Islamic Academy of Cambodia IAC Edu

02/11/2025

20/09/2025

សូមចូលរួមអបអរសាទរយ៉ាងក្លៀវក្លាជាទីបំផុត ជាមួយនិង សិស្សថ្នាក់ទី១២E នៃវិទ្យាស្ថានអប់រំ ឥស្លាមសិក្សា កម្ពុជា (IAC) ដែលជាថ្នាក់ឧបសម្ព័ន្ធនៃ វិទ្យាល័យចំណេះទូទៅ និង បច្ចេកទេស ព្រះបាទ សម្តេច ព្រះបរមនាថ នរោត្តម សីហមុនី ស្រុកកំពង់ត្រឡាច ខេត្តកំពង់ឆ្នាំង ហើយនិង មាតា បិតា និង អ្នកអាណាព្យាបាលសិស្សទាំងអស់ នូវលទ្ធផលប្រឡង សញ្ញាបត្រមធ្យមសិក្សា ទុតិយភូមិ នាសម័យប្រឡង ២៨ សីហា ២០២៥ ទទួលបានជោគជ័យ ជាប់ទាំអស់គ្នា (១០០%) ។
« អាល់ហាំទូលិលឡាស់ »

លទ្ធផលប្រឡងសញ្ញាបត្រមធ្យមសិក្សា ទុតិយភូមិ នាឆ្នាំនេះ ជាលទ្ធផលប្រឡង ល្អណាស់ ត្រូវបានកត់ត្រាចូល ក្នុងសៀវភៅក្រាំងមាស នៃកំណត់ត្រាពិសេសរបស់ វិទ្យាស្ថានអប់រំ ឥស្លាមសិក្សាកម្ពុជា (IAC)
គួរជាទីមោទនៈ ។

លទ្ធផលប្រឡងសម្រាប់សិស្ស នៃវិទ្យាស្ថាន (IAC)
បានប្រឡងជាប់ ទទួលបាននិទ្ទេស ដូចខាងក្រោមនេះ ៖

និទ្ទេស B : ០៣ រូប
និទ្ទេស C : ០២ រូប
និទ្ទេស D : ០៨ រូប
និទ្ទេស E : ០៣ រូប

សរុប : ១៦ រូប

* កំណត់សម្គាល់ ៖
លទ្ធផលប្រឡង ជាប់ ១០០%
(ធ្លាក់ ០)

លទ្ធផលប្រឡងដែលទទួលបាននៅថ្ងៃនេះ ជាមោទកភាព វិទ្យាស្ថាន (IAC) ។

សូមគោរពអរគុណ អ្នកគ្រូ លោកគ្រូ ទាំងអស់ ជាពិសេស អ្នកគ្រូ លោកគ្រូ នៃវិទ្យាល័យចំណេះទូទៅ និង បច្ចេកទេស ព្រះបាទ សម្តេច ព្រះបរមនាថ
នរោត្តម សីហមុនី ស្រុកកំពង់ត្រឡាច ខេត្តកំពង់ឆ្នាំង ដែលបានយកចិត្តទុកដាក់ ខិតខំបង្ហាត់បង្រៀន អស់ពីកម្លាំងកាយ ចិត្តបញ្ចេញសមត្ថភាពពិសេស និង បទពិសោធន៍ដ៏សំបូរបែបជាច្រើនឆ្នាំ រហូតទទួលបានលទ្ធផលគួរឲកោតសរសើរក្រៃលែង ។
សូមគោរពអរគុណថ្នាក់ដឹកនាំមន្ទីរអប់រំ យុវជន និងកីឡា ខេត្តកំពង់ឆ្នាំង ហើយនិង ការិយាល័យក្រោមឱវាទ ព្រមទាំង ផ្នែកពាក់ព័ន្ធទាំងអស់ ដែលបានគាំទ្រ និង បង្កលក្ខណៈងាយស្រួលគ្រប់បែបយ៉ាង ជាពិសេស មាតា បិតា និង អ្នកអាណាព្យាបាលសិស្ស បានចូលរួមយ៉ាងសកម្មក្នុងការលើកទឹកចិត្ត ជំរុញឲការសិក្សាទទួល បានជោគជ័យ ជ័យលាភី នាថ្ងៃនេះ ។
សូមគោរពអរគុណយ៉ាងជ្រាលជ្រៅបំផុត ជូនប្រមុខរាជរដ្ឋាភិបាលនៃព្រះរាជាណាចក្រកម្ពុជា ហើយនិង ថ្នាក់ដឹកនាំ និង មន្ត្រីរាជការ នៃក្រសួងអប់រំ យុវជន និងកីឡា គ្រប់លំដាប់ថ្នាក់ ព្រមទាំងអាជ្ញាធរពាក់ព័ន្ធទាំងអស់ ដែលបានផ្តល់អាទិភាព លើវិស័យអប់រំសិក្សាធិការ កំណែទម្រង់ស៊ីជម្រៅលើកម្មវិធី ប្រឡងថ្នាក់ជាតិ «អ្នកចេះ ជាប់» លើកកម្ពស់វិស័យអប់រំទាំងបរិមាណ និងគុណភាព ដែលអាចទទួលយកបាន សម្រាប់លទ្ធផលប្រឡងសញ្ញាបត្រ មធ្យមសិក្សា ទុតិយភូមិ នាសម័យប្រឡង ជារៀងរាល់ឆ្នាំសិក្សា ។

