧ឆ្នាំ នាពេលឆាប់ៗខាងមុខ។ សម្ដេចបន្ថែមថា ការចាក់នេះនឹងត្រូវផ្ដើមពីរាជធានីភ្នំពេញមុនគេ ហើយបណ្ដេញទៅតាមបណ្ដាខេត្ដ ដែលនឹងប្រើយុទ្ធសាស្រ្ដផ្ការីក ដូចនិងយុទ្ធនាការកំពុងចាក់ជូនប្រជាជនចាប់អាយុ១៨ឡើងទៅនាពេលនេះដែរ។
តាមការប៉ាន់ប្រមាណមានកុមារ និងយុវវ័យខ្ទង់ ២លាននាក់ ដែលនឹងត្រូវប្រើវ៉ាក់សាំងខ្ទង់ជាង ៤លានដូស។ ការសម្រេចដើម្បីចាក់ជូនកុមារ និងយុវវ័យ ចាប់ពីអាយុ ១២ ដល់ ១៧ ឆ្នាំនាពេលនេះ គឺជាការគិតគូចំពោះសុខមាលភាពកុមារ ហើយដើម្បីឆ្ពោះទៅរកបើកសាលារៀនឡើងវិញ។ តែយ៉ាងណាថ្វីបើសម្ដេចសម្រេចឲ្យចាក់ជូនកុមារ និងយុវវ័យ ក្ដីប៉ុន្ដែសម្ដេចសង្កត់ធ្ងន់ថា មិនត្រូវចាក់ដល់កុមារ និងក្មេងៗទាំងអស់នេះ ដោយបង្ខិតបង្ខំនោះឡើយ ខណៈកុមារ និងក្មេងៗខ្លះខ្លាចម្ជុល៕

ថ្ងៃសុក្រ ១១ កើត ខែស្រាពណ៍ ឆ្នាំជូត
ទោស័ក ពុទ្ធសករាជ ២៥៦៤
ត្រូវនឹងថ្ងៃទី៣១ ខែកក្កដា ឆ្នាំ២០២០ ក្រុមយុវជន សសយក កាកបាទក្រហម កាយរឹទ្ធកម្ពុជា សាខាវិទ្យាល័យ ហ៊ុន សែនព្រៃនប់ រួមជាមួយលោក ខន សូវៀត បាននាំយកបច្ច័យចំនួន ៣៥០០០០៛ អង្ករមួយបាវ៥០គីឡូក្រាម ចូលបុណ្យសពប្អូនប្រុស អ៊ុន ប៊ុនអៀង ជាសិស្សរៀននៅថ្នាក់ទី១១ឃ នៅវិទ្យាល័យ ហ៊ុន សែនព្រៃនប់ ដោយគ្រោះថ្នាក់ចររាចរណ៍ កាលពីយប់ថ្ងៃ៣០ ខែកក្កដាឆ្នាំ២០២០ ។

ថ្ងៃអាទិត្យ ១៥ កើត ខែអាសាឍ ឆ្នាំជូត
ទោស័ក ពុទ្ធសករាជ ២៥៦៤
ត្រូវនឹងថ្ងៃទី៥ ខែកក្កដា ឆ្នាំ២០២០
ក្រោមការណែនាំរបស់គណនាយកវិទ្យាល័យ ហ៊ុន សែនព្រៃនប់បានចាត់តាំង ខ្ញុំបាទ និង អនុប្រធាន សសយក សាខាវិទ្យាល័យ ហ៊ុនសែនព្រៃនប់ ដឹកនាំយុវជន សសយក ចំនួន ១៥នាក់ មានស្រី6នាក់ បានចូលរួមពិធីដាំដើមកោងកាង ក្រោមអធិបតីភាព ឯកឧត្តម គួច ចំរើន គណនៃគណអភិបាលខេត្តព្រះសីហនុ នៅព្រៃសហគម ស្ថិតនៅភូមិជំពូខ្មៅ ឃុំទួលទទឹង ស្រុកព្រៃនប់ ខេត្តព្រះសីហនុ ។

ថ្ងៃព្រហស្បតិ៍ ៨ រោច ខែមិគសិរ ឆ្នាំកុរ
ឯកស័ក ពុទ្ធសករាជ ២៥៦៣
ត្រូវនឹងថ្ងៃទី១៩ ខែធ្នូ ឆ្នាំ២០១៩
ថ្ងៃនេះ ជាថ្ងៃសីល
December 19, 2019

នៅវិទ្យាល័យ ហ៊ុន សែន ព្រៃនប់ បានបើកវេទិកាស្តីពី ផ្សព្វផ្សាយ និងបញ្ជ្រាបបញ្ហាគ្រឿងញៀន ដល់សិស្សានុសិស្ស ប្រមាណជាង៥០០នាក់ (សិស្សទុតិយភូមិ ) ។

រីករាយជាមួយ សសយក យើងស្រលាញ់ និងជួយគ្នាទៅវិញទៅមកដូចជាគ្រូសារតែមួយ ។

ថ្ងៃសៅរ៍ ៤ កើត ខែមិគសិរ ឆ្នាំកុរ
ឯកស័ក ពុទ្ធសករាជ ២៥៦៣
ត្រូវនឹងថ្ងៃទី៣០ ខែវិច្ឆិកា ឆ្នាំ២០១៩
November 30, 2019
យុវជន សសយក សាខាវិទ្យាល័យ ហ៊ុន សែនព្រៃនប់ បានចូលរូមប្រារព្ធពិធីខួបលើកទី៤១ នៃការបង្កើត សសយក នៅសាលាប្រជុំ សសយក ស្រុកព្រៃនប់ ។

នៅព្រឹកថ្ងៃសៅរ៍ ៥រោច ខែកត្តិក ឆ្នាំកុរ ឯកស័កព.ស.២៥៦៣ ត្រូវនឹងថ្ងៃទី១៦ ខែវិច្ឆិកា ឆ្នាំ២០១៩នេះ សសយក សាខាវិទ្យាល័យ ហ៊ុន សែនព្រៃនប់ បានចូលរួមក្នុងពិធីបើកការដ្ឋានសាងសង់ផ្លូវ៣៤ខ្សែ ក្នុងក្រុងព្រះសីហនុ។

ថ្ងៃសៅរ៍ ១៣ កើត ខែកត្តិក ឆ្នាំកុរ
ឯកស័ក ពុទ្ធសករាជ ២៥៦៣
ត្រូវនឹងថ្ងៃទី៩ ខែវិច្ឆិកា ឆ្នាំ២០១៩
November 9, 2019

យុវជន សសយក កាយរឹទ្ធ កាកបាទក្រហម សាខាវិទ្យាល័យ ហ៊ុន សែនព្រៃនប់ បានចូលរួមទទួលទាន អំបុក ថែ ជាតិ សាសនា ព្រះមហាក្សត្រ ជាមួយប្រជាពលរដ្ឋ អាជ្ញាធរភូមិ ឃុំ ថ្នាក់ដឹកនាំ ការិយាល័យ មន្ទីអប់រំ នៅវត្តពោធិ៍គីរី ហៅវត្តភ្នំពេជ្រ ស្ថិតនៅឃុំ អូរឧកញ៉ាហេង ស្រុកព្រៃនប់ ខេត្តព្រះសីហនុ ។