Madam Toch

#ភ្លាកំពឹស 😋😋

*គ្រឿងផ្សំ​

-កំពឹស ៥ ក្រាម
-គល់គ្រៃ ១ កូនចានតូច
-ខ្ទឹមក្រហម​ ១ កូនចានតូច
-ជីស្លឹកវែង ជីស្លឹកខ្ទឹម ជីរណា ១ កូនចានតូច
-ទឹកត្រី ១ កូនចានតូច
-អង្ករលីញ ១ កូនចានតូច
-ម្ទេសស្រស់
-ម្ទេសម៉ត់
-ក្រូចឆ្មា​ ២ផ្លែ
-ស្ករស
*របៀបធ្វើ

មុនដំបូងយើងត្រូវលាងកំពឹសឲស្អាតទុកវាឲស្រុះទឹកហើយយើង យកកូនឆ្នាំងមួយដាក់គ្រឿងចូលទៅក្នុងឆ្នាំងនោះទាំងអស់ ហើយដាក់កំពឹសចូលកូរវាឲសប់គ្រឿងល្អជាការស្រច។

ប្រភព: ផ្ទះចាស់

សម្រាប់ខែវស្សានេះធានាថាឆ្ងាញ់ តោះឃ្លានក្ដាមប្រៃទេ!
👉របៀបធ្វើ ក្តាមប្រៃ🦀🦀
-------------
#គ្រឿងផ្សំ

ក្តាមស្រែឬក្ដាមបឹង ១០ក្បាល
ទឹកត្រី
ស្ករស ១ស្លាបព្រាបាយ
ម្ទេស ៥ផ្លែ ហាន់ល្អិតៗ
ខ្ទឹមស ៣កំពឹស ហាន់ស្តើងៗ
ស្លឹកជីនាងវង
ទឹកក្រូចឆ្មា ៣ស្លាបព្រាបាយ
កែវមានគំរប

‪ #របៀបធ្វើ‬

- លាងក្តាមអោយស្អាត ៤ ទៅ ៥ទឹក រួចយកតំរៀបក្នុងកែវអោយណែន។
- ចាក់ទឹកត្រីចូលក្នុងកែវអោយលិចក្តាម រួចគ្រប់អោយជិត យកទៅដាក់ហាលថ្ងៃ ៣ម៉ោង។
- ស្រង់ក្តាម យកមកបកសំបកអោយស្អាត ហែកតូចៗល្មម រួចលាយជាមួយ ស្ករ ម្ទេស ទឹកក្រូចឆ្មា ខ្ទឹមស និងស្លឹកជីអោយសព្វ ភ្លក្សរសជាតិតាមចំនូលចិត្តជាការស្រេច៕

រក្សាសិទ្ធិដោយៈ អ្នកស្រី សុគន្ធារី

វិធីធ្វើសាច់គោឆាផ្កាខាត់ណាទឹកប្រេងខ្យង !

គ្រឿងផ្សំ៖

សាច់គោ ២០០ក្រាមហាន់ស្តើងល្មម,
ផ្កាខាត់ណាខៀវ ២០០ក្រាម,
ការ៉ុត ៣០ក្រាម,
ខ្ទឹមបារាំង ពាក់កណ្តាល,
ទឹកប្រេងខ្យង ២ស្លាបព្រាបាយ,
ទឹកស៊ីអ៊ីវ កន្លះស្លាបព្រាបាយ,
ស្ករស កន្លះស្លាបព្រាបាយ,
ប្រេងល្ង ១ស្លាបព្រាកាហ្វេ,
ខ្ទឹមសចិញ្រ្ចាំ។

វិធីធ្វើ៖

១.យកផ្កាខាត់ណា និងការ៉ុត ស្រុះទឹកក្តៅមួយសន្ទុះ រួចស្រង់ទុកមួយឡែក

២.ដាំខ្ទះដាក់ប្រេងឆាចូល ដាក់ខ្ទឹមចិញ្រ្ចាំចូលរលីងឲ្យឈ្ងុយ រួចដាក់សាច់គោចូលឆាសាច់ឲ្យឆ្អិនបន្តិច

