Dad

ឆ្នំាពន្លឺ??

ចំពោះវត្ថុនៅទីអវកាស ភាគច្រើនអ្នកវិទ្យាសាស្រ្តប្រើឆ្នាំពន្លឺ ដើម្បីពិពណ៌នាអំពីចម្ងាយរបស់វា។ មួយឆ្នាំពន្លឺគឺជាចម្ងាយដែលពន្លឺធ្វើដំណើរ ដោយប្រើប្រាស់ពេលវេលាមួយឆ្នាំនៅលើផែនដី។ មួយឆ្នាំពន្លឺគឺមានចម្ងាយប្រហែល ៩ សែនកោដិគីឡូម៉ែត្រ(9 trillion km)។

ព្រះអាទិត្យរបស់យើងគឺជាផ្កាយដែលនៅជិតយើងបំផុត។ វាមានចម្ងាយប្រហែល ១៥០ លានគីឡូម៉ែត្រ។ ដូច្នេះពន្លឺព្រះអាទិត្យចំណាយពេលប្រហែល ៨.៣ នាទី ទើបធ្វើដំណើរមកដល់ភពផែនដីយើង។

​ប្រភព៖ Nasa.spaceplace.com

អ្វីទៅជាអារ៉ូរ៉ា(Auroras)?

ក្រៅតែពីការជះនូវកំដៅនិងពន្លឺ ព្រះអាទិត្យក៏បានបញ្ចេញនូវថាមពលនិងភាគល្អិតតូចៗជាច្រើនមកកាន់ផែនដីរបស់យើង។ ក៏ប៉ុន្តែដោយសារតែដែនម៉ាញ៉េទិចជុំវិញផែនដី បានការពារជីវិតទំាំងអស់ពីថាមពលនិងភាគល្អិតទំាំងនោះ។

ប៉ុន្តែថាមពលនិងភាគល្អិតតូចៗដែលបញ្ចេញដោយព្រះអាទិត្យមិនមានលក្ខណៈស្មើគ្នាគ្រប់ពេលនោះទេ ដោយពេលខ្លះ វាបង្តើតទៅជាខ្យល់ព្រះអាទិត្យ ហើយពេលខ្លះទៀតវាបង្កើតទៅជាព្យុះព្រះអាទិត្យផងដែរ។ នៅពេលដែលព្យុះព្រះអាទិត្យធ្វើដំណើរមកកាន់ភពផែនដីយើង ថាមពលនិងភាគល្អិតតូចៗដែលមាននៅក្នុងព្យុះនោះ មិនធ្វើដំណើរប៉ះផ្ទៃដីដោយផ្ទាល់បាននោះទេ ដោយវានឹងត្រូវរុញច្រានចេញ រួចធ្វើដំណើរស្របតាមខ្សែបន្ទាត់ម៉ាញ៉េទិច ទៅកាន់ប៉ូលខាងជើងនិងខាងត្បូងចូលក្នុងបរិយាកាសផែនដី។

ដូច្នេះ ថាមពលនិងភាគល្អិតតូចៗទំាងនោះបានប្រតិកម្មជាមួយឧស្ម័ននៅក្នុងបរិយាកាសរបស់យើង ដែលនាំឱ្យមានពន្លឺដ៏ស្រស់ស្អាតនៅលើមេឃ។ អុកស៊ីសែនផ្តល់ពន្លឺពណ៌បៃតងនិងក្រហម។ អាសូតបញ្ចេញពណ៌ខៀវនិងពណ៌ស្វាយ។

ប្រភព៖ Nasa.com

Nasaនិងក្រុមហ៊ុនJoby​ Aviationបានចាបផ្តើមធ្វើតេស្តយន្តហោះអគ្គឺសនីថ្មីមួយនៅរដ្ឋកាលីហ្វ័រញ៉ា ​ចាប់ពីថ្ងៃទី៣០ សីហា ដល់១០កញ្ញា ដែលគេបានចាត់ទុកជាflying cars។

យ៉ាងណមិញ ​ក្នុងអំឡុងពេលនៃការតេស្តសាកល្បងនេះ អង្គការណាសានិងក្រុមហ៊ុនJoby នឹងធ្វើការសិក្សា ក៏ដូចជាប្រមូលព័ត៌មានលម្អិតអំពីការធ្វើចលនារ សំឡេង ឧបករណ៍បញ្ជា និងឧបករណ៏ទំនាក់ទំនងរបស់យន្តហោះអគ្គីសនីនេះ ថាតើវាអាចផ្តល់សុវត្ថិភា​ពកម្រិតណាដល់អ្នកដំណើរ។

សម្រាប់Joby Aviation ​ក្រុមហ៊ុនមានបំណងចង់បើកដំណើរការសេវាកម្មតាក់ស៊ីអាកាស (Air taxi)ជា លើកដំបូងរបស់ខ្លួននៅឆ្នាំ ២០២៤ខាងមុខនេះ​។