សូមគោរពអរគុណ ជាអនេកប្បការ ។

04/09/2025

សូមគោរពជម្រាបថា ៖

វិទ្យាស្ថានអប់រំ ឥស្លាមសិក្សា កម្ពុជា (IAC-NIC) មានកិត្តិយសសូមជម្រាបជូនសិស្សានុសិស្ស នៃវិទ្យាស្ថាន (IAC-NIC) មាតា បិតាសិស្ស ឬ អ្នកអាណាព្យាបាលសិស្ស មេត្តាជ្រាបថា ៖

វិទ្យាស្ថាន (IAC-NIC) មានកញ្ចប់ពិសេស លើកទឹកចិត្តសិស្ស (បន្ថែម) សម្រាប់កុមារា កុមារី (កុមារតូច) កម្រិតបឋមសិក្សា (ពីថ្នាក់ទី១ ដល់ ថ្នាក់ទី៦) ដែលរួសរាន់អញ្ជើញទៅកាន់វិទ្យាស្ថាន (IAC-NIC) ដើម្បីចុះឈ្មោះចូលរៀនទៅតាមសេចក្តីជូនដំណឹងរបស់វិទ្យាស្ថាន (IAC-NIC) និងបំពេញលក្ខខណ្ឌសព្វគ្រប់នៃការចុះឈ្មោះបានយ៉ាងត្រឹមត្រូវ ។
សិស្សដែលបានបំពេញលក្ខខណ្ឌ ដូចបានពណ៌នាខាងក្រោម នឹងទទួលបានកញ្ចប់លើកទឹកចិត្តពិសេស (បន្ថែម) សម្រាប់កុមារា កុមារី (កុមារតូច) ដោយវិទ្យាស្ថាន (IAC-NIC) នឹងរៀបចំកញ្ចប់ទេសចរណ៍ពិសេស សម្រាប់សិស្សដែលបានចុះឈ្មោះចូលរៀន ដើម្បីធ្វើបច្ចុប្បន្នភាពបញ្ជីរាយនាមសិស្ស ឆ្នាំសិក្សា ២០២៥-២០២៦ ចំនួន ៣០នាក់ដំបូង ហើយនិង សិស្សថ្មី ចំនួន ៣០នាក់ដំបូង ឲមានឱកាសអញ្ជើញទៅចូលរួមក្នុងកម្មវិធីដំណើរកម្សាន្តដោយឥតគិតថ្លៃ ។ វិទ្យាស្ថាន (IAC-NIC) សហការជាមួយភាគីម្ចាស់ជំនួយ នឹងផ្តល់ឱកាសពិសេស (បន្ថែម) ឲសិស្ស (កុមារតូច) អញ្ជើញទៅទស្សនា សួនសត្វសាហ្វារី-ភ្នំពេញ និង លេងសួនទឹកភ្នំពេញហ្គាឌិន នារដូវកាលបើកបវេសនកាលឆ្នាំសិក្សាថ្មី ២០២៥-២០២៦ នៅដើមខែវិច្ឆិកា ២០២៥ ខាងមុខនេះ អុិនស្ហា-អល់ឡោះ ។
សិស្ស ជាទេសចរ មានឱកាសលំហែកាយនៅតំបន់បៃតងជាយរាជធានីភ្នំពេញ ដ៏ស្រស់ស្អាត ជាប់លំដាប់ថ្នាក់សួនទឹកធំជាងគេនៅអាស៊ីអាគ្នេយ៍ ។ ក្រុមសិស្ស មានឱកាសលេងកម្សាន្តនូវសកម្មភាពផ្សេងៗ នៅតំបន់ទេសចរណ៍ដ៏ល្បីល្បាញ ប្រកបដោយផាសុកភាព ។

