Madrasah Raudhatul Ulum Addiniyah

សាលារ៉ោទតុលអ៊ូលូមអាត់ទីនីយ៉ះ បានរៀបចំសកម្មភាពរាយអង្គៀសក្នុងចំណោមកូនសិស្ស សាលា ដោយមានគោលបំណងបណ្តុះស្មារតីមនុស្សធម៌ ការចែករំលែក និងការទទួលខុសត្រូវសង្គម។ សកម្មភាពនេះធ្វើឡើងដើម្បីចូលរួមចំណែកជួយគាំទ្រ និងលើកទឹកចិត្តដល់កងទ័ពជួរមុខ ដែលកំពុងបំពេញភារកិច្ចការពារសន្តិសុខ សុវត្ថិភាព និងអធិបតេយ្យភាពរបស់ជាតិ។

តាមរយៈសកម្មភាពនេះ កូនសិស្សបានរៀនពីតម្លៃនៃការសាមគ្គីភាព ការគោរពច្បាប់ និងការស្រឡាញ់ជាតិ ជាពិសេសការចូលរួមជាផ្នែកតូចមួយក្នុងការជួយដល់សង្គមជាតិទាំងមូល។ សាលាមានសេចក្តីសង្ឃឹមថា សកម្មភាពមនុស្សធម៌នេះនឹងបន្តជំរុញឲ្យកូនសិស្សក្លាយជាពលរដ្ឋល្អ មានសីលធម៌ និងមានទំនួលខុសត្រូវចំពោះសង្គម និងប្រទេសជាតិ។

សូមរីករាយទស្សនា កម្មវិធីប្រគល់ប័ណ្ណសរសើរ ដល់សិស្សឆ្នើម និងសិស្សតះហ្វីស សម្រាប់ឆ្នាំ2025

អបអរសាទរ ពិធីប្រគល់ប័ណ្ណសរសើរ សម្រាប់សិស្សឆ្នើម និងសិស្សតះហ្វីស Madrasah Raudhatul Ulum Addiniyah គាំទ្រដោយ សមាគមសប្បុរសបញ្ញវន្តអ៊ីស្លាមកម្ពុជា

គណគ្រប់គ្រងសាលា សូមថ្លែងអំណរគុណដល់ លោកគ្រូ អ្នកគ្រូ និងមាតាបិតា អាណាព្យាបាល ភ្ញៀវកិត្តិយស ដែលបានចូលរួមយ៉ាងកុះករ និងអធិកអធ័ម ដើម្បីលើកទឹកចិត និងជំរុញបុត្រធីតា ជាពិសេសប្អូនៗសិស្សានុសិស្សផ្ទាល់ ដែលបានខិតខំប្រឹងប្រែងសិក្សារៀនសូត្រ រហូតទទួលបានលទ្ធផលដ៏ល្អប្រសើរនេះ និងសូមគោរពជូនពរប្អូនៗឲ្យទទួលបានជោគជ័យបន្តទៀតនៅក្នុងការសិក្សា ។

ថ្ងៃទី30 ខែវិច្ឆិកា ឆ្នាំ2025

العلم طريق الإتقياء، وطريق الجنة