យុវជននិងគោលដៅទេសចរណ៍ Youth and Tourism Destinations

👉កោះស្ដេច
ស្ថិតនៅភូមិកោះស្ដេច ឃុំកោះស្ដេច ស្រុកគិរីសាគរ ខេត្ដកោះកុង។
👉កោះស្ដេច គឺជាកោះធម្មជាតិមួយដែលមានឆ្នេរខ្សាច់សស្អាត និងទេសភាពស្រស់ស្អាតសម្រាប់លម្ហែកាយ ព្រោះមានកោះជាច្រើននៅជុំវិញ និងព្រៃធម្មជាតិ។ មួយវិញទៀតភ្ញៀវទេសចរក៏អាចទស្សនាថ្ងៃរៀបលិចដ៏ស្រស់ស្អាតបានផងដែរ។
👉ទស្សនាពីជីវភាពរស់នៅរបស់អ្នកភូមិនៅលើកោះ មុជទឹកសមុទ្រមើលផ្កាថ្ម និងប្រព័ន្ធជីវចម្រុះនៅបាតសមុទ្រ ជិះទូកទស្សនាកោះនានានៅក្បែរកោះ ទស្សនាថ្ងៃរៀបលិចដ៏ស្រស់ស្អាត សម្រាកលំហែកាយព្រមទាំងស្រូបយកខ្យល់អាកាសបរិសុទ្ធ។
👉ជាពិសេសនោះគឺថា ភ្ញៀវទេសចរអាចទៅលេងកំសាន្តនៅទីនោះបានគ្រប់រដូវកាល។
****

អ្វីជារមណីដ្ឋានទេសចរណ៍?
រមណីដ្ឋានទេសចរណ៍ សំដៅដល់ទីតាំង ដែលមានភាពទាក់ទាញទេសចរណ៍ដូចជា វប្បធម៌ ប្រវត្តិសាស្រ្ត ធម្មជាតិ ឆ្នេរសមុទ្រ ឬដែលរៀបចំ កែច្នៃឡើងហើយត្រូវបានអនុញ្ញាតឱ្យរៀបចំសម្រាប់ធ្វើអាជីវកម្ម បម្រើឱ្យការសម្រាកលំហែរនិងកម្សាន្ត តាមគោលបំណងទេសចរណ៍ស្របច្បាប់។
ដែលក្នុងនោះរមណីដ្ឋានមានលក្ខណៈពិសេស និងបែងចែកដូចខាងក្រោម៖
• រមណីដ្ឋានទេសចរណ៍វប្បធម៌ប្រវត្តិសាស្រ្ត
- សារៈសំខាន់នៃវប្បធម៌ដើមនិងធនធានប្រវត្តិសាស្រ្ត
- រក្សាភាពដើម បូរណភាពរបស់រមណីដ្ឋាន
- កំណត់បុរាណវត្ថុដែលមាននៅសល់ តម្លៃមនុស្សជាតិ ការរស់នៅទំនៀមទំលាប់ ការប្រើប្រាស់ដីធ្លី ការរស់នៅបែបប្រពៃណី
• រមណីដ្ឋានទេសចរណ៍កែច្នៃ
- ការកែច្នៃទៅតាមសក្តានុពលធម្មជាតិ
- រក្សាបុរាណវត្ថុដែលនៅសល់ តម្លៃមនុស្សជាតិ ការរស់នៅទំនៀមទំលាប់ការរស់នៅបែបប្រពៃណី
- កំណត់ប្លង់មេក្នុងការអភិវឌ្ឍន៍សេវាកម្មកម្សាន្ត
• រមណីដ្ឋានទេសចរណ៍កែច្នៃ
- សារៈសំខាន់នៃប្រព័ន្ធអេកូឡូស៊ីនិងលំនៅដ្ឋានធម្មជាតិ
- បរិស្ថានដែលមិនត្រូវបានបំផ្លាញដូចជាតំបន់ដីសើម ឬតំបន់ឆ្នេរ
- លក្ខណៈពិសេសនិងភាពកម្រមានផ្សេងៗនៅក្នុងរមណីយដ្ឋាន
• រមណីដ្ឋានទេសចរណ៍វប្បធម៌ធម្មជាតិ
- សារៈសំខាន់នៃវប្បធម៌ដើម និងធនធានប្រវត្តិសាស្រ្ត
- រក្សាភាពដើម បូរណភាពរបស់រមណីដ្ឋាន