* លក្ខខណ្ឌចាំបាច់ ត្រូវអនុវត្តរួមមាន ៖
១- អញ្ជើញទៅចុះឈ្មោះចូលរៀនឲបានមុនគេ (ផ្តល់អាទិភាព)
២- គោរពបទបញ្ជាផ្ទៃក្នុងវិទ្យាស្ថាន (IAC-NIC)

សេចក្តីដូចបានជម្រាបជូនខាងលើ សូមសិស្សានុសិស្ស នៃវិទ្យាស្ថាន (IAC-NIC) មាតា បិតាសិស្ស ឬ អ្នកអាណាព្យាបាលសិស្ស មេត្តាជ្រាបជាព័ត៌មាន ។

សូមអរគុណ !

31/08/2025

លោកនាយកវិទ្យាស្ថានអប់រំ ឥស្លាមសិក្សា កម្ពុជា បានផ្ញើសារលិខិតថ្លែងអំណរគុណ គោរពជូនឯកឧត្តម ស៊ីវ រុន ប្រធានក្រុមប្រឹក្សាខេត្តកំពង់ឆ្នាំង ដើម្បីបង្ហាញនូវសេចក្តីដឹងគុណដ៏ជ្រាលជ្រៅបំផុត ។

សូមឯកឧត្តមប្រធានក្រុមប្រឹក្សាខេត្តកំពង់ឆ្នាំង និង លោកជំទាវ ព្រមទាំងសហការី ប្រកបដោយសុខភាពល្អបរិបូណ៌ និង ទទួលជោគជ័យគ្រប់ភារកិច្ច ។

សូមគោរពអរគុណ ឯកឧត្តម ប្រធានក្រុមប្រឹក្សាខេត្តកំពង់ឆ្នាំង
ជាអនេកប្បការ ។

19/08/2025

សាឡាម !

សូមជម្រាបថា ៖

វិទ្យាស្ថានអប់រំ ឥស្លាមសិក្សា កម្ពុជា (IAC-NIC) មានកិត្តិយសសូមជម្រាបជូនសិស្សានុសិស្ស នៃវិទ្យាស្ថាន (IAC-NIC) មាតា បិតាសិស្ស ឬ អ្នកអាណាព្យាបាលសិស្ស មេត្តាជ្រាបថា ៖

