វិទ្យាល័យ វត្តអង្គរជ័យ-Wat Angkor Chey High School

# ពិធីសូត្រមន្តឆ្លងភ្នំខ្សាច់ និងអបអរសាទរសង្រ្កាន្តឆ្នាំថ្មី វិទ្យាល័យ វត្តអង្គរជ័យ
# កាលបរិច្ឆេទ៖ ថ្ងៃទី៤ ខែមេសា ឆ្នាំ២០២៦

#ត្រៀមអបអរសង្ក្រាន្តឆ្នាំថ្មី វិទ្យាល័យ វត្តអង្គរជ័យ ថ្ងៃទី៤ ខែមេសា ឆ្នាំ២០២៦ 🫶🏻🫶🏻🫶🏻😍😍😍👏👏👏

មណ្ឌលប្រឡងវិ.វត្តអង្គរជ័យ៖ ដំណើរការប្រឡងប្រចាំខែ មីនា ឆ្នាំសិក្សា២០២៥-២០២៦
សម័យប្រឡង៖ ៣០ មីនា ២០២៦

#កិច្ចប្រជុំស្តីពី ការពិនិត្យតាមដាន និងអនុវត្តផែនការបន្ត របស់ក្រុមបច្ចេកទេស
#សមាសភាពចូលរួម រួមមាន គណៈគ្រប់គ្រង បុគ្គលិកទីចាត់ការ និងលោកគ្រូអ្នកគ្រូ ជាប្រធានក្រុមបច្ចេកទេសតាមមុខវិជ្ជា នៃវិទ្យាល័យវត្តអង្គរជ័យ។
#កាលបរិច្ឆេទ ថ្ងៃទី២៦ ខែមីនា ឆ្នាំ២០២៦ វេលាម៉ោង ៩.០០នាទី ដល់ម៉ោង ១១.០០នាទី

#កិច្ចប្រជុំរវាងគណៈគ្រប់គ្រងសាលា គ្រូបន្ទុកថ្នាក់ និងមាតាបិតា អ្នកអាណាព្យាបាលសិស្ស ដើម្បីពិភាក្សាលើលទ្ធផលសិក្សា និងស្ថានភាពសិក្សារៀនសូត្ររបស់ប្អូនៗជាអ្នកសិក្សា ប្រចាំឆមាសទី១ ឆ្នាំ២០២៥-២០២៦
#គោលបំណងគន្លឹះផ្តោតលើ ការដាស់តឿនក្រើនរំឭក ការយកចិត្តទុកដាក់តាមដាន គាំទ្រ និងការជំរុញលើកកម្ពស់ស្មារតីដល់សិស្សានុសិស្ស ចេះកែប្រែសេចក្តីធ្វេសប្រហែសរបស់ខ្លួន មកជាការខិតខំរៀនសូត្រ ឲ្យទទួលបានលទ្ធផលល្អ និងការទទួលខុសត្រូវខ្ពស់ ក្នុងភាពជាកូនល្អ សិស្សល្អ និងមិត្តល្អ។

វគ្គបណ្តុះបណ្តាល ប្រធានក្លឹបសិក្សាបំណិនជីវិត កម្រិតថ្នាក់ទី៧ ឆ្នាំសិក្សា២០២៥-២០២៦ ដែលដឹកនាំដោយ គណៈគ្រប់គ្រងសាលា ព្រមទាំង មានការគាំទ្រផ្នែកបច្ចេកទេស និងការអនុវត្តពី អង្គការរូមធូរីដ

នាព្រឹក ថ្ងៃចន្ទ ១៣រោច ខែផល្គុន ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី១៦ ខែមីនា ឆ្នាំ២០២៦ គណៈគ្រប់គ្រងសាលា លោកគ្រូអ្នកគ្រូ និងសិស្សានុសិស្សនៃវិ.វត្តអង្គរជ័យ បានបំពេញកិច្ច៖
-គោរពទង់ជាតិនៃព្រះរាជាណាចក្រកម្ពុជា
-ការចែកបណ្ណសរសើរ សម្ភារៈសិក្សា និងថវិកាលើកទឹកចិត្តដល់សិស្សពូកែថ្នាក់ស្រុក និងសិស្សនិទ្ទេសA ប្រឡងឆមាសលើកទី១ ឆ្នាំសិក្សា២០២៥-២០២៦
-និងការផ្តល់ឱវាទដល់សិស្សានុសិស្សឲ្យស្រឡាញ់ការសិក្សា បរិស្ថាន និងជាតិមាតុភូមិ។