- កំណត់បុរាណវត្ថុដែលនៅសល់ តម្លៃមនុស្សជាតិ ការរស់នៅ ទំនៀមទំលាប់ ការប្រើប្រាស់ដីធ្លា ការរស់នៅបែបប្រពៃណី
- ធម្មជាតិដែលអាចទាក់ទាញភ្ញៀវទេសចរ
- សារៈសំខាន់នៃប្រព័ន្ធជីវៈចម្រុះនិងលំនៅដ្ឋានធម្មជាតិ
- បរិស្ថានដែលមិនត្រូវបានបំពេញដូចជា តំបន់ដីសើម ទីរហោឋាន ឬតំបន់ឆ្នេរ
• រមណីដ្ឋានកសិទេសចរណ៍
- ទេសភាពវាលស្រែ ប្រឡាយទឹកដែលអាចទាក់ទាញភ្ញៀវទេសចរ
- ធនធានជីវៈចម្រុះក្នុងវាលស្រែនិងការរស់នៅបែបធម្មជាតិនិងប្រពៃណី
- ជាតំបន់ដែលមិនសូវមានលំនៅឋាន
- ជាវប្បធម៌សុច្ចរិតនៃការរស់នៅរបស់សហគមន៍ក្នុងតំបន់
• អេកូទេសចរណ៍
- ធម្មជាតិដែលអាចទាក់ទាញភ្ញៀវទេសចរ
- ធនធានចម្រុះនិងការរស់នៅបែបធម្មជាតិនិងប្រពៃណី
- បរិស្ថានដែលមិនត្រូវបានបំផ្លាញឬបរិស្ថានដែលបង្ហាញពីវឌ្ឍរបស់ធម្មជាតិ(តំបន់សើម ទីរហោឋាន តំបន់ឆ្នេរ សមុទ្រ កោះ ទន្លេ ទឹកធ្លាក់ ព្រៃភ្នំ...)
- ជាតំបន់ដែលមិនសូវមានលំនៅឋាន
- វប្បធម៌សុច្ចរិតនៃការរស់នៅរបស់សហគមន៍ក្នុងតំបន់
- ភាពដើមនៃធនធានវប្បធម៌និងធម្មជាតិមានក្នុងរមណីដ្ឋាន(អេកូទេសចរណ៍នឹងមានស្តង់ដារដោយឡែកមួយ)

គោលគំនិតនៃការរៀបចំអេកូឡូដ(Eco lodge)សម្រាប់វិស័យទេសចរណ៍
វិស័យទេសចរណ៍ ត្រូវបានរាជរដ្ឋាភិបាលកម្ពុជាចាត់ទុកជាមាសបៃតង និងជាការនាំចេញនៅនឹងកន្លែង។ វិស័យនេះចូលរួមអភិវឌ្ឍសេដ្ឋកិច្ច និងសង្គមតាមរយៈការបង្កើតប្រាក់ចំណូលជូនជាតិ បង្កើតការងារ ជំរុញការវិនិយោគ និងចូលរួមកាត់បន្ថយភាពក្រីក្ររបស់ប្រជាពលរដ្ឋ។ លើសពីនេះទៀត ទេសចរណ៍ក៏បានចូលរួមចំណែកលើកកម្ពស់ថែរក្សា និងអភិរក្សសម្បត្តិវប្បធម៌ និងធម្មជាតិរបស់ប្រទេស ចូលរួមកាត់បន្ថយការកើនឡើងនៃកំដៅភពផែនដី និងជាកាតាលីករមួយដ៏សំខាន់ក្នុងការជំរុញសាកលភាវូបនីយកម្ម និងសមាហរណកម្មតំបន់ផងដែរ។
បើយើងក្រឡេកមកមើលពីតម្រូវការនាពេលបច្ចុប្បន្ននេះសម្រាប់ ភ្ញៀវទេសចរបានងាយមកធ្វើការកម្សាន្តបែបអេកូទេសចរណ៍ ជាជាងការទស្សនាក្នុងទីក្រុង។ ចំណែកអេកូឡូដ គឺជាសេវាកម្មស្នាក់នៅដែលទទួលការពេញនិយមពីសំណាក់ភ្ញៀវទេសចរក្នុងការបំពេញតម្រូវការរបស់ពួកគេក្នុងដំណើរកម្សាន្ត។ តើអេកូឡូដជាអ្វី?