វិទ្យាស្ថាន (IAC-NIC) មានកញ្ចប់ពិសេស លើកទឹកចិត្តសិស្សដែលរួសរាន់អញ្ជើញទៅកាន់វិទ្យាស្ថាន (IAC-NIC) ដើម្បីចុះឈ្មោះចូលរៀនទៅតាមសេចក្តីជូនដំណឹងរបស់វិទ្យាស្ថាន (IAC-NIC) និងបំពេញលក្ខខណ្ឌសព្វគ្រប់នៃការឈ្មោះបានយ៉ាងត្រឹមត្រូវ ហើយនិង បានចូលរួមវគ្គសិក្ខាសាលាបំប៉នភាសាអារ៉ាប់ បានយ៉ាងសកម្ម ព្រមទាំងទទួលលទ្ធផលប្រឡងបញ្ចប់វគ្គសិក្សាដោយទទួលបានលទ្ធផលល្អប្រសើរ ពីចំណាត់ថ្នាក់លេខ១, ចំណាត់ថ្នាក់លេខ២, និង ចំណាត់ថ្នាក់លេខ៣ ។ សិក្ខាកាមឆ្នើមទាំងបីកម្រិត ដែលបានបំពេញលក្ខខណ្ឌ ដូចបានពណ៌នាខាងលើ នឹងទទួលបានកញ្ចប់លើកទឹកចិត្តពិសេស ដោយវិទ្យាស្ថានសហការជាមួយភាគីម្ចាស់វគ្គសិក្ខាសាលា នឹងរៀបចំឲមានឱកាសអញ្ជើញទៅទីក្រុងមឹក្កះនៃប្រទេសអារ៉ាប៊ីសាអូឌីត ដើម្បីប្រតិបត្តិអុីបាទះ អុំរ៉ោះ នារដូវកាលនៃខែរ៉ម៉ាឌន នាឆ្នាំខាងមុខនេះ អុិនស្ហា-អល់ឡោះ ។
វិទ្យាស្ថាន (IAC-NIC) នឹងផ្តល់ឱកាសពិសេស ឲសិក្ខាកាមឆ្នើមទាំងបីកម្រិត អាចដាក់ពាក្យសុំនាំយកអ្នកម្តាយបង្កើតរបស់ផងខ្លួន ដើម្បីអមដំណើររបស់ខ្លួនផងដែរ ។ ក្នុងន័យនេះ សិក្ខាកាមឆ្នើមម្នាក់ៗ ព្រមទាំងអ្នកម្តាយបង្កើត មានឱកាសមាស អញ្ជើញទៅទីក្រុងមឹក្កះ នៃប្រទេសអារ៉ាប៊ីសាអូឌីត ដើម្បីប្រតិបត្តិអុីបាទះ អុំរ៉ោះ ទាំងពីរនាក់ នារដូវកាលនៃខែរ៉ម៉ាឌន នាឆ្នាំខាងមុខនេះ អុិនស្ហា-អល់ឡោះ ។

* លក្ខខណ្ឌចាំបាច់ ត្រូវអនុវត្តរួមមាន ៖
១- អញ្ជើញទៅចុះឈ្មោះចូលរៀនឲបានមុនគេ (ផ្តល់អាទិភាព)
២- ចុះឈ្មោះចូលរួមរៀនវគ្គសិក្ខាសាលាបំប៉នភាសាអារ៉ាប់
៣- ចូលរួមរៀនវគ្គសិក្សាបំប៉នភាសាអារ៉ាប់ យ៉ាងសកម្ម
៤- គោរពបទបញ្ជាផ្ទៃក្នុង នៃសិក្ខាសាលា
៥- ទទួលបានលទ្ធផលប្រឡងបញ្ចប់វគ្គសិក្សា ដោយទទួលបាន លទ្ធផលល្អប្រសើរ ពីចំណាត់ថ្នាក់លេខ១ ដល់ ចំណាត់ថ្នាក់លេខ៣

សេចក្តីដូចបានជម្រាបជូនខាងលើ សូមសិស្សានុសិស្ស នៃវិទ្យាស្ថាន (IAC-NIC) មាតា បិតាសិស្ស ឬ អ្នកអាណាព្យាបាលសិស្ស មេត្តាជ្រាបជាព័ត៌មាន ។

សូមអរគុណ !

