សហគមន៍អំណាននៃសមាគមទុកចិត្ត R-CTA

Happy New Year 2024🎉🎆
May this year bring you happiness, success,and peace.
R-CTA

អបអរសាទរ ខួបអនុស្សាវរីយ៍លើកទី ៧០ នៃទិវាបុណ្យឯករាជ្យជាតិ

៩ វិច្ឆិកា ១៩៥៣ - ៩ វិច្ឆិកា ២០២៣

ទូលព្រះបង្គំយើងខ្ញុំទាំងអស់គ្នាចងចាំជានិច្ចព្រះរាជបូជនីយកិច្ចដ៏ឧត្តុងឧត្តមនៃព្រះករុណា ព្រះបិតាឯករាជ្យជាតិ ព្រះបរមរតនកោដ្ឋ ជាទីគោរពសក្ការៈដ៏ខ្ពង់ខ្ពស់បំផុត រួមដង្ហែដោយយុទ្ធជន យុទ្ធនារី ខ្មែរអ្នកស្នេហាជាតិ និងប្រជារាស្រ្តទូទាំងព្រះរាជាណាចក្រកម្ពុជា ដើម្បីបុព្វហេតុឯករាជ្យជាតិ។

ពួកយើងនៅតែបន្តសកម្មភាព សហគមន៍អំណានយ៉ាងសកម្ម។
#ទុកចិត្តអំណាន

កម្មវិធីសហគមន៍អំណាននៃសមាគមទុកចិត្ត បានធ្វើនូវកម្មវិធីបទបង្ហាញមួយកាលពីថ្ងៃអាទិត្យ ទី០១ ខែតុលា ឆ្នាំ២០២៣ ដើម្បីផ្សព្វផ្សាយឲ្យបានទូលំទូលាយអំពីកម្មវិធីទុកចិត្តអំណាន។ សូមថ្លែងអំណរគុណចំពោះការការចូលរួមពី អាជ្ញាធរមូលដ្ឋាន នាយកអង្គការអូរីដា នាយកសាលា លោកគ្រូ អ្នកគ្រូ អាណាព្យាបាល និងសិស្សានុសិស្សមកពីបណ្តាសាលាបឋមសិក្សាទាំង៥។

សូមចូលរួមអបអរសាទរចំពោះក្រុមជម្រើសជាតិនារីកម្ពុជាដែលបានយកឈ្នះលើក្រុមជម្រើសជាតិឡាវដោយលទ្ធផល២ទល់នឹង០។

"បណ្តុះធនធានកុមារនៅថ្ងៃនេះ យើងនឹងទទួលបានធនធានយុវជននៅថ្ងៃខាងមុខ។"

សហគមន៍អំណាននៃសមាគមទុកចិត្តបានបន្តសកម្មភាពនៅសាលាបឋមសិក្សាអង្គផល្លាស្អិត វេលាម៉ោង២ ដល់ម៉ោង៤រសៀល ដោយមានសិស្សានុសិស្សចំនួន២៥នាក់ចូលរួមក្នុងការអានសៀវភៅ។កុមារមានការយកចិត្តទុកដាក់ក្នុងការអាន មានភាពសប្បាយរីករាយ និងមានស្នាមញញឹមជាមួយសមាជិកគណ:កម្មការ។
"បណ្តុះធនធានកុមារនៅថ្ងៃនេះ យើងនឹងទទួលបានធនធានយុវជននៅថ្ងៃខាងមុខ។"
ថ្ងៃសៅរ៍ ១៤រោច ខែចេត្រ ឆ្នាំ ខាលចត្វាស័ក ពុទ្ធសករាជ ២៥៦៥
ត្រូវនឹងថ្ងៃទី៣០ ខែមេសា ឆ្នាំ២០២២។

សហគមន៍អំណាននៃសមាគមទុកចិត្ត សូមថ្លែងអំណរគុណដល់ អង្គការមូលនិធិអាស៊ី ដែលបានឧបត្ថម្ភសៀវភៅអំណានកុមារចំនួន២៥០ក្បាលដើម្បីតម្កល់ទុកក្នុងសមាគមទុកចិត្ត និងប្រើប្រាស់ក្នុងសហគមអំណាន។ ប្អូនៗកុមារពិតជាសប្បាយរីករាយក្នុងការអានសៀវភៅថ្មីៗ ដោយសៀវភៅនីមួយៗអមជាមួយរូបភាពគួរឲ្យចាប់អារម្មណ៍។
ថ្ងៃសៅរ៍ ៧រោច ខែចេត្រ ឆ្នាំខាល ចត្វាស័ក ព.ស ២៥៦៥
ត្រូវនឹងថ្ងៃទី២៣ ខែមេសា ឆ្នាំ២០២២។

សហគមន៍អំណាននៃសមាគមទុកចិត្ត សូមថ្លែងអំណរគុណចំពោះលោក ពិន ចាន់នឿន បានឧបត្ថម្ភសៀវភៅចំនួន២ក្បាលដែលជាស្នាដៃនិពន្ធរបស់លោកផ្ទាល់។សូមអរគុណចំពោះទឹកចិត្តក្នុងចំណែកមួយនៃការអប់រំ។សូមគោរពជូនពរឲ្យលោកទទួលបាននូវ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

🥰🙏

សហគមន៍អំណាននៃសមាគមទុកចិត្ត សូមអរគុណចំពោះកញ្ញា ឌីម ពុទ្ធា ដែលបានឧបត្ថម្ភថវិកាចំនួន៥ដុល្លា(5$)សម្រាប់ដំណើរការសហគមន៍អំណាន។សូមអរគុណសម្រាប់ទឹកចិត្តក្នុងការចូលរួមចំណែកមួយនៃការអប់រំ។សូមជូនពរឲ្យបាននូវ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។