Tuot Sokchamroeun

@𝚂𝙾𝙱𝙴𝙽 𝙽𝚘𝚝𝙶𝚘𝚘𝚍𝚣 𝚏𝚝 𝙻𝚎𝚐𝚐𝚐 & 𝙰𝚕𝚠𝚊𝚢𝚜 (𝚂𝚝𝚒𝚕𝚕𝚘𝚟𝚎). 𝙼𝚞𝚜𝚒𝚌𝚣…

កម្ពុជាវ៉ាដាច់អេហ្ស៊ីប និងប្រទេសជាច្រើនទៀត ក្នុងសន្ទស្សន៍លិខិតឆ្លងដែនឆ្នាំ ២០២៦

ភ្នំពេញ៖ របាយការណ៍សន្ទស្សន៍លិខិតឆ្លងដែនឆ្នាំ ២០២៦ បានបង្ហាញថា កម្ពុជាបានរំលេចខ្លួនជាគោលដៅទេសចរណ៍ដ៏ទាក់ទាញបំផុតសម្រាប់ពលរដ្ឋសហរដ្ឋអាមេរិក ដោយបានយកឈ្នះលើប្រទេសដែលមានចំណាត់ថ្នាក់ប្រហាក់ប្រហែលគ្នាដូចជា ​អេហ្ស៊ីប ហៃទី អង់ហ្គោឡា ប៊ូរុនឌី កាមេរូន ឡាវ និង​ប្រទេស​ជាច្រើន​ទៀត ដែល​ផ្តល់ជូន​អ្នកធ្វើដំណើរ​អាមេរិក​នូវ​បទពិសោធន៍​វប្បធម៌ និង​ប្រវត្តិសាស្ត្រ​ដ៏​ពិសេស។

យោងតាម Travel And Tour World ទោះបីជាចំណាត់ថ្នាក់លិខិតឆ្លងដែននៅមានកម្រិត ស្ថិតនៅលេខរៀងទី ១៦២ ក៏ដោយ ក៏ប៉ុន្តែកម្ពុជាផ្ដល់នូវបទពិសោធន៍វប្បធម៌ និងប្រវត្តិសាស្ត្រដ៏វិសេសវិសាល ផ្សារភ្ជាប់នឹងភាពងាយស្រួលនៃប្រព័ន្ធទិដ្ឋាការអេឡិចត្រូនិក (e-Visa) ដែលមានតម្លៃត្រឹមតែ ៣៦ ដុល្លារ និងមានរយៈពេលអនុម័តយ៉ាងឆាប់រហ័សបំផុត (ចន្លោះពី ២៤ ទៅ ៧២ ម៉ោង) សម្រាប់អ្នកធ្វើដំណើរមកពីបស្ចិមលោក។

ប្រភពដដែលបានរាយការណ៍ថា ភាពសម្បូរបែបនៃរមណីយដ្ឋានល្បីៗរបស់កម្ពុជា រួមមានប្រាសាទអង្គរវត្តដ៏អស្ចារ្យ រាជធានីភ្នំពេញ និងតំបន់ឆ្នេរនៅកំពត និងកែប ដែលផ្ដល់នូវសន្តិសុខល្អឥតខ្ចោះ និងតម្លៃសមរម្យបំផុត។ ភាពជោគជ័យនេះបានបញ្ជាក់ថា កម្ពុជាក្រោមម្លប់នៃសុខសន្តិភាព នៅតែជាព្រះរាជាណាចក្រអស្ចារ្យ ដែលផ្ដល់នូវគុណតម្លៃខ្ពស់លើសពីការរំពឹងទុក និងជាជម្រើសដំបូងសម្រាប់អ្នកទេសចរអន្តរជាតិដែលស្វែងរកបទពិសោធន៍ថ្មីៗ និងសុវត្ថិភាពខ្ពស់ក្នុងតំបន់អាស៊ីអាគ្នេយ៍។

ពីក្រុមការងារ៖ The Khmer Today