06/03/2025

សូមគោរពអរគុណសន្តិភាព !
សូមគោរពដឹងគុណ ដ៏ខ្ពង់ខ្ពស់បំផុត ជូនប្រមុខរាជរដ្ឋាភិបាល នៃព្រះរាជាណាចក្រកម្ពុជា ។

26/02/2025

សារចូលរួមចែករំលែកចំណេះដឹងជំនួយស្មារតី

សូមមេត្តាជ្រាបថា ៖

ការសិក្សាបែបវិទ្យាសាស្ត្រ ៖
កម្រិតជីវភាពក្នុងសង្គម មាន៣គឺ :
Poor, Rich & Wealth
អ្នកក្រ, អ្នកមាន (លុយ) និង អ្នកមានសម្បត្តិ

អ្នករៀន គឺជា អ្នកមានចំណេះដឹង

អ្នកមានចំណេះដឹង គឺជាអ្នកមានគំនិត

អ្នកមានគំនិត គឺជា អ្នកមានសមត្ថភាព

អ្នកមានសមត្ថភាព គឺជា អ្នកមានសម្បត្តិ

ចតុស្តម្ភអប់រំ មាន៤យ៉ាងគឺ៖
១- រៀនដើម្បីចេះដឹង
២- រៀនដើម្បីចេះធ្វើ
៣- រៀនដើម្បីមានសីសធម៌
៤- រៀនដើម្បីចេះរួមរស់ជាមួយគ្នា

រៀនដើម្បីកសាងសមត្ថភាព
ដើម្បីក្លាយជាអ្នកមានសម្បត្តិ
(ពុំមែនកសាងសមត្ថភាព ដើម្បីក្លាយជា អ្នកមានលុយ តែមួយមុខនោះទេ)

កសាងសមត្ថភាពក្លាយជា ធនធានមនុស្ស ឬ មូលធនមនុស្ស

១- បង្កើតធនធានមនុស្ស
ចេះដឹង
ចេះធ្វើ
និង ចេះជំនាញ

២- អភិវឌ្ឍមូលធនមនុស្ស
ចេះពិសោធន៍
និង ចេះសិក្សាស្រាវជ្រាវ

* សូមចងចាំថា ៖
រៀន និង សិក្សា មានកម្រិតចំណេះដឹង និង ចំណេះធ្វើ
ខុសគ្នា

* សូមកត់សម្គាល់ ៖
រៀនបានត្រឹមតែចេះទេ (ចេះដឹង និង ចេះធ្វើ) ។
សិក្សា គឺចេះច្បាស់លាស់ មានកម្រិតចេះដឹងខ្ពស់ កម្រិតយល់ដឹងខ្ពស់ (ចេះជំនាញ) ទទួលបានការអប់រំ ពីអ្នកសិក្សាស្រាវជ្រាវ ប្រកបដោយក្បួនខ្នាត បទដ្ឋានត្រឹមត្រូវ ឬ អ្នកជំនាញលើអាជីពអ្វីមួយប្រកបដោយបទពិសោធន៍ និង ទេពកោសល្យ ។

« ចេះអ្វី ឲចេះប្រាកដ ។ ចេះស្ទាក់ ចេះស្ទើរ រកអ្វីស៊ីគ្មាន ។ »

អ្នកមានសមត្ថភាព ប្រកបដោយសក្តានុពល មាន ៣យ៉ាងគឺ៖
១- គំនិត និង សមត្ថភាពដ៏អស្ចារ្យ
២- សុចរិតភាព និង ភាពស្មោះត្រង់
៣- គោរពពេលវេលា (ច្បាស់លាស់ទាន់ពេលវេលា ឲតម្លៃខ្ពស់លើពេលវេលាជាមាសប្រាក់)

ត្រូវកសាងសមត្ថភាពឲក្លាយជាមនុស្សពិសេស ជាធនធានមនុស្សកម្រ ដោយកត្តា ២យ៉ាងគឺ៖
១- ចេះអត់ធ្មត់ លើសគេបន្តិច
២- ចេះក្រែងចិត្ត លើសគេបន្តិច

សូមមេត្តាពិចារណា ៖
បើសង្គមមួយមានជីវភាពសង្គមនៅមានកម្រិត ខ្វះមនុស្សមានសមត្ថភាព វាជារឿងមួយ ប៉ុន្តែការប្រើប្រាស់មនុស្សខុសសមត្ថភាព វាជារឿងគ្រោះថ្នាក់បំផុត ។

