09/11/2025
ធ្វើការឲ្យគេ Vs. រកស៊ីខ្លួនឯង
បើអ្នកចង់ធ្វើការឲ្យគេ ក៏ធ្វើទៅ។ ហើយបើអ្នកចង់ប្រកបអាជីវកម្មរកទទួលទានដោយខ្លួនឯង ក៏រកទៅ។ ចុះអ្នកចាំបាច់អីទៅមើលស្រាលអ្នកដទៃដែលរើសយកជម្រើស ឬ មានការសម្រេចចិត្តខុសពីអ្នក?
មនុស្សផ្សេងគ្នា សម្បកកាយនិង ចិត្តគំនិតក៏ផ្សេងគ្នា។ លើសពីនេះទៅទៀត ចំណង់ចំណូលចិត្ត ចំណេះ ជំនាញ បទពិសោធន៍ និងឱកាសក៏ខុសៗគ្នាដែរ។ ដូចនេះ ទោះជាបម្រើការងារឲ្យគេក៏ល្អ និងសំខាន់ខ្លាំង ព្រោះបានជួយទាំងខ្លួនឯង គ្រួសារ ស្ថាប័ន និងសង្គមជាតិ...។ យ៉ាងណាម៉ិញ ការបង្កើតរបររកទទួលទានដោយខ្លួនឯងក៏ល្អ និងផ្ដល់ប្រយោជន៍ច្រើនខ្លាំងណាស់ដែរ។
បើអ្នកយក់ថា ធ្វើការងារឲ្យគេមិនល្អ នោះចូរអ្នកកុំរើសបុគ្គលិកឲ្យមកជួយការងាររបស់អ្នកអី។
ហើយបើអ្នកគិតថា ការប្រកបអាជីវកម្មដោយខ្លួនឯងមិនល្អ នោះចូរអ្នកកុំបាច់ដាក់ពាក្យសុំធ្វើការងារនៅក្នុងស្ថាប័នដែលអ្នកដ៏ទៃខំបង្កើតឡើងមកធ្វើអី។
