វិទ្យាល័យតេជោសែនសំរោង

25/08/2026

📢 #សេចក្តីជូនដំណឹងពិសេស៖ វគ្គសិក្សាបំប៉នសមត្ថភាពសម្រាប់សិស្សថ្នាក់ទី១០ថ្មី!
ដើម្បីត្រៀមខ្លួនឱ្យបានរឹងមាំ និងមានទំនុកចិត្តខ្ពស់មុនឈានចូលឆ្នាំសិក្សាថ្មី វិទ្យាល័យ តេជោសែន សំរោង សូមជូនដំណឹងដល់ប្អូនៗសិស្សានុសិស្សថ្នាក់ទី១០ថ្មីទាំងអស់ឱ្យបានជ្រាបថា «វគ្គសិក្សាបំប៉នពិសេស រយៈពេល ២ ខែ» នឹងចាប់ផ្តើមបើកបង្រៀនចាប់ពី ថ្ងៃចន្ទ ទី៣១ ខែសីហា ឆ្នាំ២០២៦ នេះតទៅ!

វគ្គសិក្សានេះ នឹងត្រូវបង្រៀន និងតម្រង់ទិសដោយផ្ទាល់ពីសំណាក់លោកគ្រូៗដែលមានបទពិសោធខ្ពស់ និងបច្ចេកទេសបង្រៀនយ៉ាងងាយយល់ ដើម្បីជួយប្អូនៗពង្រឹងគ្រឹះស្ថានសិក្សាលើមុខវិជ្ជាសំខាន់ៗទាំង៤៖

កាលវិភាគសិក្សាប្រចាំថ្ងៃ៖
| ម៉ោងសិក្សា | មុខវិជ្ជា | លោកគ្រូទទួលបន្ទុក
| 07:00 - 08:00 | រូបវិទ្យា | លោកគ្រូ ផុន ចាន់ហាត់ |
| 08:00 - 09:00 | គីមីវិទ្យា | លោកគ្រូ ជិម សុថាត |
| 09:00 - 10:00 | ភាសាខ្មែរ | លោកគ្រូ គិន ធារ៉ា |
| 10:00 - 11:00 | គណិតវិទ្យា | លោកគ្រូ ព្រំ សុផល |

💡 ហេតុអ្វីប្អូនៗមិនគួរខកខានក្នុងវគ្គសិក្សានេះ?
* ពង្រឹងគ្រឹះយ៉ាងរឹងមាំ៖ ក្តាប់បាននូវចំណុចសំខាន់ៗនៃមុខវិជ្ជាវិទ្យាសាស្ត្រពិត និងសង្គម មុនគេ។
* បង្កើនទំនុកចិត្ត៖ ចូលរៀនថ្នាក់ទី១០ ដោយភាពជឿជាក់ មិនព្រួយបារម្ភខ្លាចរៀនមិនទាន់មិត្តភក្តិ។
* បរិយាកាសរីករាយ៖ រៀនសូត្រជាមួយគ្រូៗដែលមានវិធីសាស្ត្របង្រៀនទាក់ទាញ និងមិត្តភក្តិថ្មីៗ។

📌 ព័ត៌មាននៃការចុះឈ្មោះ៖
សម្រាប់ប្អូនៗសិស្សានុសិស្សដែលមិនទាន់បានចុះឈ្មោះ សូមប្រញាប់មកទំនាក់ទំនងចុះឈ្មោះនៅ ទីចាត់ការ វិទ្យាល័យ តេជោសែន សំរោង ចាប់ពីថ្ងៃនេះតទៅ!

សូមកុំបណ្តោយឱ្យពេលវេលាកន្លងផុតទៅទទេៗ! មកចាប់ផ្តើមគ្រឹះនៃជោគជ័យជាមួយគ្នានៅ វិទ្យាល័យ តេជោសែន សំរោង! 🎓✨

22/08/2026

សូមអ្នកអាណាព្យាបាលសិស្សចូលរួមទប់ស្កាត់ទាំងអស់គ្នា។

22/08/2026

ការទទួលពាក្យ និងការដាក់ពាក្យចូលរៀនឆ្នាំសិក្សាថ្មី។

22/08/2026

22/08/2026

#សេចក្តីជូនដំណឹង

14/08/2026

១_សៀវភៅណែនាំប្រតិបត្តិ៖_អំពីតេស្តស្តង់ដា_ឆ្នាំ២០២៦
#គោលបំណង
១ ជួយសិស្សឱ្យមានម្ចាស់ការ និងបណ្តុះគំនិតឯករាជ្យ ក្នុងដើម្បីចូលរួមធ្វើតេស្តស្តង់ដាម៉ត់ចត់ នៅកម្រិតសាលារៀន
២ ផ្តល់ឱកាសឱ្យសិស្សបានរិះរកមធ្យោបាយ និងបង្កើតរបៀបរៀនដោយខ្លួនឯង ស្របតាមចំណូលចិត្ត និងតាមស្ថានភាពជីវភាពរស់នៅប្រចាំថ្ងៃ ដើម្បីលើកកម្ពស់លទ្ធផលតេស្តស្តង់ដាម៉ត់ចត់ នៅកម្រិតសាលារៀន
៣ ជួយគ្រូបង្រៀន ផ្តើមផ្លាស់ប្តូររបៀបជួយសិស្សរៀន ជ្រើសរើសរបៀបផ្សេងៗ ដើម្បីជួយសិស្សរៀនយឺត និងសិស្សមក
ពីគ្រួសារជួបការលំបាក ប្រែប្រួលលទ្ធផលសិក្សា