សមត្ថភាព និង ប្រសិទ្ធភាព គឺខុសគ្នា
ការប្រើប្រាស់មនុស្សខុសសមត្ថភាព គាត់នឹងផលិតលទ្ធផលខុស ។ ការប្រើប្រាស់មនុស្សមានសមត្ថភាព ប្រកបដោយគុណវុឍ្ឍិ ទទួលបានលទ្ធផលវិជ្ជមាន និង មានប្រសិទ្ធភាពខ្ពស់ ។

ជាទូទៅ អ្នកមានសមត្ថភាពពិត ពុំដែលសម្តែងនោះទេ ។ ផ្ទុយមកវិញ មនុស្សដែលសមត្ថភាពរបស់គាត់នៅមានកម្រិត ចូលចិត្តសម្តែង ។

ការកសាងសមត្ថភាព «ភាពជាអ្នកដឹកនាំ» មនុស្សត្រូវកសាងខ្លួនឲក្លាយជាមនុស្សមានឥទ្ធិពល ប្រកបដោយលក្ខណៈសម្បត្តិ ៣ យ៉ាងគឺ៖
១- កត្តារូបវ័ន្តបុគ្គល (Physical Field)
២- កត្តាសមត្ថភាព (Capacity Field)
៣- កត្តាគំរូ (Model Field)

សូមគោរពអរគុណ !

តើហេតុអ្វីមនុស្សត្រូវកសាងសមត្ថភាពទាំង៩នេះ ?

* ការកសាងសមត្ថភាព «លើកកម្ពស់សុខភាព» គឺជា «មូលដ្ឋានគ្រឹះនៃជីវិត»

* ការកសាងសមត្ថភាព «បង្កើនចំណេះដឹង» គឺជា «សម្បត្តិនៃជីវិត»

* ការកសាងសមត្ថភាព «ចរិត» គឺជា «រសជាតិនៃជីវិត»

* ការកសាងសមត្ថភាព «ទេពកោសល្យ» គឺជា «សក្តានុពលនៃជីវិត»

* ការកសាងសមត្ថភាព «គុណសម្បត្តិ» គឺជា «ខ្លឹមនៃជីវិត»

* ការកសាងសមត្ថភាព «បង្កើតឱកាស» គឺជា «ជម្រើសនៃជីវិត»

* ការកសាងសមត្ថភាព «ឋានៈ» គឺជា «អំណាចនៃជីវិត»

* ការកសាងសមត្ថភាព «ភាពជាអ្នកដឹកនាំ» គឺជា «ឥទ្ធិពលនៃជីវិត»

* ការកសាងសមត្ថភាព «កិត្តិនាម» គឺជា «ភាពអស្ចារ្យនៃជីវិត»

សូមគោរពអរគុណ !

26/02/2025

លោកនាយកវិទ្យាស្ថានអប់រំ ឥស្លាមសិក្សា កម្ពុជា បានផ្ញើសារលិខិតថ្លែងអំណរគុណ គោរពជូនឯកឧត្តម ស៊ុន សុវណ្ណារិទ្ធិ អភិបាលនៃគណៈអភិបាលខេត្តកំពង់ឆ្នាំង ដើម្បីបង្ហាញនូវសេចក្តីដឹងគុណដ៏ជ្រាលជ្រៅបំផុត ។

សូមឯកឧត្តមអភិបាលខេត្តកំពង់ឆ្នាំង និង លោកជំទាវ ព្រមទាំងសហការី ប្រកបដោយសុខភាពល្អបរិបូណ៌ និង ទទួលជោគជ័យគ្រប់ភារកិច្ច ។

សូមគោរពអរគុណ ឯកឧត្តម អភិបាលខេត្តកំពង់ឆ្នាំង
ជាអនេកប្បការ ។

01/02/2025

ប័ណ្ណសរសើរ ប្រគល់ជូនសិស្សដែលបានចូលរួមពលកម្មសម្អាតយ៉ាងសកម្ម ដើម្បីអនាម័យបរិស្ថានក្នុងវិទ្យាស្ថាន