៣.បន្ទាប់មកដាក់ផ្កាខាត់ណា ការ៉ុត និងខ្ទឹមបារាំងចូលឆាច្របល់ចូលគ្នា ៣-៤ត្រលប់ រួចដាក់ទឹកប្រេងខ្យង ទឺកស៊ីអ៊ីវ ស្ករស និងប្រេងល្ងចូលឆាច្របល់ចូលគ្នាឲ្យសព្វ ឆ្អិនហើយដួសដាក់ចានជាការស្រេច៕

#វិធីធ្វើចាយ៉ឆ្ងាញ់🌮🌮🌮
_______________
គ្រឿងផ្សំ៖
_សំបកសម្រាប់រុំចាយ៉
_សាច់ជ្រូកចិញ្រ្ចាំ ៣០០ក្រាម
_ខ្ទឹមសចិញ្រ្ចាំ ៣-៤កំពឹស
_មីសួ ១ដុំ ឬ៥០ក្រាម
_ស្លឹកខ្ទឹមហាន់ល្អិត ១០០ក្រាម
_ស៊ុត ១គ្រាប់
_អំបិល ១ចុងស្លាបព្រាកាហ្វេ
_ម្រេចម៉ត់ បន្តិច
_ស្ករស ១ស្លាបព្រាបាយ
_ទឹកត្រី ១ស្លាបព្រាបាយ
_សណ្តែកបណ្តុះ ១កូនចានចង្កឹះ
_ការ៉ុត ១ផ្លែតូចល្មម ហាន់ ឬសាប់ជាសរសៃៗ
_ ផ្សិតត្រចៀកកណ្តុរ (ដាក់បើចូលចិត្ត)

** គ្រឿងផ្សំទឹកជ្រលក់៖
_ ទឹកក្តៅ ៣ស្លាបព្រាបាយ
_ស្ករស ៥ស្លាបព្រាបាយ
_ទឹកត្រី ៥ស្លាបព្រាបាយ
_ទឹកក្រូចឆ្មារ ៤-៥ស្លាបព្រាបាយ
_ខ្ទឹមសចិញ្រ្ចាំ
_ម្ទេសហាន់

**វិធីធ្វើ៖
១ / យកមីសួដាក់ត្រាំទឹកចោលប្រហែល ១៥-២០នាទី រួចស្រង់ចេញយកមកកាត់ខ្លីៗល្មម។
២ / យកសាច់ចិញ្រ្ចាំលាយជាមួយ ខ្ទឹមសចិញ្រ្ចាំ មីសួ សណ្តែកបណ្តុះ ការ៉ុត ស្លឹកខ្ទឹម អំបិល ស្ករស ទឹកត្រី និងម្រេច គោះស៊ុតដាក់ចូល ច្របល់ចូលគ្នាឲ្យសព្វល្អ។
៣ / បន្ទាប់មកយកសំបកដាក់លាបទឹកតិចៗឲ្យសព្វ (ដើម្បីឲ្យទន់ស្រួលរុំ) រួចដួសស្នូលដែលលាយគ្រឿងហើយដាក់ចូលរុំវា ហើយយកទៅបំពងឲ្យឆ្អិនក្រៀមល្មមតាមចំណូលចិត្ត។
៤ / ធ្វើទឹកជ្រលក់ លាយគ្រឿងផ្សំទឹកជ្រលក់ទាំងអស់ចូលគ្នា ទឹកក្តៅ ស្ករស ទឹកត្រី និងទឹកក្រូចឆ្មារកូរចូលគ្នាឲ្យសព្វ រួចដាក់ខ្ទឹមចិញ្រ្ចាំ និងម្ទេសហាន់ចូលជាការស្រេច អាចដាក់បន្ថែមជាមួយសណ្តែក និងការ៉ុត៕

