28/01/2026
នៅព្រឹកថ្ងៃពុធ ១០កើត ខែមាឃ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២៨ ខែមករា ឆ្នាំ២០២៦January 28, 2026
_________&&&________
ព្រះគ្រូរដ្ឋានុរ័ក្ខកោសល មឿង សុនិមិត្តព្រះអនុគណស្រុកឆែប ខេត្តព្រះវិហារ បានដឹកនាំព្រះមន្ត្រីសង្ឃស្រុករៀបចំកម្មពិធីផ្សព្វផ្សាយខ្លឹមសារអនុសំវច្ឆរមហាសន្និបាតមន្ត្រីសង្ឃទូទាំងប្រទេសលើកទី៣៣
កម្មវិធីនេះដោយមានការនិមន្តចូលរួមក្រោមអធិបតី ព្រះសីមានុចារី សៀនគុណលាភ ព្រះបាឡាត់គណខេត្តព្រះវិហារ តំណាងដ៏ខ្ពង់ខ្ពស់ព្រះសីមាវិជិតព្រះមេគណខេត្តព្រះវិហារ។
លោក កៅ រីម អភិបាលរងស្រុក តំណាងលោក ឃិន សុធារ៉ា អភិបាលស្រុកឆែបលោក លោកស្រីក្រុមប្រឹក្សា អាជ្ញាធរភូមិឃុំ លោកគ្រូអាចារ្យគណៈកម្មការលោកគ្រូអ្នកគ្រូ សិស្សានុសិស្សមួយចំនួនផងដែរ។
ពិធីប្រជុំនេះត្រូវបានធ្វើឡើងក្នុង គោលបំណងដើម្បីផ្សព្វផ្សាយខ្លឹមសារអនុសំវច្ឆរៈមហាសន្និបាតមន្ត្រីសង្ឃទូទាំងប្រទេសលើកទី៣៣ របស់គណៈសង្ឃនាយក នៃព្រះរាជាណាចក្រកម្ពុជា និងក្រសួងធម្មការ និងសាសនា សំដៅលើកកំពស់ការសិក្សារៀនសូត្រ ការបដិបត្តិធម៌វិន័យ និងការផ្សព្វផ្សាយ ព្រះពុទ្ធពុទ្ធសាសនាឲ្យកាន់តែមានការរីកចម្រើន ។
ក្នុងនោះព្រះសីមានុចារីវិមុត្តិ សៀន គុណលាភ ព្រះបាឡាត់គណខេត្ត មានថេរដីកាផ្ដល់ឱវាទដល់ព្រះសង្ឃ ភិក្ខុ សាមណេរ ឲ្យបដិបត្តិធម៌វិន័យ មានអភិសមាចារ និងសិក្សានូវព្រះធម៌ តាមព្រះពុទ្ធវចន: ព្រះគម្ពីរបិដកជាគោល។ ក្នុងនោះក៏បានអបរំសីលធម៌ដល់សិស្សានុសិស្សដែលបានចូលរួមក្នុងកម្មវិធី ឲ្យមានការខិតខំប្រឹងប្រែងសិស្សារៀនសូត្រ ដើម្បីអភិវឌ្ឍន៍ខ្លួនក្នុងការជួយប្រទេសជាតិឲ្យមានការរីកចម្រើន ជៀសវាងការសេពគប់នៅបាបមិត្ត (បុគ្គលពាល) នាំឲ្យមានទុក្ខលំបាកដល់ខ្លួនឯង គ្រួសារ និងដល់សង្គមជាតិទាំងមូល។
ជាចុងបញ្ចប់ព្រះបាឡាត់គណខេត្ត ក៏បានប្រគេននិងជូនពរ ដល់ព្រះសង្ឃ មន្ត្រីរាជការ លោកតា លោកយាយ សិស្សានុសិស្សទាំងអស់ឲ្យបានសុខគ្រប់ប្រការ ពុទ្ធមង្គលពរ៤ប្រការកុំឃ្លៀងឃ្លាតឡើយ។🙏🙏🙏
