មន្ទីរអប់រំ យុវជន និងកីឡាខេត្តក្រចេះ

#បុគ្គលិកមន្ទីរអប់រំ យុវជន និងកីឡាខេត្តក្រចេះ
គោរពទង់ជាតិព្រឹកថ្ងៃសុក្រ ទី២៦ ខែមិថុនា ឆ្នាំ២០២៦

កម្មវិធី​ជួប​សំណេះសំណាល​ជាមួយ​នាយក​នាយិកា​ លោកគ្រូ​ អ្នកគ្រូ​ក្នុង​ស្រុកចិត្របុរី

ក្រចេះ៖​ ព្រឹក​ថ្ងៃទី២៥​ ខែមិថុនា​ ឆ្នាំ២០២៦​ លោក​ ធាម​ ហេង​ ប្រធាន​មន្ទីរ​អប់រំ​ យុវជន​ និងកីឡា​ខេត្ត​បាន​ចូលរួម​ជា​អធិបតីក្នុង​កម្មវិធី​ជួប​សំណេះសំណាល​ជាមួយ​នាយក​នាយិកា​ លោកគ្រូ​ អ្នកគ្រូ​ ស្ដីពីការ​ ពង្រឹងការ​ដឹកនាំ​ និងគ្រប់គ្រង​ការ​បង្រៀន​ និងរៀន​ លេី​ការ​អនុវត្ត​ស្ដង់ដា​សាលា​មធ្យមសិក្សា​គំរូ​ក្នុង​ស្រុក​ចិត្របុរី ដោយមានការ​ចូលរួម​ពី​ លោកស្រី​ ទែន​ ស៉ីណាត​ ប្រធាន​ការិយាល័យ​មធ្យម​សិក្សា​ចំណេះទូទៅ​ ព្រមទាំង​នាយក​ នាយិកា​ និង​លោកគ្រូ​ អ្នកគ្រូ​សាលា​មធ្យមសិក្សា​ក្នុង​ស្រុក​ចិត្របុរី។

កិច្ចប្រជុំ​ប្រចាំខែ​មិថុនា
ក្រចេះ​៖​ ព្រឹក​ថ្ងៃទី​២៤​ ខែ​មិថុនា​ ឆ្នាំ២០២៦​ មន្ទីរ​អប់រំ​ យុវជន​ និងកីឡា​ខេត្ត​បាន​រៀបចំ​កិច្ច​ប្រជុំ​ប្រចាំ​ខែ​មិថុនា​ ក្រោម​អធិបតីភាព​លោក​ ធាម​ ហេង​ ប្រធាន​មន្ទីរ​អប់រំ​ យុវជន​ និងកីឡា​ខេត្ត​ ដោយ​មាន​ការ​ចូលរួម​ពី​លោក​អនុប្រធាន​មន្ទីរ​អប់រំ​ យុវជន​ និងកីឡា​ លោក​លោកស្រី​ ប្រធាន​ អនុប្រធាន​ការិយាល័យ​អប់រំ​ យុវជន​ និងកីឡា​នៃ​រដ្ឋបាល​ក្រុងស្រុកទាំង៧​ លោក​ លោកស្រី​ប្រធាន​ អនុប្រធាន​ការិយាល័យ​ក្រោម​ឱវាទ​មន្ទីរ​ និង​មន្រ្តី​ការិយាល័យ​ទាំងអស់។

#បុគ្គលិកមន្ទីរអប់រំ យុវជន និងកីឡាខេត្តក្រចេះ
គោរពទង់ជាតិព្រឹកថ្ងៃចន្ទ ទី២២ ខែមិថុនា ឆ្នាំ២០២៦

កិច្ចប្រជុំ​គណៈកម្មការគ្រប់គ្រង និងតាក់តែងវិញ្ញាសា ប្រឡងសញ្ញាបត្រមធ្យមសិក្សាបឋមភូមិសម័យប្រឡង៖ ៦ កក្កដា ២០២៦

ក្រចេះ​៖​ រសៀល​ថ្ងៃទី​១៩​ ខែមិថុនា​ ឆ្នាំ២០២៦​ មន្ទីរ​អប់រំ​ យុវជន​ និងកីឡា​ខេត្ត​បានរៀបចំកិច្ចប្រជុំ​គណៈកម្មការគ្រប់គ្រង និងតាក់តែងវិញ្ញាសា ប្រឡងសញ្ញាបត្រមធ្យមសិក្សាបឋមភូមិសម័យប្រឡង៖ ៦ កក្កដា ២០២៦​ ក្រោម​អធិបតីភាព​លោក​ ធាម​ ហេង​ ប្រធាន​មន្ទីរ​អប់រំ​ យុវជន​ និងកីឡា​ខេត្ត​ ដោយមាន​ការចូលរួម​ពី​លោក​ ធុយ​ ចាន់​សុទ្ធ​ាអនុប្រធាន​មន្ទីរ​អប់រំ​ យុវជន​ និងកីឡា​ខេត្ត​ និង​លោក​គ្រូ​ អ្នកគ្រូ​ដែលជា​សមាជិក​គណៈកម្មការ​គ្រប់គ្រង​ និង​តាក់តែង​វិញ្ញាសា​ថ្នាក់ខេត្ត។