#វិធីធ្វើឆ្អឹងជំនីបំពងកាពិ
គ្រឿងផ្សំ៖
- ឆ្អឹងជំនីជ្រូក ( កាត់ជាដុំល្មម )
- កាពិ
- គ្រឿងបុក ( គល់ស្លឹកគ្រៃ រមៀត រំដេង ខ្ទឹមស ស្លឹកក្រូចសើច )
- ម្ទេសក្រៀម យកទៅត្រាំទឹក រួចចញ្ច្រាំអោយម៉ត់
- ស្ករត្នោត ទឹកត្រី ម្សៅស៊ុប អំបិល
- ស្លឹកក្រូចសើច កុំហាន់ ( ទុកជាសន្លឹក )
វិធីធ្វើ៖
- យកឆ្អឹងជំនី មកប្រលាក់ជាមួយម្សៅស៊ុបបន្តិច រួចយកទៅបំពងអោយឆ្អឹន នឹង ឡើងក្រហម ហើយដួសទុកមួយអន្លើរ
- ដាក់ខ្លាញ់ចូលក្នុងខ្ទះទុកអោយក្ដៅ រួចដាក់ខ្ទឹមសចិញ្ច្រាំចូលបំពងអោយឈ្ងុយបន្តិច ហើយដាក់ម្ទេសចិញ្ច្រាំ កាពិ
និង គ្រឿងបុកចូល កូរអោយរលាយចូលគ្នាអស់ បន្ទាប់មកដាក់ ស្ករត្នោត ទឹកត្រី ម្សៅស៊ុប អំបិល និងទឹកបន្តិច រំងាស់អោយឈ្ងុយ រួចភ្លក់មើលអោយល្មម តាមការចូលចិត្ត
- បន្ទាប់មកដាក់ឆ្អឹងជ្រូក ដែលបំពងហើយចូល កូរអោយសព្វចូលជាតិជាមួយគ្រឿង ទុកមួយសន្ទុះ ទើបដាក់ស្លឹកក្រូចសើចចូល ដើម្បីបន្ថែមអោយមានក្លិនឈ្ងុយ រួចជាការស្រេច ។
*** ដាក់កាពិតែបន្តិចបានហើយ

#មាន់រលីងគល់ស្លឹកគ្រៃ 🍗

#គ្រឿងផ្សំ៖
- សាច់មាន់ ហាន់ជាដុំតូចៗល្មម
- ប្រហុកចិញ្រ្ចាំ
- គល់ស្លឹកគ្រៃ ហាន់ស្ដើងៗជាបន្ទះ
- ស្លឹកក្រូចសើច រំដេង ខ្ទឹមស ខ្ទឹមក្រហម និង ម្ទេសស្រស់ ( ហាន់ជាបន្ទះ )
- ប្រេងឆា ស្ករត្នោត ទឹកត្រី ម្សៅស៊ុប និង ទឹកប្រេងខ្ចង
- ស្លឹកម្រះព្រៅ

#វិធីធ្វើ៖
- សាច់មាន់យកទៅ បំពងអោយឆ្អិន រួចដួសទុកមួយអន្លើរ
- គល់ស្លឹកគ្រៃ យកទៅបំពងអោយរៀងក្រៀមបន្តិច រួចដួសទុកមួយអន្លើរ ។
- ស្លឹកក្រូចសើច រំដេង ខ្ទឹមស ខ្ទឹមក្រហម ម្ទេស យកមកបំពង អោយឈ្ងុយ រួចហើយដួសទុកមួយអន្លើរ ។
- ដាក់ខ្ទះទុកអោយក្ដៅ ចាក់ប្រេងឆាចូល បន្ទាប់មកយកសាច់មាន់ដែលបំពងហើយដាក់ចូល រួចដាក់ប្រហុក ស្ករត្នោត ម្សៅស៊ុប ទឹកត្រី ទឹកប្រេងខ្ចង និង ទឹកបន្តិច កូរអោយចូលជាតិ រួចហើយភ្លក់មើលអោយល្មម ( រស់ជាតិ ប្រៃ ផ្អែម ) ទុកមួយសន្ទុះ អោយរាងដាច់ទឹកបន្តិច ហើយយកគ្រឿងដែលយើងបំពងទុកទាំងអស់ មកដាក់ហើយកូរអោយសព្វ ឡើងឈ្ងុយហើយ ដាក់ស្លឹកម្រះព្រៅចូល រួចជាការស្រេច ។