13/08/2026

សេចក្ដីជូនដំណឹង៖ សូមជម្រាបជូនអ្នកអាណាព្យាបាល និងសិស្សានុសិស្ស នៃវិទ្យាល័យ តេជោសែន សំរោង ឱ្យបានជ្រាបថា សាលារៀននឹងចាប់ផ្ដើមឱ្យដាក់ពាក្យ និងទទួលពាក្យចូលរៀនក្នុងឆ្នាំសិក្សាថ្មី(២០២៦-២០២៧) រយៈពេល៦ថ្ងៃ។

ចាប់ពីថ្ងៃទី១៧ ខែសីហា ឆ្នាំ២០២៦ រហូតដល់ថ្ងៃទី២២ ខែសីហា ឆ្នាំ២០២៦)

ព័ត៌មានបន្ថែមសូមទាក់ទងជាមួយគ្រូបន្ទុកថ្នាក់ឆ្នាំសិក្សា២០២៦

13/08/2026

#ផ្សព្វផ្សាយអំពីសុវត្ថិភាពម្ហូបអាហារជូនដល់សិស្សានុសិស្សដែលជាទំពាំងស្នងឬស្សី
------
នៅរសៀលថ្ងៃទី១៣ ខែសីហា ឆ្នាំ២០២៦ មន្រ្តីសាខា ក.ប.ប. រាជធានីភ្នំពេញ បានសហការជាមួយមន្រ្តីនៃមន្ទីរពាណិជ្ជកម្ម និងមន្រ្តីនៃមន្ទីរអប់រំ យុវជន និងកីឡាខេត្ត #ឧត្តរមានជ័យ បន្តការយកចិត្តទុកដាក់ចុះអប់រំផ្សព្វផ្សាយស្តីពីសុវត្ថិភាពម្ហូបអាហារ កិច្ចការពារអ្នកប្រើប្រាស់ កិច្ចការប្រកួតប្រជែង និងផលប៉ះពាល់នៃសេពគ្រឿងញៀន ជូនដល់លោកគ្រូ អ្នកគ្រូ សិស្សានុសិស្ស ក្នុង #វិទ្យាល័យតេជោសែនសំរោង

នៅក្នុងវគ្គអប់រំ ផ្សព្វផ្សាយនេះ មន្រ្តីជំនាញបានធ្វើការណែនាំអំពីការជ្រើសរើស ការពិនិត្យម្ហូបអាហារដែលមានសុវត្ថិភាព និងអាហារូបត្ថម្ភដែលមានគុណភាពល្អសម្រាប់បរិភោគប្រចាំថ្ងៃ ព្រមទាំងបានចែកផ្ទាំងរូបភាពផ្សព្វផ្សាយ (Poster) អំពីសុវត្ថិភាពម្ហូបអាហារជូនដល់សិស្សានុសិស្សផងដែរ។

ការសង្កត់ធ្ងន់ក្នុងពិធីផ្សព្វផ្សាយនោះ មន្រ្តីជំនាញក៏បានធ្វើការណែនាំដល់សិស្សានុសិស្ស ឱ្យមានការប្រុងប្រយ័ត្នខ្ពស់ក្នុងការទទួលទាននូវភេសជ្ជៈដែលមានជាតិស្ករខ្ពស់ និងមាន #ជាតិផ្អែមខ្លាំង ព្រោះបណ្ដាលឱ្យកើត #ជំងឺលើសសម្ពាធឈាម និង #ជំងឺទឹកនោមផ្អែម ជាយថាហេតុ។ ទន្ទឹមនឹងនោះ មន្ត្រីជំនាញក៏បានផ្សព្វផ្សាយបន្ថែមអំពីផលលំបាក និងគ្រោះថ្នាក់នៃការប្រើប្រាស់គ្រឿងញៀន ព្រោះគ្រឿងញៀនជាហេតុធ្វើឱ្យប៉ះពាល់ធ្ងន់ធ្ងរដល់សង្គមជាតិទាំងមូល។

ក្នុងករណីមានការសង្ស័យ ឬភាពមិនប្រក្រតីលើផលិតផលទំនិញនិងសេវា អ្នកចូលរួមទាំងអស់អាចផ្តល់ព័ត៌មានជូនទៅលោកគ្រូ អ្នកគ្រូ គណៈកម្មាធិការសាលា អាចរាយការណ៍មកកាន់សេវាសាធារណៈរបស់ក្រសួងពាណិជ្ជកម្ម លេខ ១២៦៦ ឬ CCF Complaint App (ដែលអាចដោនឡូដ ពីប្រព័ន្ធ Android ឬ IOS ចូលទូរសព្ទស្មាតហ្វូន ដើម្បីដាក់បណ្តឹងមកកាន់អគ្គនាយកដ្ឋាន ក.ប.ប. ជួយស្វែងរកដំណោះស្រាយ)។

11/08/2026

តើមានទេ? សូមផ្ដាំផ្ញើក្នុងមតិខាងក្រោម។