អេកូឡូដ គឺជាប្រភេទផ្ទះសំណាក់ ឬក៍សណ្ឋាគារតូច ដែលរួមបញ្ជូលនូវមូលដ្ឋាន នៃស្ថាបត្យកម្ម វប្បធម៌ និង លក្ខណៈធម្មជាតិ ជំរុញការអភិរក្សបរិស្ថាន និង ផលិតផលក្នុងតំបន់ រួមជាមួយអត្ថប្រយោជន៍សេដ្ឋកិច្ច សម្រាប់សហគមន៍មូលដ្ឋាន។
ធាតុផ្សំនៃអេកូឡូដរួមមាន៖ ការរចនាតុបតែង ,សម្ភារៈប្រើប្រាស់,ម្ចាស់អេកូឡូដ និងសុវត្ថិភាពខាងក្នុង និងខាងក្រៅអេកូឡូដ...។
គោលគំនិតក្នុងការរៀបចំអេកូឡូដ ត្រូវផ្អែកលើទិដ្ឋភាពបរិស្ថានរូបសាស្រ្តមួយចំនួនដូចខាងក្រោម៖
• សណ្ឋានដី
o ប្រព័ន្ធធារាសាស្រ្ត
o រុក្ខជាតិ
o ពពួកសត្វ
o ការការពារភ្លើងឆេះព្រៃ
o ស្ថានភាពភូមិសាស្រ្ត
• ថាមពល
o ការរចនាតាមគោលការណ៍ធម្មជាតិ
o ឧបករណ៍និងបរិក្ខារអគ្គិសនី
o ថាមពលកកើតឡើងវិញ
• រចនាតាមគោលការណ៍ធម្មជាតិ
o ទិសនៃអគារ
o សភាពពន្លឺព្រះអាទិត្យចូលដល់ទីតាំង
o មុខខ្យល់ (ទិសដៅ ល្បឿន ចរន្ត និងរយៈពេល)
o ទិន្នន័យសំខាន់ៗក្នុងមូលដ្ឋានស្តីពីអាកាសធាតុ
o ឥទ្ធិពលនៃរុក្ខជាតិ
• ឧបករណ៍និងបរិក្ខារអគ្គិសនី
o ប្រើប្រាស់ចំនួនអំពូលបំភ្លឺតិចបំផុតដោយប្រើប្រាស់ពន្លឺធម្មជាតិ
o ប្រើប្រាស់ឧបករណ៍និងសម្ភារៈលម្អដែលមានពណ៌ភ្លឺស្រាល
o ប្រើប្រាស់ភ្លើងបំភ្លឺខាងក្រៅដើរដោយថាមពលពន្លឺព្រះអាទិត្យ
• ថាមពលកកើតឡើងវិញ
o ប្រភពមកពីធម្មជាតិដូចជា៖ ព្រះអាទិត្យ ខ្យល់ និងលំហូរទឹក
o ប្រភពថាមពលធម្មជាតិដែលសមស្របនឹងធាតុអាកាសតំបន់
• សម្ភារៈសាងសង់
o រៀបចំសំណង់អគារដើម្បីកាត់បន្ថយការប្រើប្រាស់បរិមាណសម្ភារៈ
o រៀបចំសំណង់អគារដោយប្រើទម្រង់ធរណីមាត្រសាមញ្ញ
o ប្រើប្រាស់សម្ភារៈមានក្នុងមូលដ្ឋាន និងប្រើប្រាស់សម្ភារៈបែបធម្មជាតិ (ថ្ម ឈើ និង ដីឥដ្ឋ)
• ការប្រើប្រាស់ទឹក
o រៀបចំដាំដើមឈើធ្វើសួន និងជ្រើសរើសប្រភេទរុក្ខជាតិដើម
o ត្រូវគិតគូរពីការប្រើប្រាស់បង្គន់មិនប្រើទឹក
o លទ្ធភាពនៃការធ្វើប្រព្រឹត្តកម្ម និងប្រើប្រាស់សំណល់រាវឡើងវិញ
• សំណល់
o សំណល់សរីរាង្គ
o សំណល់មិនមែនសរីរាង្គ