WEG Admin & Operation Department

សុវត្ថិភាព កុមារតូច សិស្សានុសិស្ស អ្នកអាណាបាល ក្រុមការងារ និងអគារសាលារៀន
ជាកត្តាចម្បងដែលត្រូវយកចិត្តទុកដាក់ ២៤ម៉ោង លើ២៤ម៉ោង !

នាយកដ្ឋានរដ្ឋបាលប្រតិបត្តិការ បានបន្តផ្តល់ជូនវគ្គបណ្តុះបណ្តាលស្តីពី ជូនដល់ក្រុមការងារប្រតិបត្តិការគ្រប់សាខាដែលជាបណ្តាញបុត្រសម្ព័នក្រុមហ៊ុនវេសឡាញនអេឌ្យូខេសិនគ្រុប ខូអិលធីឌី នូវចំណុចសំខាន់ៗដូចជា៖
១. យល់ដឹងបន្ថែមពីសុវត្ថិភាព កុមារ និងវិធានការពារ
២. អាចកំណត់ និងសម្គាល់ហានិភ័យផ្សេងៗនៅសាលារៀន និងដោះស្រាយទាន់ពេលវេលា
៣. អាចអនុវត្តវិធានការសុវត្ថិភាព អាចប្រើប្រាស់ និងថែទាំសម្ភារសុវត្ថិភាពបានត្រឹមត្រូវ ប្រកបដោយប្រសិទ្ធភាព
៤. សុវត្ថិភាពចរាចរណ៍ និងការសម្រួលការធ្វើដំណើរគ្រប់ទីតាំងសាលារៀនជូន សិស្សានុសិស្ស និងអ្នកអាណាព្យាបាល

រាជធានីភ្នំពេញ ថ្ងៃអាទិត្យ ទី១២ ខែតុលា ឆ្នាំ២០២៥

ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរខាងមុខនេះ
សូមទេវតាឆ្នាំថ្មី ជួយតាមបីបាច់ថែរក្សា លោកគ្រូ អ្នកគ្រូ គណៈគ្រប់គ្រង និងបុគ្គលិកទាំងអស់​
នៃបណ្តាញក្រុមហ៊ុន វេសឡាញ អាឌ្យូខេសិន គ្រុប ចូល អិលធីឌីសូមទទួលបាននូវសុខភាពល្អបរិបូរណ៍
កម្លាំងមាំមួន ជោគជ័យគ្រប់ភារកិច្ច និងសមប្រកបដោយពុទ្ធពរ ទាំងបួនប្រការគឺ
អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

ការបន្ថែមគុណភាព និងគុណតម្លៃការងារដល់ក្រុមការងាររដ្ឋបាល និងធនធានមនុស្ស គ្រប់សាខាបុត្រសម្ព័ន្ធ វេសឡាញ អេឌ្យូខេសិន គ្រុប

នាយកដ្ឋានរដ្ឋបាល និងប្រតិបត្តិការ បានរៀបចំវគ្គចែករំលែកស្តីពី “កិច្ចការរដ្ឋបាលទូទៅ និងការបែងចែកការងារ"
ជូនដល់បុគ្គលិកផ្នែករដ្ឋបាល និងធនធានមនុស្សគ្រប់សាខា ក្នុងគោលបំណងដើម្បីបង្កើនចំណេះដឹង បន្ថែមគុណភាព និងតម្លៃការងារឱ្យកាន់តែល្អប្រសើរ។

រាជធានីភ្នំពេញ ថ្ងៃសៅរ៍ - អាទិត្យ ទី២៩ - ៣០ ខែមីនា ឆ្នាំ២០២៥

ដើម្បីពង្រីកចំណេះដឹងបន្ថែមដល់ក្រុមការងារប្រតិបត្តិការនៅគ្រប់សាខាដែលជាបុត្រសម្ព័ន្ធ វេសឡាញ អេឌ្យូខេសិន គ្រុប

នាយកដ្ឋានរដ្ឋបាល និងប្រតិបត្តិការ បានរៀបចំវគ្គបណ្តុះបណ្តាល ស្តីពី “ការថែទាំ និងលាងសំអាតម៉ាស៊ីនត្រជាក់ "
ជូនបុគ្គលិកដែពាក់ព័ន្ធក្នុងគោលបំណង បង្កើនចំណេះដឹង ថែទាំសម្ភារបរិក្ខារម៉ាស៊ីនត្រជាក់ នៅគ្រប់សាខា ឲ្យកាន់តែល្អប្រសើរ សន្សំសំចៃ និងផ្តល់ជូនទំនុកចិត្តសេវាកម្មប្រតិបត្តិការជូនសិស្សានុសិស្ស អ្នកអាណាព្យាបាល និងបុគ្គលិកទាំងអស់ជាទីពេញចិត្ត !

ភ្នំពេញ ថ្ងៃសៅរ៍ ទី១៥ ខែកុម្ភៈ ឆ្នាំ២០២៥ !

«សុវត្ថិភាព សិស្សានុសិស្ស អ្នកអាណាព្យាបាល និងក្រុមការងារ» ជាភារកិច្ចសំខាន់ដែល យើងយកចិត្តទុកដាក់ ២៤ម៉ោង/២៤ម៉ោង !

នាយកដ្ឋានរដ្ឋបាលប្រតិបត្តិការ បានរៀបចំវគ្គបណ្តុះបណ្តាលស្តីពី ជូនដល់គណ:នាយក និងក្រុមការងារស្នូល ដែលផ្តោតសំខាន់លើកិច្ចការ :

១. សុវត្ថិភាពកុមារ ពេលមានអគ្គិភ័យ
២. ចំណេះដឹងជម្លៀសខ្លួនសម្រាប់ សិស្សានុសិស្ស និងក្រុមការងារ
៣. សុវត្ថិភាពសិស្សានុសិស្សជិះរថយន្តសាលាប្រចាំថ្ងៃ និងក្នុងពេលដំណើរទស្សនកិច្ចក្រៅសាលា

សាលារៀនវ៉េស្ទឡាញន៍
ថ្ងៃសៅរ៍ ទី២៣ ខែវិច្ឆិកា ឆ្នាំ២០២៤

📣សេចក្តីប្រកាសព័ត៌មាន

សហព័ន្ធសេវាអប់រំនៅកម្ពុជា សូមសម្តែងការដឹងគុណ ដល់រាជរដ្ឋាភិបាលដែលតែងតែយកចិត្តទុកដាក់ក្នុងការអភិវឌ្ឍវិស័យអប់រំទាំងសាធារណៈ និងឯកជន ដើម្បីឱ្យបានសម្រេចនូវចក្ខុវិស័យកម្ពុជាឆ្នាំ២០៥០។ ដើម្បីចូលរួមគាំទ្ររាជរដ្ឋាភិបាលក្នុងការអនុវត្តយុទ្ធសាស្រ្តបញ្ចកោណដំណាក់កាលទី១ ទៅលើការអភិវឌ្ឍមូលធនមនុស្ស សហព័ន្ធសេវាអប់រំនៅកម្ពុជា បានរៀបចំការប្រជុំវិសាមញ្ញតាមអនឡាញ នាល្ងាចថ្ងៃទី ៣០ ខែ តុលា ឆ្នាំ២០២៤ ដោយមានការចូលរួមពីថ្នាក់ដឹកនាំ សមាជិក សមាជិកាទាំងអស់ ដើម្បីពិភាក្សាលើតម្លៃសិក្សាតាមគ្រឹះស្ថានអប់រំពីកម្រិតមត្តេយ្យសិក្សា ដល់ថ្នាក់វិទ្យាល័យ។