​ប្រភព៖ Theverge.com

ស្ថិតនៅភាគខាងជើងប្រទេសឈីលី និងមានព្រំប្រទល់ជាប់មហាសមុទ្រប៉ាស៊ីហ្វិក​ វាលខ្សាច់Atacama​បែបជាមិនមានភ្លៀងអស់រយៈពេល៥០០ឆ្នាំទៅវិញ។ ជាហេតុធ្វើអោយវាលខ្សាច់នេះត្រូវបានគេចាត់ទុកជាតំបន់ដ៏ស្ងួតបំផុតនិងចាស់ជាងគេនៅលើផែនដី។

យ៉ាងណាមិញ ដោយសារតែការប្រែប្រួលអាកាសធាតុនៅមហាសមុទ្រប៉ាស៊ីហ្វិក បានធ្វើអោយវាលខ្សាច់នេះមានភ្លៀងធ្លាក់ជាលើកដំបូងនៅឆ្នំា២០១៥ និងឆ្នាំ ២០១៧។

ប្រភព៖ iflscience.com

ទឹកប្រមាណជាង១លានតោន ដែលផ្ទុកទៅដោយសារធាតុវិទ្យុសកម្ម ត្រូវបានដ្ឋាភិបាលជប៉ុនសម្រេចបង្ហូរចូលទៅបាទសមុទ្រដែលមានចម្ងាយ១គីឡូមែ៉ត្រពីឆ្នេរ តាមរយៈបំពង់បង្ហូរដែលគេនឹងចាប់ផ្តើមសាងសង់នៅចុងត្រីមាសទី 1ឆ្នំាក្រោយនេះ។

​ប្រភព៖ cnbc.com

ដើម្បី​អាចមានឈ្មោះថាជាភពមួយបាន កាលពីឆ្នំា២០០៦ ​មហាសន្និបាត​សហភាព​តារាសាស្ត្រ​អន្តរជាតិបានបង្កើតអោយមាន​លក្ខខណ្ឌ​ថ្មីៗមួយចំនួនក្នុងការកំណត់ជាភព។

ទី១ ភពត្រូវតែ​មាន​គន្លងគោចរ​ជុំវិញ​ព្រះអាទិត្យ

ទី២ ភពត្រូវ​មាន​ម៉ាស់​គ្រប់គ្រាន់ ដើម្បី​អាចបង្កើតអោយមានរាងជាស្វ៊ែ

ទី៣ ភពត្រូវ​មាន​កម្លាំង​ទំនាញ​ល្មម និងអាចសម្អាតតំបន់​ជុំវិរបស់ភព ដោយមិនមាន​ឲ្យ​​បំណែក​អ្វីផ្សេងទៀតហោះជំុវិញ ក្រៅតែ​​​តារារណប​របស់​ខ្លួន

ប្រភព៖ solarsystem.nasa

ខែកក្កដាឆ្នំា២០២១នេះ ត្រូវបានទី​ភ្នាក់ងារ​ឧតុនិយម​អាមេរិកកត់ត្រាក្នុងបញ្ជីជាខែដែលក្តៅបំផុតក្នុង​ប្រវត្តិ​ឧតុនិយម​របស់​ភពផែនដីដែល​ចាប់​កត់​ត្រា​សីតុណ្ហភាព​តាំងពី​ ១៤២​ឆ្នាំ​មក។

លើសពីនេះ ឆ្នាំ ២០២១ នឹងក្លាយជាឆ្នាំមួយក្នុងចំណោមឆ្នាំក្តៅបំផុតទាំង ១០ នៅលើពិភពលោក។ នេះក៏សបញ្ជាក់អោយឃើញពីល្បឿននៃប្រែប្រួលអាកាសធាតុកាន់តែលឿនជាងការរំពឹងទុករបស់អ្នកវិទ្យាសាស្រ្តទៅទៀត។

​ប្រភព៖ space.com

ដើម្បីបំពេញនូវតម្រូវការសេដ្ឋកិច្ច និងការអភិវឌ្ឍន៍ក្នុងប្រទេសរបស់ខ្លួន មនុស្សបានផ្តើមចាប់បង្ខំ និងបានដាក់សម្ពាធកាន់​តែខ្លាំងទៅលើភពផែនដី ដើម្បីអោយភពផែនដីអាចផលិតអោយទាន់តម្រូវការរបស់មនុស្ស ហើយក៏ដោយសារតែការចាប់បង្ខំ និងការដាក់សម្ពាធនេះហើយ មនុស្សបានធ្វើការបំពុលដល់បរិស្ថាន និងបរិយាកាសកាន់តែខ្លំាង។

នេះគឺជាប្រទេសទំាង៥បានចូលរួមបំពុលដល់បរិស្ថានខ្លំាងជាងគេបំផុត៖
ទី១ ប្រទេសចិន តំណាងអោយ ៣០%
ទី២ សហរដ្ឋអាមេរិក តំណាងអោយ ១៥%
ទី៣ ឥណ្ឌាតំណាងអោយ ៧%
ទី៤ រុស្សី តំណាងអោយ​ ៥%
ទី៥ ជប៉ុន តំណាងអោយ ៤%

ប្រភព៖​​​​​​​​​​ Activesustainability.com