ស្រុកស្នួល៖ នាព្រឹកថ្ងៃទី១៩ ខែមិថុនា ឆ្នាំ២០២៦ លោក សូវ ពិសិដ្ឋ អនុប្រធានមន្ទីរអប់រំ យុវជន និងកីឡាខេត្ត បានអញ្ជើញជាអធិបតីក្នុងពិធីបើកវគ្គបំប៉នស្តីពី «ការងារគ្រប់គ្រងរដ្ឋបាលថ្នាក់ និងការងារបច្ចេកទេសសម្រាប់គ្រូមត្តេយ្យសិក្សាសហគមន៍» ដែលរៀបចំឡើងនៅសាលាមត្តេយ្យសិក្សាធនធានផ្សារស្នួល។
វគ្គបំប៉ននេះ មានការចូលរួមពីលោកស្រីអនុប្រធាន និងមន្ត្រីការិយាល័យអប់រំកុមារតូច នៃមន្ទីរអប់រំ យុវជន និងកីឡាខេត្ត ព្រមទាំងមន្ត្រីទទួលបន្ទុកការងារអប់រំកុមារតូច នៃការិយាល័យអប់រំ យុវជន និងកីឡា ស្រុកស្នួល ព្រមទាំង មានការចូលរួមពីលោកគ្រូ អ្នកគ្រូមត្តេយ្យសិក្សាសហគមន៍ មកពីបណ្តាក្រុង-ស្រុកទាំង ៧ ក្នុងខេត្ត សរុបចំនួន ៤៧នាក់។
*សូមបញ្ជាក់ថា វគ្គបំប៉ននេះត្រូវបានគាំទ្រ និងឧបត្ថម្ភដោយ អង្គការយូនីសេហ្វេ (UNICEF)

#បុគ្គលិកមន្ទីរអប់រំ យុវជន និងកីឡាខេត្តក្រចេះ
គោរពទង់ជាតិព្រឹកថ្ងៃសុក្រ ទី១៩ ខែមិថុនា ឆ្នាំ២០២៦

អបអរសាទរ ទិវាជាតិអប់រំបណ្ដុះបណ្ដាលបច្ចេកទេស និងវិជ្ជាជីវៈ លើកទី៩
ក្រចេះ៖ ព្រឹកថ្ងៃទី១៥ ខែមិថុនា ឆ្នាំ២០២៦ លោក សូវ ពិសិដ្ឋ អនុប្រធានមន្ទីរអប់រំ យុវជន និងកីឡាខេត្ត បានអញ្ជើញចូលរួមអបអរសាទរទិវាជាតិអប់រំបណ្ដុះបណ្ដាលបច្ចេកទេស និងវិជ្ជាជីវៈ លើកទី៩ ក្រោមប្រធានបទ “ TVET ផ្តល់ជំនាញ ការងារ និងប្រាក់ចំណូល ” នៅវិទ្យាស្ថានពហុបច្ចេកទេសភូមិភាគតេជោសែនឦសាន ក្រោមអធិបតីភាព ឯកឧត្ដម ភឹម ភីរ៉ា អភិបាលរងនៃគណ:អភិបាលខេត្តក្រចេះ និងជាប្រធានគណៈកម្មាធិការបណ្តុះបណ្តាលខេត្ត ដោយមានការចូលពី លោក លោកស្រី អភិបាល អភិបាលរងក្រុង-ស្រុក តំណាងមន្ទីរជុំវិញខេត្ត និងសិស្សានុសិស្សប្រមាណ ៥២៩នាក់។

ពិធីប្រកាសចូលកាន់មុខតំណែងស្មៀនឃុំ នាយក នាយិកា នៅស្រុកអូរគ្រៀងសែនជ័យ

អូរគ្រៀងសែនជ័យ៖ ព្រឹកថ្ងៃទី១៥ ខែមិថុនា ឆ្នាំ២០២៦ លោក ធុយ ចាន់សុទ្ធា អនុប្រធានមន្ទីរអប់រំ យុវជន និងកីឡាខេត្តបានអញ្ជើញចូលរួមក្នុងពិធីប្រកាសចូលកាន់មុខតំណែងស្មៀនឃុំ នាយក នាយិកាសាលាបឋមសិក្សានៃរដ្ឋបាលស្រុកអូរគ្រៀងសែនជ័យ ក្រោមអធិបតីភាពឯកឧត្ដម ដួង ពៅ អភិបាលរងខេត្តតំណាងដ៏ខ្ពង់ខ្ពស់ឯកឧត្ដម វ៉ា ថន អភិបាលនៃគណៈអភិបាលខេត្តក្រចេះ ដោយមានការចូលរួមពីលោក ឈា ផល្លី អភិបាលនៃគណៈអភិបាលស្រុកអូរគ្រៀងសែនជ័យ អភិបាលរងស្រុក កងកម្លាំងប្រដាប់អាវុធទាំងបីស្ថានប័ន អាជ្ញាធរមូលដ្ឋាន លោកនាយក នាយិកា និងលោកគ្រូ អ្នកគ្រូក្នុងស្រុកអូរគ្រៀងសែនជ័យ។

#មន្ទីរអប់រំ យុវជន និងកីឡាខេត្តក្រចេះ
គោរពទង់ជាតិព្រឹកថ្ងៃចន្ទ ទី១៥ ខែមិថុនា ឆ្នាំ២០២៦