កម្មវិធីអប់រំសុខភាព លើប្រធានបទ៖
១-ការលាងសម្អាតដៃ
២-និងសុខភាពមាត់ធ្មេញ

សមាសភាពចូលរួម៖
-លោក អៀម ប្រឹម នាយកវិទ្យាល័យវត្តអង្គរជ័យ
-លោកស្រី សែត សុម៉ាលី អនុប្រធានមណ្ឌលសុខភាពប្រភ្នំ និងជាអនុប្រធានគណៈកម្មការសុខភាពសិក្សាប្រចាំវិទ្យាល័យវត្តអង្គរជ័យ
-លោកគ្រូទីប្រឹក្សាគរុកោសល្យប្រចាំសាលារៀន បុគ្គលិកអង្គការូមធូរីដ អ្នកគ្រូបង្រៀនមុខវិជ្ជាបំណិនជីវិត
-និងសិស្សានុសិស្សថ្នាក់ទី៧ នៃវិទ្យាល័យវត្តអង្គរជ័យ ចំនួន១២២នាក់។

កម្មវិធីអប់រំនេះ បានទទួលការគាំទ្រពីសំណាក់អង្គការរូមធូរីដ ដោយរបៀបវារៈនៃកម្មវិធីទាំងមូល បានដំណើរការ និងប្រព្រឹត្តទៅយ៉ាងរលូន ប្រកបដោយការយកចិត្តទុកដាក់ និងប្រសិទ្ធភាពខ្ពស់។

សាលពហុបំណង នៃវិ.វត្តអង្គរជ័យ ថ្ងៃទី១០ ខែមីនា ឆ្នាំ២០២៦

#កិច្ចប្រជុំបូកសរុបលទ្ធផលការងារ ក្នុងឆមាសទី១ និងលើកទិសដៅបន្តសម្រាប់ឆមាសទី២ ឆ្នាំសិក្សា២០២៥-២០២៦
#ដំណើរការប្រជុំមានរយៈពេល២ថ្ងៃ គឺចាប់ពីថ្ងៃទី៥-៦ ខែមីនា ឆ្នាំ២០២៦ បានប្រព្រឹត្តទៅយ៉ាងរលូន និងសម្រចលទ្ធផលប្រកបដោយប្រសិទ្ធភាពផ្អែកតាមរបៀបវារៈ ដែលត្រូវបានកំណត់។

#សូមអបអរសាទរ ដល់ប្អូនៗទាំងបីរូបដែលជាសិស្សពូកែរបស់វិទ្យាល័យវត្តអង្គរជ័យ ចំពោះជ័យលាភី ក្នុងការប្រឡងប្រជែងជ្រើសរើសសិស្សពូកែ ប្រចាំស្រុកអង្គរជ័យ (សម័យប្រឡង៖ ០៣ មីនា ២០២៦) លើមុខវិជ្ជា រូបវិទ្យា៖
១- សៅ វីហ្សា ចំណាត់ថ្នាក់លេខ១ (ថ្នាក់ទី១២)
២- គីម សុធារិទ្ធិ ចំណាត់ថ្នាក់លេខ២ (ថ្នាក់ទី១២)
៣- ញ៉ូយ នីស្សា ចំណាត់ថ្នាក់លេខ១ (ថ្នាក់ទី៩)
#សូមជូនពរ ប្អូនៗទាំងបីរូប ជាអ្នកសិក្សាឆ្នើមបន្តទទួលជោគជ័យនូវកិច្ចការប្រឡងប្រជែង ជាបន្តបន្ទាប់ទៀត👏👏👏❤️❤️❤️💪💪💪

-ថ្ងៃទី២ នៃការប្រឡងឆមាសលើកទី១ ថ្នាក់ទី១២ ឆ្នាំសិក្សា២០២៥-២០២៦ ដោយមានការអញ្ជើញចុះពិនិត្យ និងកាត់ស្រោមវិញ្ញាសាប្រឡងពីសំណាក់ លោក យន់ វ៉ាន់ដេង ប្រធានការិ.អយកនៃរដ្ឋបាលស្រុកអង្គរជ័យ។
-ដំណើរការសំណេរ និងកំណែ ត្រូវបានបន្ត និងចាប់ផ្តើមអនុវត្ត ដោយគ្រប់គណៈកម្មការនៃការប្រឡង និងបេក្ខជន បំពេញភារកិច្ច និងកាតព្វកិច្ច ប្រកបដោយស្មារតីយកចិត្តទុកដាក់ និងទទួលខុសត្រូវខ្ពស់។
-វិ.វត្តអង្គរជ័យ ថ្ងៃទី២៤ ខែកុម្ភៈ ឆ្នាំ២០២៦